اقبلوا استقالة مؤيد من الاشراف

[روان فلسطين]

مؤيد ليش لسا ما تغير عنوان الموضوع
من اقبلو استقاله مؤيد من الاشراف
الى
عوده المشرف المتميز مؤيد رغم انف الكارهين
ليه يلا اشوف ما في استقاله ولا في ترك يلا يا با الله يرضى عليك

[مؤيد]

المشاركة الأصلية كتبت بواسطة لولو اليبناوية مؤيد...مش عارفة شو اقلك...

اول شي خسارة واحد متلك بأفكارو واسلوبو السياسي

انو يترك الاشراف...لانو انتا الك ايد كبيرة بتوضيح صوت الحق بهالمنتدى

وكتير بنقدر جهودك الي صارت في وانك الك فترة كبيرة صابر على المسخرة

الي كانت بتسير...وهاد احلى شي فيك

وبنفس الوقت مش عارفة شو احكيلك...انو يمكن انتا تشبّعت ارف

بس والله خسارة... :(

لولو اليبناوية هون ... يا هلا وغلا .....

انتي عارفة كل شي من زمان ، بما انك بالمنتدى من زمان ..

وعارفة اكيد وبتقدري ليش قررت اترك الاشراف ....

كان المفروض من زمان اترك .....

وفعلا ً متل ما قلتي ، انا شبعت قرف بعض الناس .....

واستقالتي مش معناها اني تركت المنتدى ... لا ... رح ضل كعضو عادي ، وممكن وجودي بالمنتدى يصير اقل من اول .....

انا سعيد كتير اشوف وجودك بالمنتدى لولو اليبناوية .....

يسلمو كتير الك ...

[مؤيد]

المشاركة الأصلية كتبت بواسطة εïз ملآكـ εïз السلآم عليكم و الرحمهـ

اول شي بحييكـ ع جهدكـ الوآضح و لانكـ عملت بالقوآنين و مــأأ تحيزت لاي حد متل ما في مشرفين باماكن مختلفةبيعملوا

و انــآ ما رح قلكـ ضل او استقيل او اي شي لانو الي بريحكـ المفروض تعملو و الي بتشوفو احسن

و المفروض اي حد بيتعرض لالك مــآ تعبرو و المفروض الادآرة تعمل شي بهالعضو يلي جــأأي بس ليستقوي و يتهجم و يقل ادبو ع غيرو

مــآ بعرف شو اقلك بصرآحة

و اظن الكل رح يكون معكـ بالقرآر الي بيعجبك و برضيكـ

تقبل مروري

وعليكِ السلام ورحمة الله .....

انا ضحيت كتير واتحملت كتير المسبات وكيل الشتائم على الحركة الي بحبها ، لكن اغلبه كنت اخليه عشان حرية الرأي وما كنت احذفه ، رغم انها مواضيع ومشاركات كانت تؤلمني ....

رغم كل ذلك عالفاضي ، اتهموني بالتعصب الحزبي والخ .....

وبالنهاية فكرت كتير وقلت لشو وجع هالراس كلو على الفاضي .....

وكلامك يام ملاك شهادة بعتز فيها ...

الله يكرمك ....

[حنان16]

وعليكم السلام اخي

تسمحلي احكيلك شي

والله انت ما دمت مقتنع ان اللي بتعملوا صح

ومطابق للقوانين

..

يبقى خلاص اللي مو عاجبه يختار منتدى يلاقي فيه راحته

لان الطاقم الاداري مو مرغوم يبرر قراراته ما دامت مطابقة للقوانين

وبلا استقالة ولا هم يحزنون

لانك بهيك بتعمل اللي هما بدهم اياه

وانا هون ما بدافع عنك ولا عنهم خيي

لاني ما شفت احتكاكاتكم مع بعض

مشان احكم

انما من اللي شفته في الموضوع

ابديت رايي ،، اللي واثقة منه

تحيتي

^_^

[NIGHT QUEEN]

اولا

انا انصدمت من عنوان الموضوع

وبعد هيك

انصدمت من فحوى الموضوع زاتو

انت يا مؤيد كمشرف و كشخص اكيد ما حد ممكن يشكك فيك وفي قدراتك وفي دورك داخل المنتدى

واكيد احبابك في هالمنتدى اكتر من اي حدا ممكن يكون ضدك او ضد قراراتك

لكن انت معاك حق في كلامك

انو مرات الواحد لما صار يفوت مثلا في المنتدى

بينسم بدنو من بعض الاشياء

وطبعا قسمك هوا اكتر قسم ممكن انو تلاقي فيه توترات

والسبب لأنو سياسي ونحنا تعودنا على هيك توترات في السياسة

انا بطلب منك طلب (هو اعادة التفكير في قرارك )

لأنو الغالي على قلوبنا بيضل غالي على قلوبنا لو شو ما صار يصير

ارق تحية مني الك اخي مؤيد

في رعاية الرحمن

^_^

[مؤيد]

المشاركة الأصلية كتبت بواسطة بسكوتة :|

يعني ما في كلام ينقـال بعد المكتـوب

الكل بشهد إنو ما قصرت يـوم بحـد ولا أزيـت حد

بس لما الشغله تقلب عنـاد ونكـد كل يـوم .. والله الصبـر رح يشكي

دايما الحق بكون معك وأنا بشهد إنو قوة حجتك زادت الكيد بالنفوس التعبانه ،،

بس الله يهديهم ويصبـرك ويعطيـك الخيـر محـل ما يكـون //

انا ما بقول عن حالي انو ما بعمري قصرت ، لأ اكيد بما اني بشر اخطئت مرات وأصبت في مرات ...

بس انا كنت ماسك اكتر قسم في المنتدى فيه مشاكل واكثرها سخونة ...... واكترها وجع راس يعني .......

عنجد زهقت وبدي ارتاح .....

والك مني كل تقدير بسكوتة .....

ما ننحرم منك ....

[روان فلسطين]

الذين يشاهدون محتوى الموضوع الآن : 11 ( الأعضاء 8 والزوار 3)
‏روان فلسطين, ‏.:.!دموع الرحيل!.:., ‏ameera, ‏مؤيد, ‏الفتاة المشرقة, ‏بسكوتة, ‏حنان16, ‏NIGHT QUEEN

مؤيد شايف قديش انت مهم حتى الزوار جايين يشوفو شو مالك

[مؤيد]

المشاركة الأصلية كتبت بواسطة الفتاة المشرقة السلام عليكم ورحمه الله وبركاته

اخي انت مش لازم تستقيل بل من يخطئ هو من يخرج من المنتدى

لانك انت مشرف وبتعرف الصح من الخطأ

لو ما كنت هيك ما كنت وصلت للاشراف

بالعكس انت حافظت على القسم بكل جوانبه من الحريه والحفاظ على الادب

فأنت تستحق ان تبقى مشرف لو ما بتتعوض اخي

وما في منك

والي بعجبو الها وسهلا والي ما بعجبو كمان اهلا وسهلا

بالاخر انو اهم اكيد الحفاظ على المنتدى

والله يرضى عنك يارب

وعليكم السلام ورحمة الله وبركاته ...

قلتي عبارة كتير منيحة ، اللي بيغلط هو اللي لازم يطلع ....

بس انا متل ما حكيت استقالتي من الاشراف لا تعني ترك المنتدى .....

بس وصلت لمرحلة انو احسب الف حساب لأي حرف بدي احذفه ، والا بتقوم علي الدنيا بما رحبت ....

بارك الله فيكِ على مشاركتك اختي الفتاة المشرفة .....

[الفتاة المشرقة]

يا اخي والله كلو الحكي الي حكو بكفي وبوفي

وعن جد ان ما تهكل هم انت عليك واجب وهو الحفاظ على القسم وما الك بالحكي اذا الاداره راضي عنك

[مؤيد]

المشاركة الأصلية كتبت بواسطة روان فلسطين مؤيد عيب والله عيب
تخلي هيك اشكال تحرمنا من مشرفين رائعين متلك
انت عارف ونحنا عارفين انو الشغله لا شغله فتح ولا شغله حماس الشغله شغله مخالفه لانظمه المنتدى ولو انت ما حذفتها المسؤوليه عليك
بالعكس لازم يفتخرو فيك انك بتتصرف قبل ما تتطور الامور وينطردو من المنتدى طرده بديش احكي
بعد يلي بدوش اياك يحمل اغراضه وينصرف بالناقص منو ومن وجوده قال يعني كتييير مهم اما انت ما بنستغني عنك
وازا محمود سمحلك تبطل اشراف وتبطل تبطل معنا ع طووووووول انا راح اوقف بوجهكم مو لشي بس لانو المنتدى بلاك وبلا اشرافك الرائع ما بيسوى وعمري ما اعتبرتك مشرف بالعكس اخو وعضو بتغار ع المنتدى وبتحبو (وين احلى رورو تيجي وتوقفك )
للي كتب هالرد مين ما كان يكون ولأي سبب كان والله ما انت مربى وفعلا قله ادب واحترام بجد واحسن لك ما ترد ع الاكبر منك بلاش تنلوي رقبتك من ايمتى صارو الصغار يتكلمو مع العظناء بهالطريقه
مؤيد اذا تركت انا اعلن انسحابي عن اي مشاركه بالمنتدى وما تقول هبل ومو انا لحالي كلنا راح نعمل اعتصام لحد ما تغير رأيك
بعدين مين قلك انو محمود راح يخليك صدقني متل ما نحنا ما بنستغني محمود كمان والمنتدى قبلنا
يلا عاد لا تخلي شويه اتهامات من شويه سفيهين ما الهم قيمه تبعدك عنا
دمين ما كان يكون يلي زعل مؤيد زعلني

بناء على اللي حكيتيه ، شو فايدة مشرف رائع بدون احترام ؟ ...

عالفاضي ...

ومتل ما حكيتي في بعض مشاركات ممكن تكون شبه عادية ، بس انا كنت استبق وقوع مشكلة واحذفهم قبل ما توقع المشكلة ....

بس متل ما حكيت ازا حزفت حرف واحد بينزل فيي مواضيع وشكاوى وحالة يعني .......

وبكرر انو تركي الاشراف لا يعني تركي المنتدى .....

بعدين في مشرفين كتير رائعين وفي اعضاء رائعين اكتر مني ، خليهم يجو محلي .....

واياكِ تتركي المنتدى بسبب حدا ، شو بدك فيي يعني لو تركت أنا ، مش مستاهلة تتركي المنتدى ... لا خليكِ المنتدى اكيد انتي بتنوريه دائماً ...

وبجد بشكرك كتير على هالمشاركة الحلوة .....

ربي يخليكِ روان .....