::: أبــونـــور عـــاد ... ABU-NOUR Back ::::

[ABU-NOUR]

الســــلام عليـــكم ورحمــــة الله وبركــــاته ..

كيفكـــم جميعــــاً ..

المفروض أنتم تسألوني مش انا اسألكم ,,

حابب أحكيلكم عن أول عملية بتصير إلـــي ,,

هـــذا يا ســيدي العــزيز ,, انتم عــارفين انو ان شاء الله الواحد بده يسافر , ولازم يعمل هالعملية , لانها بجد بتعب الواحد وبتخلي نومه ثقيل

أنا اهلي زمان قبل ما تطلع عندي اللحميه , كنت خفيف النوم , أول ما اسمع شي ع طول اصحى ,

وكانت ذاكرتي ما شاء الله قوية , والدي ياخذني معاه وين ما بده يروح لحتى اتزكر شو بده ,,

خصوصاً لمن كنا فاتحين المنجــرة ,,

بعدين مع ظهور اللحميــة ,, بديت انســى ... بدي نومي يكون ثقيل ,,

فأهلي بالتزعيق , بالخبط , برش المي عليا ع الفاضي

بعد ما يغلبو حالهم بصحى ههههههههههه ,, ولا كانو في شي ههههههههههه ..


المهم ,,

فـ انا حكون بغربة وخصوصاً في مصــر ,, ومصر الي مش صاحي فيها بضيع ,,

فبحكولي اذا هين ومع الف تزعيقة وضرب ومي ومش صاحي

كيف لمن تكون في مصر ,, راح يسرقوك ويحملوك وييمكن يرموك في الصحرا وانت مش داري عن حالك ,, نايم


يعني اللحمية بجد بتخوف ,,

المهم

فـ قررنا عمل العمليـــة

الدكــتور قل بده يخليها العملية ليوم الاثنين من الاسبوع الجاي

اكيد ما عجبنا , لانو المعبر مش بايدنا يمكن يفتح يوم العملية , شو الواحد بده يعمل

فخليناها ليوم الاثنين الي فات ,,

الساعة 8 بالزبط ,,

اصحيت ع الساعة 6 ,,

جهزت حالي ,, وطلعنا الساعة 7 و نص ,, اصلو المستشفى الي بده يعمللي العملية فيها جنبنا ,,

استنينا ,,

اجى الممرض واخذ دم من ايدي ,, وعملو الفحوصات اللازمة ,,

يعني تجلط الدم , امتى بتوقف وامتى ببدا ,, والضغط والاشياء مثل هيك لحتى يتجنبو المشاكل ,, والحمد لله كلو طبيعي

المهم ,,

اجى الممرض التاني ,, بيقلي يلا اجى الدكتور ,, يغر أواعيك والبس هاي ,,

هذه تعت العمليات أكيد بتعرفوها ,,

اقله يا راجل ... زلط ملط .. يقلي اه ..

قول وغيـــر ,, لا أبـــداً ..



يلا بعين الله ,,

قلنا المهم نعمل هالعملية ,,

بس انا مش فاهم شو دخل الي فوق في جسمي كله ؟؟


المهم غيرت وجاب العرباية , وقعدت ومش فيا ع غرفة العمليات ,

اوصلنا عند الدكتور ,,

اللهم أجعله خير ,, سألني كيف حالك ,

شو مستعد ولا لاء ؟

ان شاء الله موفقين ,,

في معاه المساعد اله ,, حكاله جيب الشاشات , جيب المقص , جيب الشكوش . ..

المهم

في بـ ايدي الابره الي سحبو منها الدم اول شي ,,

اجى ممرض تاني ,, معا البنـــج ,,


اللهم اجعله خير شفتو وهو بيحط في البنج ,, بتطلع عليه وهو بيحط البنج

انا حكيت راح يطول وياخذ وقت


اللهم اجعله خير ما الحقت الف راسي ع جهة الدكتور الا انا صحيت

شو هذا

طلع البنج ما شاء الله مفعوله قوي ,,


اصحيت لقيت حالي عند أهلي في غرفة الاستقبال ..

والحمد لله مشيت ع خير


لمن روحنا سألت اهلي شو صار

بيحكولي باقيين يبكو عليا ..

بيقولوا انو العملية هاي ما بتاخذ نص ساعة ,,

معي اخذت 4 ساعات ,,

باقيين يسألوا الدكاترة الي بشتغلوا وبعملو العملية ,,

كل واحد يقول عملته صعبة ,, غير عن اي عملية تانية ,,

اهلي انتم عارفين كيف راح يكون شعورهم ,,

اجى التاني ,, بيحكيلهم الحمد لله وضعه مستقر حالياً ,,

الثالث , , ان شاء الله بيصير كل خير هلقيت بيجي الدكتور المسؤول وبيحكيلكم كل شي ,,


المهم


اللهم اجعله خير ,, طلع اخينا بالله باقي ماسك الشكوش والازميل ويخبط ويكسر ويعمل


..


الله يستر


هلقيت انا في غرفة الاستقبال ,,

اجى خالي علينا هناك بعد العملية مباشرة ,,

وقفو جنبي ,,

امي وابوي وخالي ,,

انا مش حاسس طبعاً لساتني مبنج

ونايم ,,

اصحيت وهمى ماسكين ايدي وراسي

شو في

طلع انا باقي بالقوة بدي امسك الي حطولي اياه ع منخوري واشيله

هههههههههههه

بيحكولي شو هذا مع انك نحيف الا انو كسرت ايدينا ,,

خالي بيحكي النصاحة مش كل شي ,,

هذه اعصاب

اعصابه قوية


كسرت ايديهم تكسر وهمى يشدو وانا اشد

تعبتهم

بعين الله ..

بس شو هذا


شعور غير شكل والوحد عامل عملية ,,

شعور مقرف , زهق , تعب , غلبة

الله يعين الناس

مش قادر أصمد وانا طول الوقت في الفرشة ,, ممنوع اتحرك ,,

لمن تحرك بتعب ..

اليوم ان شاء الله بدنا نروح نشوف كيف نفك الشاشات ونغير ع العملية

وان شاء الله خير ...


تحياتي بعد العملية

[أع ـــشقـ أنفاسهـ]

ههههههههههههههههههههههه

ابو النووور حمدلله على سلامتك

ان شاء الله بتكون اخر عمليه بتعملها الله يبعد عنا شر العملياات

المهم زكرتني بحالي انا كمان عملت نفس العمليه بس كنت صغيرة بس انا عملت لوز ولحميه مع بعض <<< مسكينة خخخ

يلا الحمدلله على سلامتك مره تانيه وما تشووف شر ان شاء الله

وولكم باااااك

[أســ{ــمــرآنــ}ــي]

الحمد لله ع السلامه خيتوو

ما تشووف شر ابدا

بس بتعرف حكياتك كتير لزيزين ,, شكله تأثير البنج لسه شغااال ههه

[blue-girl]

ههههههههههههههههههههههههههههههههههه هههههههههههههههههه

ههههههههههههههههههههههههههههههههههه هههههههههههههههههههههه

الف الف الف الف حمد لله ع السلامه يا حج ..

جد الحمد لله ع سلامتك ..

و حكيك كتير لزيز

جد استمتعت ههههههههههههههههه

الله يوفقك في حياتك

و ان شالله موفق

:)

[الحان الحرية]

ألف الحمدلله ع سلامتك أبو نور ,,

ان شا الله ما تعيدها :)

زكرتني بالذي مضى ـههههههههـ كانت احلى ايام بحياتي ـههههههههـ

عملت عملية لوز و لحميه بس عنجد كانت عملية روعة هههههههه


صحيت لقيت حالي في مكان كلو ابيض بابيض و لابسة ابيض و السرير ابيض فكرت حالي ميتة ههههه

طلعنا عن الخط

احم ,,

الحمدلله ع سلامتك ابو نور

و ما تشوف شر ,,

و ان شا الله بتتحسن ,,

[B a s i m a]

ههههههههههههههههههههه

و الله أنا كنت متنكدة ..بس موضوعك أزال كل النكد و الكآبة

كلامك بخلي الواحد يعيش أحداث مسلسل الدكاترة إللي كان ييجي على الأم بي سي فور ...مش "القريز آناتومي"..واحد تاني..

ألف الحمد لله على سلامتك أبو نور...و عقبال ما تصل البيت...

[ღ حورية فلسطين ღ]

ههههههههههههههههههههههههههههههههههه هههههه

فظيع أبور

إلي رجعة أنا

هلأ مشغولة بالمايك بس أخلص باجي ^^

[.!. وردة الأقصى .!.]

ههههههههههههههههههههههههههههههههههه ههه

هههههههههههههههههههههههههههههههه

أخ يائلبي فززيع

انا كمان عملت عمليتين عملية لحمية

وعملية تانيه مش عارفه شو هيي

ههههههههههههههههههههههههههههههههه

وعن قريب راح أشيل اللوز

بس عنجد احساس رهيب لما تتبنج :p

بتصحى بتحس حالكـ بعالم تاني

والكل بدلع فيكـ وخايف عليكـ

ياااااي ما أحلاها من ايام تدلعت دلع غير شكل :p

عالعموم حمدلله ع سلامتكـ يا أبو النور وماتشوف شر

اول وآخر عملية ان شاء الله

شو بتحب اجيبلكـ هديه

أوك وهي أحلى باقة ورد وشوكلاه لا إلكـ



حمدلله ع سلامتكـ مره تانيه

[MoHaDe]

ههههههههههههههههههههههههههههههههههه ههههههههههههههههههههههههههههه

الف الحمدلله عالسلامة حج ابو النور
ان شاء الله نهاية العمليات
بس والله كلامك روعة

الحمدلله عالسلامة بعدد ما نزلت شركة نوكيا تلفونات ههههه


يلا المهم قمت بالسلامة ورجعتلنا ونجحت العملية

تحياتي

[Arabian girl]

الحمدلله ع السلامة والله
اسفه عالتاخير ههههههههه
يالله مضت ع خير