كرسي الاعتراف ,.,.,., (( .!. وردة الأقصــى .!. ))

[الدكتور امير]

ههههههههههههههه

حلو كتير

انا راح ارجع بمليون سؤال

[Arabian girl]

بس لما ييجي حسام بالاول

[السيف عدي]

المشاركة الأصلية كتبت بواسطة رحيق السلام عليكم ورحمة الله وبركاته

الموضوع مش جديد علينا لكن معنا رح يكون احلى
فكرة الموضوع انا نختار شخصية من اعضاء المنتدى لمدة ثلاتة ايام بحيث نجلسه على كرسي الاعتراف واي واحد بيخطر على باله اي سؤال وبكررها اي سؤال يساله للشخص المقترح وبدنا نشوف مين اللي رح يصمد امام الحشد الهائل من الاسئلة

اولا حنبدا مع العضو السيف عدي

اما سؤالي الاول فهو اعطنا بطاقة تعريفية عن حضرتك

اعطينا اي موقف محرج _ محزن_ مضحك

من هو أكتر شخص بتحبوا في الدنيا وتفديه بروحك

ماهي أصعب الكلمات التي وجهت لك في يومٍ ما

يا هلا فيكي اخت رحيق .. تسلمي على الاستضافة وعلى الموضوع الرائع ..

اعطنا بطاقة تعريفية عن حضرتك

اسمي حسام .

تاريخ ميلادي 30/10/1980

جنسيتي فلسطيني من قرية نعليه قضاء المجدل - عسقلان

مولود وعايش في قطر.

خلصت جامعة تخصص برمجة كمبيوتر من الاكاديمية البحرية في مصر .. وعم اشتغل في شركة.

اعطينا اي موقف محرج _ محزن_ مضحك

موقف مفرح: يوم تخرجي من الجامعة .. كان كتير روعة .

موقف محزن: يوم وفاة والدي .

موقف محرج: ممممم ما بتذكر هلا .

أكتر شخص بتحبوا في الدنيا وتفديه بروحك

اكتر شخص بحبو في الدنيا هتكون اكيد شريكة حياتي .

ماهي أصعب الكلمات التي وجهت لك في يومٍ ما

اصعب الكلمات: ممكن من الاهل احيانا بكونو قاسين علينا بس اكيد لمصلحتنا ..


يسلمو على الاسئلة .. وانا تحت امركم في اي اسئلة تانية .. يعطيكي العافيه رحيق ..

[Anonymous Gril]

هل أنت معجب بنفسكـ ؟؟؟؟

كم مرة فشلت في حياتكـ؟؟؟

هل تحب المقالب؟؟؟؟ واذكر لنا مقلب حصل لكـ ...


هل أنت بار بوالدتكـ ؟؟؟؟.

[Arabian girl]

رح بلش
ما هو اكثر ما تحبه بالحياه ؟؟
ما الشيء الذي يجعل لحياتك معنى؟؟
بماذا تقضي معظم وقتك؟؟
هل تفرش اسنانك باستمرار؟؟
ما هو مشروبك المفضل؟؟
هل تستطيع طبخ اي شيء؟؟
ما هو لونك المفضل؟؟
هل انت من النوع الهادئ ام انك شخص لعوب؟؟

بكفي لهلا هههههههه

[السيف عدي]

المشاركة الأصلية كتبت بواسطة عاشقة الشجاعية هل أنت معجب بنفسكـ ؟؟؟؟

كم مرة فشلت في حياتكـ؟؟؟

هل تحب المقالب؟؟؟؟ واذكر لنا مقلب حصل لكـ ...


هل أنت بار بوالدتكـ ؟؟؟؟.

يا هلا اخت عاشقة ..

هل انت معجب بنفسك ..

انا بحب نفسي كتير .. بعيوبي وايجابياتي .. كتير بعشق حسام ..

كم مرة فشلت في حياتي ..

الفشل بمعنى فشل الحمد لله لا .. بس اكيد اي انسان بتواجه مصاعب في الحياة ..

هل تحب المقالب .. واذكر لنا مقلب حصل لكـ ...

مقلب .. مممم والله الشباب ما كانو يقصروا ايام الجامعة كلها مقالب ..

بتذكر مرة صاحبي عمل في مقلب بس كان قوي الحقيقة ..

كان عيد ميلادي .. فئت الصبح وبمسك الموبايل بلاقي 50 مس كول وكلها ارقام موبايلات ما بعرفها

ارتعبت قلت شو في !! .. شو عامل انا .. شكلهم عم يدورو علي ..ههههههه ..

ولساتني بدي اطلع بالارقام اللي اجتني مس كول .. الا الاتصالات نازلة من ارقام جديدة

وكلها موبايلات ما بعرفها .. ما رديت بالاول .. وبعد شوي رجعت شفت الموبايل لقيت شي كمان

30 مس كول .. قلت لا اكيد في اشي .. مش معقول هالناس بدها تباركلي على عيد ميلادي ههههه

مش لهدرجة مشهور .. رديت على موبايل منهم .. طلعت صوت بنت بتقولي مرحبا .. انت عامل اعلان

بالجريدة انو بدك سكرتيرة في مؤسسة كبيرة .. انا قلتلها لا انا ما عملت اعلان .. اعلان شو ..

شوي شوي عرفت انو صاحبي الزنخ منزل اعلان بالجريدة على رقم موبايلي عن طريق الاس ام اس ..

قال شو مفاجاءة عيد ميلادي .. طبعا اخد كف محترم .. هههههههه

هل انت بار بوالدتك ..

الحمد لله ومهما عمل الانسان ما بقدر يوقي الام حقها ..


نورتي خيتو ..

[أع ـــشقـ أنفاسهـ]

أهـــلا

(( حســـام ))

منووووور الـــكرسي والله

كيف الــكرسي مريييح ؟؟

المهــم هي أسئلتي وإن شاااء الله تكون خفيــفة

1_ شو هو الشي اللي نـدمت على عمله ؟؟

2_ دمــعة انذرفت رغما عنك ؟؟

3_ شخص لا تستــطيع مساامحته ؟؟

4_ شئ او شخص غير مجــرى حيااتك ؟؟

جــست هدووول

جااوب ويعطيك ألف عاااافية

[السيف عدي]

المشاركة الأصلية كتبت بواسطة arabian girl رح بلش
ما هو اكثر ما تحبه بالحياه ؟؟
ما الشيء الذي يجعل لحياتك معنى؟؟
بماذا تقضي معظم وقتك؟؟
هل تفرش اسنانك باستمرار؟؟
ما هو مشروبك المفضل؟؟
هل تستطيع طبخ اي شيء؟؟
ما هو لونك المفضل؟؟
هل انت من النوع الهادئ ام انك شخص لعوب؟؟

بكفي لهلا هههههههه

يا هلا اخت ارابين منورة ..


ما هو اكثر ما تحبه بالحياه ؟؟

بحب الهدوء .. واني اكون ناجح ومتفوق ..

ما الشيء الذي يجعل لحياتك معنى؟؟

النجاح .. التفوق .. الهم لذة كبيرة ..

بماذا تقضي معظم وقتك؟؟

في الشغل ..

هل تفرش اسنانك باستمرار؟؟

هههههه اه ..

ما هو مشروبك المفضل؟؟

البيبسي

هل تستطيع طبخ اي شيء؟؟

لا .. فهالامور ما بعرف اشي ..

ما هو لونك المفضل؟؟

ازرق

هل انت من النوع الهادئ ام انك شخص لعوب؟؟

هادىء ..


نورتي خيتو ..

[limar]

حلو الموضوع

الي رجعة بس يخطر عبالي اسئلة

[السيف عدي]

يتصفح الموضوع حالياً : 3 (3 عضو و 0 ضيف)
‏السيف عدي, ‏أع ـــشقـ أنفاسهـ, ‏limar+

منورين ليمـــار وخيتو اعشق انفاسة ..


يسلمو الي رجعة مع باقي الاسئلة .