:: لكل من يريد المحافظة على توقيعو .. يدخل هون قبل ما ينحرم منه ::

[هلــون]

أول كــلمة رح اكتبها ولا حدا فيكم بحب منتدى شباب فلسطين !!!

ما تسألوني ليه .. وليش ؟؟ وش صار ..

مين منكم احترم قوانين شباب فلسطين ؟؟

مين منكم لما نزلنا اعلان ومواضيع عن التواقيع وقوانين التواقيع التزم فيها ؟؟

مين منكم فكر ولو تفكير انو انا ليه احط توقيعين ؟؟

مين منكم فكر بتعبنا انا ودموع الرحيل واحنا اسبوعين واحنا نلغي التواقيع المخالفة ولا انشارك ولا انحط مواضيع جديدة وضليننا كل الوقت بلوحة التحكم ؟؟

مين منكم بلغنا عن توقيع مخالف ؟؟

مين منكم كتبلنا رسالة خاصة (( وهذا الكلام موجه للمشرفين )) كتبلنا انو هاد العضو حاط اكتر توقيع ؟؟

مين منكم عمل توقيع لحالو وحط ببالو انو هاد التوقيع مخالف ما بصير احطو ؟؟

مين منكم مو حاطط توقيعين او اكتر بتوقيعو ؟؟

مين منكم ما اتدايئ من توقيع عضو أو عضوة حاطط الوم صور بتوقيعوا وبلغنا ؟؟

في حدا منكم عمل هالأشياء !!! ولا حدا فيكم .. يعني انتو ما بتحبو منتداكم ..

الي بحب منتداه بحافظ عليه وعلى منظروا وعلى رقيو .. وعلى مشاعرنا وعلى تعبنا !!!


الي بحب منتداه عالاقل بلتزم بقوانينو .. وما بغلط ولا بفكر انو يغلط بحط توقيعين أو اكتر ..

شو الغرض من التواقيع اللزيادة ؟؟ بدك تحكيلي .. انو هاد العضو اهداني وهداك اهداني .. الكل اهداني انا تواقيع ويمكن أنا (( وأعوذ بالله من كلمة أنا )) انهديت اكتر وحدة تواقيع بلمنتدى ؟؟ شايفيني حاطيتهم كلهم بتوقيعي ؟؟!!


يا جماعة والله تعبنا .. أنا ودموع جد اتعبنا .. من توقيعك مخالف .. ومنظر التواقيع والله شي بنرفزنا .. ممكن لانو بنحب منتدانا وما بنحب شي غلط فيه ..



انا طولت عليكم بعرف .. بس جد الموضوع كاتبتوا وانا مئهورة ..


انا بدي منكم انكون بس مع بعض .. وكل واحد يشوف توقيعوا بس مرة .. ويعرف ازا هوي غلطان ولا لأ ؟؟



::





لانو جد هالمرة أنا ودموع اتخذنا قرار .. بعد هالموضوع وازا ما شفنا التزام فيه .. رح ينحذف توقيع العضو نهائيا .. ورح ينحرم من خاصية التوقيع كلها .. فعندك مجال تراجع تراجعي حالك ..



::
ما بدي أي عضو يترك تعليق بلموضوع .. لأشوف التغير بتوقيعوا ..

ووعد منو انو رح يلتزم فيه ..

والكلام موجهه بشكل كبير للمشرفين .. كتير مشرفين مو شايفين تواقيعهم للأسف ..



قوانين التواقيع هون للي ما شاف الموضوع ..


http://shabab.ps/vb/showthread.php?t=56023


وعملنـا موضوع خاص بقسم الاستفسارات ..

اسمو بلغ على توقيع مخالف ..

أدخل هونــ


وانشوف مساعدتكم فيه ..

[.!. وردة الأقصى .!.]

ييييييي

عنجدددد والله معكم حق

الله يعينكم يارب

والله خجلت من حالي حاطة البوم بتوقيعي

اخس علي بس

بس المشكلة اني حاطة توقيع واحد بس

ووسام اللي فزت فيه بالمسابقه

وتبع لألئ الجنان

وتوقيع للتذكير في الله !!

أي توقيع اشيل !!

هههههههههههههههههه

عنجد والله زودتها ومستحية كتير منكم :(

ويسلموو كتير هلونه عم نغلبك معنا انتي وننوش

يعطيكم الف عافيه يااارب :)

[مؤيد]

ما هذا ...

^.^

معك حق هلون ...

أول ما طلعت القوانين الجديدة الخاصة بالتواقيع ، التزمت فيها فترة طويلة ، بس للأسف ما شفت الكل بلتزم فيها ....

وبس قبل يومين نزلت 4 تواقيع تجاوزت فيها الحجم المسموح بمقدار بسيط ، فما بعرف يعني أنا بقول صرت عاملهم التواقيع وتعبان فيهم ، يا ريت لو يتم الأخذ بمقولة ( عفا الله عنما سلف ) ....

ومن الآن فصاعداً يعني رح ألتزم حرفياً بمقياس التوقيع ..... والقوانين الجديدة لما أعمل تواقيع جديدة ....

وبتمنى الجميع يلتزم ...

وعلى فكرة الغاء التواقيع ، بدي أقول انو التواقيع مرات بتشجع العضو يفوت المنتدى ويشارك فيه .... نظرية مش أكتر ^.^ ....

يسلمو هلون كتير ...

ويعطيكم العافية على تعبكم ....

[مجرد إنسان]

هههههههههههههه ..

أنـــا الحمدلله ..

مريّح على الآخـــر .. مش حاطط توقيـــع ^____________^ ..

::

وكــل كلمــة قلتيهـــا صــح .. بس يا ريت الأعضاء يلتزمــو ..

.. ^_____________^ ..

[صاحبة القلم الحزين]

والله كنت حاسة انه هالموضوع رح ينزل عاجلاً غير آجل...


كل ما أشوف التواقيع بفرط ضحك... بس بتخيل بمنظر هيلين لما تشوفهم...


والله حاسة فيكي حبيبتي...


ربي يعطيكم ألف عافية أنتي و ننوش و كل اللي اشتغلوا ع الموضوع...


أما بالنسبة إلي والله دائماً بحاول ألتزم بالقوانين قدر المستطاع...


ولا أذكر إني بعمري حطيت أكتر من صورة بتوقيعي...


بس بنفس الوقت ولا مرة خطر ببالي أساعدكم بالطرق اللي عرضتيها سابقاً...


أنه مثلا أبعتلك رسالة عن توقيع مخالف أو هيك شي...


حقك علينا والله يا هلون...


و ان شاء الله هالمرة يلتزموا 100% بالقوانين...


يعطيكي العافية حبيبتي

[نور اليقين]

تــــــــيب

بما ان المووضع بجد بجد بطل واضح بالنمسبة الي

فيكي تحكيلي هلون

هل توقيعي هلأ مخالف و لا شو

لاني بطلت عارفه

و ما تقهري حالك يا عسول

لا انتي و لا نانا

اكيد و لا حد عمل هيك لانو ما بيحب المنتدى

و الا ما ضل 24/24 قاعد فيه و سايب دراستو و شغلو

و اكيد طبعا مش لانهم بدهم يتعبوكم

لانو و لا واحد بدو هيك

و بعدين خلاص

متل ما حكى مؤيد

عفى الله عما سلف

[B a s i m a]

الله يعينكو

صحيح أنا مرات بفوع...بس مش كتير

سامحونا

[تحـ البشر ـدوهـ]

في البداية حاب اشكرك اخت هلون ع الموضوع

ووعد مني اني ما احط شي مخل بشروط المنتدى .. واعذرينا اذا كان غلبناكي معانا

لكن اختي اخر توقيع كنت عامله لوايت كات .. كانت الصورة يلي جواته .. رسم

بس يمكن انتي مش منتبهه .. واذا بدك بحطلك الصورة الاصلية تتاكدي

ع العموم انا مش فايت اني ابرر شي .. انا فايت اقول اعذرونا .. واايد للفكرة .. يلي هي حذف التواقيع

وبالنسبة للاهدائات

فيا جماعة .. انا لمن اعمل تصميم .. ما بكون بدي ياكو تحطوهـ توقيع .. هو لو فيه قسم اهدائات منفصل عن التواقيع .. كان ضفت مواضيعي فيه .. وبالنسبة لظاهرة .. اني احط تصميم .. ويحطه واحد توقيع .. بعدين يشيله تاني يوم .. فهاي الظاهرة ما بتزعلني اطلاقاً .. أصلا بستحقر كل واحد بيزعل من هيك شغلاات .. يعني مثلا هي الاخت وردة الاقصى .. اهديتها تصميم .. وبصراحة .. تعبت فيه كتير .. وطلعت روح روحي لمن صممته .. بغض النضر عن انه كان اول تصميم .. والاخت وردة عجبها .. وحطته .. وتاني يوم او تلات يوم شالته .. لو واحد تاني كان زعل .. لأنه تعب وطلعت روحه .. وإهداء ومش عارف شو .. وتاني يوم تشيله .. صعبة .. بس لا .. انا ما فرقت معي .. لانه اهم شي انه عجبها وخلاص .. واهم شي انه عرفت انها اخدت من اخوها تحدوهـ هديهـ .. هاد دليل ع انه بيقدرها وبيحترمها .. مش شرط انها تحطهـ توقيع يعني .. او تحطهـ وتشيله .. ومتل ما حكيت بستحقر الناس يلي بتزعل من هيك شغلات . مع احترامي للكل .. بس هادا انا .

انا كتير برمي عارفه ههههه .. بس هاد موضوع مهم .. ولازم نحكي فيه .. ولازم اوضح وجهة نضري

تسلمي اختي هلون .. والاخت دموع .. ولكم وعدي

دمتم بود

[هلــون]

المشاركة الأصلية كتبت بواسطة وردة الأقصىــآ

ييييييي

عنجدددد والله معكم حق

الله يعينكم يارب

والله خجلت من حالي حاطة البوم بتوقيعي

اخس علي بس

بس المشكلة اني حاطة توقيع واحد بس

ووسام اللي فزت فيه بالمسابقه

وتبع لألئ الجنان

وتوقيع للتذكير في الله !!

أي توقيع اشيل !!

هههههههههههههههههه

عنجد والله زودتها ومستحية كتير منكم :(

ويسلموو كتير هلونه عم نغلبك معنا انتي وننوش

يعطيكم الف عافيه يااارب :)

رح أرد عليكم واحد واحد .. ولأنكم كلكم مشرفين .. بدي احنا انكون قدوة للكــل

وردة الاقصى .. انتي الي حاطتيه كلو مهم صح ..

بس ازا كنتي فايزة بوسام مو ضروري اتحطيه شهرين .. فترتوا اسبوع وخلص بيلتغى !!!

حطي متل الكل .. وسام فوز .. ولآلئ الجنان بس .. مو ضروري تحكي الكل .. وتكتبي كلام ..

انا بحترم انو انتبهتي انك حاطه كتير .. بس الشي بالعئل ..^^.. اهداكي هلأ توقيع .. الاسوبع الجاي حطيه .. بعد ما تكوني فرحتي بالوسام .. وخلص ..

بتمنى وصلت الفكرة ..


والرجاء الالتزام ..

[هلــون]

المشاركة الأصلية كتبت بواسطة مؤيد

ما هذا ...

^.^

معك حق هلون ...

أول ما طلعت القوانين الجديدة الخاصة بالتواقيع ، التزمت فيها فترة طويلة ، بس للأسف ما شفت الكل بلتزم فيها ....

وبس قبل يومين نزلت 4 تواقيع تجاوزت فيها الحجم المسموح بمقدار بسيط ، فما بعرف يعني أنا بقول صرت عاملهم التواقيع وتعبان فيهم ، يا ريت لو يتم الأخذ بمقولة ( عفا الله عنما سلف ) ....

ومن الآن فصاعداً يعني رح ألتزم حرفياً بمقياس التوقيع ..... والقوانين الجديدة لما أعمل تواقيع جديدة ....

وبتمنى الجميع يلتزم ...

وعلى فكرة الغاء التواقيع ، بدي أقول انو التواقيع مرات بتشجع العضو يفوت المنتدى ويشارك فيه .... نظرية مش أكتر ^.^ ....

يسلمو هلون كتير ...

ويعطيكم العافية على تعبكم ....

بس للأسف ما شفت الكل بلتزم فيها ....

مضبوط كلامك مؤيد .. و100 بالمية صح .. ما حدا التزم فيها .. مو البعض .. الكل صار يحط توقيع وتوقيعين .. وهاد الي بئهر بزيادة .. يعني احنا ما سوينا ولا حكينا !!!


والتواقيع الي بتعملها .. عادية بالنسبة لغيرها مؤيد .. مو مشكلة يكون اكبر بشوي .. بس يكون لحالو !!!! مش جنبو 3 و 4 تواقيع بتزينو !!



والغاء التواقيع رح تكون للي خلص لا كلام ماشي معو .. ولا احترام للقوانين .. ومو للكل ..



يسلمو لمرورك .. وارجو االالتزام