ليش هيك يا ناس؟

[احلي ابتسامة فلسطينية]

مرحبا

اجا فبالى اتناقش معكم بموضوع

وحدة قريبتى اتصلت فيه وحكت الى تعالى بدى اياكى ضرورى

رحت اشوف مالها خير شو فيه

وحدة اجت تقول عنك انو فيه بينك وبيين شب علاقة حب وطول الوقت وانتو بتطلعوا فى بعض وقعدت اتالف كلام

انا استغربت شو هادا الهبل وعن شو بتحكى

قالت الى البنت الفلانى الفلانى هى الى اجت تحكى

انا رحت الها وانا معصبة

شو هادا الى بتحكيه عنى

قالت فاكرة الدورة الى رحنا عليها انا وانتى وكانت الدورة مدتها يوم واحد

انا شفت شب طول الوقت يطلع عليكى فقلت اكيد فى بينكم اشى

وانا هالشب والله ما بعرفوا ولا عمرى شفتو ولا اصلا كنت منتبهة الو

وكلها هاليوم الى شفتو فيها بعد هيك ما شفتوا

وانا هالبنت لحتى الان شايلة عليها مع انها اتاسفت

هلأ الاشى الى بدى اسئلو

ليش تفكير اغلب الناس بروح للاسوء دايما؟

شو هيكون شعورك لو حدا اساء فيك الظن هيك وعمرو صار معك موقف هيك؟

[السيف عدي]

عادي كلام بنات .. قال وقلنا .. طنشي .

[أنين]

امممم .. لاعمو عدي مش شرط يعني حكي بنات

هاد الشي موجود بالكــل ., ^^

دايماً الظن بروح للشي الاسوء .,

وهاد كله برجع لـ..طبعيه الانسان

لو كان الأنسان متربي وعنده أخلاق ., ما بقعد يحكي ويألف قصص وهـ الحكي يعني

بس ., ^^

[خيـرَ أُمـة]

معلش اختي .. العفو عند المقدرة ..

((ولمن صبرَ وغفر إن ذلك لمن عزم الأمور)) صدق الله العظيم ..

[.:.!دموع الرحيل!.:.]

يا ستي طالمـا عارفه حالي شو أنـا ...

ما بتفرق معي شي ..

ولو انه الواحد ممكن غصب عنه ينزعج .. لأنه بالنهاي كل إنسان عنده مشاعر ..

وبينزعج من الظلم ،، خصوصي بهيك اتهامات ...

بس ما المفروض يأثر عليكي ..

وكل واحد بيعمل بأصله ..

غير انه عندي قناعه .. أنه البنت لازم تنتبه ع تصرفاتها ..

لأنه في ناس بتستنى البنت ع نكشة ..

اي حركة هيك ولا هيك .. بيعملو منها قصة وحكاية

فلازم قد ما فينا نتجنب مواقف الشبهه ..

وبعدها اللي بيحكي بأعراض النـاس ظلم وإفترا ..

رب العالمين شايفه ..

وربك ما بيترك الظالم ...

[نور الهدى]

مممم

صحيح الموضوع مزعج

كل واحد فينا بيتمنى انه ما حدا يظن فيه بالسوء

لكن للاسف الناس ابتعدت عن اخلاق الاسلام و اللي منها عدم سوء الظن بالناس

و يا اختي طالما انتي واثقة من نفسك و عارفة حالك ما تهتمي و طنشي

وعمرو صار معك موقف هيك؟

ايوة صار

و كثير انزعجت

لكن بعدين طنشت ... في اشياء اهم لازم التفت الها ^^

و خلي الناس تحكيى و تكسبني حسنات ... طالما انا واثقة من نفسي .. و مراعية حدود ربي .. كله بيهون

[Abu Shadi]

طيب وليه معصبة

لا تعصبي ولا شي

شوفي يا بنت الناس انا مرة انخطفت

من وراى الخطفة هاي الف قصة الناس طلعت

اخترعو علي انا المخطوف انو انا الي خطفت الناس

وانحبست كمان والله عال انا ما غبت ولا يوم عن عيون الناس

وبقولو اني محبسو شوفي لوين يعني

انا بالبداية عصبت وحرقت وصرت الي يقولي انتا خاطف ناس وباقي محبسو

ابزق بوجهو سواء صاحب او غير صاحب

لانو الي مش عامل شي فعلا بحرق وبعصب

ولكن والدي شافني كثير معصب من هالامر

قلي جملة قال الناس لسانها اطول منها بتعمل حبيبك واول ما تلف ظهرك

تعطيلك كف على ودانك

وهيك فعلا الناس

يعني لا تهتمي فيهم كثير

بدك نصيحة انا اعملت فيها

لمن بنت تيجي تقلك انتي بتعرفي فلان قوليلها مهو ان انا بعرفو انتي بتعرفيه

وفي مثل بقول( امي شافت امك بالكبريه قالو امي بزنبها وامك شو وداها)

وسمعني سلام خلي الناس تعوي تعوي

[._.•°ღ حكآية آحسآآس ღ°•._]

ازا بدك الصراحة ايشي كتتتتتتتتير مزعج

بس بالأول وبالأخير الواحد عارف شو هوة

وزي ما بحكي المتل (طنش تعش تنتعش)

[خيـرَ أُمـة]

وعمرو صار معك موقف هيك؟

نسيت اجاوب ... ههه

كثيــــــــــــــــــــــر صارت معي :)

لكن في العادة لا ألقي بالا ...
موفقة يا رب ...

[اسلام]

انتي واثقة بنفسك ؟؟؟؟ اذا خلص انحلت مشكلتك ....


يعني ان بعض الظن اثم

والناس هيك ما بتغيريهم لو شو ما صار

يعني منسمع كل يوم قصص زي هيك عادي

ما تاخدي في بالك
الناس شر بدهم شي يتلهو فيه بس وما بلاقو غير قصص الشرف والعرض ليمسوها

عالم فاضية ورايقة