شباب فلسطين

أم الوليد · 12-26-2009, 04:13 PM

يسعد مساااااااااكو...

...شو يعني بنظركو:

منتدى اسلامي!!!

البعض بعني انو مافي رسايل خاصة!!

والبعض بعني...انو ممنوع تبادل الايميلات!!!

وفي ناس رايها انو ...مواضيع الحب ممنوعة لهيك هو منتدى اسلامي!!!

كل حد الو وجهة نظر ياريت يتفضل هون يخبرنا ياها يسعد مساااااااااكو... ...شو يعني بنظركو: منتدى اسلامي!!! البعض بعني انو

نور الهدى · 12-26-2009, 04:34 PM

اهلين بملك ^^

شايفتك هاليومين عاملة اكشن بالمنتدى

بالنسبة للموضوع .. المنتدى الاسلامي من وجهة نظري منتدى رسالته الاساسية هي خدمة الدين و افادة رواده ضمن اطار شرعي و اخلاقي

المميزات اللي حكيتي عنها مثل منع الرسائل او منع مواضيع لا فائدة لها سوى تأجيج المشاعر -المحرمة اصلا- تعتبر مجرد رتوش للطابع الاسلامي ..

ولو انه مش شرط تمنع الرسائل .. لكن في حالة خُشي الضرر فمنعها افضل

و في نظري هلأ هذا المنتدى يسير نحو الطابع الاسلامي .. لانه قبل ما كان هيك ابدا .. و قبل ما اسجل كان شيء مختلف كمان

كانت الدنيا سايبة ^^

//

موضوع جميل ملك ^^

سلامي

قسامي غزة · 12-26-2009, 05:57 PM

انا راح احكي الك
بما انوا الموضوع موجه لقسامي غزة بالدرجة الاولي

بالنسبة للرسائل الخاصة

أنا كنت موجود بالمنتدي ايام ما كان في رسائل خاصة وبصراحة ما كان الها لازمة لانوا كتير كانت تصلني وتصل غيري رسائل لتبادل الايميلات وانا اكتر من رسالة وصلتني من بنات
طيب ليش احنا نقعد بوحدة وتنتين التواصل بكون من خلال المواضيع
واكتر من عضو عمل نفسه بنت وصار يبعت الهم رسائل ويوخد ايميلاتهم
وبعض البنات الله يسامحهم ما بحلي الهم يحطوا صورهم غير علي المسنجر وصارت قصص كتير
يعني لما محمود منع الرسائل ما منعهم من فراغ اكيد كان بشوف بلاوي بتصير
هوا مش معنوا انوا اسلامي ينمنعوا الرسائل انا بعرف منتديات اسلامية اكتر من منتدانا
وموجود فيها رسائل خاصة بس انا مع انوا يكون ممنوع الرسائل الخاصة
وكتير قصص صارت يا ملك مش قصص بس بلاوي يعني هيك اريح

وبالنسبة للموضوع الي اغلقته انا اليوم بتاع الحب
هاتي الي سؤال واحد مهم وممكن نستفيد منوا
كلوا عن الحب والحبيب
وهاد المواضيع ممنوعة في منتدانا
هاد كل القصة
ان شاء الله تكون فكرتي وصلتك

أم الوليد · 12-26-2009, 06:03 PM

نور الهدى..اه والله شكلي عاملة فوضى وشغب هاليومين شفتي!!

نهاد.لالالالالالالالالالالالالالالا لالالالالالا والله ابدا مش انت السبب ومش اصدي انت...بتعرف ملك جريئة جدا...ولو بدي احكيلك بحكي مباشرة قسامي فوت هون وبوجه السؤال الك مباشرة اظن صرتو تعرفو انو هاي طبيعتي ...سالت لانو قرات باكتر من مشاركة بموضوع لنرتقي بمنتدانا مع حد بحكي انو اسلامي وبابيض اسود...فحبيت اشوف مفهوم اسلامي عند غيري شو هو!!!

هاد الاصد وبس...بعدين مع احترامي الكو...عمرو ماكن المنتدى بتحدد هويتو اذا اسلامي او لا بالرسايل وبس دليل عهيك (ملتقى الشفاء الاسلامي) عسمعتو الطيبة وجمهورو الكبير...اسلامي 100%100 بكل معنى الكلمة بمفهومي...وفيو رسايل خاصة...واختياري كمان...وكمان (ملتقى الرباط الاسلامي)

مممممممم...حج نهاد...ابدا مش انت المقصود...طول بالك علي..

(مش عارفة شو جابها ببالك انو انت)!!!

وحقك علي....له له له ...ييييييييي عليكي ياملك...

PaLeSt!Ne SouL · 12-26-2009, 09:05 PM

السلام عليكم و رحمة الله و بركاته

أول شي الرسائل فعلا ما بتحدد كون المنتدى إسلامي لكنها الأفضل لو كانت ممنوعة
و ولا شي وحده بيحدد كون المنتدى إسلامي

يعني رسائل خاصة ممنوعة + تحديد لمضمون المواضيع اللي بتنزل و اهدافها + طريقة رد الأعضاء على مشاركات بعض بدون كلمات هيك او هيك

ما في أقسام مخصصة لأغاني و لا أفلام و لا ....إلخ

ممنوع الصور المخالفة لديننا سواء توقيع او رمزية أو ضمن موضوع

ما بتلاقي هون أخبار " الفنانين" و هيك شغلات

ما بعرف هاد اللي خطر ببالي

تسلمي ملك ع الموضوع

§عاشقة غزة§ · 12-26-2009, 09:09 PM

ردا على الاخ قسامي غزة..
بخصوص الرسائل الخاصة هي ضرورية الصراحة
راح احكي ليش
اولا بيكون من خلالها تواصل بين الاداريين والاعضاء
فيما يخص المنتدى
طبعا بيكون في رقابة ع الرسائل الخاصة واي حد يتعدى حدودةه يتم حظره..
وكمان في شغلة ..
ان الله يحب الستر..
وان الله حيي ستير
اذن ااذا صار في مشكلة او اي شي تعالج بين العضو والادارة
عبر الرسائل الخاصة ما نكون مضطرين ننشرها ع صفحات المنتدى
تفاديا للاحراج
او جرح احاسيس العضو على الملأ..
طبعا الادارة ممكن تخلق الرسائل الخاصة بين الاعضاء
لكن يضل المجال مفتوح بينها وبينهم
اتمنى تكون فكرتي وصلت..
أما اذا حكينا عن منتدى اسلامي بالفعل
فهذا يعني ان المنتدى بدو يكون
يا للاناث ..يا لي الذكور..
طالما في تواصل بين الشباب والصبايا
عبر الاهداءات والمواضيع..
فيضل مختلط بس اسلامي بالمعنى الذين اعرفه لا....
شكرا اخ قسامي
ويعطيك العافية ع الموضوع أم الوليد
والله شايفاك متحمسة ها اليومين

وبدك توقعينا في بعض

بمزح طبعا

انا معجبة كثير بمواضيعك..
وارفعلك القبعة كمان
تحياتي للجميع

PaLeSt!Ne SouL · 12-26-2009, 10:08 PM

السلام عليكم

أختي عاشقة

مشكورة ع مشاركاتك بس بدي أعلق شوي مو كتير

اولا بيكون من خلالها تواصل بين الاداريين والاعضاء
فيما يخص المنتدى

بتقدري تنزلي موضوع في قسم بيني و بينك

ما بيشوف هاد القسم إلا المشرفين العوام يعني مشرفين الأقسام لأ

يعني ما بينتشر الشئ ع صفحات المنتدى

فيما يخص المنتدى
طبعا بيكون في رقابة ع الرسائل الخاصة واي حد يتعدى حدودةه يتم حظره..

هلا بالغالب لشو الرسائل الخاصة لتبادل الإيميلات
يعني بعد ما باخدوا الإيميل شو فايدة الحظر

ما نقطع الطريق من الأول و نريح راسنا

طبعا هاد مجرد رأي ^^

تحياتي للجميع

التحيات لله

تقبلي مروري

ŠaĐĐamêaħ · 12-26-2009, 10:18 PM

هلأ المفترض نستنتج مآ هية "المنتدى الإسلآمي" بـ كل يسر وسهولة لـ كوننآ مسلمين
< بس يقآل المفروض مرفوض دآئماً

بالنسبة إلي أختآهـ ممكن لو عملت منتدى إسلآمي رح يكون بـ نظري

مآ فيوو صور نسآء ..
مآ في أغآني ولآ أنآشيد ..
موآضيع الفيآعة والتحشيش والصيآعة ممنوعة ..
موآضيع الحب والغرآم والهيآم كزلك ممنوعة ..
الرسآئل الخآصة مرآقبة طبعاً d=
هذآ وأي علآقة فيهآ مآ يثير الشك رح أشطبهآ ..

إن شآء الله أكون وفقت في الإجآبة < من سيربح المليون

بوركـتِ أم الوليد

جزآكِ ربي الفردوس يآ ئمـر ^^

§عاشقة غزة§ · 12-26-2009, 10:35 PM

هلا بالغالب لشو الرسائل الخاصة لتبادل الإيميلات
يعني بعد ما باخدوا الإيميل شو فايدة الحظر

ما نقطع الطريق من الأول و نريح راسنا

طبعا هاد مجرد رأي ^^
********************
حبيبتي دمعة اسى
الضاهر ما انتبهتي لتعليقي ..
انه تغلق الرسائل الخاصة بين الاعضاء
حيث يضل التواصل بين الادارة والعضو فقط..
ومثل ما حكيتي يضل هاي مجرد رأي ..
****************************
يعني ما بينتشر الشئ ع صفحات المنتدى
طيب شو تسمي نشر موضوع حظر السيف عدي
على قسم كراكيب
من طرف عضو جديد
ما اتعدت مشاركاته 3 ؟؟؟؟....
كان ممكن يتعالج الموضوع بينه وبين الادارة ع البريد الخاص احسن..
هاي رأيي وبس
وشكرا دمعة أسى ع الرد

قسامي غزة · 12-26-2009, 11:56 PM

ههههههه
بسيطة ملك
انا افتكرت عني لانوا انا اليوم اقفلت موضوع بيحكي عن الحب
وكتبت بالرد منتدانا اسلامي وما بيجوز فيه مواضيع هيك
رحتي انتي نزلتي موضوع عن مفهوم المنتدي الاسلامي
هاد كل القصة

وردي للاخت ام الوليد وعاشقة غزة

انا بعرف كتير منتديات فيها رسائل خاصة وهية اسلامية
مثلا شبكة فلسطين للحوار هي تعتبر المعقل الاول لحركة حماس
وفيها اعضاء اكثر من 6 مليون مشارك
وموجود فيها رسائل خاصة
بس هما الهم وجهة نظر خاصة فيهم
بس هناك في اقسام عليها 13 او 14 مشرف علي قسم واحد
يعني الاعضاء الموجودين هناك اكتر من منتدانا بالاف المرات
انا حكيت الك هاد الشي حتي تفهمي قصدي انوا مش اي منتدي اسلامي ممنوعة فيه الرسائل

ردي علي اختي عاشقة غزة
صحيح كلامك انوا لازم يكون في تواصل بين الادارة والاعضاء
ومثل ما حكت دمعة اسي في موجود قسم بيني وبينك
وانتي حكيتي يكون رقابة علي هاي الرسائل
ولو افترضنا هتكون مراقية مين الي هيراقبها بس محمود ودموع الرحيل
وما شاء الله احنا بنشوفهم كل سنة مرة
يعني لو اعتمدنا عليهم بالمراقبة بدهم يضلهم طول اليوم ما يفارقوا الجهاز
ونقطة اخيرة

اذن ااذا صار في مشكلة او اي شي تعالج بين العضو والادارة
عبر الرسائل الخاصة ما نكون مضطرين ننشرها ع صفحات المنتدى
تفاديا للاحراج

ويا اختي الادارة ما بتفضح عضو بين الاعضاء
واذا صار هيك بيكون لازم يعملوا هيك حتي الكل يشوف هالشب
اقرب مثال انوا في اعضاء شباب بيدخلوا باسماء بنات
وبيصيروا يصيدوا بايميلاتهم وحدة وحدة
الي مثل هيك لازم ينفضح وينخزي
لانوا عيب عليه يعمل شي كهذا
واذا يا اختي بدك اي شي من الادارة او واجهتك اي مشكلة
قسم بيني وبينك موجود
واكيد ما حدا راح يقصر في المساعدة
وبالنهاية كلنا اعضاء قبل ما نكون مشرفيين او اداريين
صرت مثل حورية كتير برم :ShababSmile221:

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء