ليلة العمر

[حسام المصرى]

ليلة أى شاب أو بنت بتحلم بيها .. وبتتخيل ازاى هتكون وهى لابسة الفستان الأبيض ..

ومعاها عريسها برده بيتخيل مين اللى هتكون شريكة حياته ...


ليلة العمر ..

هل يعجبكم هذا المسمى فى البداية ؟؟


ليلة العمر ..

تلاقى الشاب بيقولك أنا هعمل فرحى فى فندق ومش عارف هجيب مين ومين من المطربين ...

والبنت بتكون نفسها ييجى اليوم ده .. وتلاقى كل همها أنها ترقص مع عريسها slow .. تقليد للغرب يعنى ..

ييجى شاب ويقول لحماه .. والله يا عمى انا عايز اعمل كتب الكتاب فى الجامع وعايز الفرح يبقى اسلامى ..


يا نهار أبيض بقى .. ممكن تلاقى أم العروسة تقول بقى الليلة بتاعة بنتى واللى نفسها تكون بتغنى وترقص مع عريسها فيها .. تعد فى مكان والناس فى مكان .. ده يبقى عريس وعروسة ازاى ...

وميوافقوش ..

بس حتى لو كان الفرح اسلامى والله التجاوزات كتير وكلمة اسلامى من وجهة نظرى لا تنطبق عليه بشكل كبير ..

طب معندك بيشتغل برده أغانى فى الفرح او أناشيد فيها موسيقى ... كمان تلاقى سعات بعض الرجالة داخلين مثلا مكان الحريم .. يقدملهم حاجة ساقعه تورته .. واحد داخل يشوف خطيبته مثل اأو مراته ..

وبتبقى برده هيصة ..

من وجهة نظركم ايه رأيكم فى الأفراح الاسلامية ... ونفسكم يكون فرحكم اسلامى ولا لأ ؟؟

ولو كان الفرح عادى .. يعنى أناشيد إسلامية برده أو حتى أغانى هادية وجميلة والعروسين مش لازم يرقصوا يعنى جامد .. يدوب بس يمسك ايديها وخلاص ..

وايه الضوابط اللى تحبوها تكون على الفرح لو مكنش اسلامى من العريس والعروسة والمعازيم .. ؟؟

موضوع يستحق النقاش ..
عقبال كل العزاب ..