اقبلوا استقالة مؤيد من الاشراف

[روان فلسطين]

انت يا مؤيد لازم تعرف انو الك مؤيدين ومعتبرينك قدوتهم هون(وانا منهم)

خليك مشانهم يا زلمة

بتمنى انك تفكر منيح وتراجع قرارك

حتى انا مؤيد خلص يلا لا تزعلنا

[عاشق البندقية]

U_U

ضعيف ,,

هلا أكم سوقي بدو يأثر عليك ,,

يا مؤيد أنا برضو واجهت مشاكلك ايام منتدى النقاش الجاد ,,

بس بالنهاية ,, صار عندي حل واحد قالي اياه عضو الله يرحم أيامو,,

حكالي ""إحذف واستمتع ,, واللي عندو إعتراض ,, الغرفة اللي قاعد فيها .. فيها 6 حيطان ,, يختار اللي بدو اياه ويضرب راسو فية ""

هاد الكلام ما أخدتو استعباط ,, اللي بيساهل أناقشو وأحذرو ; حيّاه الله ناقشتو وحذرتو ,,,

واللي بيكون سوقي جاي من الشارع مخو اتخن من طوبة 14 انش ,, اخي ما بيساتهل توجع راسك فيو ,,"واذا خاطبهم الجاهلون قالو سلاما"

وكل العادة اللي بكون محترم محتِرم حالو قبل اللي قدامو ان كان فتح ولا حماس ولا القرود الحمر; والله بعيوني بحطو وتاج عراسي,,

واللي بيكون بالعكس بحيّن أحطو رباط ل جزمتي ال"CATERBELLAR" اللي اصلا ما بيسوى حقها.

اما اذا كانت مشكلتك من داخل المنتدى ,, عندك محمود ما شاء الله حوله ,, حلال مشاكل رقم 1.

الشغلة بهاي البساطة

مؤيد انت شب محترم ومؤدب وخلوق,, والأهم من هيك انك المشرف المناسب في المكان المناسب ,,

وللأسف ما في حد في المنتدى خَرج يحل محلك ,, :)

وبالنهاية لو كنت محل محمود ,, بكتبلك على طلبك هيك:

[السيف عدي]

أخ مؤيد ،،

يمكن ما سمحتلي الفرصة كتير انو افوت على قسمك ،،

بس سمعتك والله كتير منيحة وكل الشباب والصبايا بحبوك ،،

وانت كمشرف قسم من حقك تدير القسم بالطريقة اللي بتريحك ،،

وبتمنى تكون اقوى منك هيك ،، وتقتنع اكتر بتصرفاتك ومبادئك ..

وما تستسلم لمجرد كلمات سمعتها هون وهون.

خليك ايجابي اكتر .

وفي النهاية انت مكسب للمنتدى وشخصيتك زي ما لمستها كتير حبابة وخلوق ولامع.

[روان فلسطين]

عاشق البندقيه
رد رائع رائع رائع يلا يا مؤيد شو يعني بدك ترجاي يلا يا بنيي بجيبلك حلاوه حلوه وزاكيه ومكتوب عليها حرف ام يلا عاد خلص فش روحه فش روحه فش روحه

[عاشق البندقية]

اختي لا رائع ولا بطيخ أصفر ...

الموضوع بسيط وما بدي ملح وبهار..

ولا بدو عياط وخليك وما تخليكيش ,, انا مش عارف ليش هالقد الموضوع .

[نابلسية كححح]

لاااااااااااااااا

اوعك اوعك اوعك

لا تستقيل ولا على بالك

كلنا بنعرف انو المشرفين والمشرفات اللي بالمنتدى عمرهم ماظلموووووووو حدا

ولا اعتدوو على حداااااااااا


بعدين ..انتا عمرك مما حزفت موضووع الا اذا كان فيه (( إن )) سواء حمساوي او فتحاوي ..

عنجد خساارة

اقولك تردش عل حداا

وهدول اللي بتحكي عنهم قلااااااااااال كتيييير
بس على كل اعمل الي انتا شايفه واللي بريحك

حرام نغصبك على شي انتا مابدك يااه ..

مع انو خسارة للمنتدى والله ..

[احلى رورو]

ييييي

بيني وبينك اريح الواحد يكون عضو عادي بدون اشراف

لانو مسؤوليه كبيرة

:))

منور ايها المشرف المقال :))

[مؤيد]

المشاركة الأصلية كتبت بواسطة روان فلسطين مؤيد ليش لسا ما تغير عنوان الموضوع
من اقبلو استقاله مؤيد من الاشراف
الى
عوده المشرف المتميز مؤيد رغم انف الكارهين
ليه يلا اشوف ما في استقاله ولا في ترك يلا يا با الله يرضى عليك

أنا اخدت قراري بعد تفكير ...

والأريح الي اعمل هيك .....

وكلك زوء ....

[مؤيد]

المشاركة الأصلية كتبت بواسطة حنان16 وعليكم السلام اخي

تسمحلي احكيلك شي

والله انت ما دمت مقتنع ان اللي بتعملوا صح

ومطابق للقوانين

..

يبقى خلاص اللي مو عاجبه يختار منتدى يلاقي فيه راحته

لان الطاقم الاداري مو مرغوم يبرر قراراته ما دامت مطابقة للقوانين

وبلا استقالة ولا هم يحزنون

لانك بهيك بتعمل اللي هما بدهم اياه

وانا هون ما بدافع عنك ولا عنهم خيي

لاني ما شفت احتكاكاتكم مع بعض

مشان احكم

انما من اللي شفته في الموضوع

ابديت رايي ،، اللي واثقة منه

تحيتي

^_^

تفضلي احكي .....

بشكرك كتير على رأيك ....

لكن بغض النظر عن كل شي ، المهم اني اكون مرتاح ...

لإنو شو يعني مشرف في منتدى على الإنترنت ؟ شو قيمتها في الواقع ؟ ولا شي ....

خليني عضو عادي احسن .....

تسلمي كتير حنان....

[مؤيد]

المشاركة الأصلية كتبت بواسطة NIGHT QUEEN

اولا

انا انصدمت من عنوان الموضوع

وبعد هيك

انصدمت من فحوى الموضوع زاتو

انت يا مؤيد كمشرف و كشخص اكيد ما حد ممكن يشكك فيك وفي قدراتك وفي دورك داخل المنتدى

واكيد احبابك في هالمنتدى اكتر من اي حدا ممكن يكون ضدك او ضد قراراتك

لكن انت معاك حق في كلامك

انو مرات الواحد لما صار يفوت مثلا في المنتدى

بينسم بدنو من بعض الاشياء

وطبعا قسمك هوا اكتر قسم ممكن انو تلاقي فيه توترات

والسبب لأنو سياسي ونحنا تعودنا على هيك توترات في السياسة

انا بطلب منك طلب (هو اعادة التفكير في قرارك )

لأنو الغالي على قلوبنا بيضل غالي على قلوبنا لو شو ما صار يصير

ارق تحية مني الك اخي مؤيد

في رعاية الرحمن

^_^

اهلا بك من بعد غياب نايت كوين ...

ما في داعي للصدمة ، انا ما قلت اني رح اترك المنتدى كلو ....

ويمكن اترك المنتدى مستقبلا ً شو بعرفني انا شو رح يصير .... مو مشكلة هادا ما بيعني اي شيء اطلاقاً ..... ضليت والا تركت .....

كتير مشاركتك رائعة وبيكفيني وجودك هون نايت كوين ....

يكرمك يا رب ....