هل انت مع الدوله العلمانيه؟؟

[الباحث]

ليس من طبعي التهرب ولست انبطاحي بل احمل في جعبتي كم من الالام واهتم لامتى بل واغار عليها واريدها ان تكون في مقدمه الامم
ان الفرق الوحيد بيني وبينكم هو انكم تلتزمون بما يمليه عليكم المفتي بدون مناقشه اما انا فألتزم بما يقوله العلم الباحث بعدما ارى تجاربه المخبريه واقتنع بها
ولكي اكون واضح فانا لا ارفض الاسلام كمعتقد بل احترمه ،لكني ارفض اي دين حين يخلط بالسياسه

[نور الهدى]

طيب لماذا لا نعيد الحوار من جديد

ننتقل من نقطة لأخرى بنظام .. لأن الحوار اتخذ مجرى آخر و و اخذ طابع الفوضى و عدم التسلسل في الافكار

اطرح عدة محاور و نقاط لنعيد النقاش بهدوء و وضوح

[محمود]

أخي الحبيب ,,

أذن مكانك الدين الإسلامي ..

احنا ما بنسمع كلام المفتي وبنقول لبيك لبيك ..

احنا بنسمع كلام وتشريعات من ربنا وبنقول لبيك اللهم لبيك ..

وشو رايك الدين الإسلامي شامل للسياسة أيضــا ً ..

احكيلي سياسية سيدنا محمد المطلقة في الأمة ..

لو كان كلامك في تصحيح الأمور ونفاذها هوي النجاح ..

بحكيلك سياسة سيدنا محمد الإسلامية البحتة الناجحة ..

وصلتنا لدولة اسلامية قوامها عظيم في عهد الرسول ..

لحد العثمانين والثروة العلمية شغالــة ..

وكان نجاح يفوق نجاح ..

لحد ما وصل الدين الاسلامي والعلم لصربيا وأقصى غرب اروبا ..

وانتشر السلام في العالم كلو ..

احكيلي ..

هالجماعه هدول !!

كيف نجحو !!

لانو كان اسمهم دولة اسلامية :)


أما الأن رجعنا نقول الوطن العربي ..

مو الدولة الاسلامية

مسحنا منها كلمة الاسلامية

وبهاد اليوم والبلاء طافح علينا طفح ..

..............

اخي الحبيب ، ما فيه حدا اتبع الدين الاسلامي وما نجح ..

والسياسة اليوم هيي السياسية المفتعله من الغرب والي بنافيها يعلن عليه الحرب ..

يعني مو علمانية ومو ديمقراطية ..

بدي احكيلك العلمانية في تركيا ليش بتمنع الحجاب ؟!!

شو دخلهم مش علمانية وكل انسان حر في حالو ..

ليش اضطهاد المسلمين صار من ضمن اساسيات العلمانية ..

مش برضه كل انسان حر في حاله ..

..........

أخي خوفهم من سياسة الدين الاسلامي خلاهم يحكو عن اشي اسمو العلمانية ..

لأنو العلمانية مناصرة للقضاء على الدين الاسلامي وتنيمييه بعيد عن القضايا الدينية

وبهيك بكونو مسحو الاسلام وعزته من قلوب الناس باسم العلمانية ..

وبنفس الوقت بنفذوا مخططاتهم الدينية باسم العلمانية من تحت لتحت

والاسلام هوي يلي منتهك حقوقو حتى في الدول العربية صار منهك ..

لكن لو صارت الحكاية دولة اسلامية ومسيحية

اتاكد انو عود الدولة الاسلامية صاحبة القوام السياسي السليم بالتشريعات الاسلامية

رح تقوى الدولة ويكون عمادها عمادها سليم ، وتقدر تنافس الكل :) وتكتسح الكل ..

نقطة ثانية هم الغرب اول ما قضو ع الدولة العثمانية كان .. انشاء العلمانية كدين بديل ..

في النهاية هيي حرب ع الاسلام ..

[الباحث]

اطرح ما لديك
لكن رجاء احترموني كانسان لي الحق بالتعبير عن رأيي فأنا اخوكم في المواطنه اولا والانسانيه ثانيا ولا تعتبروني مرتد وجب قتله ،فهذه الثقافه صدقوني ليست ثقافه الشعب الفلسطيني المتنور انما هي ثقافه ابن الاسود السلفي الدخيله على ثقافتنا فانتم يا بني كنعان حمله شعله النور على الدوام فلا نسمحو لفكر الصحراء التغلب عليكم فألاطار الاوسع هو الذي يحوي الضيق وليس العكس
معا لنبني الدوله الفلسطينيه المستقله وعاصمتها القدس العربيه
والتي لن تحرر الا ان فقنا اعدائنا علما ونورا

[ABU-NOUR]

محمود 100%

[Arabian girl]

المشاركة الأصلية كتبت بواسطة الباحث

اطرح ما لديك
لكن رجاء احترموني كانسان لي الحق بالتعبير عن رأيي فأنا اخوكم في المواطنه اولا والانسانيه ثانيا ولا تعتبروني مرتد وجب قتله ،فهذه الثقافه صدقوني ليست ثقافه الشعب الفلسطيني المتنور انما هي ثقافه ابن الاسود السلفي الدخيله على ثقافتنا فانتم يا بني كنعان حمله شعله النور على الدوام فلا نسمحو لفكر الصحراء التغلب عليكم فألاطار الاوسع هو الذي يحوي الضيق وليس العكس
معا لنبني الدوله الفلسطينيه المستقله وعاصمتها القدس العربيه
والتي لن تحرر الا ان فقنا اعدائنا علما ونورا

طيب يا اخي احنا بنحترمك بس خلينا نحكي المنطق

[بنت فلسطين المجروحة]

المشاركة الأصلية كتبت بواسطة الباحث

ولكي اكون واضح فانا لا ارفض الاسلام كمعتقد بل احترمه ،لكني ارفض اي دين حين يخلط بالسياسه

طيب يعني الدين الاسلامي كامل واحنا مو بحاجة للعلمانية

ليش نلجألها


التطور عمره ماكان بالبعد عالدين

واقل دليل الدولة الاسلامية من عصر الخلافة الراشدة لحتى العباسيين

انتا احكيلي كيف قامت هيك دولة اسلامية قوية مع انو كان شرعها وسياستها مبنية عالدين الاسلامي ؟

وكانت اوروبا اللي انتا مشدوه بيها عايشين في خرافات وجهل الكنيسة

انا بعذر الاوربيين لما يتجهوا للعلمانية لانهم داقوا المر من الكنيسة في العصور الوسطى

لكن انتا وانا احنا اول مابعدنا عن دينا تفرقنا من دولة وحدة ل دويلات صغيرة

وصرنا قمة التخلف والانحدار


شو بدك اكتر من هيك

دينا كامل ولا في اشي في الدنيا يكون اشمل منه *_^

[محمود]

له يا خيي ..

مين اعتبرك مرتد !!

عم ارد عليك وعم نتناقش معاك شو بك ؟؟!!

هيك الإسلام علمنا واحنا عم نتعامل بالدين الإسلامي ..

خد راحتك المكان مكان ، بس اجعل من حريتك مكان خالي من التجريح ..

احترامي لك ..

[limar]

بأكد انها تبشيرية

العلمانية من اكبر واوسع الطرق التبشيرية الي بيستخدومها بمجتمعنا

بعدين ازا انتا تتبع العلم وما بتتبع التشريعات

الاسلام هو اساس العلم كله

انتا بعدت عن الاسلام واتجهت لتدرس العلمانية

ادرس التشريعات والقرآن

فسر كل فرض بدينا وكل حكمة راح توصل انو اساس العلم هو القرأن

ازا كنت متأثر بالغرب لانهم متقدمين علينا معك حق

بس هالشي ما دخلو بعقيدتنا

احنا لو منطبق عقيدتنا بالشكل الصحيح والكامل

منوصل لاعلى منهم

بعدين دينا بيحكي خدو كل شي واستفيدو من العلوم ومن كل النواحي

بس ابتعدو عن الوجه الي بضر العقيدة

يعني ممكن ناخد من العلمانية بس الشيئ الي بفيدنا والبعيد عن تخريب العقيدة

التشريعات الدينية هدفها حمايتنا من الوقوع بالاخطاء

ازا شايف مجتمعات الغرب العلمانية وصلت لدرجة عالية من التقدم لانها علمانية

شوف الجانب الاخر

حياتهم كيف

تفكك اسري انحراف اخلاقي

انعدام الحياة الاجتماعية

الامراض

الكوارث

غضب الله الي صايبهم من كوارث طبيعية ومن نتاج التكنولوجيا الي بحاولو يوصلولها

الحمدلله احنا لانو عنا عقيدة لو ما وصلنا للتطور الي واصلينو بس حياتنا الها معنى

حاسين بالاستقرار رغم الحروب الي عنا

بكفي لما تحتاج بتلاقي العالم حواليك في مين يسال عنك

ايمانا كمان قوي ما عنا انحراف اخلاقي بالكمية الموجودة عندهم

والي بتسبب اكبر مشاكل بالمجتمعات ومن اسباب تفككها

ازا مكنا العلمانية منا راح نصير اسواء من حالهم

لانو مواردنا ما عم نستخدمها او مو مسؤولين عنها

بس راح ينحرف كل المجتمع

ويتفكك اكتر واكتر

اقرأ القرأن وشوف احكامه

شوف العلم وكمية العلم الي فيه

فسر وشوف اغلب الاكتشافات الي بفكرو انهم اول من اكتشفها موجودة بالقرآن

وبرجع بحكيلك فكر بالافكار العلمانية وفكر بعقيدت دينا

العقيدة الي لا مجال للنقاش فيها

لانو لو ناقشنا فيها راح تودينا لطريق مسدود لانو كل العلم عند الله

والي فاتو بهالمجال وصلو للالحاد

بس بدي احكيلك شي كمان

لو افكار العلمانيين انتا بتوافئ اتطبقها بنتك من عدم لبس الحجاب وافكار ما بدي احكيها لحتى ما اساهم بنشرها هون

اكيد انتا عارفها

ازا بتوافئ انو بنتك اتطبق هيك افكار

بدي اجابة هون

وبرجع بحكيلك ادرس جميع النواحي بالمجال الي انتا فيه مو الجانب الايجابي فقط

[خيـرَ أُمـة]

المشاركة الأصلية كتبت بواسطة الباحث

هل لك انت تفيدني ما الفرق بينهما لاني بصراحه لا اعلم؟
لاني هنا لست بسبب عرض العضلات بل الزيد من معرفتي لهذا انا (الباحث) ابحث عن الحقيقه المطلقه ولا شيء سواها
متسلحا بالفكر الحر

حبا وكرامة يا غالي ...

العلمانية: هي فصل الدين عن الدولة ...
العالمية: هي التعامل مع الآخرين .. الافادة والاستفادة المتبادلة بيننا وبينهم في أي مجال .. سواء كان اقتصادي ام علمي ام فكري .... الخ

انت لمت احدى الأخوات وقلت لها لا تستعملي الكيبورد او الكمبيوتر لانه انتاج غربي ... ديننا يا عزيزي دين عالمي قادر على التعامل والانفتاح على الآخرين من غير المسلمين ..

الرسول عليه الصلاة والسلام عندما استعصت عليه الطائف .. استورد المنجنيق من الأردن التي كانت تحت الحكم الروماني في ذلك الوقت ..

وعمر ابن الخطاب استورد نظام الدواوين من الفرس ..

حتى فكرة حفر الخندق التي أشار لها سلمان الفارسي رضي الله عنه كانت فارسية ..

ذكرت لك ثلاثة أمثلة تدل على عالمية الاسلام وانه دين عالمي من السهل ان يتعامل مع الآخر ومع المجتمعات الأخرى .. يأخذ منها ويعطيها ..

واسمح لي أن اتوج ذلك لك بحديث صحيح عن الرسول عليه الصلاة والسلام حيث قال:
"الحكمة ضالة المؤمن أنا وجدها كان احق بها" صدق رسول الله ..


في النهاية أقول .. ان كنت تفكر بهذه العقلية .. فالحاسوب "كمبيوتر" أصله للمسلمين .. لأن أصل الحاسوب هو الاعتماد على الصفر "0".. والخوارزمي رحمه الله هو من اخترع الصفر ..


اعتقد بطريقة تفكيرك الضيقة .. يفترض بنا نحن المسلمون أن نطالب باعادة الصفر وما نتج عنه الينا :))

يعطيك العافية ,,