شباب فلسطين

لالا-فلسطين 48 · 08-19-2010, 10:12 AM

مرحبا؟!

كيفكو وكيفو رمضان معكو؟!

المهم وبدون مقدمات..

قبل اسبوعين علق الجهاز عندي ولما كنت اشغلو ما كان يجي اشي بالشاشة..

بعتو عند ابو الحواسيب اللي بصلح عندو دايما، حكالي انو بدو تغيير ذاكرة..

قلنا ماشي بس اهم اشي تحافظلي على ملفاتي اللي بال D:// وكمان اللي على سطح المكتب..

طيب، بعد 3 ايام جبت الجهاز من عندو ومعاه ديسك بحكي انو فيها الملفات اللي طلبتهن انو يحافظلي عليهن...

فتحت الديسك، لقيتو عامل حفظ بس للملفات اللي على سطح المكتب والستندات والمفضلة، ومش حافظلي اللي بالـ D://، المحل اللي انا كل وظايفي وابحاثي: الماضي والحاضر والمستقبل، تعب 3 سنين رايح :(

والابلى من هيك انو كمان رايحات ملفات السمنريونات (الحلقات الدراسية)، اللي كنت رح اكمل شغل عليهن واسلمهن بِـ 10.09 ..

لما حيت مع اللي اشتغلي على حاسوبي، حكالي جيبي الجهاز وفي مجال يرجعن، صرلو الجهاز 3 ايام عندو بحاول يرجع فيهن زعالفاضي..

لما اجا الجهاز عالدار نزلت البرنامج اللي بسترد الملفات بعد ما ينعمل للجهاز فورمات واللي اسمو: Recuva، متل ما صار فيي قبل سنة لما صرت انط واعيط بعد ما انعمل للجهاز فورمات ورحن ملفاتي، بس اتلبرنامج العجيب هادا غدر يرجعلي ملفاتي قبل سنة..

بس هالمرة لما نزلتو وشغلتو بالجهاز برجعلي ملفات مش لالي من مرة..>> الله العليم انو فنيّ الحواسيب (اللي بصلح حواسيب)، بدلي الذاكرة تبعت حاسوبي بذاكرة لحاسوب تاني مش لالي..!!!

مع انو لما استفسرت عن هالشغلة نفى الاشي.. وقال يمكن انتقلن من حاسوبو الشخصي لحاسوبي وهو يحاول يسترجعلي ملفاتي!

* * * * *

المهم،

يلي بفهموا بهالشغلات،

أولا: شو تفسيركو لهالشغلة: انو البرنامج اللي بسترد الملفات يسترجعلي ملفات تانية مش لالي؟!

تانيا: لسا في مجال يرجعنلي ملفاتي، ازا مش اللي بشتغل عليهن حاليا على الاقل لبعدين حتى ولو بعد فترة يرجعلي تعب 3 سنين؟! طمنوني وحياتكو!!!!!!

تالتا: كانت تصير معكو هيك حالات تخسروا فيها ملفاتكو المتعوب عليها؟ وشو كنتو تعملوا بهالحالات، تنطوا وتعيطوا متلي والا متعودين؟!

على فكرة،

انا لهسا بعدي مش عاملة ولا اي ردة فعل مجنونة متل ما صرت انط واعيط قبل سنة مع انو قبل سنة ملفاتي رجعولي وهالمرة شكلو فش امل يرجعن :(

الله مصبرني لهسا بالزات انو لقيت عندي في اليو اس بي (الفلاش)، ملفات اولية للسمنريونات اللي بشتغل عليها والمفروض اسلمها ب 10.09، فلذلك حمدت ربي انو اشي بضلو اهون واحسن من ولا اشي :)

غير هيك، مضغوطة عالاخر والوضع لا يحتمل ولا اي ردة فعل مجنونة، بالعكس المطلوب هو الاجتهاد باقصى حد بهالفترة العصيبة...!!!

ويمكن اللي بواسيني شوي انو انا خلصت تعليم، يعني يمكن حاليا ما احتجش لكل هديك الملفات، غير ملفات السمنريونات اللي لازم اسلمهن... بس مع كل هاد الواحد بعز تعبو وشقى عمرو عليه اكيييييييييد!

وهاد الحاسوب، مش كان يستنى بس اسلم سمنريوناتي واخلص تعليييم من مررة وبعدين يعمل اللي بدو ياه، ان شاء الله بشنق حالو...!!!!

جد فش عندو زوق :(

* * * * *

وانتو،

يللا شدولي الهمة ازا في امل اني استعيد امجادي السالفة، واللي اكيد رح توفر جهد مش بسيط علي حاليا!

تحياتي وتشكراتي سلفا..
لالا-فلسطين 48.

.: بو جاسم :. · 08-19-2010, 11:20 AM

العذر اختي ... ماعندي خبره ... وان شاء الله رب العالمين يسخر لك من يساعدك ...

توكلي على الله ... وان شاء الله خير باذن الله

دمع المطر · 08-19-2010, 11:23 AM

انا والله ما بعرف بهدا المجال كتير
ان شا الله يجي مين يفهم ويساعدك
موفقة يا رب

الفتاة المشرقة · 08-19-2010, 12:28 PM

وقعتي بورطه والله

انا ما بفهم كتير بهالشغلات .. بس ما بمنع كلامك يكون صحيح انو بدل الذاكره

ع كلا عزيز النفس بعرف بهالشغلات ان شاء الله بيجي وبيساعدك

: )

حسام المصرى · 08-19-2010, 12:40 PM

بصى هو أكيد فعلا بدل الهارد بواحد أقدم مثلا .. مدام ملفات تانية غير بتعتك جتلك ..

الحل انك تروحى تجيبى الهادر بتاعك وتستخدمى البنرامج ده .. مع أنه مش هيرجع كل حاجة بالظبط فيه حجات هتقع منه ..

وما تشيلى هم ..

وتأكدى دائما ان كل شئ يحدث لحكمة لا يعلمها الا الله ..

ونصيحتى لكى دائما احتفظى بنسخة من أشيائك الهامة على فلاشة أو هارد تانى .. أو ممكن ترفعيهم على النت وتسجلى روابط تبعهم عندك ..

أنا بعمل كده

لالا-فلسطين 48 · 08-19-2010, 01:10 PM

المشاركة الأصلية كتبت بواسطة حسام المصرى بصى هو أكيد فعلا بدل الهارد بواحد أقدم مثلا .. مدام ملفات تانية غير بتعتك جتلك ..

الحل انك تروحى تجيبى الهادر بتاعك وتستخدمى البنرامج ده .. مع أنه مش هيرجع كل حاجة بالظبط فيه حجات هتقع منه ..

وما تشيلى هم ..

وتأكدى دائما ان كل شئ يحدث لحكمة لا يعلمها الا الله ..

ونصيحتى لكى دائما احتفظى بنسخة من أشيائك الهامة على فلاشة أو هارد تانى .. أو ممكن ترفعيهم على النت وتسجلى روابط تبعهم عندك ..

أنا بعمل كده

حسام المصري،

بتعرف، ردك ريحني شوي، لانو كتير نرات بتصير معي مشاكل وبصير احكي يمكن لحكمة معينة وبالاخر بالفعل بكتشف انو بالرغم من كل السلبيات اللي سببتها بس كان الها افضلية مميزة، بتغطي عكل سلبياتها...

بس القصة هون غير متعلقة بوظايف السمنريونات اللي رح اسلمها بس، القضية متعلقة بتعب 3 سنين تعليم ودراسة للقب الاول.. بس كمان بغدر اطلع بايجابية للموضوع، انها اجت اخر السنة يعني بعد ما خلصت دراسة وباقي بس الحلقات الدراسية :)

اما بالنسبة للي صار،

قبل شوي اتصلت للزلمي اللي بصلح وكنت مليانة عليه ومش رح اهدى غير لما افش خلقي فيو،

بس حكالي انو اخوه اللي اشتغلي على جهازي والتفاصيل شو عمل بالزبط هو بعرفش عنها،

بس اعترف انو صدر غلط منهم انو محفظوش ملفاتي اللي بالقرص المحلي (D://)، وحكالي انو حرث الجهاز (يعني اشتغل عليه قوي 3 ايام) ليرجعهن بس فقد الامل من رجوعهن نهائي ولو ابعتهن لاكبر شركة باسرائيل كلها لاسترجاع الملفات :(

وكمان لو استخدمت البرنامج اللي حكيت عنو يمكن سهل عليه يرجع الافلام والاغاني وهاي الاشياء بس بكون صعب عليه يرجع ملفات الـ word & power point ولو رجعهن الا ما تفوتو اشياء متل ما انت حكيت انت!!!!!!

اما اللي صار انو هو بدلي الـ R.A.M ومش الـ hard disk..

وشغلة الملفات اللي مش لالي وبتطلعي يمكن تكون وهو يسترجع ملفات ناس تانيين ببقى ببدل الهارد ديسك تبعهم على جهاز تاني، فيمكن انو كان يحفظ ملفات من اجهزة هدول الناس!!!

اما نصيحتك فهي بمحلها، بس بدها ناس اللي تسمعها وتنفذها واهم اشي تتعلم من اغلاطها...

كان لازم لو باي محل تاني ايميل او فلاش احفظلي نسخة،

بس كمان الله ستر انو النسخ الاولية طلعت حافظتهن على الفلاش،

بس كمان قصة الفلاش مش مضمونة لاني صرت حارقة 5 فلاشات وبعيد الشر عن فلاشي الحالي، الله يحماه ويديمو يا رب، اول فلاش بثبت معي سنة (لا احسده)...

ورح ابقى اسئلك عن قصة الرفع على النت، بس لما افضى شوي..

* * * * *

حسام بجد شكرا، الله يوفقك يا رب...

وازا لسا في عندك حلول او امل للاسترجاع، فلا تبخل علينا ولو بعد حين :)

تحياتي..
لالا-فلسطين 48.

Maram .. ~ · 08-19-2010, 02:53 PM

يي الله يعينك :s

انا حصلت معي نفس المشكلة و بس وديتو عند عمي ليصلحوا رجع من غير كـــل الصور و الأنآشيــد ., حآولت أرجعهم بس مآ عرفــت فنسيت الموضوع :/

بس انتي للأسف الي ضآعوا شغلآت مهمة مش بس صور و أناشيد :/

ما عندي علم والله .,

قدّر الله و مآ شـآء فعل :)

ان شآلله حدآ بسآعدكـ ..

حسام المصرى · 08-19-2010, 05:40 PM

بصراحة يا لا لا .. الحل صعب .. جدا ..

ربنتا يعوضك بقى ..
وبالنسبة لحكاية الرفع لو عايزة تحتفظى بحجتك ارفعيهم على سيرفر رابيد شير .. بس لو أحجامهم كبيرة جزأيهم الى مجموعة من الملفات المضغوطة .. وارفعيهم كلهم ..

بالنسبة للفلاشة لا متجبيش الفلاشات العادية دى بتبوظ لوحدها هاتى external hard مش غالى وفى نفس الوقت ملهوش مشاكل خالص ..

حسام المصرى · 08-19-2010, 05:46 PM

رجعى الرام بتاعتك الأصليه ..

واستخدمى البرنامج ده

http://hotfile.com/dl/54682389/d5942...table.zip.html
Or
http://www.fileserve.com/file/UvAZrJ...0.Portable.zip

عـــــبدالله .. ~ · 08-19-2010, 05:58 PM

^^ نفس ماكنت حعمل

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء