هل انت مع الدوله العلمانيه؟؟

[بنت فلسطين المجروحة]

يااخي مين قالك انو فيه دولة بتطبق الدين الاسلامي بالوقت الحالي

والغيرة على دينا هاي فطرة واشي طبيعي

اذا صارت على ارض الواقع ساعتها احكي وقول

وبعدين مو معناته اذا في حد بناقشك وفاهم معناه انه الدين الاسلامي مطبق 100%

يااخي احنا افراد

مش دولة

اتمنى يكون وصلك الفرق


وبتمنى انك ماتتهرب من اسئلتنا

اتا بس بتدور عسؤال تقدر تحكي فيه وتمسكه وبتقعد تعيد وتزيد فيه

طيب جاوب عكل الاسئلة ياشاطر :9

[MoHaDe]

هل لكم ان تعطوني نموذج واحد لدوله اسلاميه تحترم فيها انسانيه الفرد وحقه في التعبير عن رايه ،وتحترم انسانيه المرأه
ولا يعتبر شعبها سوق استهلاكي للغرب اي انه يصنع حاجياته بنفسه ،ولاوجود فيها للمظاهر الرجعيه كالعشائريه مثلا
ويكون القانون فيها فوق الجميع حيث لا وجود لمعنى المحسوبيه في قاموسها
الرجاء الرجاء لا تعطوني مثلا قبل 1400سنه بل في عصرنا الحالي
ولا تقولو ترددو لي تلك الاسطوانه المشروخه (اننا بعيدين عن الدين)لانه ما شاء الله وبحسب ما اراه انتم غيورين جدا على دينكم.

انتا غبي ولا بتستغبي ؟؟؟؟

بعتذر من الوجوه الطيبة عهالكلمات بس مضطر احكيهم

ليش فكرك الدول اللي احنا فيها هلا النظام فيها اسلامي ؟؟؟

مكل هدول الدول اللي انت بتحكي عنهم بتبعو نظامك اللي قاعد بتدافع عنو بيتبعو النظام العلماني يا حلو وولا وحدة فيهم بتتبع النظام الاسلامي هاتلي وحدة منهم بتتبع النظام الاسلامي والقران هو منهجها ودستورها
كلهم علمانين وانت هيك اعترفت انهم بيتبعو نظام متخلف اللي هو النظام العلماني

[الباحث]

عندما يثور الشعب المصري يلجأ النظام الطاغي الى الازهر ليخدر عقول الناس ويخمد ثورتهم
وعندما يتململ الشعب السعودي تلجأ العائله الحاكمه الى دعات السلف الصالح ليخاطبو الشعب من خلال شاشات التلفاز بأن يطيعو الي الامر
اذن هي دول غير علمانيه بل متصالحه ومتحالفه مع رجال الدين لمص دماء شعوبهم
حتى لو كانت الحكومه علمانيه صادقه لا يمكن تحقيق التقدم الحقيقي ما دام الشعب ينصت لرجال الدين وليس للعلماء المتخصصون
وكيف يحدث هذا والاعلام مسيطر عليه من قبل الدعاه المخدرين للعقول
حتى الكتب المتواجده في الاسواق لا تتعدا عذاب القبر وفن الطبخ وتفسير الاحلام ورسائل الحب والحصن الحصين من الجن اللعين، فمن المستحيل ان تقوم لنا قائمه ما دام هذا الفكر هو السائد

[limar]

يا اخي خليك منطقي

انتا بتناقض كلامك كل مرة

وهادا حالنا عجبك او ما عجبك

لما تقبل اتطبق الافكار العلمانية على بيتك واهلك واختك ونتك ناقش هالموضوع

ازا حضرتك بتنادي وتناشد بحقوق المرأة احنا الحمدلله دينا اعطانا حقوقنا

وازا كانت الدول ما عم تعطي الجقوق فهادا مو لوجود ثغرة بالدين

لوجود قلة الايمان بالدين

بعدين ازا انتا شايف انو الدول الغربية اعطت للمرأة حقوقها فيه بالعكس

ابتذلتها وما كان في اي احترام

وبرضاها كمان

واحنا راضيين بحالنا والحمدلله

هي بلاد الله واسعة

روح وطيق افكارك بعيد عن مجتمعنا

ازا انتا شايفو متخلف يا محلا التخلف اخي

[MoHaDe]

ولا حبة انت
بناقض بحالو و بتهبل وبنسالو شغلات بتبين انو غلط وبتهرب منها
شو هالنقاش هادا

اقلك مش عاجبك يا اخي انت حر تقلش عن حالك مسلم روح صير شيوعي ما حد بمسكك

عنجد اللي استحو ماتو

[نور الهدى]

الباحث

مازلت تتهرب .. و لم تجب على تساؤلاتي .. و كلامك كله عبارة عن مزيج غير متجانس و فوضوي من الافكار و المعلومات التي تفتقر للدقة و نضج الفكر

ها هي التساؤلات امامك من جديد و اقتبستها حتى لا تتعب و انت تبحث عنها بين الردود .. فقط اجبني عليها بدقة و من غير لف و دوران

1- لماذا ترى ان الدول العربية محتاجة لنظام علماني ... ( على فكرة الحكم علماني في اغلب الدول العربية و كما قلت سابقا لم يبقى من تشريع الاسلام شيء في قوانينها الا قوانين الاحوال الشخصية )

2- هل ترى أن الحكم الاسلامي - فاشل - في حل القضايا المعاصرة التي نواجهها ؟؟

ان كان الجواب - نعم - فما هي هذه القضايا ؟؟

3- أعطونا قضية ولو واحدة فشل الاسلام في حلها ونجحت العلمانية

//

اما عن سؤالك

هل لكم ان تعطوني نموذج واحد لدوله اسلاميه تحترم فيها انسانيه الفرد وحقه في التعبير عن رايه

اعرف انك تقصد نموذجا لدولة في الوقت الحالي

و للاسف لا يمكن لأحد أن يلبي طلبك لسبب بسيط ... و هو عدم وجود دولة اسلامية اصلا !!

قلناها و كررناها عدة مرات - و تجاهلت هذا الكلام - الدول العربية تتبع نظاما علمانيا

[الرمشـ الحساسـ]

انت من اي كوكب جاي!!؟

[صقر قريش]

السلام عليكم طبعا انا ليس مع الدولة العلمانية واتبرء منها من حكامها الطواغيت ليوم الدين كيف تفضل الدولة العلمانية على الدولة المسلمة ولعلمك لاتوجد دولة مسلمة الان كلها علمانية لئنهم لاحكمو بل الكتاب والسنة الشريفة وينسون كلام رب العزة جل وعلا (ومن لا يحكم بما انزل الله فاأولئكة هم الكافرون) ولا يوجد اعدل وارءف من حكم الله لا في الدنيا ولا في الاخرة (الله يحكم بينهم ) الله رب العزة رب السموات والارض مجري السحاب وهازم الاحزاب الا تستحي منه عندما تفضل الدساتير الوضعية على دستور رب العالمين (القران الكريم) الله اكبر وتذكر قول الله تعالى (ان الدين عند الله الاسلام) وتذكر قول الحبيب المصطفى صلى الله عليه وسلم(من بتغى غير الاسلام دينا فهوة رد) وافضل ان تذهب وتصلي وتتقي الله في قولك لعل الله عز وجل ان يغفرلك انهو هوة الغفور الرحيم وتذكر ورائك يوم ليش كمثل الايام(يوما عبوسن قنطريرا)

[&نسيم الروح&]

انا مسلم بالوراثه فاسمي وديني ليس لي الخيار باختيارهما

ليش ضليت على الاسلام ما في اشي اسمه بالوراته وباعتقادي انه الاسلام مو صفه وراتيه بتاخدها من ابوك وامك قصدي جينيه او بالكروموسومات

انا احترم كل المعتقدات لكني ارفض التشريعات الدينيه

واضح من ردودك انك تحترم

يا اختي انت تخلطين بين الالحاد والعلمانيه والادينيه والشكوكيه والادريه والايمان
انا علماني ولست ملحد

معلش هي ما بتفهم وببساطه التخلي عن االدين بالحكم والقوانين هو الي مخرب العالم

وازا انتا ما بتعرف انا بحكيلك باعتراف احد المستشرقين الي حاول يطلع غلط واحد بالرسول عليه السلام ما قدر وحكى انه هو اعظم رجل لانه ما حد قدر متله يدخل الدين بالدوله ويحكمها بالدين

لا ومو بس هيك انتا اصلا يمكن ما بتعرف شو يعني علمانيه

لما تمشي البنت شبه عاريه وبمجرد ما يادن تروح تصلي بمجرد انه لبسها حريه شخصيه

لما الرجل يكون يشرب الخمر الي هو حرام وبيجي بزكر اسم الله بشي الله اعلم شو هو عادي مهو شرب الخمر حريه شخصيه

حتى كلمه اخي والله بكتبها وبمحيها لانه ما بدها تطلع الك بالزات

روح ادرس الدين الاسلامي وبعدين تعال احكي بالعلمانيه الي خاربه العالم وتاكد حريه الانسان وحقوقه الاسلام اول دين اعطى ياها

هل لكم ان تعطوني نموذج واحد لدوله اسلاميه تحترم فيها انسانيه الفرد وحقه في التعبير عن رايه

هو ما في دوله اسلاميه حاليا بس قديما بعطيك مليون


المراه كانت متل الموبيليا تماما وكان لما يموت واحد يجي اي واحد يحط عبايته على الزوجه "زوجه الميت" ويحكي هادي الي بدون ما يكون الها الحق بانها تحكي اه او لا

لما كانوا يدفنوا البنت وهي عايشه لمجرد انها بنت

شرب الخمر الاسلام ما حرمه هيك لانه ربنا بده يحرمه بدون سبب والدليل انه الخمر يدهب العقل وبخلي الانسان متل المجنون

كل هدول الاشياء حرمها الاسلام الي انتا رافض يحكم دوله معينه اخي احنا ما عنا ولا عضو علماني على حسب علمي

والي بتدوعو اله هاد شي مفرغ منه لانه تاكد انه لو العالم حكمه الدين الاسلامي او المسيحي الاصلي الي نزل على عيسى عليه السلام

تاكد انه كان العالم كله بالف خير

خلص اصلا انا ما دخلت الا كنت بدي اقرا الموضوع مو لارد بس لما ادايقت من كلامك حبيت ارد وبعرف مليون بالميه انه ما رح يتغير رايك بالموضوع والا كان الي ردوا قبلي غيروا

وبرجع بنصحك......... روح ادرس الدين الاسلامي قبل ما تتناقش بموضوع مو عارف نصه وبدك دليل انه الدين الاسلامي اعطى الانسان حقه روح يا

اه نسيت احكي ما تفكر انه انا بهاجمك لا بس هاد لانه الواحد بنقهر لما يشوف واحد مسلم بحكي عن حاله مسلم بالوراته

روح غير احسنلك لشو الدين بما انه هاد رايك ولا بالاسم مسلم وبالفعل يا حيف

[Arabian girl]

المشاركة الأصلية كتبت بواسطة الباحث

عندما يثور الشعب المصري يلجأ النظام الطاغي الى الازهر ليخدر عقول الناس ويخمد ثورتهم
وعندما يتململ الشعب السعودي تلجأ العائله الحاكمه الى دعات السلف الصالح ليخاطبو الشعب من خلال شاشات التلفاز بأن يطيعو الي الامر
اذن هي دول غير علمانيه بل متصالحه ومتحالفه مع رجال الدين لمص دماء شعوبهم
حتى لو كانت الحكومه علمانيه صادقه لا يمكن تحقيق التقدم الحقيقي ما دام الشعب ينصت لرجال الدين وليس للعلماء المتخصصون
وكيف يحدث هذا والاعلام مسيطر عليه من قبل الدعاه المخدرين للعقول
حتى الكتب المتواجده في الاسواق لا تتعدا عذاب القبر وفن الطبخ وتفسير الاحلام ورسائل الحب والحصن الحصين من الجن اللعين، فمن المستحيل ان تقوم لنا قائمه ما دام هذا الفكر هو السائد

اقلك شغله بدي اعطيك امثلة :
شيوخ: في عنا عمر عبد الكافي شوف شو حكيو بعدين احكي عقول مخدرة طبعا في غير شيوخ كتيييير بستحقو الاستماع لانهم ما بحكو من جهة دينية فقط بل ومن جهة علمية منطقية

كتب: في كتاب اسمو لا تحزن بنصحك تقراو
ولا موضوعو متخصص بالاحلام ولا بالجن ولا بالعذاب ولا بالحب وطبعا هاد الكتاب شيخ عاملو

وادا بدك دول اسلامية
هلا ما في ولا دولة بتطبق الشرع متل ما هو ممكن السعودية بتطبق جزء بسيط بس بتطبقو بس بنظام العقوبات
اما دول طبقة الشرع
في الدولة الاسلامية زمان اللي انشاها المسلمين في المدينة ع زمن الرسول (صلى الله عليه وسلم )
او ع زمن عمر بن الخطاب بتعرف انو ع زمنو اجى وقت عشان يسال عن محتاج عشان يعطي الزكاة وما لقي ولا واحد
ايام هدول الناس الملتزمين كانت دولتنا باعاليها
بس هلا ما بقول غير الله يهدي حكامنا

(طبعا هدول الامثله جزء بسيط
بس يبدو انك ما بتطلع عشان تتعرف
لو انك اعرفت الامثله اللي انا حكيت عنها وطبعا هادي الامثله معروفة عربيا مو دوليا ما كنت رح تحكي هيك
وانا قلتلك قبل اقرا بعدين تعال ناقش )