| الإهداءات |
|
|||||||
 |
|
|
أدوات الموضوع | انواع عرض الموضوع |
06-07-2008, 05:42 PM
|
#1661 | |
|
I ♥ PALESTINE
قوة السمعة: 119
 |
رد: مع أو ضد ... موضوع اكثر من رائع ( إن شاء الله )
انا بأيد فتح من زمان و ما بعرف ازا كان معروف عني هاد الشي او لا
لانو زمان ما كنا نهتم للاحزاب هاي كنا كلنا فلسطنيه بعض والله ما بتفرق حمساوي او فتحاوي بس انا مع فتح و بأيد فتح ما بكرهـ حماس ولا مؤيدن حماس بلعكس ممكن اخوان يكونو فتح و حماس في نفس البيت بس يلي بكرههو انو القى ناس بتسب ع فتح او هيك انا ما بحكي انو فتح كلهم مناح و مافي منهم بس كمان حماس يعني كل فصيله فيها العاطل و المنيح بس الله يهدي الاحوال للبعدي نفسووو و ليكو السؤال ... انو كل واحد يحكي عن حالو أنا بأيد حماس و لا أنا بأيد فتح يعني إنو مع أو ضد الفكرة نفسها؟؟ |
|
|
||
|
06-07-2008, 06:37 PM
|
#1662 | |
قوة السمعة: 0
|
رد: مع أو ضد ... موضوع اكثر من رائع ( إن شاء الله )
انا مع حماس .. والموضوع مش موضوع تحزب اعمى لا .. ولا بنسب على فتح
متل ما قالت الاخت بلو .. بس القضية قضية ثوابت وطنية .. واهداف واضحة لكل حزب .. وانا راح اشرح لية حماس .. ببساطة لانو حماس مشروع وطني حر شريف يدعو الى التحرير.. وفتح مشروع استسلامي انهزامي .. بدعو الى الاعتراف باسرائيل واقامة دولتين على اساس التعايش المشترك.. مع احترامي لكل الفتحاوية ... ازا انت فتحاوي يعني انت بتعترف بوجود اسرائيل متل ما بدعو محمود عباس رئيس فتح علانية .. وبؤمن بحقها في الحياة والوجود .. وهادا مخالف لكل الاعراف والثوابت الوطنية الفلسطينية .. فلسطين محتلة من يافا لبير السبع .. ولازم نحررها وهادا مبدأنا ومبدأ حماس .. اما مبدأ فتح التفاوض ..الاستسلام واقامة دولتين .. وهادا مرفوض جملة وتفصيلى .. الموضوع مش حزبية احنا عنا ثوابت وطنية ما فيها مزح .. ثوابت وطنية لا تمس .. ما في حدا بتفاوض على بلدو ؟؟؟؟ البلد عرض.. متلها متل الاخت او الام .. اللي بعدي .. نفسوووووو.. |
|
|
06-07-2008, 06:53 PM
|
#1663 | |||||
|
I ♥ PALESTINE
قوة السمعة: 59
|
رد: مع أو ضد ... موضوع اكثر من رائع ( إن شاء الله )
لا مع فتح ولا حمــــــأأس
انا ضد هالانقــسآم و هالاحزآب و كلو لانو كل الي عم يعملوه يقتلوا ببعض و يسبوا و يحاربوا بعض و مو عارفين يتفقوا ع نقطة وكل يلي بيعملوه انو عم يزيدوا الطين بلة بدل ما يحاربوا عدوهم و عدو كل العرب و المسلمين اسرائيل مع او ضد الحب بين مراهقة وواحد يعتبر بالغ و عاقل؟ |
|||||
|
06-07-2008, 07:01 PM
|
#1664 | |
|
قوة السمعة: 6
|
رد: مع أو ضد ... موضوع اكثر من رائع ( إن شاء الله )
والله يا أخ عدي ,... شكلك مش قارئ لا تاريخ ولا جغرافيا .. مع احترامي الك.. انتي بتحكي حكي مش فاهمه .. مين حكالك انه حماس ما اعترفت باسرائيل .. و مين حكالك انه مشروع فتح انهزامي استسلامي .. في اشي اسمه سياسه يا اخ عدي .. لما ياسر عرفات الله يرحمه كان يودي الاستشهادي يفجر حاله و ثاني يوم يدين العمليه . بكون انهزامي ولا سياسي محنك ؟؟؟
بس والله شكلك يا خوي يا عدي من قطر بس بتحضر اخبار و مش كلها كمان اللي بدك يا بس.. مشان هيك مقتنع باشي بنظري مش صح .. و مشان هيك بتحكي حكي يا ريتك ما حكيته لان لو بدل بس بدل انك مش فاهم او مش شايف شو بصير ... يا اخ عدي بس تعال يومين عالضفه .. او روح على غزه و شوف عيشة الناس و بعدين احكي الحكي اللي بتحكي .. و مش حضرتك يا اخوي يا عدي اللي بتقرر انه فتح مشروعها انهزامي ولا لأ .. لان فتح حركه تاريخيه و معروف عنها شو هي و معروف شو مشروعها و معروف شو ثوابتها الوطنية .. لهيك انا برجع بأكدلك إنك مش قارئ تاريخ .. ارجع شوي للتاريخ .. اقرأ برنامج حماس النقابي والسياسي و الاجتماعي بحملتها في التشريعي و شوف عل أرض الواقع شو اتطبق منه بعدين احكي الحكي اللي بتحكي ... عموما مش موضوعنا .. انا للأسف اضطريت ارد هيك على حكيك .. بس الظاهر انه عنجد فش عندك معلومات كافيه ..عموا اقرأ و اسمع و تأكد من معلوماتك و بالآخر بتصفي قناعه ..يعني اللي حماس عن قناعه كل االحترام اله ..بس اللي حماس عن ولا اشي انه بس هيك و بدون معلومات و لا بعرف اشي موضوعه غير بكون .. وبرجع بحكيلك شكلك لأنك مش هون بتحكي هاد الحكي تعال و جرب .. و والله انا بحب اسمع الرأي الآخر و أناقش في بشرط يكون ارأي عن معلومات و عن حقائق مش عن هيك ولا اشي .. بس سمع خبر و قرر و حكم على فتح انه مشروعها انهزامي .. فتح صانعة الرجال و الكتائب أكبر مثال أما بالنسبة لحماس فيها ناس شرفاء و مناح و فيها العكس و فتح نفس الاشي .. مشان هيك ماحا بزاود على حد ..و الانتقاد لما يكو بناء الكل بتقبلوا اما لما يكون بدون خلفيه مسبقه عن الموضوع ما أظن حدا بقبله ..و سامحوني ... للي بعدي نفسه |
|
|
|
||
|
06-07-2008, 07:22 PM
|
#1665 | ||
|
•• أريج الوطن ••
قوة السمعة: 101
|
رد: مع أو ضد ... موضوع اكثر من رائع ( إن شاء الله )
المشاركة الأصلية كتبت بواسطة التحدي الغامض فتح صانعة الرجال و الكتائب أكبر مثال أما بالنسبة لحماس فيها ناس شرفاء و مناح و فيها العكس و فتح نفس الاشي .. مشان هيك ماحا بزاود على حد ..و الانتقاد لما يكو بناء الكل بتقبلوا اما لما يكون بدون خلفيه مسبقه عن الموضوع ما أظن حدا بقبله ..و سامحوني ... للي بعدي نفسه أخي يلي انت عم تحكي في مش شرط ,, مش لازم انا اعيش بفلسطين لـ أعرف الي بسير الحمدالله عندي عقل وعيون وبفكر وبشوف انا عايشه بقطر ,. وبعرف ومش بس بعرف بمتأكده من الحكي الي حكااه السيف عدي وبعدين فتح مشروعها حالياً أنهزااامي واكتر من انهزامي لما نستسلم لللعدو ونقبل الحوار معه .. هاد شو يعني لما نرفض الحوار إلا بشروط .. هاد شو اسمه لما يطلع عباس يحكي . اقتلوا اي مطلق للصواريخ .. هاد شو أسمه ولما نروح نبيع القدس بانابوليس .. شو يعني لما ننسى الي عملوا قبلنا .. لما ننسى الي تعبوا الي قبلنا ويجي عبااس وزمرته .. ويرمي كل هاد ورااه هاد شو بكون اسمه .. مشروع وطني ..  انا مابنكر تاريخ فتح ولا حدا بقدر ينكره .. بس فتح حالياً .. للأسف لاشيئ وبعدين ممكن تفهمني .. حماس متى اعترفت بأسرائيل ..؟؟ ازا على قولت .. حماس اعترفت بأسرائيل .. لعاد لشو حصار غزة .. .؟؟! وبتعرف انت بالضفه يعني عم بتشوف الي بسير من اجهزة الامن وغريبه انك بتحكي بدافع بهـ الطريقه ولا ما عم بتشوف الي بسير ..؟  وبتسمع الاخباار بس .. ^^ |
||
|
06-07-2008, 07:41 PM
|
#1666 | |
|
I ♥ PALESTINE
قوة السمعة: 119
|
رد: مع أو ضد ... موضوع اكثر من رائع ( إن شاء الله )
اوكـــــــ
خلص لشو افلبوها طوشهـ بس توضيح قبل ما اغير الموضوع للبحكي عن فتح مشروع انهزامي لاء غلطنين فتح اكبر من هيك بس هي هلاء بتحاول بس تصلح حال الشعب يلي كل عمالو لوراى ولو بطرق السياسيه ولكن استنو لخر الطريق و ما تحكمو من البدايه هاد اولا تانيا فتح لسه بحاجه لكتير من الوقت ت تقدر تعوض خسرتها الكبيره و هي خساة ابو عمار يلي هو اساس كل شي ما اتوقع كمان في هاي فيكم تحكوو ع العموم خلص سكرو ع الموضوع و ما بدنا نفتحو مره تانيه هاي مبادء وطنيه لكل منا و ما بنحب نغلط ع بعض او حتى نحكي شي ممكن يعصب الطرف الاخر يعني ما الو داعي الانهزاميه او نجي نحكي الانقلابين او الخوانا او العملاء خلينا سكتين احسن متل ما نحنا عم نحترم حماس يا ريت تحترمو فتح ولو في شي جواتكم خلو جواتكم متل ما نحنا عم نعمل . .................................. المهم مع او ضد الخوض الزايد في السياسه ؟؟ |
|
|
|
||
|
06-07-2008, 08:04 PM
|
#1667 | |
|
قوة السمعة: 6
|
رد: مع أو ضد ... موضوع اكثر من رائع ( إن شاء الله )
مع بس شرط يكونو ناس بفهموا او عندهم شوية خلفيه عند موضوع السياسه ..مش بس حكي و من بعيييييييييد بقرروا و حابين يتأكدوا إيمتى و شو و مين سوا .. مع بس مع حدا يتفهم و يحرف يحاور مش مع حدا ما عنده أي خلفيه عن موضوع اشي اسمه سياسه ..
للي بعدي ...مع أو ضد البنت تتحجب غصبن عنها ؟؟ |
|
|
|
||
|
06-07-2008, 08:14 PM
|
#1668 | ||
|
•• أريج الوطن ••
قوة السمعة: 101
|
رد: مع أو ضد ... موضوع اكثر من رائع ( إن شاء الله )
المشاركة الأصلية كتبت بواسطة blue-girl تصلح بالشعب الي عماله لورىليش الشعب الي عماله لورى .. مش منهاا برجع لورى .. وبعدين لو استنينا لـ أخير الطريق لـ أنتهت فلسطينونباعت القدس ولا أنا غلاطنهوانا ما غلطت عن فتح انا حطيت كلمه حالياً باللون الاحمر لعلى وعسى تفهموا انو قصدي بأنو مشروعها الحالي مش مشروع وطني والشغله مابدها شطاره اي حدا بعارف مشروع عباس شو هو : زأكيد فلسطين كلها تأثرت بخسارة ابو عماار بس زي ما خسرت فلسطين ابو عمار كمان خسرت أحمد ياسين بس في فرق في ناس نسوا الي كان وفي ناس ضلوا على المنهج الي هما عليه : حجه زرقاا ما تعصبي الموضوع كله أراء بأراء |
||
|
06-07-2008, 08:30 PM
|
#1669 | |
|
قوة السمعة: 6
|
رد: مع أو ضد ... موضوع اكثر من رائع ( إن شاء الله )
مدام كله آراء بآراء .. يا ريت بدون تجريح ولا حكي كله غلط وبدون معلومات يا عمي تعالي و شوفي و حسي شو عملت حماس و بعدين احكي ... و بعدين ما حدا لا بنكر شو عمل احمد ياسين و لا الرنتيسي و لا يحيى عياش اللي بعتبر رمز .. بس يا اخت أنين .. زي ما بتحكي انه ابو عمار راح و اجا عباس .. احكي ان احمد ياسين وراح و اجا غيره .. و بيان يا ست أنين نزل من كتائب عز الدين القسام بأسماء ناس من حماس اللي همه هنيه و الزهار و صيام و اشكالهم .. من كتائب القسام نفسها نزلته في عام 1996 و انشالله بعرضلك يا عالمنتدى هاد البيان انه هدول الناس بدهم يفوتوا عالتشريعي و يدخلوا انتخابات و قيادة حماس ما رضيت و البيان بحكي انهم خارجين عن الصف الوطني ... فمعناته هاي عالم من زماااااااااااااااان بتدور على مناصب و كراسي مش على وطن ... الوطن بدوش تحكي عن ابن لحمك و دمك كافر و تقتلوا و تشردوا قدام ولاده و خواته .. الوطن بدوش ناس بتربي ولادها على الحقد على اشي اسمه فتح .. بدوش ناس بتحط لولادها بس اشي عن حماس و المنيح بس و بتخبي عنهم الصح .. الوطن بدوش ناس بتحذف من عند ولادها المحطات اللي فيها اشي لفتح و بتعبي بروسهم و بتعبيهم حقد على اشي اسمه فتح .. تعالي و شوفي الصغار المربيين ببيوت حماس و اللي مربيين ببيوت فتح .. انا بحكي عن تجربه مش عن عبث .. شوفي لما تكوني بنت صغيره ولا ولد صغير و بحكي فتح كفار و احنا حماس و لو قتلت فتحاوي بتدخل الجنة .. بطلع الولد حاقد على اشي اسمه فتح .. الوطن بدوش عالم حاقده بتتخذ الدين ستار الها .. الوطن بدوش ناس اصلهم اخوان مسلمين الموساد الاسرائيلي حطوهم في بعض الحكومات و بعدين بطلوا موساد .. الوطن بدوش ناس بتصلي و بتصوم و بتقتل اخوتها.. يا أخت أنين الوضع اصعب مما انتي بتتخيلي من بعيد بكتيير .. الوطن بدوش ناس بتطلع بالجامع و بالمؤتمرات و بتحكي مقاومه و وطن و من تحت لتحت بعملوا شغلات الله من فوق بقبلش فيها .. الوطن بدو ناس تدافع عنه وبجميع الطرق سواء سياسه مقاومه او غيره .. وكل شي بوقته حلو .. اما انا اروح اقاتل و معيش اشي و حنباد احسن .. ولا اعمل دولة و استقر و أأس جيش و بعدين اقاتل و احرر بلدي .. .... للأسف للأسق عنجد انه في ناس من بعيد بتفكر و بتطلع قرارات واللي جوا ماكل هوا ومشوار ال5 دقايق بدو في 3ساعات من الحواجز و قراره غلط لأن مش فاهم .... وانا متأكد انك بتعرفيش هاد الحكي ولا عمرك سمعتي فيه يا اخت انين لأنك مش عايشتي و انا مش لايمك والله ...
يسلموا |
|
|
|
||
|
06-07-2008, 08:33 PM
|
#1670 | |
|
I ♥ PALESTINE
قوة السمعة: 119
|
رد: مع أو ضد ... موضوع اكثر من رائع ( إن شاء الله )
انين
انا ما عصبت بس ما رح اخوض هاد النقاش اكتر من هيك و خلينا سكتين انا ممكن كنت متلك بس تغير عقلي او ما فتت غزه السنه الفاتت ع العموم سكتنا فتح حماس شبيبة القسام يلي بدكم ايه بقو مقسمين لمتى اها احكو لمتى ههههههههههههههههههههههههه والله انو نحنا بندحك اخ بس اخ ال فلسططنيه ال ولاد البلد الوحده ما تصارعو هيك ولا بحكو ع بعض هيك الله يصلح الحال بس هاد يلي بحكي من ناحية السؤال للي بعدي ...مع أو ضد البنت تتحجب غصبن عنها ؟؟ و لو اي بني ادم انغصب ع شي رح يكرهو لبزم تكون مقتنعه و حبا قبل اي شي للبعدي مع او ضد انو تشوف حالك ؟؟ |
|
|
|
||
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
