بنات ...شوالحل!!!!

[أم الوليد]

صباح الخير يابنات:

من عندها تجربة مع تلوين شعرها!!!

انا شعري اسود متل الفحم...وكتير حابة لونو احمر...بس مش ظابط!!!

لاصبغة نافعة...ولاحنا...ولااي وصفة..!!!!

رحت الصالون حطولي صبغة لونها أحمر ماهجوني فاتح!!!بس انو يطلع لون ابدا!!!

يادوب كم شعرة بالأطراف صار لونها كستنائي!!!

حكولي جربي الحنا مع كركديه ودم الغزال!!!جربت كمان !!!مافي فايدة!!!

ابدا مش راضي لونو يتغير!!!!

ماخلبت لون صبغة حتى البني والاشقر جربتو بتتغير كم شعرة باطرافو بتصير كستنائية وبس!!!

شوالعمل!!!

من عندها خبرة او تجربة!!!

[PaLeSt!Ne SouL]

غريبة !!

أنا مرة عملت وصفة و زبطت

اللي هي حنا مه شاى مر بتخليه يغاي كتير كتير لما يقرب لونه ع الاسود

و بتخلطيه بالحنا

و خليه فترة أطول من المطلوب

و غن شا الله بيجيب نتيجة

و يكمن لو تعديها أكتر من مرة يفتح لونه بالتدريج

[أم الوليد]

رح جرب وياااااااااااااااااااااريت يظبط عنجد بتمنى

يسلمووووووووحبيبتي
بتستخدمي نوع حنا معين!!! يعني يمنيةاو هندية اوشو!!!

[§عاشقة غزة§]

الصراحة الشعر الاسود صعب تغيير لونه او صيغه
او بمعنى اصح ما بيدي النتيجة المطلوبة..
بس كتجربة انا كنت باستعمل مفتح لون الشعر(sun in)
ما بعرف ان كان متوفر عندكم بالاسواق
بيعطي نتيجة روعة ممكن تجربيه..
وكمان اله ميزة انك ممكن تحطيه بس على بعض خصلات الشعر
وتلفيهم في الايمينيوم
بيدي انطباع انك عاملة خصلات شعر
لو اتوفرت عندي صورة راح احطهالك ام الوليد لعيونك
مشان تشوفي النتيجة
تحياتي

[أم الوليد]

ريتك تسلميلي شو مزوءة ياقمر يسلموووووووووو رح اسال عنو

[لالا-فلسطين 48]

شكلي مش رح افيدك، بس رح احكيلك شغلة!!!!

اول اشي انا بحب يكون الشعر على طبيعتو من ناحية لون ومن ناحية كل اشي!!!!!!

ومقهورة من اللون الاسود، لك مهو اليوم الكل بتمنى يكون عندو شعر اسود والصبغة الدارجة اليوم هي الاسود، فكيف ازا كان اسود طبيعي!!!!

هاد غير انو الصبغة مش صحية للشعر وبتخربو!!!!!!!!

نصيحتي لالك، خلي لون شعرك عطبيعتو!


تحياتي لالك (وللزعلانين كمان!)
لالا-فلسطين 48.

[أم الوليد]

هههههههه ياسكره انتي والله بحبك ...شكلو من اثر المنطقة متل شعر الخليجيات الله وكيلك...بس كنت حابة اغير ماظبط

[Pink Rose]

والله ما رح اقدر فيدك يا عسل ..

انا شعري اسود غامق كتير متلك ..

وحابيته هيك كتير

فما عمري جربت اغير لونه !

بس يلا رح استفيد هلأ معك من خبرات الصبايا

مشان ازا حبيت يوم غيره اكون عارفه الطريقة ..

وان شاء الله بسير لونه متل ما بدك ^^

[مآهينآز]

صبآآح النور

انا كمان شعرى اسود ..’’ وجربت بكل الطرق اللى ذكرتيها واكتر.. وما زبط للأسف !

بس انا عندى طريقة بتزبط بيه ..

لكن قبل ما احكيلك عليها ..’’ لازم انبهك لشغلة

اول شيئ تغير لون الشعر - غير صحى بالمرة -

كمان ما بيرجع نفس الدرجة ..’’ وبيتقصف باستمرار ، ويجوز يستمر على حالة التقصف مدى الحياة

فبكل الاحوال - عدم الصبغة أأمن

وبالنسبة للطريقة - كمان هى اكثر ضرر على الشعر نفسه

أوكسُجين + بودرة تفتيح

مع مُراعاة انو يكون اوكسجين 40 ده انسب للشعر الاسود

بس لو عاوزة تخففى من تأثير الطريقة السلبى //

متعمليش شعرك كله

انتِ بتحكى عوزاه احمر ..’’ الأحمر على الاسود خطير - خاصة فى الشعر -

يعنى ممكن تعملى كام خصلة بس وهيبانوا شكلهم خرافى ^^

ممم على فكرة اذا حابه تتحكمى فى خصلات شعرك بحيث انو يبقى التأثير محدود

ممكن تستخدمى مسكرة قديمة - أأمن من الفرشاة - لأنها بتأثر على كمية محدودة

ده اللى بعرفه

وبالنهاية بردوو مثل ما حكتلك لا لا فلسطين 48 الشعر الاسود أفضل شيئ ^^

[أم الوليد]

بنك روز ان شالله بنجرب سوا

ماهي ياقمر...ححاول اخصلو متل ماحكيتي..شكرا حبيبتي