و الله معاكو حق مية من مية و انا بتمنى مسلسل نور يخلص ولا يجي واحد متله بس كل اللي بحكيلهم بحكولي حتى لو خلص حيجي واحد اقوى منه ... سبب مسلسل نور مشاكل اسرية كبيرة احنا منشوف المسلسل حلو و حب و غرام بس هالمسلسل اللي احنا شايفينه حلو هوة سبب دمار كتير من الاسر و ضياع اولاد متل الورد بين رجلين الطلاق و المحاكم و هوة سبب كتير خلافات بالدنيا مش بس بالعائلة
انا بعرف واحد من الشباب و الله اتصل علي حكالي محمد بدي اشوفك !!!
قتله خير انشالله قلي لا خير بس بدي شوفك قتله طيب
شفته قلي محمد سمية ..((حبيبته اسمها سمية)) قتله خير شو مالها قلي محمد من بعد ما صارت تطلع على مسلسل نور تغيرت كتير عني و صار بيني و بينها مشاكل لحد ما قلتلي اصبغ شعرك و اعمل لحيتك متل لحية مهند .. و الشب مو بس كحبيبته هاي خطيبته يعني المسالة مو هينة قلي محمد ما كان احسن منها قتله و الله بعرف لانه دايما كان بحكيلي عنها و انا شخصيا لاول مرة اشوفه ببكي و الله انه كان يوقف بمواقف متل الجبل قدام الريح بس عنجد الله يكون بعوني و بعونه و بعون كل حد بتفرج على هالمسلسل
بس الله يعين
08-05-2008, 10:55 PM
رد: نور و مهند و رفيف و اسيل و لميس و شو بعرفني مين ,, لوين بدهم يوصلونا؟!
العرض الشجري