موضوع هام للبنات وراي شباب

[آية بنت فلسطين]

ممممممممم السؤال كتيير حلو
بس انا مارح اقبل

[Anonymous Gril]

أنا مش مقتنعة بالارتباط .....ع شان أقتنع بالسن أو بفارق السنوات بين اللي ع وشك الارتباط


ولو اقتنعت ما ح قبل ....لأني ضده...




وشكراً ع الموضوع....

[Arabian girl]

انا من جهتي ما بظن اني رح احب حد اكبر مني ب20 سنة !!
وانو الشب يتزوج وحدة اكبر منو بسنة او تنتين برايي وبراي المجتمع اللي انا عايشة في ما فيها شي

[Arabian girl]

المشاركة الأصلية كتبت بواسطة الدكتور امير ممكن يا بنتي
بس مهما يكن ان الانسان المحب
لا ينظر الى سن او ما شابه
خاصة اذا كان الاثنان متفقان و عقولهما مقتنعة بالموضوع

و غدا عندما تحبين او تعجبين بشخص ما ستدركين مدى صحة كلامي و اتمنى لك التوفيق

د.امير

حكيك صح
بس بعد الزواج رح تتغير العلاقة بيناتهم وتصير علاقة متل علاقة الاب والبنت لانو الفرق بالسن كتير كبير

[&نسيم الروح&]

بالنسبه للمجتمع ازا كان الشب اكبر من البنت بــ 40 سنه مو 20 بيوافق وبيقولوا عادي وما فيها شي

اما ازا بنت تزوجت شب اصغر منها لو بيوم واحد فبعملوا فضيحه وبعملوا حفله وما بيكون الهم سيره الا انه فلانه اكبر من جوزها

اما بالنسبه الي زواج البنت من واحد اكبر منها وبعدد سنوات كتير هاد غلط لانه ما رح يكونوا يفهموا على بعض ورح يعاملها على انها ما بتفهم وكانها مو مرته كانها بنته

وهي رح تتعامل معه بحزر ورح تعامله معامله كانه حد بخوف وبتكون بدها تتغير على هواه هو يعني بيكون همها يكون راضي عنها

وهي الحقيقه الي بتمحي شخصيه البنت وكانها مو موجوده الا بوجوده هو

يعني انسب سن يكون بين الشب والبنت من 4 سنين لحد 10 سنين ولو انه 10 كتير بس بهادي الحدود بيكونوا فاهمين بعض

اما بالنسبه للشب الي بياخد اكبر منه انا بصراحه مو معه ابدا ببساطه البنت مع الخلفه وتربيه الاولاد والبيت بطبيعتها بتكبر اكتر يعني هلا قارني بين متلا امك وخالك الي اكبر منها بسنه او عمك الي قدها رح تلاحظي انه امك مبينه اكبر من اخوها الي اكبر منها

وهاد سبب انه انا برفض هي الفكره حتى لو بحبوا بعض لانه مع السنين بحسوا انهم مو مناسبين لبعض خصوصا انه البنت بيكون تفكيرها بالعاديه اكبر من تفكير الشب الي من عمرها وعقلها بالعاده كمان بيكون اكبر

هاد السبب وكل واحد اله رايي

وميرسي الك على الموضوع

[sunrise]

انا مابقبل بشب اكبر مني ب20 ولا حتى 10 سنين لانو لازم يكون عقلو قريب على عقلي
اما بالنسبة لانو يكون اصغر مني بسنة او اقل مابعتقد انو فيها شي طبعا ازا كنت بحبو لانو كلام الناس لابيقدم ولا بياخر وبالنهاية الناس حاكيين حاكيين لواخدت كبير حيحكو عليها ولو اخدت زغير برضو حيحكو لو تفكروا فيها مزبوط بتلاقو انو مافي فرق بين الي بتزوج وحدة اصغر منو بسنتين او تلات وبين الي بتزوج وحدة اكبر منو بسنة ماحيكون كتير فرق trust me وبالنهاية (ارضاء الناس غاية لاتدرك )تقبلو راي وشكرا عالموضوع

[زهور]

ممممممممممم
عادي بالنسبة لبعض الناس
مثلا خالي اتزوج وحدة اصغر منو بـ14 سنة

اما بالنسبة الي ما بفبل

وارق تحية الك
موضوع حلو

[التحدي الغامض]

أنا بأكد على موضوع إنه عادي كتيييييييييير انو الشب تزوج بنت اكبر منه بشوي يعني سنة معقول ... لأن مش هالفرق يعني ... و بالنسبة للمجتمع مش مهم ... أنا شخصيا بحب بنت أكبر مني بشوي .. و انشالله رح آخدها غصبن عن الدنيا كلها ... رضي المجتمع ولا ما رضي... و متل ما حكت sunrise انه لو الواحد بدو يرضي كل المجتمع ولا عمره بعيش مبسوط و راضي عن حاله .. مشان هيك اللي بنفسك اعمله وولا يهمك حدا ...

و يسلموا كتيير عالموضوع ... مشان في جزء بخصني ...

[تـولين]

انا امبارح سمعت برنامج ع الراديو
كانو بحكو ع الموضوع هذا فى بنت اتصلت بتحكى انه اهلها بدهم يغصبوها تتزوج واحد عمره 37 سنة و هيا عمرها 17 سنة بس لانه قريبها
بس هيا غريبة شوية و مستحيل يكون تفاهم بينهم لانه كل واحد عاش جيل غير عن التانى و تفكيرهم غير الا من رحم ربى
اما الرجل الى بتزوج اكبر منه بتلاقيه بتزوج عليها لما يكبر شوية كتير صارت هاى
بارك الله فيك على الطرح

[السيف عدي]

الامور نسبية .. وبتختلف من كل شخص لاخر .. لكن اجمالا .. ازا الشخصين متفقين .. هم احرار .. بس ازا غصبا عنهم .. اكيد لا والف لا .. لانو الزواج مش بالغصب .. ولازم يكون مبني على اقتناع تااااااااااااااام

تحياتي للجميع ..