امثال دمشقية

[RaWaNoOo]

أدن من طين وادن من عجين

ايدين دكك ورجلين سكك

أكبر منك بيوم أعرف منك بسنة

العاب بالمقصوص حتى يجيك الطيار

الحجر مطرحو قنطار

النار ما بتحرق ايد إلا كاويها

الحجر اللي ما بيعجبك بفجك


المونة بدا ركونة ما بدا مرا مجنونة


الرجل ما بتدب غير مطرح ما بتحب


الحب مطب والعاشق أعمى


أكل ومرعى وقلة صنعة


الجواب بمحلو متل الدهب بمغلو


السكافي حافي والحايك عريان


اللي فيه مسلة بتنغزو


ألف قلبة ولا غلبة


ألف عين تبكي وعين أمي ما تبكي


الرجال عند غراضها نسوان


العين ما بتعلا عالحاجب


الدم ما بيصير مي


الديك الفصيح من البيضة بيصيح


الحكي صابون القلوب


العين بصيرة والايد قصيرة


العز للرز والبرغل شنق حالو


العروس بعلقها وقلة أكلها

الطبل بحرستا والزمر بمنين

البحر ما بتعكرو ساقية

آب اللهاب

ايلول دنبو مبلول

الرحمة مخصصة والبلا بيعم

ألف قولة جبان ولا قولة الله يرحمه


الموت مع الناس رحمة


الحية إذا جاعت بتعض بطنها


الكلام بينداق متل الطعام


اذا احتجت الكلب قوللو يا حاج كلب


الله بيطعم الحلاوة للي مالو سنان


القرد بعين أمو غزال


الضرف العايب نافخو تعبان


الكلام اللي ما بينفد ياحسرة قايلو


الحكي الك يا كنة اسمعي يا جارة


الآخرة يا فاخرة


الرايح بايدو والجاية بايد الناس


الغايب حجتو معو


ايمتا كنا والشمس ترقعنا


اجا ليكحلها عماها

الرمد أشوى من العمى

العيرة ما بتدفي وان دفت ما بتوفي

ايد واحدة ما بتصفق

إن داقت عليك المخازن مخزنك عبك

البخشيش بالدرهم والعطا بالقنطار

إن كان حبيبك عسل لا تلحسو كله


الله يطعمك حجة والناس راجعة


الولد اللي ما بيبكي امو ما بترضعو


أعزب دهر ولا أرمل شهر


اذا الصغير انتشا الكبير باس ايدو


الطرق ولو دارت والبنت ولو بارت


الدهر يوم الك ويوم عليك


الخبز والماء أكل العلماء


الحارة ضيقة والحمار رفاس


الله ما نشاف لكن بالعقل نعرف


الخوف بيقطع الجوف


الرطل بدو رطل ووقية


الصاحب ساحب


الجنازة حامية والميت كلب


الأعور بين العميان ملك


الخير بخير والشر بغير


الجمل اذا بار بيحمل قنطار

العين مغرفة الكلام

إن عاب عليك أصلو دلايلو فعلو

الجمل لولا الفزة لحمل المزة

القط ما بيهرب من العرس

الجار قبل الدار

الولد ولد ولو صار قاضي بلد

[روان فلسطين]

الحجر اللي ما بيعجبك بفجك
العيرة ما بتدفي وان دفت ما بتوفي
الأعور بين العميان ملك
اذا احتجت الكلب قوللو يا حاج كلب

ميرسي كلهم حلوين بس هدول اكتر شي
متل امثالنا ما بيختلفو
تقبلي مروري

[أمير رفح]

الله بيطعم الحلاوة للي مالو سنان

مثل حلو ...

هههههههههه


يسلمو RAWANoOo ...

[الصمـــ رفيق الصحراء ــت]

حلوات

بس ما فيه

بس ما فيه بعد الامتال الفلسطينيه



وتحياتي


^_^

[أســ{ــمــرآنــ}ــي]

حلوين

في تشابه بينهم وبين امثالنا

الف شكر

[.:.!دموع الرحيل!.:.]

هههههههههه ، كلهم حلوين

أحلى نـاس والله

بجننوا هني وأمثالهم

الله بيطعم الحلاوة للي مالو سنان

إلا هيدا المثل ما بحبه وفي متلو عندة المصريين .. ( يدي الحلق للي ملوش ودان )

بحسهم قلة أدب مع رب العالمين .. او من باب الإعتراض على حكم ربنـا

بس الباقيين كلهم حلوين

يسلمو راوانوو

[brave heart79]

حلوين لكن هل من متعض