نتناقش بصراحة :)

[أمواج]

سلام لكل اعضاء منتدى شباب فلسطين صبايا و شباب ,
كيفكم ؟


للصبايا- عند ارتباطك بشخص معين .. هل بيهمك اول اشي يكون فلسطيني - و اذا لاقيتي المواصفات اللي بدك ياها في شخص غير فلسطيني- ممكن تقبليه فيه ؟

وللشباب نفس السؤال- هل بيهمك تكون شريكة حياتك بالمستقبل فلسطينية - ؟ او ممكن تتعرف على فتاة غير فلسطينية و تعجبك طريقة تفكيرها و اراءها و تتقدم لها ؟؟


بتمنى تجاوبوني عالاسئلة بصراحة .....


بانتظار اجوبتكم :)

امواج :)

[haya-jor]

للصبايا- عند ارتباطك بشخص معين .. هل بيهمك اول اشي يكون فلسطيني - و اذا لاقيتي المواصفات اللي بدك ياها في شخص غير فلسطيني- ممكن تقبليه فيه ؟


اول شي كوني مش فلسطينيه ... ما بتفرق لو كان غير فلسطيني ( يعني جنسيتين بفضلهم يكون اردني او فلسطيني ) بس لو الله كاتب اخد واحد من بلد تانيه عادي يعني مش سبب لحتى حكم على انسان من خلالو

[sweet soul]

للصبايا- عند ارتباطك بشخص معين .. هل بيهمك اول اشي يكون فلسطيني - و
مممممممم

يعني احسن يكون فلسطيني لانو بتصور حفهمو اكتر


اذا لاقيتي المواصفات اللي بدك ياها في شخص غير فلسطيني- ممكن تقبليه فيه ؟


مممممممممم

بس ييجي وئتها بفكر ^^


يسلمو ياعسل

:)

[نور الهدى]

خلقه و دينه ..

ما سمعت من قبل حديث بيحكي فيه انه الجنسية معيار اختيار الشريك المناسب .. :/

[ameera]

للصبايا- عند ارتباطك بشخص معين .. هل بيهمك اول اشي يكون فلسطيني - و اذا لاقيتي المواصفات اللي بدك ياها في شخص غير فلسطيني- ممكن تقبليه فيه ؟

لأ // ..

أكيـد الأهم انو يكون فلسطيني ..

شخص غير فلسطيني أكيد لأ بفضل يكون ابن بلدي .. أولى في ^^

[Twin]

لا طبعا غير ابن بلادي ما بقبل .. ولو حتى كان كل مواصفات الدنيا فيه ..


في كتير اسباب طبعا ..


ثانكس حبيبتي

[Twin]

لا طبعا غير ابن بلادي ما بقبل .. ولو حتى كان كل مواصفات الدنيا فيه ..


في كتير اسباب طبعا ..


ثانكس حبيبتي

[.:.!دموع الرحيل!.:.]

الجنسية مش معيآر للحكم على شخص بدي ارتبط فيهـ ..

المهم دينه وخلقه ..

بس لكون دقيقة شوي .. وبعيده عن الوهم ..

صعب أنك تتاقلم مع شخص مش من بيئتك بالمره ..

مثلا ،، أهل بلاد الشام .. عآدي ياخدو من بعض .. ولو اختلفت الجنسيـات

بس إجمالا العادات والتقاليد متقاربة ..

نفس الشي .. أهلا بلاد المغرب العربي .. وهكذا ..

بس لو صآر وارتبطوا تنين مش من نفس البيئة

ممكن يكون كتير منيح ، وأحسن من مليون واحد إبن بلدها !

بس .. بظن رح يكون في عذآب .. وصعوبة بالتأقلم ..

بس مسآلة أنه غير إبن بـلدي ما بآخد ،، لا ما بحكيهـآ ..

لأنه الجنسية مش معيآر ..

[PaLeSt!Ne SouL]

هلا الجنسية مو معيار صح

انا بفضل ابن البلد

لانو لو اخترت جنسية اخرى إما ساسافر و أتغرب و هذا مستحيل عندي أترك بلدي

السفر قطعة من العذاب

أو هو ما بيتاقلم هون و آخرته بيحن لبلده و أهله

بعدين مالهم شباب فلسطين

لو لفيت العالم ما بلاقي متلهم


و كل الناس خير و بركة

[أم الوليد]

من أتاكم من ترضون دينه فزوجوه( مو مهم جنسيتو بس الأفضل يكون فلسطيني ) حلاوة التوب رقعتو منو وفيه ) بتكون عادتنا وحدنا وبنتفاهم أكتر ، لكن لو اجى واحد خلوق ودين وابن ناس ومش فلسطيني بنتوكل علله