كرسي الاعتراف ,.,.,., (( .!. وردة الأقصــى .!. ))

[رحيق]

حد ينادي الاخت دموع الرحيل يلا

اختتتتتتت دموع الرحيييييييييييييييييييييل يللللللا

[.:.!دموع الرحيل!.:.]

انا آآآآسفه والله ما كنت منتبهه

تسلمي حبيبتي رحيق عالاستضافه ..

كم تحفظين من كتاب الله ؟؟؟

الأجزاء الي حافظيتا مش متتاليه ورا بعضهـا ..

بس إذا بدي أحسبهم على بعض .. ممكن يطلعوا

بين الـ 8 والـ 9 أجزاء ..

بفضل الله ..

والله يكرمنـا بحفظ القرآن كاملا يا رب وإياكم

متى آخر مرة بكتي خوفا أو خشوعا أو ألما ؟؟؟

ممممم خوفا ً ؟؟ ..

ما كتير بخاف .. ولو خفت ما ببكي

الله لا يجيب الخوف .. يجعل أمننـا في ديننا

ايش رايك في رحيق

هادية وغامضة شوي ..

ومحترمه كتير ..

الله يسعدك ونضل نشوفك دايما معنـا

*هل انتى من الراضين عن انفسهم؟

ما في إنسـان لازم يكون راضي تماما ً عن نفسه ..

لأنه كلنـا مقصرين .. وشو ما سوينـا

بضل درجة التقصير كبيرة ..

لذلك ما برضى عن حـالي مهمـا ساويت ...

لكن الحمدلله .. بدعي انه ربنـا يجعلني أكثر إقبالا على كل شي فيه رضاه عنـي

لأنه رضـا رب العالمين عليي ..

هو الغاية المرجوة ..

*ما هو الطابع الغالب على حياتك؟

مممم ما فهمت بالزبط من أي ناحيه ..

لكن بشكل عـام طابع الإلتزام الديني هو الغالب بفضل الله ..

والله يثبتنا على الحق

//


تسلمي حبيبتي

[a7la sereen]

دموعوووووووو هون

الي رجعه اكيد
اشربي مي كتير

علشان رح انشف ريقك

[lili_pop]

مرحبا
ممكن أسأل ؟

1* دموع الرحيل ,,,رايتك صاحبة عقل فكري ، و قلب طيب ، من أكثر من ساهم في بناء شخصيتك ؟
2* كيف استطعتي أن تصلي لهذه المرحلة من الإيمان بالله تعالى ؟
3* من رأئيك الأفضل صراحة ، اسم أيــــام أو
lili_pop
4* بصراحة تامة و بكل صدق ، ما هي سلبياتي ؟
5* أخيرا ، هل ما زلت تحبيني مثل أول يوم قدمت به إلى هنا ، أم أن ذلك تغير لأسباب ؟



شكرا لك و حفظك الله
إن شاء الله ما أزعجتك بأسئلتي

ليلي بوب

[.:.!دموع الرحيل!.:.]

سيرينـا يالا انا بانتـظارك هههههههه .. الله يستر

//

lili_pop

مرحبا
ممكن أسأل ؟

هلا ،، أكيـد حبيبتي

1* دموع الرحيل ,,,رايتك صاحبة عقل فكري ، و قلب طيب ، من أكثر من ساهم في بناء شخصيتك ؟

الي ساهم في بنـاء شخصيتي أكتـر شي .. هي كتير من المواقف الي مريت فيـهـا

أوقات أغلاطي .. أوقات أغلاط غيري .. وكمان دروس الدين كتير أثرت عليي ..

أوقات مواقف تكون أكبر مني بكتير .. أحس حالي أدخل فيـهـا .. والحمدلله أطلع بدروس

وشوي شوي .. لحد ما تكونت شخصيتي الحاليه ..

كمـان بعد ما صرت أهتم بأمور القضية .. وأحببت حمـاس ..

صار عنـدي نوع من حب الإطلاع .. والإصرار على البحث عن الحق ..

والدفاع عن الثوابت .. لو مهمـا كلفني الأمر ..

تحديت خجلي .. وتحديت كتير أمور مريت فيـهـا ..

وكنت ما أعرف كتير .. وكنت احب كتير بالنسبة لقضيتي ،،

هالشي خلاني أوقع أوقات بمأزق .. ادافع عن شي انا ما كتير بعرف فيو .... لكن عنـدي فكرة عامه

فصـار عندي فضول إني أعرف أكتر وإبحث أكتر ..

ولسانا بأول الطريق ..

غير انه المنتدى أثر عليي كمـان .. بقصة الإصرار على إبداء الرأيي ..

هالشي صرت اطبقه ع أرض الواقع ..

وهكذا ..^^

2* كيف استطعتي أن تصلي لهذه المرحلة من الإيمان بالله تعالى ؟

3*

بداية الحمدلله رب العالمين .. عائلتي .. نـاس محبين للدين ..

زرعوا بقلبنـا المخافة من رب العالمين وحب الدين .. وهاي كانت البذرة ..

لكن للأمانه مش الدرجة المطلوبة من الإلتزام ..

لكن الحمدلله بيت متدين محافظ ..

التحقت بحضور دروس الدين من عمـر الـ 12 سنة تقريبا ..

وهالـشي بنـا عنـدي قاعده كبيرة من محبة الدين ..

بلورت البذرة الي زرعوهـا أهـلي جواتي ..

لكن ضليت عـادية ..

يعني مش هالالتزام الزايد ..

أوقات أميل يمين .. وأوقات يسـار ..

لكن المخافة من الله .. والمبادئ دايما موجودة

بس الالتزام مش عالمستوى المطلوب ..

لحد ما أحببت حمـاس .. حبهـا غير فيني كتير ..

من كل النواحي سواء من ناحية شخصيتي .. أو من الناحيه الدينية

جدا جدا ..

والحمدلله مع الوقت وكل ما اعرفت حمـاس أكتر .. بحاول ألتزم بديني أكتر وأكتر ..

وعلى فكرة انا مش حمساوية .. انا مجرد محبة ..

وأعتبر ان حمـاس ربتني روحيـا ً ..

لذلك فضلهـا عليي بعد رب العالمين

لا يمكن وصفه بحروف .. ولا تحده الكلمـات ..

الله يجزيهم الخير يا رب .. ويثبتهم على الحق

من رأئيك الأفضل صراحة ، اسم أيــــام أو
lili_pop

التنين حلوين .. بس ايام كان حزين شوي .. غير انه الاغلبيه كانو يفكروكي شاب ..

هلأ بهالإسم فرفوش .. ومبين بناتي أكتر ..

مبـارك عليكي

4* بصراحة تامة و بكل صدق ، ما هي سلبياتي ؟

مممممم يمكن انا ما بحقلي احكي لأني ما بعرف عنك كتير لاقدر احكم ..

بس بقدر قول انك اوقات بتكوني شوي متسرعه ..

وبديت احس انه قلبك طيب زيادة عن اللزوم ههههههههههه

5* أخيرا ، هل ما زلت تحبيني مثل أول يوم قدمت به إلى هنا ، أم أن ذلك تغير لأسباب ؟

لا .. بحبك أكتر والله ..

وإن تغيير فللأفضل ان شاء الله


اطمني والله لو مدايقه من شي بحكي ..

انا مش من النوع الي بجامل او بخبي مشاعري ..

وقوام ببين علييي ..

نورتي يا قمر

[رحيق]

اي بلد تتمني تسافري عليها

بتعرفي تعملي اكل

كم عدد اميلاتك

ايش شعورك وانتي على كرسي الاعتراف

[*ريحانة القلب*]

ننوش اهلا وسهلا .. منورة الكرسي


1. شو اكتر قسم بتحبي تفوتيه بالمنتدى ؟

2. اكيد كنتي مشرفة .. ع اي قسم ؟؟

3. ليش سميتي حالك "دموع الرحيل" ؟

4. اكتر اكلة بتحبيها ؟

5. اللون المفضل ؟

6. كم ساعة بتخصصي للمنتدى وللنت بشكل عام ( تقريبا ) ؟

7. مبسوطة بدراستك .. وهل كانت خيارك والا بس لأنو معدلك دخلك هاد الفرع ؟



مم بكفي هيك .. بلاش اجرام هههههه


الي رجعة اكيد ^ ^



’’’

[.:.!دموع الرحيل!.:.]

المشاركة الأصلية كتبت بواسطة رحيق اي بلد تتمني تسافري عليها

بتعرفي تعملي اكل

كم عدد اميلاتك

ايش شعورك وانتي على كرسي الاعتراف

اي بلد تتمني تسافري عليها

أكيد وطني فلسطين .. بتمنى أروح أقيم فيه ..

السعودية .. عشـان مكة والمدينة المنورة

الإمـارات لأني بحبهـا

سورية لأنهـا أغلى وطن ع قلبي بعد وطني ..

وأي بلد تـآني سيـاحي

//

بتعرفي تعملي اكل

لاااا والله

كم عدد اميلاتك

لا تعد ولا تحصى ههههههه

لا يعني شي 5 .. بس طبعا مع القدام

وهلأ أكيد الي بفتحه أكتر الأوقـات واحد بس

ايش شعورك وانتي على كرسي الاعتراف

مبسوطة فيكم والله

بس خليكم هيك حلوين .. ما اتكتروا الأسئلة وإلا ببطل مبسوطة

لا بمزح ..

تسلمي رحيق حبيبتي

[آية بنت فلسطين]

دموع حبيبتي
ما بدي تئل عليكي

مممممممم

شو اسمك الحئيئي
مين اكتر عضوة بتحبيها
احكي عني بخمس اسطر


والسلام

[a7la sereen]

وهذا احلى كرسي




بس دافعه فيه دم قلبي هالكرسي شوي شوي عليه لينكسر تحتيكي هههه


وهلا نجي للاسئله:

_1-شو هي اكبر واحلامك وطموحاتك الشخصيه؟؟

2-شو الشي الي كان نفسك تعمليه بحياتك وما عملتيه؟؟

3- انت في هاي المرحله راضي عن نفسك , واذا كان نعم ليش, واذا لا ليش؟؟

4-اكثر خمس مواضيع طرحها الاعضاء في مختلف الاقسام اعجبتك واثرت فيك(لاتحكيلي اغلب المواضيع بدي اسماء اذا ممكن)

5- قديش وزنك؟؟
6- قديش طولك؟؟
7-كم وجبه بتوكلي باليوم؟؟
8-كم كاسه كولا بتشربي باليوم؟؟
9- قديش نسبه ادمانك ع النت؟

10 مش عارفة حاسه انك ما بتحبيني ؟؟ ازا ما بتحبيني مش مشكلة انا ما بزعل احكي؟
وبس............................؟؟؟؟؟