انت حبيبي .. انا حبيبتك

[ابن الانتفاضة]

لطالما سمعت هذه الكلمات من اشخاص احببتهم واحبوني ( هكذا اخبروني ) لطالما تعطي حبك لطرف قد لا يستحقه ولا يقدر قلبك الحنون ، يا هل ترى اصبحت الخيانة وجهة نظر !!!؟
نعم احببتها وبكل صدق ، ولكنني للاسف اتلقى صدمة تلو اخرى ومرة تلو اختها تأتيني مفاجات غريبة ، ففلان يقول لها تقبلي حبي واحترامي وعلان يغازلها بكلمات لطيفة ، وفي اخر اسطر قصيدته الشعرية ينثر كلمة لا تستحق مكانها بين انيابه وانيابها المستترة بستار الاخوة فالتوقيع يكون ( تقبلي احترامي وحبي اختي الغالية ) اي اخت تلك التي تغازلها ، اريد ان اسالهم بالله عليكم سؤالا واريد جوابا صريحا ، من منكم يغازل اخته ؟؟ من منكم ينثر قصائده الشعرية لاخته ؟؟ انا متاكد بان لا احد منكم هكذا ولن يكون .
لماذا من تعتبره صديقك ، يختلي ويتسلل دوما لملاحقة فتاة احلامك وحبيبتك ؟؟ لماذا هذا كله ، هل يا ترى باتت الخيانة جزء من كيان بني البشر ام هي صفة ملصقة باولئك الذين لا دين لهم ولا ضمير ، لماذا ينثرون قصائدهم في نساء غيرهم ، لماذا يسيل لعابهم على بسمة حبيبتك ؟؟ لماذا هم اصدقاء .؟؟ ولماذا يدنسون كل معنى للاخوة بكلام تافه حقير ، ويوقعون تحت وفي اخر الصفحة " اخوكي فلان " لعن الله اخوكي واختك ان كانت هكذا الاخوة .
ولكني لا اظن بان هناك تفسير غير تفسير واحد اعرفه ، بان الحقارة والنذالة باتت وجهة نظر يتمتع بها الجبناء والحقراء الذين لا هم لهم سوى افراغ غريزتهم الحيوانية في انياب شرف الاخرين .
افلا لعنه الله عليهم .

ملاحظة ... ما كتبته لا يعبر عني ولكنه يعبر عن كثير من القصص التي نسمعها ونراها كل يوم .

[رولينا]

اخي ابن النتفاضة الخيانة اصبحت جزء في هذه الحياة وجزء من قلوب الناس والصدمات اصبحت جزء لا يتجزأ من هذه الحياة ولكن الخيانة اللي تتحدث عنها هي خيانه جعلتني انصدم من نفسي واخاف عليها
هل معقول اننا عندما نقابل اشخاصا ونعتبرهم اخواتنا يستغلوننا باسم الاخوه (شيء****************)
لعنة الله على كل من يستغل الاشخاص بهذه الطريقة
لا اعرف ماذا اقول غير انو لازم ما ننصدم من هيك بشر لأنو نحنا اتعودنا ع هيك بشر
بس جد معقول في هيك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هدول ناس بدهم حرق مو اكتر
وعقابهم عند ربنا عظيم
استغفر الله العظيم
استغفر الله العظيم

[ابن الانتفاضة]

في اكتر من هيك
بس هي مش هيك هي بتصير انو بيحكو مع بعض على اساس اخوة او مش اساس اخوة يعني قال كيف بدو يقدر واحد يحكي لوحده او العكس طبعا كلام حب وغزل ، يعني من الباب للطاقة ما بزبط ، فعشان هيك بيدخلو الاخوة بالموضوع .
ويللا عيشو ياللي من هالنوع

[عاشقة الليل]

كلامك صحيح ابن الانتفاضة
وهاد الشي كتير بصير
يعني طريقة دنيئة ليوصل الواحد لهدفو
وبعدين الصداقة اخي صارت شي نادر يعني كل واحد بركض ورى مصلحتو
وما بتهمو مشاعر الغير ..
يعني صرنا ف وقت الواحد بركض ورى مصلحتو و ورى غريزتو متناسي كل الحوالي
ومشاعرهم

بس شو بدنا نعمل هيك الدنيا

يسلمو عالموضوع روووووووعة

[رولينا]

صحيح كلامك عاشقة كل واحد صار بهالدنيا يجري ورا مصلحتو
حتى الواحد صار يخاف يكون صداقات بسهولة متل زمان
وكمان شوي رح نعيش منعزلين ازا استمر هيك الوضع
بس شو نعمل مجبورين نعيش في هيك زمن

[عاشقة الليل]

والله معك حق
لانو الثقة صارت معدومة
اذا الاخ ممكن يخون اخو
يعني الناس بطلو يحطو اي اعتبار للقرابة حتى
وبالوقت هاد الله يرحم الصداقة والوفا
لانهم صار ماضي مات

[رولينا]

صحيح والله
بس بدعي ربنا انو يبعدنا عن هيك ناس
ويحمينا

[ابن الانتفاضة]

عاشقة وعبير اولا مشكورين عالمرور
بس للاسف هاي الامور صارت عادية
والكل بياخدها ستار وقح لدس دهائه وانانيته