حكي الصبايا بالجامعة مع الشباب

[هدهد أوربا]

صبية ورفيئها بالجامعة بحكوا حكي عادي طبعاً وبديش احكيلكم الشب انسطل من الكدب قصدي من احكي الى كاعدي بتحكيه , بس وحياتكم الموضوع كاتبو للضحك مش للزعل , الله يستر

..........................


الصبية: مرحبا كيف حالك؟
الشب: مراحب حياتي ..كيف حالك انتي يارب كويسي عيوني ؟

الصبيه: الحمد لله..شو فيه جديد؟
الشب: مفيش اشي..ولا اشي!

الصبية:وربي زهكاني..شو هاي الحياة مليش نفس اعمل اشي(هي بتكون قاتلة نص الليل كلو بس تفكر شو تلبس للصبح من تروح للجامعة).
الشب:حتى انا مليش نفس اعمل اشي..هيك زهكان وتعبان..يله نروح على الكافتريا.


الشب:شو بتحبي توكلي؟
الصبية:لا لا ..بحبش اوكل عشان عاملة روجيم (بكون وزنها 90 كغم ولابسه حزام مخبيه كرشها )

الشب:ما بصير عيني !!
الصبية:طيب عشانك بس بدي عصير !!


الشب: اوكي ..........تفضلي حياتي
الصبية:شكراً..زاكي هادا العصير وبابا دايما بجيبلنا منو (عم تدلع قدامو )
الشب:الف عافية عيني الاتنين.



ترن ترن..دق بلفون الصبية

الصبية:الو..هلو ماما كيف حالك حبيبتي..مامي حبيبتي لا تروحي لمطعم فتوش ..استنيني بس ارجع (هي بتكون بتعرفش وين مطعم فتوش اصلاً ).
الشب:روحي حياتي غيري جو شوي.

الصبية:احنا كل يوم تنين واربعاء وجمعة بنوكل بمطعم فتوش !
الشب:اها حياتي..طيب روحوا تسلوا !


الصبية:صحيح انت وين بتروح بعد الجامعة؟
الشب:والله انا بين يوم ويوم بروح على قاعة كمال الاجسام وبعدها بكعد مع اصحابي نشرب كهوة وارجيلة ونلعب العاب بتجنننن وبعدين برجع عالدار واكعد واسكت او اكعد مع اصحابي براس الحارة.


الصبية:حلو بتغير جو وتشوف الناس!
الشب:انت شو بتعملي بيومك؟


الصبية:من برجع للدار بتحمم وبسشور شعري (هي بتكون بتتحمم كل اسبوع مرة ), وبعدها بشوف الاكل جاهز يسلموا بابي بساعد مامي على الاكل ( عشان من يتجوزها الشب تحكيلوا ساعدني مهوي بابي كان يساعد مامي ).
الشب:اها !


الصبية: شكرا على العصير لازم اروح بابي اجا بسيارتو موديل 2011 وبخاف عليها وبحبش يوقفها قدام الجامعة (بتكون سيارة ابوها موديل 1956) .
الشب: يارتني اصير عجلة بالسيارة تاعتو كان حملك قلبي قبل روحي !

الصبية:تيب دير بالك على حالك.. يله باي !
الشب:بايات

[nisou]

هههههههههههههه حلوه

[هدهد أوربا]

ههههههه

نورتي ربي يحفظك خيتا

[انس 1988]

صح كلامك مزبوط ......99.9 %من ابنات بمعلو هيك ....والله مني دداري ليش ...ما افي احلى انو الواحد يكون عحقيقتوه

[عاشقة أرض جنين]

هههههههه اللي كاتبو بضحك

بس طبعا هادا الكلام على فئة معينة من البنات وما بتوقع يا أنس انو نسبة البنات((99,9 ))لأنوا زي م فيه بنات قليلات

حيا في بالمقابل بنات كتير مؤدبااااااااااااات

أما بالنسبة لحكي الصبية مع الشب برأيي ما في أي مبرر للبنت المؤدبة انها تحكي مع شب

[هدهد أوربا]

المشاركة الأصلية كتبت بواسطة انس 1988 صح كلامك مزبوط ......99.9 %من ابنات بمعلو هيك ....والله مني دداري ليش ...ما افي احلى انو الواحد يكون عحقيقتوه

ههههههههههههههههه

مش كلهن يا زلمي..لا تورطناش وتلم علينا 77 لسان اسا

[هدهد أوربا]

المشاركة الأصلية كتبت بواسطة عاشقة أرض جنين هههههههه اللي كاتبو بضحك

بس طبعا هادا الكلام على فئة معينة من البنات وما بتوقع يا أنس انو نسبة البنات((99,9 ))لأنوا زي م فيه بنات قليلات

حيا في بالمقابل بنات كتير مؤدبااااااااااااات

أما بالنسبة لحكي الصبية مع الشب برأيي ما في أي مبرر للبنت المؤدبة انها تحكي مع شب

الله يستر..اه فيه ..كلامك مزبوط عاشقة

[انس 1988]

بس برضو مو شرط انو البنت التي تحكي مع شب تكون قليلة حيا ..هي بيتكون اذا البنت راكضة ورا الشب ...وبتصير كثيررر ..ههه اسالو مجرب .ههههه..............بس مرات الشب عنجد بعجب ببنت مؤدببة وبكون قصدو شريف مية المية وبغار عليها مثل اختو ..
وبعدين كان قصدي انو نسبة كثيرة من البنات بس بهامو للمظاهر واهتمامتهن فاضية ...بس الشعر والمكياج والموضة ..وما في اشي غلط .كل بنت لازم تدير بالها عحالها وتكون حلوة بس تتستر .
والمصيبة انو بهالزمن صار اغلب الشباب مثثل البنات ...ههه بس دايرين ورا اشكالهو والجل والواكس ولا صار في تنظيف بشرة كمان ..يعني الواحد بطل يميز الشب عن البنت .

[aummoody]

هههههههههههههههههههه
بس هاد الكلام صار موضة قديمة ومكشوف للبنات وللشباب اياهم في كلام جديد (انتكة جديدة) لانو صار الكلام عن شو بتاكل شو بتعمل سو حبربش (يعني مو كلاس ) بس في دلع من نوع جديد (حركات كذبية )

[هدهد أوربا]

المشاركة الأصلية كتبت بواسطة انس 1988 بس برضو مو شرط انو البنت التي تحكي مع شب تكون قليلة حيا ..هي بيتكون اذا البنت راكضة ورا الشب ...وبتصير كثيررر ..ههه اسالو مجرب .ههههه..............بس مرات الشب عنجد بعجب ببنت مؤدببة وبكون قصدو شريف مية المية وبغار عليها مثل اختو ..
وبعدين كان قصدي انو نسبة كثيرة من البنات بس بهامو للمظاهر واهتمامتهن فاضية ...بس الشعر والمكياج والموضة ..وما في اشي غلط .كل بنت لازم تدير بالها عحالها وتكون حلوة بس تتستر .
والمصيبة انو بهالزمن صار اغلب الشباب مثثل البنات ...ههه بس دايرين ورا اشكالهو والجل والواكس ولا صار في تنظيف بشرة كمان ..يعني الواحد بطل يميز الشب عن البنت .

هههههههههههههههههه

رايك حلو كتير انس

بس حتى لو غار عليها بقصدو الشريف راح تقول عنو اهبل

مهوي الزمن ملخبط خيا..الصادق صار خائن والخائن صار صادق

وتعال شوف الحبل وبخلصش

ههههههههههههههههه

يا سيدي بتهون ما بتظل هيك وهدولة الشباب يلي زي الصبايا او الصبايا

يلي زي الشباب تكرم بدهم زي ما عمل هتلر ..جمعهم وحرقهم بالافران

وعساهم كانوا ابناء انبياء طالما هيك همي بستحقوش الحياة.

تحيتي الك كتير يا بطل.