موضوع اعجبني اسمو رسالة بقلم مستفز وساخط من الجميع ....؟؟

[MoHaDe]

بالبداية بحب انوه انو الموضوع منقول عن اخ باحدى المنتديات
وانا هلا راح انقلو بحذافيرو

الاخ كاتب الموضوع فتحاوي

الموضوع بقول
بسم الله الرحمن الرحيم


{ واتقوا فتنة لا تصيبن الذين ظلموا منكم خاصة واعلموا أن الله شديد العقاب } .


في البداية بكل فخر وأعتزاز أقول أنا فتحاوي ولكن قبل أن أكون فتحاوي أنا مسلم وأنا عربي وأنا فلسطيني لهذا وعلى الرغم من انتمائي الحزبي أقول لتذهب فتح ولتذهب حماس وكل التنظيمات الفلسطينية الى الجحيم ....؟؟ ( مع أعتذاري للعناصر الشريفه والمناضله بها ) فهذه التنظيمات التي تخلق المبررات لنفسها ولعناصرها حتى تدمر نقيضها تنظيمات مجرمه ومنحطه وحتى أكون منصفا سأبدأ بتنظيمي فتح ومن ثم أنتقل الى حماس وباقي الفصائل التي تسكت عن الظلم وتسكت على الجرائم الكل يتحمل مسؤوليه كبرى في الحال الذي وصلنا له القتل والدمار والتعذيب والتخوين والتكفير واستغلال الدين والتشويه والكذب ................الخ ... ويلكم جميعا من رب العالمين يوم اللقاء به يوم لا ينفع حزب ولا مال ولا كرسي ولا جاه ماذا ستقولون لرب العزة هل تعتقدون أن مبرراتكم ستنجيكم مع العذاب والعقاب اتقوا الله وعودوا الى رشدكم فيكفينا ظلم العدو ... الجهل والتعصب أعمى قلوبنا .
أقول لتذهب السلطة في الضفة وفي غزة الى الجحيم نحن لا نريد سياده فلسطينية في ظل الاحتلال لا نريد كراسي لا نريد مال لا نريد هدوء نريد أن يقتلنا العدو ألف مرة باليوم على أن نقتل بأيدي بعضنا نريد أن نكون شهداء في سبيل الله ومن ثم الوطن شهداء بأيدي أعدائنا اليهود وليس قتلى بأيدي أشقائنا الفلسطينين .
فعلى الجماهير الفلسطينية أن تنتفض وتقول كلمتها وتصرخ بعالي الصوت وتقول لفتح وحماس وكل التنظيمات لا نريدكم أنتم تدمرونا نريد أن نموت بعزة وكرامة فرحلوا عنا أو عودوا كما كنتم بالماضي شرفاء أعزاء مناضلين ومجاهدين ومقاوميين تذكروا الشهداء القادة أبو عمار وأحمد ياسين والشقاقي وأبو علي مصطفى وأبو جهاد ويحيى عياش ولؤي السعدي ودلال المغربي والرنتيسي وكل الشهداء ولتقفوا بكل قوتكم للقتلة والمجرمين من فتح وحماس وتقفوا بقوة بوجه الاعتقالات والتعذيب والتدمير في الضفة وغزة فلا لسياسة تكميم الافواه .
حسبي الله ونعم الوكيل ولا حول ولا قوة الا بالله
والله أكبر والعزة لله

لا لاعتقالات السلطة لحماس وحزب التحرير في الضفه ولا لاعتقالات حماس لفتح وجيش الاسلام في غزة
ولا لكل التنظيمات اذا فعلت وقاتلت لغير الاسلام والدين والوطن والقومية
فلنترك الحساب والعقاب لمن أخطأ لرب العزة فهو أعلم بمن ظلم وأعلم بمن طغى وتكبر وأعلم بمن خان [/]

[السيف عدي]

تسلم اخوي ع الموضوع ما ننحرم

[بو هبه]

لا اتوافق معه في كل كلمه قالها


وليذهب كل من يخون حماس الى الجحيم



فكلنا يعرف من على حق


وان لم تكن على حق لما كان وانقلب الجميع ضدها


واشهروا السلاح في وجهها



سلامي

[MoHaDe]

اخي حسام
مشكور عالمرور الرائع والر الاروع
ما ننحرم من هالطلة ان شاء الله

اخوي بو هبة
مشكور عالمرور الحلو
كل واحد الو راي عادي

بالاخر كلنا ولاد شعب واحد
ما حد بقدر ينكر انو في ناس بفتح حرام يكونوا من هالشعب وبالمقابل في ماس بفتح عالراس والعين احسن مني ومنك
ونفس الشي بحماس في ناس هيك وناس هيك
بالاخر كلهم بشر فش حد منزه عن الخطا

انا من ناحيتي
ضد اللي بعملو الجهتين يعني الامور ممكن تنحل بطرق افضل من هيك بكتير عالقليلة بدون سلاح
المفروض سلاحنا يضل متل ما تعودنا عليه موجه على صدور اعدائنا مش على صدور بعض ان كان من فتح او حماس يعني في ناس بغزة من فتح وحماس ما شاركو بكل اللي صار لانو عندهم قناعة انو اللي قبالو اخو وومكن يكون احسن منو واذا المشكلة بالمسؤولين الكبار عنا شو دخل الفرد الصغير اللي فش الو حول ولا قوة يعني يوم القيامة لما يسالو شخص ليش قتلت هادا الشخص يقلو علشان فلان الفلاني امرني بنكب بجهننم واذا المقتول برضو كان نفس القاتل قاعد بسوي برضو بنكب معو بالنار
انت اكيد ما بترضاها فتنة بفلسطين ولا لا مش المفروض نكون زي دايما مع بعض في ساحات الجهاد مش ضد بعض هادا الشي اللي بدهم ايانا اليهود نوصلو

عالعموم مشكور عزيزي عالمرور الرائع واكيد بحترم رايك لانو كل واحد الو رايو وممكن يكون رايك افضل من راي او بالعكس
تحيــــ محمد ــــاتي

[بو هبه]

ع راسي اخي محمد


انا بالاول ترددت احذف الموضوع ولا لأ


لأن صاحب الرد مش هوون وكيف بدي اوجهه


بس مضطر اني ارد واكمل

اقولك ان الي بقول الله لا يرد حماس ولا يرد فتح غلطان


لأن في الي ع حق وفي الي ع باطل



لمن كان المطلوب الاول لإسرائيل محمد الضيف ..هل هذا يدل على انا القسام على خطأ


ولمن يكون احمد الجعبري هو المستهدف الثاني لإسرائيل ..ايضا هل هذا يدل على ان حماس على خطأ


لماذا لم يكن المستهدف او المطلوب الاول لإسرائيل هو دحلان اهذا يدل على انه صاحب وفاء للأرض وللوطن


لماذا اغتيل الشيخ احمد ياسين ولم يكن محمود عباس ..؟


ولا انكر ان لفتح ابطال والخير فيهم باقي


لكن كل من الحركتان يلعب دوره




واذا كان ع رأي الاخ لا حماس ولا فتح


مين الي بدو يحرر فلسطين


شعب مكسور الجناح


دمت


سلامي

[MoHaDe]

اها عراسي اخي العزيز بو هبة

انا معك من ناحية المقاومة الله مع الجميع
بس كاتب الموضوع مش قصدو عالمقاومة
قصدو عسياسة الجهتين بادراة البلد
انو بالامكان حل بعض الامور بطريقة حضارية اكتر وبطريقة بتشمتش حد فينا

اما من ناحية المقاومة انا معك
حماس وفتح التنتين الهم نصيب عالي بمقاومة الشعب الفلسطيني ولسا هادا الشي موجود فيهم
كتائب القسام انجبت وما زالت تنجب الابطال
ونفس الشي كتائب الاقصى ومن قبلها صقور الفتح والفهد الاسود ونسور الفتح والعاصفة مرتبين حسب الترتيب التاريخي لهم انجبو وما زالو ينجبو ابطال

وبرضو السلطة نفسها تاعت رام الله فيهم الصالح وفيهم الطالح
يعني هلا تقريبا كل المسؤولين اللي فيها فاسدين يعني زي ابو مازن والمالكي بس هدول داخل البلد مثلا رام الله ملهمش اشي اللي بمشي البلد الامن هناك
والامن فيهم الصالح وفيهم الطالح
يعني وقت اي عملية اغتيال لحد مطلوب مثلا ربيع حامد اللي حاولو يغتالة اكتر من 6 مرات واحداها قبل سنة تقريبا شفتوها عالتلفزيون المحاولة لما سكرو رام الله
انصاب ربيع اللي هو قائد كتائب الاقصى برام الله برصاصة قريبة من القلب وكان راح يروح فيها واللي خبى وعالجو الامن الوقائي
مش لونو فش فيهم حد منيح وكلهم عملا كان مسكو وسلمو وهيو ربيع ما شاء اله عليه بعدج المحاولة تجوز وهيو عايش

فزي ما قلتلك المشكلة مش بابناء الحركات المشكلة ببعض السياسات وببعض المتعصبين من ابناء هادي الحركات

كل الاحترام الك عزيزي بو هبة و جد اعجبني فكرك وعقلك الواعي والفهمان

تحياتي

[بو هبه]

قصدو عسياسة الجهتين بادراة البلد
انو بالامكان حل بعض الامور بطريقة حضارية اكتر وبطريقة بتشمتش حد فينا

لكن عند وضع الشروط لحل الامور


الشرط الاول يكون الاعتراف بإسرائيل وهذا امر لا يرضي رب العالمي ولا الشعب الفلسطيني


لذلك تجد منهم المتعصبين


وسياستهم جافه واحيانا داميه


وطبعا هذا الشرط رح يلغي اي اتفاق بين اي طرفين من الشعب الفلسطيني


مية ورده للحج


ع راسي والله


والله يكون بالعون


واشكر فيك احترام الرأي

وادب الجوار


دمت


سلامي

[الفتاة المشرقة]

مشكور اخي

انا بحكي لازم يكون حدا على حق ولتاني على باطل

والله اعطانا عقول نميز بين الصح والخطأ

يعني حماس ما اتخذت هاي القرارات الا لما صار تفجيرات وبصفتها المسؤوله عن غزه لازم تبحث في سبب الانفجار
وطبعا معروف مين الي فجر بكفي اطلعو بيان على اسم فتح

المهم
اما الضفه لا في تفجير ولا اشي وعلى شو الاعتقالات والضرب
ولا بيساعدو اسرائيل

يعني لازم يكون حل للوضع هذا
وان شاء الله الفرج قريب

[bEnOoO]

..............................الواح د بطل يعرف ايش يحكي......................

يسلمو mohade

[نبض الأقصى]

بعرفش بس أحداث كثيرة حدثت في الفترة الأخيرة

وأوضحت من الذي يعتدي

ومن الحق و من الباطل

وأيضاً الأمور في الضفة تختلف عن غزة كثيراً

والله يجيب الي فيه خير