هل انت مع الدوله العلمانيه؟؟

[حنان16]

من المفارقه ان هذا الموضوع الذي بدأت به والذي سأنهي به
فلماذا تتعب الاداره المبجله نفسها عناء الطرد وحذف مالا يروق لها من مشاركات
في البدايه اعتقدت ان هذا المنتدا لكل الفلسطينيين من كل الاطياف الفكريه،لكني اكتشفت غير ذلك
حيث تمحى ما لا يروق لها من افكار
لقد ابليتم بلائا حسنا في الذود عن دينكم
الله يجعل جهادكم الالكتروني ضد الباحث العلماني المرتد في ميزان حسناتكم
هنيئا لكم بما انتم عليه
واتمنى لكم حياه مايئه بالصحه والعافيه
سلام الانسانيه

شكرا على التهنئة

واعلم ان اسلوبك هذا لا يجدي اي نفع

الا اذا كان من افكاركم ان الهروب يحل عقد المشاكل

؟!

واسمع ايها الباحث المتوهم

اتحداك ان تجيبنا ولو على جزء من الاسئلة التي طرحت

اتحداااك

..

[السيف عدي]

علشان نكون واضحين في الطرح .. أنت عم تحكي عن قضية ( الالحاد ) .. ومش عن ( العلمانية) ..

ببس شكلك خايف تحكيها صراحة .. فتخبيت ورا العلمانية وتوهت الناس معك ..

انت هلأ مسلم وناوي تلحد .. يعني ما بدك تآمن بالاديان السماوية .. ومش مؤمن بوجود الله عز وجل ..

واكبر دليل انك عم تستشهد بنظرية ( داروون ) ... الانسان اصلو قرد .. والحياة بلشت متواترة ..

الالحاد قضية مختلفة عن العلمانية .. ما توهنا وتوهك حالك في النقاش.

مستني ردك عزيزي .. ومستعدين للنقاش ..

[ورد الساهر]

ايش تعني العلمانية بالضبط ..؟!

إنك تصوم وتصلي وبس ؟!!!

والباقي على كيفك .. طيب والتشاريع إلي نزلت في القرآن الكريم من أحكام في المأكل والملبس والتجارة والتعامل مع الناس حتى في أحكام الطلاق والطهارة وفي الميراث وغيرها الكثير ..

كلها تذهب في مهب الريح ..؟!! ونتقيد بتعاليم البشر إلي فيها من الخطاء ما الله بها علييم ...

وفي النهاية ربنا بكرة رح يسألنا عن هالتعايم إلي نزلها في كتابه وسنة نبية وعن التطبيق فيها وين راح ..

هل هناك عيب أو خلل أو نقصان في القرآن أو السنة عشان نحط ونشيل من القوانين إلي بتناسبنا ومابتناسب غيرنا ...

[MoHaDe]

ههههه
عفكرة من ردودو مبين انو بلاخم

باحدى الردود قرات انو الناس هون بتستورد من برة من الابرة للطيارة
طيب شو دخل الاسلام بالموضوع
الاسلام مش ضد التطور
بالعكس شوف وقت ما كانت الدولة الاسلامية كانت اكتر دولة متطورة واكتر دولة عندها علوم
بينما حبايبك الاوروبين اللي بتتفاخر فيهم هلا كانو نازلين ببعض حروب وكانت عيشة البقر احسن منهم شوف مثلا فترة الاقطاعيين ناس فوق الريح والباقي عندهم عبيد بينما وقتها كانت الدولة الاسلامية فش حد بختلف عن التانيي فش طبقات فش كل هالحكي الفاضي تاعك لحتى في فترة من الفترات فش فقرا بالبلد كل الناس ميسرة حالها لدرجة تحت كيس كلو ذهب عباب الناس ترجع تاني يوم الصبح بدال ما تلاقي ماخود تلاقي مزيود عليه

يا قلق انت لو ترجع الدولة الاسلامية كان بتشوفش هالحكي الفاضي اللي موجود هلا يا زلمة اذا العلمانين نفسهم حكو عن الاسلام انو نظام رهيب
بكفي انو نازل من عند الله
هادا بخلي نظام كامل متكامل
مش اللي حطو بشر ناقص

[حنان16]

هرب الباحث الى موضوع لمن يجرؤ فقط عن السلبيات والايجابيات

للسيف عدي هون


وانا بعدي بتحداه

يا ترى راح يكون قد التحدي

..

؟!!


بنتابع

^_^

[limar]

من المفارقه ان هذا الموضوع الذي بدأت به والذي سأنهي به
فلماذا تتعب الاداره المبجله نفسها عناء الطرد وحذف مالا يروق لها من مشاركات
في البدايه اعتقدت ان هذا المنتدا لكل الفلسطينيين من كل الاطياف الفكريه،لكني اكتشفت غير ذلك
حيث تمحى ما لا يروق لها من افكار
لقد ابليتم بلائا حسنا في الذود عن دينكم
الله يجعل جهادكم الالكتروني ضد الباحث العلماني المرتد في ميزان حسناتكم
هنيئا لكم بما انتم عليه
واتمنى لكم حياه مايئه بالصحه والعافيه
سلام الانسانيه

اعتراف بفشلك معنا

وبفشلك بالرد علينا

كل سؤال كنا نطرحو ما وجدت الو جواب وكل مرة بترجع بسؤال

وتجد الجواب منا

ضيعت فترة كبيرة من عمرك وانتا تدرس وتبحث العلمانية والالحاد

ضيع فترة بسيطة لتدرس الدين الاسلامي الي هو دينك بالفطرة وليس بالوراثة

وازا كنت مبهور بالعالم الغربي فهو يفتح يديه لامثالك

روح وجرب حياتك عند العلمانيين

والله يمكن الغرب احسن من امثالك لانهم اهل كتاب

اما انت مناقشتك معنا اوصلتك للالحاد

وانت تجادلنا تحت ستار اعلمانية ولكنك تريد اوصل افكار ملحدة ونشرها عنا

بس ما راح تنجح

ازا كنت شايف عالم كتير ايمانها ضعيف ما تعتقد تلاقيهم عنا

ترقب وشوف نهاية العلمانيين كيف راح تكون بركي بتعتبر اخي

والله على كل شيئ قدير

[الباحث]

قبل كل شيء انا فلسطيني علماني وصلت الى هذه القناعات من خلال البحث والدراسه المضنيتين ولا يحق لاحد على وجه البسيطه ان يكمم فمي ،فحقي في التعبير عن رأيي حق غير قابل للنقاش.
ان ما تمارسونه ضدي من ارهاب فكري لهو انعكاس لثقافة الخوف من التنوع
وبدون التنوع لن نتطور مطلقا، فلو ذهب احدكم الى حديقه بها نفس لون الورود لمل واصابه الضجر،لكن الحديقه ذات الورود متعدده الاشكال والالوان بالتاكيد ستكون اغنى وامتع
انا متأكد ان بطرحي هذا الموضوع ذهب معظمكم للبحث في (غوغل ) وهذا بحد ذاته بدايه النجاح،وكأن تأتي لبركه وترمي بها حجر لتتموج ولتنتج اشكال جديده
النتوع الفكري بثري الحاله الفكريه للمجتمع ويفجر طاقاته لنصل الى الثوره القجريه التي تسبق اي ثوره اقتصاديه صناعيه ...الخ
ان التنوع هو اساس اي تقدم ،قفد يخرجما بينكم مارتن لوثر العرب فنحن بأمس الحاجه اليه

[Arabian girl]

تكلمت وهاجمت ديننا وهاجمتنا
وسالتنا واجبناك وسالناك ولم تبادر باجابتنا
وتسمي هذا ارهب من طرفنا !!!
وبالنسبة للعلماء فلقد خرج منا الكثيرين عندما كنا دولة اسلامية
ومازال هنالك علماء بيننا
ولكن يبدو انك انسان غير مثقف
الم تعلم ان طلاب جامعه في فلسطين اخترعو عربه تمشي على الطاقة الشمسية ؟
نحن نفتخر بانفسنا
ونفتخر باسلامنا
ونصيحة لك : ان اردت مناقشة مع احد فتثقف بدايتا
لانك اثبتت لنا انك انسان فارغ لم تات الا لتضييع وقتنا
فنصيحتي : اقرا وتعلم !!
تحيتي ^^

[الباحث]

يكفينا التغني على الاطلال
بعدين انا مازلت اتعلم
لو كان هذا الموضوع تافه لماذا تجهدين نفسك بالرد عليه
لي سؤال :هل احتلال اسرائيل لارضنا هو قضاء وقدر

[محمود]

هههههههه ،،

طيب أسألك سؤال ^_^

هل وجودك على أرض فلسطين محض الصدفة ؟

---

أما عن سبب احتلال اسرائيل لأرضنا هوي قضاء وقدر ،،

لكن كل شي اله أسباب ،،

ولولا قضاء الله وقدره لو تعرقلت عندهم الأمور وما تم احتلال لفلسطين :) ،،

لكن مشئيه الله تمت وتم اللإحتلال ..


ثاني شغلة ، قضاء الله وقدره بما انو خلقك ، أعطاك البصر ..


تخيل لو ربنا خلقك انسان بلا عقل ( متخلف عقليا ً ) ،، لو اجيت ع المنتدى تناقشنا ؟

ولا شو رايك ،، مشان هيك احمد ربك .. الا ازا ما بتآمن بوجود الخالق ،،

هاد شي ثاني ،، وقتها بكون متأكد انك كنت سابقا ً ناتج عم عملية كيمائية بالصدفة وبديت تتحور

لحد ما صرت من خلية واحدة صارت سمكة بعدين مرت بطور الحيوانات مرة حصان ومرة أرنب بعدين صرت

اعلى رتبة في الحيوانات بعدين صرت انسان !!!

هذا هوي اسمو القضاء والقدر يا أخي (:


فعلا ً ،، الموضوع تافه يا أخي لأنك غير مفيد ولا مجدي في ردودك ..

بصراحــة بتتهرب من كل شي ،،

لكن ينقصك شي عنا ، النخوة الإسلامية في الدفاع عن الأسس الربانية ..

العلمانية بتقولك ، ليش تعب حالك مشان المبادئ ،،

لكن مبادئ الإسلام ما بنفرط فيها ،،

ازا عندك مبادئ شخصية ومبادئ شرف !!

بتقدر تفرط فيهـا ؟؟