الإتجاه المعاكس ( مناظرة ثقافيه بين الاعضاء )

[عاشق قمرهم]

السلام عليكم ورحمة الله

بصراحه موضوع مميز ونقطة نقاااش مفيده انشاء الله

رح اطرح وجهة نظري بالنسبه للهجره والعمل خارج البلاد ...

انا مع وبنفس الوقت ضد ..كيف ..؟؟

أي بلد بالعالم بتحتوي على عدة مميزات من ناحيه الاعمال فيها وبكون للفرد نصيب بئنو يستفيد منها ويشتغل فيها ...

رح احكي عن فلسطين وشباب فلسطين بشكل عاام ...
كتير هوون بفلسطين الشبلب بتمنو يروحو يسافرو على امريكا تمنو يشتغلو عشان يحسنو مستواهم ومستوا معيشة اهلهم ..اكيد مش غلط انو الواحد يفكر هيك بس ليش انا ضد هل فكره ...

لو انروح على امريكا نحنا هوون اعظااء مندى فلسطين تنعمل جوله واستطلاع عن الشباب يلي هاجر وراحو يشتغلو بي امريكا رح انشوف شي واحد ...

الشاب بتلاقيه بشتغل 18 ساعه متواصله بوصل الليل بالنهاار عشان يجمع فلوس ويصير معو مصااري ..صح كلامي ولا غلط ..

طيب انت يلي عم تشتغل وبتواصل الشغل ليل انهاار عشان يكون معاشك ممتاز وتقدر اتجمع مصااري ..
ليش ما تعمل هيك ببلدك ليش ما تشتغل ببلدك وتعمل متل ما بتعمل بالغربه ..ولا البعد احلا ..والمصاري غير شكل من بلاد براااا
...


يتبـــعــ انشغلـــت شويــ

[روان فلسطين]

مو شغله احلى بس هل في فرص وتحفيزات بنفس المستوى بفلسطين
عالاقل الواحد بيتعب وبيلقى الثمره اما ببلدو الاصلي يلي طايح رايح
يعني يلي بيجي من هون بيروح قبل ما يحس

[اميرة باخلاقها]

اوكي انا راح اعطي وجهة نظري

هلأ مش غلط الواحد يكون حالو ويشتغل حتى لو كان بره البلد
بس كمان ليش ما تنفع بلدك وتفيدها وتستفيد منها وتشتغل فيها(طبعا اذا كان فعلا في غرصة في البلد)

يعني ما اظن يا جماعة انو ما في ولا فرصة عمل بفلسطين

بالعكس انا بشوف انو التوظيف سهل هالايام والشغل كمان سهل

يعني احنا اهون من الدول العربية التانية

وخاصة انو عدد افراد شعبنا بالنسبة للشعوب التانية كتييير قليل

اما مثلا الشب صحتلو فرصة عمل في الخارج ما صحتلو في بلدو

وقتها الله معو

لانو احنا بنحكي عن مستقبل شخص

واذا كان مستقبلو في الخارج شو المانع يطلع ويشتغل بره

بس اذا كانت نفس الفرصة متوافرة في بلدك وجمب اهلك واصدقائك وبدون غربة ليش هالشنططة

اشتغل ببلدك احسنلك

ومتل ما حكى عاشق قمرهم ليش ما الواحد يشتغل ببلدو متل ما بيشتغل بره؟؟؟؟؟؟؟؟

بس برجع وبعيد اذا كانت الفرصة بره احسن بوجهة نظري لازم يشتغل بره

يتبع

لحتى نشوف بلووو وعاشق شو بدهم يكملو

[عاشق قمرهم]

مع احترامي الشديد لرئيك اخت رووان لكن بدي اكمل كلامي ورأيي للاخر ولكم حق الاعتراض

مين احكا انو ما بقدر الشخص يثمر ويبني مستقبلو داخل بلدو الاصل

غلط غلط

يلي أسسو وبنو وعملو وصاارو من اكبر التجاار ومن اكبر الملاكيــن داخل بلادهم ...

كيف صارو ..ما بظن وهما نايمين وعم يندبو حظهم

كل شخص بستظاعتو انو يطور امورو لوحد وممكن يكون هل شي بدون رأس مال تمنو يبني مستقبل لشغل يكون دخلو فيه منيح

الغربه مش اشي سهل الغربه بدها ناس على قد حالها عشان كتير ناس ضاعو ونسو دينهم واهلهم بسس الغربه ..طبعا انا بحكب بالنسبه للشباب الي بهاجرو عشان يشتغلو

أعطيكم مثال صغير ..بس ما تفهموني غلط ...

انا شخص ما معي راس مال افتح مشروع بي بلدي برام الله ...احترت كتير كيف بدي اجيب مصاري عشان افتح مشروع يكون أد الدنيا ...

بعد تفكير طويل وايام وليالي اجت ببالي فكره لمشروع ما بدو راس ماال .....

لحد هوون شفتو في مجاال للتفكير واخد الامور ببساطه والمضي قدماا في بناء العمل
اتعلمت صنعه بسيطه كتير ما بتاخد وقت صرت شبه نجار يعني بقدر افك غرفة نوم بقدر اركب غرفة نوم ...

اختر انو افتح مكتب هل مكتب مش موجود على ارض الواقع بدو مكتب يعني تلفون واسم مكتب وبس
هل مكتب بختص بنقل بيوت ..يلي بدو يرحل من بيت لبيت ...ما عندي سياره ..بس ما كانت مشكله السيارات وين ما كان بشويت مصاري بتستأجر سياره شخن والدفع مهوي من الزبون

وهيك صاار عندي مكتب الو اسمو وشهرتو ومع الوقت اشتريت سياره 00طبعا فرهلت هسا ونخرب بيتي 00

معناتو انا مش مع الهجره لانو ببلدنا في مجال لكل شي للشغل ووللتطوير ووللغنا كماااان

[روان فلسطين]

معك حق خيي اياد بس انت ما شاء الله فكرت صح واخدتها خطوه بخطوه وعنك مجال تربح وتخسر وتتعلم وتغير بس غيرك لأ يلي محتاج لاهلو ويلي محتاج لجيزتو وغيرها من الامور المهمه
صدقوني الغربه صعبه بأولها بس لو انت كنت قد حالك ويلي بيقرب ع طرفك كسرت راسه ومع ذلك كنت محترم مع الجميع الكل بيحترمك وبيقدرك عصب عن راسو
بعدين بالاول وبالاخر الفلوس راجعين الك وليلدك يعني اخرتك يصير عندك راس مال تنفع فيه اهلك وبلدك

[السيف عدي]

ممتاز كتير ،، سعيد بتفاعلكم ،،

هلأ فريق أسمراني ( مع )

وفريق عاشق ( ضد )

كتير ممتاز .. اتمنى انو تتناقشو براحتكم ،، وفي الاخير ببين مين اللي قدر يثبت وجه

نظره انها صح او لا .. وميشان يكون الموضوع احلى .. ياريت كل فريق يسأل التاني

أسئلة.

[اميرة باخلاقها]

اممممممممممممم

شوفي يا رورو انتي بتحكي كأنو الغربة راح تحل مشاكل الكل

والله يا روان بالنسبة الي اقعد ساعة مع اهلي باب الدار بتسوى عندي مليون دولار راح اخدها لحالي بره فلسطين

يعني مزبوط الواحد راح يتأقلم بره

بس راح احكي معظم مين بطلع بره برجع متغير (بتصير افكارو غير طريقة كلامو ..الخ)

ويمكن حتى يعجبو الوضع هناك ويتزوج ويقعد بالغربة

ليش ما يضل ببلدو ويشتغل بين اهلو والله احسنلو

بس برجع وبكرر اذا صحتلو فرصة بره احسن من بلدو هون السفر والغربة متاحة

[السيف عدي]

المشاركة الأصلية كتبت بواسطة شيماء حسين ياااااااااااااااااااااااااااي

يا عيني عليك يا ابو الافكار الكشخة
رووووووووووووووووووووووووعة يا زلمة

لو نحطك رئيس وزراء بيلبقلك

الله عليك

فكرة ممتاااااااااااااازة

بس في سؤال خارج عن الموضوع---(وين موضوع شلة الاسمراني؟؟؟؟؟؟؟)

المهم انا بستنى بعاشق قمرهم وبلوووو ليشرفو

شكرررررررا كمان مرة يا سيفنا على هالافكار الشلبية على قولة اسمراني

بالنسبة لشلة اسمراني .. مبارح اخت ( دموع الرحيل ) المديره .. فاتت على الموضوع

وقالت ما تحلمو يكون في شلة ابدا بين شباب وصبايا .. وقالت لو عندك افكار معقوله اكتر

اوكيه .. بس شلة وخرابيط لا .. ميشان هيك عملت هالموضوع بديل مقبول للادارة عن الشلة.

[اميرة باخلاقها]

المشاركة الأصلية كتبت بواسطة السيف عدي
بالنسبة لشلة اسمراني .. مبارح اخت ( دموع الرحيل ) المديره .. فاتت على الموضوع

وقالت ما تحلمو يكون في شلة ابدا بين شباب وصبايا .. وقالت لو عندك افكار معقوله اكتر

اوكيه .. بس شلة وخرابيط لا .. ميشان هيك عملت هالموضوع بديل مقبول للادارة عن الشلة.

له له له

عاد كانت كتييير عاجبتني الفكرة

وكنت متحمستلها

يلا مش مشكلة وهالفكرة كمان كووول وحلوة

مشكوووور يا سيفنا

دائما بتميز

[السيف عدي]

تسلمي اخت شيماء ،،