♪..مــــــآيــــك المــنــتــدى مـــع ~ شـهيـــد غ ـزة ~..♪

[ღ حورية فلسطين ღ]

يتصفح الموضوع حالياً : 6 (5 عضو و 1 ضيف)
‏حورية فلسطين, ‏Arabian girl+, ‏الحان الحرية+, ‏السيف عدي+, ‏الفتاة المشرقة


كمان منورين ^^

[.!. وردة الأقصى .!.]

بتسلم عليكم وردة الأقصى

وبتحكيلكم ماحدا يشاركـ ياحلوين قبل ماتخلص حوريه

ماشي ياحلوين

حورية يلا ^^

[ღ حورية فلسطين ღ]

كيف بدي أكمل وانتو قطعتولي حبل أفكاري

ما بدي زعلت خلص ههههههههههههههههههه

[ღ حورية فلسطين ღ]

صباح الخير


أمنية حياتي ....


طبعا من صغري وأنا ما بتمنى غير أمنية وحدة ....


أروح على فلسطين


يعني لهلأ ما عمري زرت فلسطين ولا بعرف كيف شكلها


انولدت وعشت في المدينة المنورة كل حياتي وبحب المدينة كتير وما بدي أبدا أنحرم منها

صح بتمنى أرجع على فلسطين بس بنفس الوقت ما بدي أنحرم من المدينة

هلأ ليش ما رحت على فلسطين

هاي الها أسباب كتير والله يسامحهم اللي كانو السبب

تخيلو في وحدة بفلسطين هية بتقربلنا كتير يعني بس مش لازم تعرفو مين هية

دايما لما تحكي معنا أو تحكي مع بابا بتحكيلنا شو بدكم بالجية لهون خليكم مرتاحين هناك احسن

مع إنو بإيدها تجيبنا على فلسطين

بس للأسف خليها بالقلب تجرح

ما بتعرف إنو احنا راحتنا لما نيجي على بلدنا اللي بنحلم طول عمرنا بشوفتها


ما بتعرف إنو دقيقة بنعيشها بفلسطين بتسوى عمرنا كله

يلا مهو ما حدا بحس هالإحساس الا لما يجربه


مع إنه كتير مرتاحين ومبسوطين في المدينة بس راحتنا ما بتتقارن أبدا في راحتنا في بلدنا




أهل المدينة هون كتير طيبين ومعروفين أهل المدينة أحسن ناس وأطيب ناس


[/COLORأنا عن نفسي ما بعاني من مشاكل معهم اصلا بالعكس كل صحباتي هون سعوديات ومافي متلهم والله

وبحبونا كتير وحاطينا فوق راسهم


طبعا ما بيمنع إنو يكون في تفرقة بين السعودية وغير السعودية من ناحية الشغل مثلا

بس خلص اتعودنا وهينا عايشين

عايشين على أمل إنو نروح على فلسطين

ما زال الأمل موجود وعن جد الله يحققلي هالأمنية بلاش أموت بحسرتي

دعواتكم يا جماعة

كان المفروض أحكي أكتر من هيك كان في حكي كتير بس حاسه حالي طولت كتير بالمايك

وخلص بدي أختصر

عن اذنكم شوي ]

[ღ حورية فلسطين ღ]

نحكي شوي عن كم أمورة وكم بطل





دموع الرحيل

نانا من البنات اللي أعجبت فيهم أول ما دخلت عالمنتدى



كانت تلفتلي نظري بمشاركتها كلها ركازة وأسلوب حلو

بنت واعية وعارفة شو بتحكي

دايما باخد رأيها بكل شي بعمله بالمنتدى بثق برأيها كتير

دايما بحب احكيلها ( تشييس)

لأنها بتكيف عليه كتير

الله يخليلنا اياها أحلى مديرة وما يحرمنا منها

عن جد عسل ومافي متلها

[ღ حورية فلسطين ღ]

اسراء الفلسطينية

اسراء الفلسطينية بنت هادية ورايقة وبريئة كتير

كتير طيوبة وقلبها أبيض

المشاكل بجهة وهية بجهة

عن جد زوء كتير ومافي متلها مميزة بكل شي

بتخاف بسرعة وبتمشي عليها المقالب على طول

اي حدا بدو يعمل مقلب يعمله بإسراء

عسل كتير الله يخليلنا اياها وما يحرمنا من زوئها




هلون

هلون ما بعرفها الا عالمنتدى

يعني ولا مرة حكيت معها عالإيميل بس من خلال المنتدى

بحسها أحيانا عصبية وأحيانا فرفوشة وأحيانا بتخوف

بس مزئة وبتعجبني طريقة تنسيقها للمواضيع

وأسلوبها في الكتابة

الله يوفقها ويتمملها على خير

وما تنشغلي عنا بعد ما تتجوزي ضلك نوري المنتدى

[ღ حورية فلسطين ღ]

القلب الطيب

القلب الطيب أول ما شفته بالمنتدى على قد ما هوا راكز

كنت أفكره كبير واتفاجئت بس عرفت إنو عمره 19

عن جد تفكيره وعقله كبير وأخلاقه جدا عالية

بإختصااااااااار

مثال للشب الفلسطيني

بهنيه على أخلاقه العالية وإحترامه للكل

الله يحميه ويخليه لأهله وللمنتدى

وبالذات قسم الترحيب والتعارف من الأعضاء النشيطين وبسعدني تواجده كتير بالقسم

الله يوفقك يارب




مؤيد

شو احكي وشو ما احكي عن مؤيد

ما كنت أعرفه من زمان يعني من بعد ما صرت مشرفة عرفته ولاحظت تواجده بالمنتدى

كان هادي كتير ومع الأيام صار مش هادي

طلع دمه خفيف مع إني بصراحة كنت أفكر دمه تقيل

وتواجده مهم بالمنتدى وبعمل جو غير شكل

دايما استضافاته عنا هون بالقسم بتكون مميزة

ومشاكراته مميزة شب محترم وطيب كتير

بحسه بخاف على بنات المنتدى كتير ومافي أطيب منه

الله يخليك للمنتدى يا مؤيد ويخلي المنتدى الك وتضل منورنا ومنور قسمنا على طول

[ღ حورية فلسطين ღ]

رايحة اعمل سلطة للغدى وبرجع بكمل ان شاء الله

اتفضلو اللي على باله يجي يتغدى ما يحرم حاله

[ღ حورية فلسطين ღ]

يتصفح الموضوع حالياً : 4 (3 عضو و 1 ضيف)
‏حورية فلسطين, ‏._.•°ღ حكآية آحسآآس ღ°•._+, ‏a7la sereen


يسعدلي الصبايا منورين^^

[Abu Shadi]

اكتبي عني كمان مرة

هههههههههههه

حلوة كثير نيهاهاهاها

بس تخلصي بحكيلك