رقم غريب

[Zaid]

No Num


ارقام غريبه او بدون رقم
؟؟؟؟

ما بحكي طلاسم

قصدي اتصالات او مسجات فيها اسمك وموجه الك شخصيا
بتجي من ارقام غريبه ولما تتصل عليها بقلك انو هالرقم مب موجود اصلا
او بريحك من الأتصال وبجيك اتصال او مسج من غير رقم (no numder)
ناهيكم عن الأرقام الغريبه الي بتتصل ولما بتتصل ما بترد

كم مره صارت معك هاي القصه ?
وكيف تصرفت ؟
ولو ما صار معك شو ممكن تتصرف ?
وشو تتوقعو السبب لهيك حركه ؟


وسلامتكم

[وردة حمــاس]

كتير برن ع تلفوني أرقآم مش معروف أصلها من وين
من 8 ارقآم أو 7 أرقآم أو أربع أصفآر أو أصفآر كتير أو no number أو أرقآم كتيرة من كل وادي عصا
لدرجة صرت بدي أغير رقمي
مبآرح إجآني إتصآلين من رقمين مختلفين ببلشو ب +886
و انآ مآ برد .. مآ بحب أرد عَ أرقآم غريبة حتى لو من البلد
لإني مرة رديت و توبت .. طلع عم يتسلى
أكيد السبب تفآهة الجيل يلي طآلع و فآضي و مآ ورآ شي
بيهتم ب سفآسف الأمور الحب و التعرف
الله يهديهن يآ رب :)
سلمتْْ يدآكْ أخي زيد على الموضوعْْ الحلو
دمتََ بكلّّ خيرْْ

[shereey]

السلام عليكم
اولا يعطيك العافيه أخي زايد..

صارت معي بس بنسبه طبيعيه الحمدلله يعني مش لدرجه كبيرة وملفته للنظر.
لما يرن عليه رقم غريب بتعامل وكأنو ما شفت الرقم ، بالاول كنت أعطيه لاخي يرد وبتعرفو الشباب طبعهم حامي، فقررت ما خلي هالشي المزعج يعمل مشكله اصلا فما برد ولا براجع اخي ف بيمل المتصل وما بيرجع ، لكن لحتى ما حدا رن اكتر من2 يعني مرة او2 بعدين خلص بس مرة واحد زودها فاعطيتو لاخي اول ما سمع صوت شب ما عاد اتصل.
بالنسبه للمسجات والله ولا كانو وصلني مسج بالعكس بقرأو وبفرح ع حالي وصلني مسج ههههههه ، يعني ولا بهتملو
وبجد مرتين وصلني مسجات من ارقام غريبه انا ما سألت وهما كمان :)
بجد انا بشوف التجاهل هو الحد ، لكن احيانا ما بينفع التجاهل لما يكون المتصل غلسسسسس.ف الحل اني اعطيه لاخي الاكبر مش اني انا احلها بنفسي.
وتحياتي الكم
:)

[رماد الحب]

مشكور زيد

[PaLeSt!Ne SouL]

السلام عليكم

كتير بتصير سواء ارقام للبلد او ارقام كلها أصفار

بيقولوا انه المخابرات الصهيونية بتتصل ..!

بالأول كنت ارد و كزا مرة يكون المتصل بدو بتسلى و معه كرت زيادة

و بعدين صرت اخلي اخي يرد و احيانا بطنش

و لو رن كتير بسكر الجوال و بريح راسي

و هو بيزهق و بيدور ع رقم غيري

يعطيكي العافية زيد

[بسمة صفا]

يسلموا على الموضوع
بتسير معى بس بطنش

[Mzajye ~]

امممم

صراحة لو اتصل رقم غريب فضولي بدبحني و لازم ارد

انو ما بقدر

و الاغلب بيطلع صاحب الرقم غلطان

بس ولا مرة صارت انو علق و ضل يتصل

او انو طلع حدا قليل زوء =)

اما قصة No Number

مرة صارت و كانت صاحبتي عم تجرب علي شغلة هيهيهي

بشكل عام نادر كتير لتصير الشغلة هاي معي

يسلمو زيد ع الموضوع

[اسيرة حب فلسطين]

صارت معي كتيييييييييييييييييييييير
كنت زمان أرد بس هلأ حرمت لأنه صار معي مواقف كتيرة
مرة رديت على واحد بشبه صوت أخوي وطلع مو أخوي كان بدو يتسلى ومرة خليت صاحبيتي ترد علي وحكالها إذا ما بتحكي اسمك راح أجيب اسمك بالكامل ووين ساكنة يا الله شو خفت يومها
ومرة رن علي رقم ع الساعة 1 بالليل رديت علي وصار يحكيلي أنا عزرائيل جاي أخذ روحك الليلة قومي صلي واقرأي قرآن
أما هلأ ما برد على أي رقم غريب ولا No Number
وأكيد هدول شباب فاضية وحابة تتسلى
واللي بدها تتخلص من أي واحد بزعجها كتير تقولو بترضاها على اختك تتعرف ع شباب وان شاء الله ما راح يرجع يرن أنا جربتها بس كان في شباب قليلين أدب كانو يحكولي ما عندي خوات
أسفة على الاطالة

شكرا خيو زيد

[ابن الخليل]

يعني بتصير احيانا

ممكن تكون معاكسات سواء من بنت

بتدور على شاب تحكي معو او شاب بدور عبنت يحكي معها

من هالتفه السااقطين

ممكن تكون مكالمات خارجية حسب ما سمعت وخاصة

من جنوب افريقيا و فيه ناس بدهم يعملو الك سحر

صار معي شخصيا و الله ستر

وممكن واحد ملخبط بالرقم

يالله قديش عملتها مع ناس

وسلامتك اخي زيد

والله اشتقنا الك

:)

[ابن الخليل]

بس اضافة عشان اخواتي اللي في الموضوع نصيحتي لا تردوا نهائيا وقطعيا

على اي ارقام غريبة لانهم بجد ناس ما عندهم شرف اللي بعملوا هاي الحركات