.::[ دعوة لكل فتاة --> قصّـــة حِجابـــي ،، شاركينا بقصّة حجابـــك ]::.

[بندقه]

الحمد لله مشيت ...........على فكره كنت كاتبه قصتي بطريقه مخالفه تماما ...........يمكن لخير طبعا بطريقه راكزه.......بس هلا كتبتها بطريقه شعنونه ........ما اادرت اعيد الاسلوب الاولاني .........اتحملوني هاد الهامي بهالوقت

[نابلسية كححح]

المشاركة الأصلية كتبت بواسطة بندقه هلا راح اكتب بس الله يستر.............كان يا مكان في قديم الزمان .........كانت بندقه الي هيا انا عمرها 8 سنوات وكنلها اخ اكبير بس حشر ..........وراسها من كتر العند الي براسها تخبطيه بالحيط برجعلك ........المهم حب اخوها يحجبها بس هيا قاومت لانها ما بتحب تتلقى اوامر الا من بابا وماما ..........وبدو اياها لانو اختها اللكبيره الي هيا ام الحانو اتحجبت وهيا اكبر منها باربع اسنين.........والست بندقه بتحب الغندره واللبس عالموضه اكتير ومصطزغره حالها........ولكنها عادت لصوابها بس وصلت ال12 سنه اي لما صار الحجاب فرض عليها........حطتو بس اللبس ما كان شرعي ........وبالتدريج ما وصلت التوجيهي الا وهيا لابسه الجلباب ........والحمدلله ومنو الفضل الي اوجدني بهيك عيله محا فظه.........وام الحانو الله يسعدها الها فضل اكبير هيا واخويا اللكبير .........فعلا ما حسيت براحه وسعاده الا بعد ما التزمت بالحجاب الشرعي ..........فعلا الحجاب وقار ........طبعا بس البستو اركزت لاني كنت شعنونه...........وهاي قصتي مع الحجاب واسال الله يهدي كل المسلمات للحجاب والعفه .........ويثبتنا على الحق......شو رايكم...........

يا سلام عليكي

قصتك كتييير حلوة اختي بندقية ..

بس هلأ أم ألحان الحرية هي أختك ؟؟؟؟

عنجد !!!

طيب نسيم الروح شو بتقربلك .. فضوول معلش

[نونو الحلوة]

مرحبا لكل الصبايا هون


طبعا شكرا للقدم الموضووع الحلو واللي هي الحبوبة سوسو


ممممممممم قصتي مع الحجاب مممممممممم


** هاي نونو اللي هي انا لبست الحجاب طبعا مش رسمي من الصف 11 وكان نص كم، يعني بشيله وبحطه، بس يوم لبسته لبسته طبعا مع عباية، ولحد الآن لابسته بس بطلع كم غره على الماشي يعني . هو الصراحة ما كنت بدي أتحجب بس بعد ما البسته مستحيل أشيله يعني بحس حالي مشلحة مع انه بطلع شوية شعر من قدام

ثقلت عليكم بقصتي ههههههههههه

[نونو الحلوة]

بس الحمدلله على الحجاب وانه هداني

[بندقه]

اهلين نا بلسيه ................طبعا ام الحان اختي الي اكبر مني...........وابو ضوء القمر اخي يلي اكبر مني .........ونسيم الروح طبعا اختي.......................... ..في الله يلي اعرفتها من المنتدى...........الله ياومها بالسلامه ............بس بدي اخبرك اشي الحانو الدبه ................خاينه

[بندقه]

طبعا اذا عندك فضوووووووووووووول اساليها

[نابلسية كححح]

ههههههههه

يااي

كتير حلو يكون الك قرايب بالمنتدى

الحاانو بنت اختك .. يعني

والله تتهني ..

[بندقه]

تسلمي حبيبتي............ولا يحرمنا من بعض ..........ورب اخ لم تلده امي ...........انشاء الله اتكون اخوه في الله

[نسمة بلادي]

عدنا من جديد

قصتي مع الحجاب قصة^^

أول ما البست الحجاب لما كنت في صف سادس أساسي وكانت الرغبة في الحجاب

مني أنا ما حدا ألزمني أو جبرني ..... طبعا السبب أعز صديقة عندي كانت

كتير صاحبتي وبعزها كتير اتحجبت وشفت الحجاب كتير حلو عليها فرحت

لأمي وحكتلها بدي أتحجب أمي حكتلي لساكِ صغيرة استني بعد أكمن

سنة بس ما كانت تقصد سنين طويلة كان قصدها في صف سابع ,, تامن هيك يعني ...

ورحت لوالدي اتقبل الموضوع بصدر رحب وحكالي انتِ بس البسيه

ورح أشتريلك أكتر من اشرب وطبعا هاد كان نوع من التشجيع الي وامي

تحكيلو لساها صغيرة بس انا ضليتني معندة وبدي ألبسو المهم البستو

وكانت لون الشالة أبيض ورحت فيها ع المدرسة والكل قعد يباركلي وانبسطت

كتيير بعدهاا صرت أزهق منو لانو كان يشوبني وصرت ألبسوا يوم وعشرة لاء ههههه

ومثلا لما نزور أقاربنا في الخليل المسافة كتير بعيدة من القدس للخليل فكنت

في نص الطريق أشيلوا من راسي وأوصل هناك وما ألبسوا بالمرة.... مرت هادي

السنة ع خير واجا صف سابع أولها كنت برضو مش ملتزمة بس بآخر صف

سابع حسيت بالذنب التزمت فيه وأمي بزات نفسها كانت تحكيلي

التزمي فيه وفي صف تامن بعد

ما كبرت *.^ البست الجلباب وكان أول يوم بالمدرسة

والحمد لله في النعمة اللي أنا فيها وبجد أنا مبسوطة اني ملتزمة بالحجاب

واللباس الشرعي لانهم جزء مهم مني لا أستغني عنهم أبدا و طبعا

ما بنسى أهلى والدي وأمي اللي شجعوني ع الحجاب وعرفوني قيمته

وخلوني ألتزم فيه ومن واحنا صغار وهمي يحكولي عن الحجاب وكان

والدي أكتر واحد حريص علينا لحتى نتحجب يعني الحجاب واللباس الشرعي

عندو فوق كل شي وأنا وكل خواتي الحمد لله ملتزمات بالحجاب

واللباس الشرعي ربي يجزااااااااااهم كل خيــــــــر

و الحمد لله ع كل شيء

الله يعطيكِ العافية حبيبتي اسراااء ع الموضوع العســــــل متلك

ما ننحرم منك يا غالية انتِ*.^

[إسراء الفلسطينية]

المشاركة الأصلية كتبت بواسطة شيماء حسين امممممممممممم

انا حاسة هاد مش محلي

لانو انا براحة مش متحجبة

بس على العموم انشالله الله بهدينا

وبحكيلكم القصة

شكرررررررررررررا على الفكرة الحلوة

لا كيف مش محلك :)

حتى لو مش متحجبة .. فيكي تقرأي قصص باقي البنــات ..

ع العموم .. ان شاء الله بتتحجبي عن قريب .. و بتفرحينا ..

الله يهدي الجميع يا رب ..

نــورتي شيماء