بدي حل :@ ..

[[ Islam ]]

السلام عليكم ..

كيفكم صبآيا ؟!

اليوم جاية ومعصبة كتير

بدي حل جذري للاشي الغبي الي بطلع بالوجه .. اعتقد اسمه " حب شباب "



مجلوطة كتير منه .. كل فترة بتطلع حبة او 3 في وجهي بتعملي اكتئاب

جربت اليوم وصفة " قرفة ولمون " .. بس ما بعرف شو صار بوجهي بعدها

انحرق .. صار لونه احمر .. مش عارفة بالزبط

فبدي حل لإله وإلا بنتحر

الحل يكون حاجات طبيعية ومجربة >>

[أمل]

استني ولي اشربي هالعصير و بعدين بنحكي



بعجالة راح جاوبك

اممم حب الشباب ما الو علاج نهائي و هو بيكثر مع الحالة النفسية

يعني كل ما تقعدي تطلعي فيه او تلمسيه بأصابعك إلا و بيزيد إنتشار

فأول شي لازم تتأقلمي معو كانو مش موجود

انا أختي كانت بتعاني منو لفترة طويلة

فكانت بتستعمل خلطات طبيعية و مع المدة راح

هي كانت بتستعمل :

كمية من الحمص المجفف و بدقو حتى يصير مثل الدقيق و بتخلطو بالمي و بتحطو ع وجها

فلما بينشف بتشطفو بالمي

مع المدة بينشف الحبوب و بيختفي كمان(:

فيه خلطة تانية الي هي:

4غرام ترمس مطحون
4 غرام فووول مطحون
2 غرام عدس مطحون

و بتخلطيهم بالمي وبتحطيهم ع وجهك لحد ما ينشف و تشطفيه بالمي

.
.

هاي هي الوصفات الي مجربتها أختي

و هي بتنظف البشرة كمان و بتبيضها

بس أهم شي يا سمسمة هو الحالة النفسية

يعني طول ماإنتِ بطلعي فيه و مجلوطة منو بيكثر اكثر و اكثر

و سلامتك حبابة

[أمل]

جربت اليوم وصفة " قرفة ولمون " .. بس ما بعرف شو صار بوجهي بعدها

انحرق .. صار لونه احمر .. مش عارفة بالزبط

هلأ مو لازم تستعملي أي شي حتى يبرد وجهك

دبة

[عاشقة فلسطين..]

هيك كنت رح احكيلها
مشكوووووووورة امووولة
بالعوافي اسلامو..

[بسملة]

ســلآمتهــا الحـــلوهـ ..~

[إسراء الفلسطينية]

ما اطيبك يا إسلام

.

.

من فترة قصيرة .. قرأت عن درآسة " دنماركية "

بتقول انو حب الشباب الو علاقة بالحالة النفسية

وخصوصا وقت ما تكوني مضغوطة ( stress )

يعني أمل معها حق 100% :)

هاد بأثّر كتير ع الوجه ..

وكمان لازم تنتبهي ع أكلك ..

يعني ما تكتري من الشكولاتة والتشيبس والخ :)

.

.

بس هيك يا قمر

ان شاء الله اكون فدتك شوي ..

[نور الهدى]

الله يكون في عونك ..

انا بفهمش بهاي الشغلات .. اسفة

بس اظن ننوش ممكن تساعدك .. عندها خبرة بهاي القصص لانه

^^

[~][وحيدة القمر][~]

في كتير اشياء بتأثر على الوجه

منها ما قالته أمولي .. الحالة النفسية

منها إذا كانت البشرة دهنية

منها إذا كان في غلط بـ الهورمونات .. هون بيصير بدك دكتور لفحص الهرمونات

منها الإكتام ..

هيدي الأسباب .. بقولها عشان اذا عندك احدها فحل كل وحدة منهم بختلف عن التانية

سلامة وجهك يا بطة =)@_@

[نور الهدى]

يعني ما تكتري من الشكولاتة

هلأ انتبهت !!

شو اعمل بحالي انا ؟؟

من السكريات و الحلويات ما بحب غير الشكولاتة !!

و مش اي شوكولاته كمان :s

معقولة ممكن تأثر ؟

[PaLeSt!Ne SouL]

السلام عليكم اسلام

هلا هو بيظهر بوقت معين و لا كيف؟؟

ممكن يكون بس من الحر و الشوب

حب حرارة بتكون بشرتك حساسة مش حب شباب

و يمكن ظهوره بفترة الدورة الشهرية

و هاد شي عادي بيصير للاغلب

لكن لو كان بيطلع باستمرار الافضل تستعملي صابون مطهر
actemid


و ما تلعبي فيه لانه رح يترك آثار ع الوجه
و شوي شوي بيروح بس بدك تطولي بالك ^^