المصلين فى المساجد .. معقول

[حسام المصرى]

موضوع يثير دهشتى .. ينتشر بصورة رهيبة ويكاد يكون فى معظم المساجد ..

ترى فى صلاة الجمعة من ينام والخطبة قائمة ...

ترى النساء يتكلمن بأصوات عالية جدا .. مما يؤدى الى عدم تركيز الخطيب ..

بعد انتهاء الصلاة وكان الحكم اطلق الصافرة .. يجرى المصلين مسرعين بسرعة البرق يتزاحمون على الأحذية .. وكانهم وأستغفر الله لم يكونوا فى صلاة بل كل همهم هو انتهاء الصلاة بسرعة ..

تجد أيضا بعض الفتيات يذهبن الى الصلاة بحجاب غريب جدا اللى يميزه بس ان على الراس طرحة .. وملكش دعوة بالباقى ..


هقولكم كام موقف كده حصلوا وبجد الواحد مكنش مصدق ..

كنت بصلى فى السويس فكانوا جايبين شيخ فاضل من جامعة الأزهر .. الشيخ قعد ساعة تقريبا وكل شوية يقول هنختصر بس عشان ضيق الوقت ..

راح راجل عجوز راحله لحد المنبر وقاله يا عم كفاية بقى حرام عليك .. راعى الناس بأسلوب غريب جدا ..

برده وأنا فى الصلاة الامام طول فى الدعاء أوى .. واحد جنبى أول ما الامام قال وآخر دعوانا ان الحمد لله رب العالمين ..

قال أخييييييييييييييرا .. ونفخ .. أستغفر الله العظيم ضحكنى من غير مقصد ...


تفتكروا الظواهر دى انتشرت بسبب ايه .. وليه سلوك بعض المصلين وصل للدرجة دى ..

وايه رأيكم فى صلاة النساء فى المساجد ...

وازى هنقدر نحل حكاية الاندفاع الرهيب للخروج من المسجد بعض الصلاة وتحسين سلوك المصلين ..


أسئلة تحتاج الى اجابة ؟؟