شباب فلسطين

فارس الوطن · 02-07-2011, 08:56 PM

مواقف حقيقية يرويها أشخاص ..حدثت معهم هذه المواقف في الشارع المصري خلال اخر اسبوعين ..

النهارده، واحد صاحبى اتصل بيا قالى الحق يا علي ميدان التحرير مقفول بدبابات، قولتله ايوه يابنى ده من

اسبوع، قالى هوا فى وزير هيعدى يعنى ولا ايه .. مواقف حقيقية يرويها أشخاص ..حدثت معهم هذه المواقف في

مره، من 4 ايام بالضبط، كنت واقف فى اللجان الشعبيه بنحمى المنطقه و لقينا واحد بيصفر فا طلعنا كلنا نجرى، لقينا حراميه راكبين عربيات مطافى و عمالين يلعبو بيها كراش (crash)، ده يخبط ده و العربيات تعطل فا ينزلوا يركبوا عربيات تانيه و يخبطو بعض تانى..

مره، الجمعه الى فاتت خارج من الصلاه و عايز الحق المظاهره بقى، لقيت واحد صاحبى روحت اسلم عليه راح واحد جى مسلم علينا و قاعد يكلمنا على اللى بيحصل فى البلد و عطلنا بتاع نص ساعه، و بعد ما خلص و مشى بقول لصاحبى صاحبك ده رغاى اوى و لسه هنمشى كل ده عشان نلحق الناس، راح قايلى انا معرفوش اصلا

مره، واقف في اللجان الشعبيه, مسكنا اتنين ماشين سكرانين طينه و ماشين من غير بطايق و معاهم سكاكين، فبقول لواحد منهم افتح بوقك ياض في موس، قالي لا في لب، سألته انتا منين ياض؟ قالي انا من عزبه النخل، قولتله منين من عزبه النخل؟ بص لصاحبه و قاله احنا منين في عزبه النخل

مره، من كام يوم كنت واقف في جسر السويس و كان في دبابه واقفه هناك، لقيت واحده ست عجوزة أوي جايه بتقلي سمعت آخر خبر يا ابني؟ قلتلها لأ يا حجه خير في ايه، قالتلي خلاص الريس هايمشي و هيمسك مكانه أحمد شوبير

يجماعة قطعوا هنا علينا في السويس كل طرق الاتصال مش باقي غير النت وزمنهم هيقطعوا كمان يريت تنشروا الخبر ده بسرعة..

النهارده، و انا ماشي بالعربية وقفت في لجنة من اللجان الشعبية فواحد قالي هات رخصك اديته الرخصة بص فيها كده لقي مكتوب وزارة الداخلية، قالي ايه انت ظابط قولتله لا دي وزارة الداخلية هيا اللى بتطلع الرخصة، فضلت ساعه اقوله و الله ما ظابط و هوا يقولي لا انت ظابط و مكتوب وزارة الداخلية اهو، لحد ما جيه واحد وقالي امشي وانا هفهمه ..

النهارده، كنت ماشى فى الشارع و فجأه شوفت واحد شبه حسنى مبارك ماشى ادام المطعم، فا جريت عليه و اعدت انده يا حسنننى، قربت منه و مسكت كتفه و قولتله حسننننننى، قالى حسنى؟ انا عمك حماده فى الدور التانى ياض يا بندق

مره، كنا واقفين فى اللجنة الشعبيه انا و اصحابى و بنشرب حشيش، عدى بوكس علينا راح صاحبى وقفه و قاله رخصك و البطاقة و نزل العسكرى فتشه تفتيش زاتى

مره، كنت واقف فى الشارع على الطريق فى اللجنه الشعبيه و بعدين احنا قافلين الطريق رايح جاى علشان كل العربيات الى تعدى تتفتش المهم فى عيال صغيره كتير اوى واقفين معانا و ماسكين طوب و عصيان و احنا معانا شوم و طبنجات و سيوف و المنظر مرعب يعنى المهم جت عربيه صغيره اوى موقفتش عند الحاجز الى احنا حاطينه و اول ما شافنا واقفين جرى بسرعه و بقى عامل زى المجنون يمين و شمال و راح داخل فى شارع جانبى و العيال الصغيره طلعت تجرى وراه بالطوب فكرنا معاه سلاح او حاجه علشان كده مرضيش يقف اتاريه كان فاكرنا بلطجيه