شباب فلسطين

السيف عدي · 07-25-2008, 03:40 PM

ذكــــــــرياتــــــ الطفــــــــولهـــــ

ذكريات لا تنسى .. لها بصمات في حياتنا ..

ذكريات مليئة بالسعادة .. والحزن .. الضحك .. والدموع ..

لحظات الالم .. والصدق .. والخوف ..والاكتشاف..

لحظات متميزة .. مرت علينا .. ولن تتكرر ..

هي ذكريات الطفولة ..

اتمنى ان يكتب قلمكم الندي ..

اجمل اللحظات ..

من ذكريات الطفولة..

حنان16 · 07-25-2008, 09:13 PM

موضوع ولا اروع عدي

..

يمكن تكون الي رجعة

..

تحيتي

أنين · 07-25-2008, 09:20 PM

اممم ., موضوع حلو

طفولتي كانت حلوه أكتير ., ^^

كانت على نهفات مش طبيعيه ., يعني هلا بقعد أتزكر هبلي .. وبستغرب أنو أنا يطلع مني هيكـ..

سبحان الله ., كيف الواحد بتغير .. مش موضوعنا هاد

المهم

راح أحكيلكمـ.. كم ذكرى مابتنمحي من بالي

احم احم نبلش .,

وانا وصغيره ., كنت طول الوقت مع ابوي ., يعني وين مايروح أنا معه .,

فاكان في زلمه صاحبه ., اسمه سامي هههههههههههه

المهم هاد الزلمه كان يضلو يستهبل علي .,

ويحكيلي بأنو راح أخدك معي على مصر .,ومش هون المشكله بدو ياخدني على مصر بقفص هههههههههه

وانا اعصب واقعد اسرخ ., ومره كنا طالعين على السوبرماركت ., هو دايماً بكون هناك ..,

فا عارفه بانو راح يجي ., رحت أخدت معي سكين من البيت هههههههههههه كنت ناويه نيه ربنا عالمها

وضليت استناه بس يشرف .,

اجى ., رحت طلعتله السكين ., الزلمه فرط حاله ضحكـ...

وانا بطلع في هيك

إلا اجى ابوي وقعد يبهدل فيني ليش جايبه السكين .,

وقلبتها منااحه عليهم .,

وبالـ أخر راح المسكين الزلمه يعني وشرالي حلويات عشان يسكتني

وانا أرضيت طبعاً

وبس .,

::

برجع بنعفات تانيه ., ^^

تسلمـ.. عمو

السيف عدي · 07-26-2008, 10:05 AM

المشاركة الأصلية كتبت بواسطة أنين

اممم ., موضوع حلو

طفولتي كانت حلوه أكتير ., ^^

كانت على نهفات مش طبيعيه ., يعني هلا بقعد أتزكر هبلي .. وبستغرب أنو أنا يطلع مني هيكـ..

سبحان الله ., كيف الواحد بتغير .. مش موضوعنا هاد

المهم

راح أحكيلكمـ.. كم ذكرى مابتنمحي من بالي

احم احم نبلش .,

وانا وصغيره ., كنت طول الوقت مع ابوي ., يعني وين مايروح أنا معه .,

فاكان في زلمه صاحبه ., اسمه سامي هههههههههههه

المهم هاد الزلمه كان يضلو يستهبل علي .,

ويحكيلي بأنو راح أخدك معي على مصر .,ومش هون المشكله بدو ياخدني على مصر بقفص هههههههههه

وانا اعصب واقعد اسرخ ., ومره كنا طالعين على السوبرماركت ., هو دايماً بكون هناك ..,

فا عارفه بانو راح يجي ., رحت أخدت معي سكين من البيت هههههههههههه كنت ناويه نيه ربنا عالمها

وضليت استناه بس يشرف .,

اجى ., رحت طلعتله السكين ., الزلمه فرط حاله ضحكـ...

وانا بطلع في هيك

إلا اجى ابوي وقعد يبهدل فيني ليش جايبه السكين .,

وقلبتها منااحه عليهم .,

وبالـ أخر راح المسكين الزلمه يعني وشرالي حلويات عشان يسكتني

وانا أرضيت طبعاً

وبس .,

::

برجع بنعفات تانيه ., ^^

تسلمـ.. عمو

ههههههههههههههههههههههه .. يقطع شرك يا انين ..

سكين يما ؟؟ يا ساتر .. عندك نوايا شريرة .. بنخاف منك ..

بس حلوة هالمواقف ياريت ترجعي تحكيلنا اكتر ..

تسلمي ع المرور .. نورتي

السيف عدي · 07-26-2008, 10:08 AM

المشاركة الأصلية كتبت بواسطة حنان16 موضوع ولا اروع عدي

..

يمكن تكون الي رجعة

..

تحيتي

منورة خيتو حنان .. ما ننحرم من طلتك ..

السيف عدي · 07-26-2008, 10:16 AM

انا عندي كتير مواقف بالطفولة .. ما بنساها ..

كتير بكون في شغلات الواحد كان بسويها هبل .. ومتل ما قالت انين .. كيف الانسان بتغير لما يكبر ..

احنا مرة كنا عند بيت سيدو ابو ابوي .. وكنا صغار وولاد عمي كلهم مع بعض وهيك .. وعم يصوروا فيديو لئلنا ..

وبلشو يسألونا .. شو بدك تصير بس تكبر .. انا سمعتهم كلهم عم يقولو .. بدنا اصير دكتور او دكتورة ..

انا قلت .. في عقلي .. بديش احكي متلهم .. بدي غير .. رحت وقلت مدرس ههههههههههه .. قال مدرس قال ..

----------------------

الموقف التاني .. بتذكر اول يوم رحت في الروضة هههههههه روضة الجيل الجديد ..

ماما ماسكتني من اليمين .. والابلة ماسكتني من اليسار .. وانا اصيح من كل قلبي .. بديش الروضة

وتشد في الابلة .. وانا امسك في ماما .. واعيط .. في الاخير ماما استسلمت ورجعتني البيت ..

ردينا تاني يوم نفس القصة هههههههههههه .. فش فايدة .. جابولي شوكلاته .. العاب .. مغريات ههعهعهع

وفي الاخير .. ماما فاتت معي الصف .. وانا ما بدي.. انا المشكلة ازا ما بدي اشي خلص بتنح معي ..

حضرت ماما معي يوم كامل .. لحتى رضيت اروح الروضة ..

وعلى سيرة الروضة .. اول ما فتنا .. علموني كلمة قيرل يعني بنت .. وبوي يعني ولد .. انا قلت في عقلي

يا الله شو هاد البوية صارت ولد ؟ كيف .. خخخخخ

برجع مع نهفات جديدة ..

أحلى غزوية · 07-26-2008, 05:23 PM

ههههه
عنجد انك نهفه
انااا احم احم طفوولتي هااديه ما فيها اكتير موااقف ... من يوومي طيبه وما بحبش المشااكل

السيف عدي · 07-26-2008, 05:28 PM

المشاركة الأصلية كتبت بواسطة أحلى غزوية ههههه
عنجد انك نهفه
انااا احم احم طفوولتي هااديه ما فيها اكتير موااقف ... من يوومي طيبه وما بحبش المشااكل

نورتي خيتو .. بس بتعرفي الشغلة مش بالشقاوة .. يعني الا ما يصدف معك ذكريات حلوة ..

مش شرط تكون مضحكة ممكن تكون حزينة ومعبرة .. اتمنى اسمع منك .. ما ننحرم من طلتك ..

قمــــ LoLo ـــرهم كلهم · 07-27-2008, 01:38 AM

مرحبا
بجد موضوعك كتير نايس
مافي احلى من ايام الطفولة

لما كنا صغااار يالله
بجد ايام بتروح وما بيجي متلها
انا بالنسبة الي طفولتي لو عشت مليون سنة راح ضلها احلى ايااام حياتي
مع انو ماكانت سعيدة كتير بس فيها اعز واغلى ناس على قلبي
بجد بكتب فيها مجلدات خخخخخخخخخخ

مو الطفولة الي تسميها الطفولة السعيدة بحكم اني عايشة بغزة يعني سبع سنين انتفاضة اكلتها

لكن كانت طفولة مميزة
اممممممم بجد اكتر موقف بفتكرو بطفولتي ومستحيل انساه
لما كان عمري 9 سنين

يكتي ما ازكاني كنت خخخخخ

كان يوم زكرى النكبة :ang121: ياساتر شو هالطفولة هادي خخخخ
هادي زكريات طفولة اطفال غزة خخخخ تيك ات ايزي يعني

المهم روحت انا عالمدرسة في هادا اليوم بكل براءة ويختي ماالزني

ويطلع مفيش مدرسة واضراب

قال يعني انا انصدمت خخخ بس ايش كيفت
هادا الاشي الوحيد الي كنا نستفيد منو في الانتفاضة تعليق المدارس خخخخ :36_1_22[1

وشو عاد المفروض ارجع البيت هلأ كانت معي صحبتي واحنا راجعين لقينا مسيرة بطريقنا وكلها طلبة مدارس

هبت فينا الشهامة والنخوة والوطنية مرة وحدة وقررنا نروح معهم :36_7_8[1]
يا فرحتك يا ماما .....
هلأ وصلت المسيرة لعند نقطة عسكرية لليهود على حدود مستوطنة انا شفت المنظر انصدمت
اول مرة اشوف اليهود فيس تو فيس

من دون حواجز جنود مسلحين عالارض
بس مع زلك ايش عملت فيها فاندام خخخخخ صحبتي تقولي انا خايفة يلا نرجع وانا اقولها لا ولي خلينا شوي خخخخخ

وصرنا نرمي حجار كنت بصراحة مبسوطة عالاخر ومفكرة الموضوع هيك وبس
فجأة صار اطلاق نار وبينا وبين الجنود امتار وانا لسه مش مستوعبة الموقف وشوفت كمان لاول مرة اصابة قدام عيني بث حي مباشر

جسمي كلو اتبنج وما لقيت حالي غير بركض انا وصحبتي وبنبكي
بلا فاندام بلا بطيخ خخخخخ يا روح ما بعدك روح
المهم باختصار وصلنا البيت واهلي كانو قالبين الدنيا عليا واكلت بهدلة مزبطة خخخ

وضليتني اسبوع وانا كوابيس واشباح وحالتي حالة

بس بجد كان يووووم من عمري سوري طولت عليكم بس هاد موقف سيمبل من ايام طفولتي

i hope يكون عجبكم خخخ ودمتم بود ...
LOLO

السيف عدي · 07-27-2008, 10:39 AM

المشاركة الأصلية كتبت بواسطة قمــــ LoLo ـــرهم كلهم