{بـاب الـحـارة} أم { بـاب الـريـان}

[أمل]

بسم الله الرحمان الرحيم

و السلام عليكم و رحمة الله و بركاته

في الصحيحين عن سهل بن سعد أن رسول الله صلى الله عليه وسلم قال : " إنَّ في الجنة باباً يقال له : الرَّيَّان ، يدخل منه الصائمون يوم القيامة ، لا يدخل منه أحدٌ غيرُهم ، يقال : أين الصائمون ؟ فيقومون ، لا يدخل منه أحدٌ غيرهم ، فإذا دخلوا أُغلق فلم يدخل منه أحد " لفظ البخاري .

في رمضان تفتح أبواب الجنة كلها ، وهذا يذكِّر بالجنة وسرورها ، فتفتيح أبوابها علامة أمنها وأمارة انشراحها ومَنْ بِها ، قال الله تعالى :{جَنَّاتِ عَدْنٍ مُّفَتَّحَةً لَّهُمُ الأَبْوَابُ }[ص : 50].

هذه منن الله على الصائمين ~

ممكن تحكو شو جاب هالموضوع هون و المشرفين كمان راح يفكرو ينقلوه لقسم جنائن الايمان

لكن لا هذا مجرد مدخل لشيء في نفسي؟

اثناء تصفحي لشبكة الانترنت و زيارة العديد من المواقع وجدت ان كل الصفحات تزخم بإعلانات عن إحدى المسلسلات كما يسمونها الرمضانية..

فيا عجبا حتى رمضان زينوه بسمومهم؟؟

{بــاب الــحــارة}

هذا هو الذي يتصدر هذا العام الشاشات و الصفحات

في قرائتي لبعض التعاليق وجدت ان الاغليبة تقول أن هذا مسلسل يختلف عن غيره~

لا أدري ما وجه الاختلاف؟

فالمسلسل يبقى هو هو إلا من أراد أن يُمَنِّيَ نفسه..

المشكلة التي عاينتها؟؟

المشكلة تكمن في ان العديد يشكو ضيق الوقت و من الانشغال لأسباب كثيرة فبذلك لا يستطيع قراءة ورده اليومي او زيادة عدد ختماته لكتاب الله في هذا الشهر الذي هو شهر القرآن و ليس شهر المسلسلات ناهيك عمن يشكون الهم و الضيق؟؟

سؤالي لما كان لك الوقت في متابعة هذا المسلسل او غيره ولم يكن لك الوقت الكافي لزيادة رصيدك بالاعمال الصالحة في هذا الشهر الذي تعتق فيه الرقاب أم نحن نعيش على التمني فقط؟؟

لِمَ لَمْ تحاول التخلص من همومك و ضيقك بالالتجاء لله في كل وقت بدل التسلية على المسلسلات؟؟

ما ذكرته في اول الصفحة أن باب الريان للصائمين كما يعلم الجميع.. لكن الصيام ليس إمساك عن الطعام و الشراب و غيره؟؟

الصيام صيام جوارح قبل كل شيء..

ففي حديث لرسول الله صلى الله عليه و سلم يخبر أن أبواب الجنة رغم سعتها فسيأتي عليها يوم تزدحم فيه..

ففي صحيح مسلم عن عتبة بن غزوان رضي الله عنه أنه قال : ولقد ذُكر لنا أن ما بين مصراعين من مصاريع الجنة مسيرة أربعين سنة ، وليأتين عليها يوم وهو كظيظ من الزحام }

فعلى أي شي نتزاحم نحن؟؟؟؟

أختكم:أمل

[PaLeSt!Ne SouL]

بارك الله فيك أموولة عالموضوع المهم
بصراحة ما بتفرج عليه و لا بطيق اسمه
وهو مثله مثل غيره أقل شي مضيعة للوقت كنا بنقدر نستغله بعمل أفضل بكتير

لو قلت لشخص بدي أعطيه حلويات و يأكل منها قد ما بده لكن هذه الحلويات فيها سم حد بيقبل هيك المسلسلات
بينبسط الواحد و هو بيتفرج وبكيف و بعد المسلسل بياخد جبال سيئات

بانتظار آراء الأعضاء و خاصة اللي بيتابعوه

مشكورة أمل كتير

[قسامي غزة]

يعطيكي العافية اختي امل
بصراحة المسلسلات كلها واحد
والهدف بتاعهم واحد
انا بصراحة ما بتابع هاد المسلسل او اي مسلسل
بس حضرت اول حلقة من هاد المسلسل
كانوا الاهل بيحضروه
وفي النهاية استهبلت حالي
طيب اقرأ جزء من القران افضل من هاد المسلسل
او اروح زيارة رحم
والمشكلة بكون ماشي في الشارع بوقت عرضوا
والشوارع شبه ان تكون فاضية
وكل اصحاب المحلات فاتحين علي باب الحارة
حتي البيوت ما بلاقي بيت مش فاتح علي هاد المسلسل
ربنا يهدينا
مشكورة اختي امل

[haya-jor]

والله يا اخواني انا مو معكم بالحكي .. يعني انا الحمدلله بقرأ قران وموصله اجزاء ممتازه وبروح صلاة التراويح .. وبشووف باب الحاره ... يعني وين المشكله وشو هي الافكار الي بدهم يدسوها !!
مش كل شي الناس تحبه لازم نتعبره مضيعه للوقت ... بالعكس باب الحاره هادي السنه جدا مميز وبرمز كثير كثير للأحداث الي صارت بغزه بصوره او بأخرى ... كلامكم فيه صح انو ليش انا اضيع وقتي على التلفزيون ... اكيد هاد كلام مافيه اختلاف لأنو هاد الشهر للعباده والطاعه ومو لتضيع الوقت على الفاضي يعني اغلب الناس بتلاقيهم من مسلسل لبرنامج الخ .. لكن ساعه زمن على التلفزيون مش راح يكون مقصره بحق ديني .. وبس بالنهايه ياريت المشكله هي مشكلة باب الحاره لهوون انا بقلك الحمدلله انو الناس تتفرج عليه المشكله بباي البرامج التافهه والسخفيه والنمحطه الي بتنعرض برمضان وبوقت مقدس وعلى قنوات بشوفها الصغير قبل الكبير

تسلمي امل

[أمل]

المشاركة الأصلية كتبت بواسطة دمعة أسى بارك الله فيك أموولة عالموضوع المهم
بصراحة ما بتفرج عليه و لا بطيق اسمه
وهو مثله مثل غيره أقل شي مضيعة للوقت كنا بنقدر نستغله بعمل أفضل بكتير

لو قلت لشخص بدي أعطيه حلويات و يأكل منها قد ما بده لكن هذه الحلويات فيها سم حد بيقبل هيك المسلسلات
بينبسط الواحد و هو بيتفرج وبكيف و بعد المسلسل بياخد جبال سيئات

بانتظار آراء الأعضاء و خاصة اللي بيتابعوه

مشكورة أمل كتير

يعطيك ألف عافية أختي

و ممكن يعتبرها البعض مش مضيعة للوقت..لذلك يبقى السؤال و إ لم يكم مضيعة للوقت ماذا استفدنا منه؟؟ ما الشيء الذي سيقدمه اويحققه متباعتنا له؟؟

أنا بحكي هيك لأنو زي ما ذكرت إنو قرأت بعض التعليقات في العديدمن المحطات الي تحكي عن هذا المسلسل بوجه الخصوص أنه يختلف عن باقي المسلسلات؟؟

نسأل الله أن يهدينا سواء السبيل

بارك الله فيكي حبيبتي عالمداخلة

[Dont Ask Why]

بصراحه الموضوع كتير غريب


مو يعني لأنو الدني رمضان يعني ما تفتحو التلفزيون وبعدين باب الحاره مو مسلسل فاسد و مابوشي غلط


والي بدو يقرأ قرأن ولا يصلي


اليوم طويل ما اجت على ساعه صح


بعدين باب الحاره هاي السنه زي ماحكت haya-jor عن غزه




الله يدخلنا جميعا باب الريان

[أمل]

المشاركة الأصلية كتبت بواسطة قسامي غزة يعطيكي العافية اختي امل
بصراحة المسلسلات كلها واحد
والهدف بتاعهم واحد
انا بصراحة ما بتابع هاد المسلسل او اي مسلسل
بس حضرت اول حلقة من هاد المسلسل
كانوا الاهل بيحضروه
وفي النهاية استهبلت حالي
طيب اقرأ جزء من القران افضل من هاد المسلسل
او اروح زيارة رحم
والمشكلة بكون ماشي في الشارع بوقت عرضوا
والشوارع شبه ان تكون فاضية
وكل اصحاب المحلات فاتحين علي باب الحارة
حتي البيوت ما بلاقي بيت مش فاتح علي هاد المسلسل
ربنا يهدينا
مشكورة اختي امل

و هذاهو حال الامة ليس فقط عندكم.

لكن عنما تحاول نقاش الامر تجدهم يواجهونك بحجج واهية أو رب انهم قد أعرضو عنك..

الله يهدينا بس

جزيت خيرا ع المشاركة

[أمل]

يا هلا بالغالية

المشاركة الأصلية كتبت بواسطة haya-jor

والله يا اخواني انا مو معكم بالحكي .. يعني انا الحمدلله بقرأ قران وموصله اجزاء ممتازه وبروح صلاة التراويح .. وبشووف باب الحاره :shababsmile116: ... يعني وين المشكله وشو هي الافكار الي بدهم يدسوها !!

الله يقويكي يارب ..لكن سؤالي لماذا أهتم بهذا القدر لمتابعته؟ ما هي النتيجة التي سأجنيها من ورائه؟

رغم أنه في هذاالشهر يتوجب على المسلم ان يتحرى الوقت لكي لا يضيعه..

مش كل شي الناس تحبه لازم نتعبره مضيعه للوقت ... بالعكس باب الحاره هادي السنه جدا مميز وبرمز كثير كثير للأحداث الي صارت بغزه بصوره او بأخرى ...

طيب وين هذا التميز؟ يعني نحن الان لسنا بحاجة لباب الحارة و لا لغيره كي يعرفنا أو يرمز لنا عن أحداث غزة !!

و الي بدو يعرف عن غزة عرف من وقت الحرب و الي بدو يعرف كمان فيه وسائل ثانية غير المسلسلات!

الي بدي احكيه انا هنا ضربت مثال فقط عن باب الحارة لباقي المسلسلات سواء كانت بهذا المعنى الذي تحدتثي عنه او غيره

كلامكم فيه صح انو ليش انا اضيع وقتي على التلفزيون ... اكيد هاد كلام مافيه اختلاف لأنو هاد الشهر للعباده والطاعه ومو لتضيع الوقت على الفاضي يعني اغلب الناس بتلاقيهم من مسلسل لبرنامج الخ .. لكن ساعه زمن على التلفزيون مش راح يكون مقصره بحق ديني .. وبس بالنهايه ياريت المشكله هي مشكلة باب الحاره لهوون انا بقلك الحمدلله انو الناس تتفرج عليه المشكله بباي البرامج التافهه والسخفيه والنمحطه الي بتنعرض برمضان وبوقت مقدس وعلى قنوات بشوفها الصغير قبل الكبير

هذا طبعا شيئ لا يختلف عنه اتنان ..لكن ما اود الاشارة اليه أن الحكم الذي ينطبق على المسلسلات يشملها كافة يعني ما في شي اسمو اجتماعي و شي ديني ..و الكل طبعا عارف يعني شو بالمسلسلات ما فيه مجال نراوغ أنفسنا و نحكي انو ما فيه شي..

المسلسلات و غيرها من بعض البرامج هي مصيبة الامة و صار الشخص ما بيقدر يستغنى عنها بالايام العادية و مصيبتها أعظم في رمضان

تسلمي امل

الله يسلم عمرك حبيبتي

[أمل]

المشاركة الأصلية كتبت بواسطة Dont Ask Why




بصراحه الموضوع كتير غريب

ما غريب إلا الشطان

مو يعني لأنو الدني رمضان يعني ما تفتحو التلفزيون وبعدين باب الحاره مو مسلسل فاسد و مابوشي غلط

و مين قال لا تفتحو التلفزيون يعني إذا ما فتح ع باب الحارة أو غيرو من المسلسلات ما بيفتح

كود PHP:

الي بدو يقرأ قرأن ولا يصلي اليوم طويل ما اجت على ساعه :ShababSmile240: 


يعني لو كنت تعتبر إنو اليوم طويل كانو الناس قبل ما بيلحقو الوقت برمضان و هاد من خوفهم من خروجه ولم يحصلو على زادهم منه

يعني لما كان السلف بيستعدو لرمضان طيلة شعبان و لما يجي رمضان أهل العلم و المنابر بيتركو منابهم الي هي منارة لإعطاء العلم و يعتكفو ببيوتهم و بالمساجد على ذكر الله و تلاوة كتابه حتى لا يكونو ممن قيل فيهم {رغم أنف عبد أدرك رمضان و لم يغفر له } يعني هدول أهل العلم فما بال عامة الناس أن يفعلو؟؟

صح بعدين باب الحاره هاي السنه زي ماحكت haya-jor عن غزه

ممكن ترجع لردي على ر د هيا و تشوف شو حكيت

الله يدخلنا جميعا باب الريان

اللهم آمين قولا عملا

[اسد 22]

شكراً لك اختي على طرح الموضوع وانا في اكثر من موضوع احاول اقناع الآخرين او حتى الاقتناع بخطر الاعلام

وما يبث في رمضان

فعلى أي شي نتزاحم نحن؟؟؟؟

الحقيقة انني عندما ادخل النت يكون في مضيعة للوقت وهذه مشكلة الجميع وبنفسي صلة الرحم

اولى فالنت قلل من الحركة والتلفاز قلل من الحركة

لتنعدم صلة الرحم بسبب مسلسل فلان او منتدى علان
حقيقة بدأت افهم اكثر من قبل ولكن المشكلة

هي الادمان فعندما تقول للمدخن اترك الدخان

لن يتركه فلا بد من الاقناع فالاعلام هدفه الاساسي

تفريق وتمزيق الامة وحتى الاقارب فلا بد منا نحن استغلال النعم فاعتبر التلفاز والنت نعمة عندما نحسن استغلالها بارك الله فيكي ولا تحرمينا من جديدك

ولكن لدي سؤال كم من مرة احاول ان اناقش امي في هذا الموضوع وتقول الاهل واعيين يعرفون

ماذا يشاهدون ؟ ليس اطفال الله يهدي الجميع