،، مـــــدرســــــه الحيـــــــــاه ،،، من تجــــــــارب الاعضــــــــاء ،،،

[ايــاد]

المشاركة الأصلية كتبت بواسطة شيماء حسين هلأ بنبلش بالموضوع الاساسي

يلي هو مرضي

انا دايما كنت بنت نشيطة وبحب الحياة

بس بالمقابل كنت بنت مغرورة وشايفة حالي

وما بيعجبني العجب

قبل سنة تئريبا
في اخر امتحانات الفصل الثاني كنت اهلك حالي بالدراسة لاجيب معدل عالي

واضل الاولى

ما كنت انام واسهر للصبح وهيك

عارفين امتحانات نهائية

المهم في اخر امتحانين صرت احس بدوخة مش طبيعية

ويضل وجهي اصفر

وشهيتي مش مفتوحة ابدا

المهم انا حكيت انو هاد من كتر الدراسة والسهر

ما حكيت لماما وبابا ابدا عن الدوخة

طيب

بعدين خلصو الامتحانات وبلشت العطلة

وصرت انام منيح واكل منيح

بس الدوخة والسواد تحت عيوني والوجه الاصفر ما فارئوني

انا حكيت فقر دم

المهم بالاخير انتبهت ماما لانو لوني مش طبيعي كتييير

وحكيت لبابا عن الدوخة

رحت عملت تحاليل

اول شي شكو بانو سرطان

وحكو انو لازم التحاليل لحتى يتأكدو

اول شي بابا ما حكالي

بس سمعتوه هو وماما بيحكو

يمكن اعدت يومين رافضة اعمل التحاليل

بدكم الصراحة كنت خايفة

ما بدي اعرف انو انا مريضة

بالاخير اقتنعت انو هاد قدري ولازم اعملهم

عملتهم وطلع معي سرطان بالدم

بدكم الصراحة

كانت ردة فعلي غير عن يلي كنت متوقعتها

ما زعلت كتييير
وكنت هادية

والكل استغرب مني

طبعا بلش العلاج

عبارة عن ادوية وابر

ولانو كان المرض ببدايتو حكو اني مو بحاجة لكيماوي

صرت اطلع على الاردن بين فترة والتانية

صرلي سنة على هالحالة

واخر مرة حكو انو الوضع متقدم

والكل مستغرب اني لهلأ ما اخدت الكيماوي

وانا بصراحة مش فاهمة بالزبط شو يلي مناسب او شو مش مناسب

ويعني الادوية والابر يلي باخدها كتييير منيحة وماشي حالها

هلأ انا بعد المرض تغيرت كتييير يعني بطلت هديك البنت المغرورة كتيير

هو انا ما كنت مغرورة لدرجة كبيرة

بس كان في شرش الغرور

يعني حسيت كل السلبيات يلي كانت فيني اختفت

واهم شي اتقربت من ربي اكتر

وعرفت انو كون مع الله يكون الله معك

واذا حكيتلكم انو انا هلأ مبسوطة اكتر من قبل ما بكون كذابة

شكرا يا اياد على اختيارك الي

وبتمنى تقرأ يلي كتبتوه

وشكرا يا حسام

تقبلو مروري

أول شي شكراا الك لانو لبيتي دعوتي

بعدين تعي جااي لشو عم تتأسفي ... لا لا لا استغفر الله ..لا تتأسفي ولا شي عادي

انا يمكن زعلان منك شوي لانو مره اذا بتذكري حكيتلك لما بدك اتغيبي غيبه طويله احكيلي لانو كتير بنخاف عليكي وبتحيرينا


المهم

ماشاء الله عنك انسانه قويه كتير وصبوره لابعد الحدود

و مؤمنهـ بالله

اله يكون بعونكـ ويشفيكي من كل مكره

انا بدعيلك بصلاتي انو اتكوني اسعد انسانه بالدنيا لانك اخت عزيزه عليي

انا فتت وكتبت الرد لانو انتي طلبتي هيك


يلا سلاامـ عليكمـ