صوص أزعر ..

[الطالب المجتهد]

مره واحد عندو مزرعه مربي فيها حيوانات، بس كان في عندو صوص ازعر مجننو!! كل ما يروح عليه يلاقيه بضرب الصيصان! فقامت ولعت معو و مسك الصوص وحطو عند الجاجات و سكر عليه! لما اجا تاني يوم لقى كل الجاجات منتف ريشهم والصوص متربع بالنص!! فراح مسكو و رماه مع الأفاعي والحيايا وقلو اشوف شو بدك تعمل! ولما رجع تاني يوم لقى كل الحيايا مربطين ببعض وماسك حيه عمينكش فيها سنانه!! فولعت معو وراح أخد الصوص على الصحرا! ورماه هناك وحكالو لشوف شو بدك تعمل!!!
وبالليل وهوه بدو ينام صار ضميره يأنبو ويحكي حرام الصوص هلأ بكون ميت من الجوع والعطش!! فقرر انو يطلعلو من الصبح يلحقو قبل لا يموت!! ولما راح على الصحرا لقى الصوص مرمي عل الأرض كلو غبره وماكل هوا !! فركض عليه وحملو وقلو: يا صوص سامحني لا تمووت!!!
اجا الصوص قلو: يا زلمه ينعن أهلك.. خربت الكمين اللي عاملو للصقور!!