---فلســــ تنـــادي ــــــطــيــن .. قائمة من المعترضين على الاحتلال الصهيوني..---

[بنت فلسطين المجروحة]

طيب وبعد مااسجل اعتراضي شو الفايدة

عم بثبت اني معارضة للاحتلال ؟

وبثبت لمين ؟ لانظمتنا اللي مابهمها ولامريكا اللي اكيد مابهمها ؟

ولا بنثبت لنفوسنا

اذا هو اثبات لنفوسنا فبئس الاثبات

انا بحكيها هان انتوا عم تعترضوا عالاحتلال

ليش بتدعموه

مين بقاطع المنتجات الامريكية

مين مابشرب بيبسي ولا كوكولا ومابياكل كتكات او من دنكن دونتس ولا بستخدموا اريل او برت بلاس او او او

اكيد في قلة بتعمل هيك بس انا متاكدة انو اغلب المنتدى ماعم يعمل هيك


رفض االاحتلال مو بالحكي

رفض الاحتلال بالفعل واقلها الدعاء ومقاطعة المنتجات الأمريكية

اذا كنتوا فعلا بتحبوا فلسطين فورجنا همتكم فالمقاطعة والدعاء

وهالحكي لكل اهل فلسطين اللي برة حدود فلسطين

لانو الببدائل موجودة

بس احنا حبنا لنفسنا اكتر من حبنا لفلسطن وهاي هي الحقيقة المرة..

[حنان16]

اختي انت مو عايشة معنا

ولا عارفة لو كنا فعلا مقاطعينا ولا لا

فما تحكمي على الكل

..


عموما نقطة رائعة منك

فبدي من خلالها اسالك

اذا ممكن نضم نقطتك لهالرسالة

وندعوا الجميع لمقاطعة المنتوجات الامريكية

ومعها الدانماركية نصرة للحبيب المصطفى

ليس بالضرورة كلها اذا لم يكن هذا ممكنا

ولكن على الاقل الاشياء التي ليست ضرورية

فلنستغني عنها من اجل فلسطين

وهذا فقط من باب التيسير ..

فما رأيك

؟


اما عن الاثبات او مو الاثبات

فمثل ما حكيت بدل المرة الف اختي

انا عارفة انه هاد ما يسوى اشي امام الواقع

بس ما باعرف حالة انتابتني

حسيت فعلا اني حانفجر

ما عرفت شو اعمل

بادعي وبادعي

وحسيت بدي اعمل شي تاني

ومو بايدي اشي تاني

...




اتمنى تفهمي قصدي اختي


وبعدي بانتظار رأيك


..

[حنان16]

لانو البدائل موجودة

صدقتي اختي

وصدقيني

حكيك عن المقاطعة والله بوافقك على معظمه

وصدقيني كثير باحكي مثل اللي حكيتيه لاشخاص كثر

بس ربنا يهدي الجميع

لان المشكلة مو في البدائل

انما المشكلة في الاشخاص وبالظبط في العقول

...

[Arabian girl]

انا عربية فلسطينية من قضى نابلس
اسجل معارضتي
واقول لا لاميركا ولا لاسرائيل
ولا لا لا لا لن يسلبونا قدسنا وارضنا
وعائدة يا وطني
اطيب التحيات واجل التقدير اليكي حنان

[بنت فلسطين المجروحة]

اختي انت مو عايشة معنا

ولا عارفة لو كنا فعلا مقاطعينا ولا لا

فما تحكمي على الكل

انا حكيت الاغلب ماحكيت الكل ^.*

وهادا حكمي من ردود الاعضاء والله

وانا كمان بحكي قاطعوا لكل معارفي

وبحكوا عليي اني متشددة *.^

وبصراحة يئست كتير

لأنو مافي حد بعمل هالاشي

وماعندي اي مانع نضيفها

وياريت تتطبق وتتوسع لتكون خارج حدود اعضاء المنتدى حتى

وممكن الاحلى انو نحطلهم البدائل

بتذكر كان عندي هيك ورقة

بدي ادور عليها

ممكن كبداية نعمل استفتاء انو مين حابب يقاطع

لنشوف اذا في حد اصلا حابب يقاطع او حتى نعرف اذا في حد بقاطع فيكون معنا بهالموضوع

وممكن لو نضمه لمشروع ااحياء امة انا مابعرف اذا اتجاهات الحملة دينية بس ولا سياسية كمان

[حنان16]

خيتو بصراحة يعني

بحس اهدافك واهدافي متطابقة شيئا ما

وكمان بحس راح نتفاهم كثير

فاذا ممكن آخذ او تاخذي ايملي من الادارة

بدي نتناقش

ونحط افكار مو بس في المنتدى

انما على الواقع كمان

لاني من زمان بدي اعمل شي هيك

نتوسع في كثير اشيا

ونحاول نشارك في القضية الفلسطينية

ولو بالبسيط

شو رأيك

؟

[حنان16]

اختي ارابين

والخالق تسعدني مشاركتك

ومهما قلنا ومهما فعلنا


الامل كله في الله

وعلى الله توكلنا ولازلنا

وسنظل

لنقولها دوما ابدا

لن نركع

لن نركع يوما


..

[بنت فلسطين المجروحة]

ماعندي مانع

وخلينا نبدأ فالمنتدى ولو نجحنا نطلع لبرة ليش لأ ^.^

اطلبي ايملي من الادارة

[حنان16]

اوك سيتم ان شاء الله

..

[عبد الصمد الراوي]

بيجي يوم وتتحرر فلسطين الابية وبغداد من دنس الصهيونية ولامريكان

اعارض الصهيونية بكل ما اتيت من قوة وسجلوني بالقائمة