...........(((((حكايتي مع المنتدى ))))))).............

[جرحٌ بملامح انسان]

^,^

[فلسطينيه والراس مرفوع]

اسرااااااااااء
وينك ؟
انا بدي اطلع هلأ
لما تشوفو اسراء دخلت بتحكولها
اوكي

[إسراء الفلسطينية]

السلام عليكم و رحمة الله و بركاته ..

آسفة ع التأخير .. بس هلا لحتى عرفت اني متورطة هون :P

..

ميرو حبيبة قلبي .. يسلمو ع الاستضافة

رح أبلش هلا ..

بسم الله :)

كيف بدات رحلتك(حكايتك) مع المنتدي وكيف وصلت له؟

ممممــ .. المنتدى عرفتو عن طريق جوجل .. وقتها كتبت كلمة فلسطين ع جوجل .. طلعلي روابط ..

و سبحان الله .. لقيت رابط المنتدى .. دخلت عليه ..

و ما كنت اصلاً عارفة شو يعني منتدى

دخلت و سجلت .. و حتى ما بعرف كيف عرفت أسجل ههههههههههههههه

منتدي شباب فلسطين ماذا يمثل لك؟؟

منتدى شباب فلسطين .. جزء كبير من حياتي ..

غيرلي حياتي تماماً .. طبعاً للأفضل ..

و تعرفت ع ناااااس عمري ما كنت متخيلة أوصللهم و احكي معهم ..

و هلا صاروا جزء مني

و اليوم اللي ما بفوت فيه المنتدى بحس ناقصني شي .. و بضلني حايصة

هل تفكر في المنتدي وانت خارجه والي اي درجه.......وبما تفكر؟

بكذب عليكم لو بقولكم لا

لانو عنجد مرات كتيرة بفكر بالمنتدى ..

خصوصاً لما ما اكون داخلة المنتدى الي فترة ..

بصير أقول هلا شو بكونوا بعملوا الاعضاء

خايفة يروح شي عليي

ما أول شئ تفعله عند دخولك المنتدي....(بشرح لو سمحت)؟

والله حسب الاوضاع و حسب جو المنتدى كيف بكون

بس ع الأغلب .. بدخل قسمي أول شي ..

بطمن عليه ..

و ببعدين ببلش ألف بالمنتدى ..

^^

من هم الثلاثه الذي يشغلون تفكيركـ وانت خارج المنتدي؟

ممممممــ

مدري والله

ما في حدا معين ^^

من الثلاثه الذي تبحث عنهم وانت في المنتدي؟

الكل خير و بركة

و الكل والله عزيز ع قلبي .. و بعتبرهم متل أخواتي

من الذي يسعدك عند مرورة في موضوع لك ويعلق((يكتب رد)) فيه؟

كتاااااار والله

أي حدا برد ع موضوع الي .. بنبسط عليه ..

كمان ما في حدا معين ..

بس أكيد في أعضاء ردودهم مميزة كتير .. و هول أكتر شي بنبسط عليهم

!!!!!سؤال محرج!!!!! ارجو الاجابه عليه
هل احببت او هل اعجبت باحد في المنتدي من الجنس الاخر
ارجو عدم ذكر اسماء......

الجواب مو اسم العضو بس يكون يا نعم يا لأ؟؟

لا بد من الاعجاب ..

و خصوصا بأعضاء شباب فلسطين ..

ما شاء الله ..

عنجد في أعضاء مميزين لدرجة كبيرة .. و بنعجب فيهم أكيد !

..

أما حب .. طبعاً لا .. لانو الحب عمرو ما صار على هل طريقة .. !

بس حب الاخوة بهل منتدى حسيت فيه كتير

موضوع تمنيت ان تكتبه لكنه موجود باسم عضو آخر؟

ما ذاكرة والله

ما اعتقد في ..

رسائله خاصه الي مين ترسله وماذا تقول له
او ماذا تقول او الى مين؟؟هاده لو كان في رسائل

رسالة بوجهها لكل أعضاء هل منتدى الغالي ..

و خصوصاً الاعضاء يلي عشنا معهم ايامنا الحلوة و المرة ..

و يلي عنجد رسخوا بقلبي .. و ما يقدر اني انساهم ..

بقولكم .. اني حبيبتكم من كل قلب

والله بحسكم متل أخواتي و اخواني ..

غـــاليين على قلبي كتير والله

الله يخليلي ياكم يا رب

ما هو الشئ الذي يقلق في المنتدي؟

متل ما قالت ميرو ..

غياب الاعضاء عنو ..

في اعضاء كتيرة الها فضل كبير بهل منتدى ..

و الهم ذكرى بكل زاوية بالمنتدى ..

بس للأسف تركونا ...

ان شاء الله يرجعولنا بخير و سلامة .. و يرجعوا ينورا المنتدى متل قبل

اصعب موقف مرة عليك ولا تقدر ان تنساه؟

ما بتذكر انو مر علي مواقف صعبة

بس أكيد مواقف حزينة مرت ..

خصوصا الاحداث يلي بتصير بفلسطين ..

بحس المنتدى كلو بيتأثر :(

لحظه مرت عليك في المنتدي ولم تنساها ألي اليوم من شدة الفرح او الحزن؟

كل لحظة بهل منتدى ما بتنتسى ..

ما فيي ببالي شي معين ..

القسم التي ترتاح فيه وتحب ان تكون((تشارك)) فيه ......
واي قسم الذي تبدع فيه؟

في كتير أقسام حلوة

قسمي بحبو أكيد .. يلي هوي ركن النواعم

و الاقسام الفلسطينية كلهم .. بحب أشارك فيهم ..

و بنبسط فيهم كتير ..

_عضو معاك في المنتدي تريد ان تقول له شئ!!
الشي الذي تريد قوله بدون اسم العضو؟

الله لا يحرمني منكم .. يا أغلى نـــاااس

هل تريد ان تقول شئ قبل ان تغادر؟

مــا أحلى الحب في الله

من هو العضو الذي ترشحه او تورطه بعدك كي يشرفنا
في الموضوع ويحكي حكايته؟

ريحـــانة القلب


.


.


.

شكرا كتير كتير ع الموضوع الحلوو حبيبتي ..

يعطيكي الف الف عافية

[&نسيم الروح&]

_كيف بدات رحلتك(حكايتك) مع المنتدي وكيف وصلت له؟

بدت بشهر سبتمبر 2006 دلتني عليه بنت خالتي

_منتدي شباب فلسطين ماذا يمثل لك؟؟

المكان الي برتاح في بجد

_هل تفكر في المنتدي وانت خارجه والي اي درجه.......وبما تفكر؟

احيانا لما يكون في حدث بدي اعرف شو صار في

_ما أول شئ تفعله عند دخولك المنتدي....(بشرح لو سمحت)؟

بدخل على لوحه التحكم وبشوف مواضيعي الي كتبتهم بعدين بلف بين المنتديات
وبس اخلص برجع بلف وبنفس الوقت بكون ادور على مواضيع بتستاهل تنحط بالمنتدى بس

_من هم الثلاثه الذي يشغلون تفكيركـ وانت خارج المنتدي؟

ما في حد معين بس بحب ادخل اشوف شو في مواضيع جديده لنور اليقين وبلو جيرل وغيرهم بس خاطر على بالي هلا

__من الثلاثه الذي تبحث عنهم وانت في المنتدي؟

مو بدور عليهم بس بحب يكونوا موجودين وانا بالمنتدى منهم بلو جيرل, بنك روز وكتير ناس غيرهم

_من الذي يسعدك عند مرورة في موضوع لك ويعلق((يكتب رد)) فيه؟

كل الاعضاء ما في حد معين بس بحب الكل يشارك بمواضيعي

_ !!!!!سؤال محرج!!!!! ارجو الاجابه عليه
هل احببت او هل اعجبت باحد في المنتدي من الجنس الاخر
ارجو عدم ذكر اسماء......
الجواب مو اسم العضو بس يكون يا نعم يا لأ؟؟

لا, بعتبر الكل متل اخوان الي اما حب لا

_موضوع تمنيت ان تكتبه لكنه موجود باسم عضو آخر؟

ما بعرف ما خطرلي هاد الخاطر بصراحه

_ رسائله خاصه الي مين ترسله وماذا تقول له
او ماذا تقول او الى مين؟؟هاده لو كان في رسائل

لو كان في ببعت لكل حد بثق في وبكون بحاجه احكي معه ويكون بفهمني

_ما هو الشئ الذي يقلق في المنتدي؟

ناس بدخلوا على انهم اعضاء وبيكون قصدهم التخريب بين الاعضاء واثاره العنصريه

_اصعب موقف مرة عليك ولا تقدر ان تنساه؟

ما في شي معين

_لحظه مرت عليك في المنتدي ولم تنساها ألي اليوم من شدة الفرح او الحزن؟

رجعتي على المنتدى بعد اكتر من 5 شهور
واكتشف انه ما حد نسيني مع اني سجلت باسم تاني

_اي القسم التي ترتاح فيه وتحب ان تكون((تشارك)) فيه ......
واي قسم الذي تبدع فيه؟

ركن النواعم والصور وبتمنى اكون في مبدعه

_عضو معاك في المنتدي تريد ان تقول له شئ!!
الشي الذي تريد قوله بدون اسم العضو؟

بتمنى اشوفكم

_هل تريد ان تقول شئ قبل ان تغادر؟

الله يقويني واكون عند حسن حظ الكل

_من هو العضو الذي ترشحه او تورطه بعدك كي يشرفنا
في الموضوع ويحكي حكايته؟

وميرسي الك على الموضوع الحلو

[ضوء القمر]

كملوو كملووو

الموضوع روووعة

ونسيم انت كسرتي القاعدة هههههههههه

بنستنى الدور

[Princess of Sense]

ريحانة القلب

احنا بإنتظارك يا قمر

[*ريحانة القلب*]

أول شي انا بعتزر جدا ع التأخير

بس صدقــاً اني مشغولة هالايام بتسليم مشروع وما عم بقدر افوت المنتدى


حبيبة قلبي سوستي .. شكرا كتيييير الك على الاستضافة الرائعة


واستعنا ع الشقى بالله


بسم الله نبدا

_كيف بدات رحلتك(حكايتك) مع المنتدي وكيف وصلت له؟

اختي كانت بتبحث ع موضوع عن فلسطين .. فطلعلها المنتدى

طبعا هي سجلت عشان تاخد الموضوع وشاركت شوي وتركتو ..

هي ما الها مرآء ع القعدة ع النت .. يعني ما بتعد الا ازا بدها شي

او عليها واجب بس !



المهم انا استلمت المنتدى .. وصرت ادخل اتفرج واقرا واطلع

عنجد انبهرت بعلاقتكم الرائعة .. بتمنى لو اني على طول سجلت ..

بس انو بعد شي شهرين او اكتر لحتى حسيت اني لازم اكون وحدة منكم


وفعلا سجلت ..

_منتدي شباب فلسطين ماذا يمثل لك؟؟

بصراحة غيرلي فكرتي كلها عن المنتديات

انا قبل شباب شاركت (وبقصد بشاركت يعني مشاركة فعليه ودوام وهيك مو تسجيل ع الماشي)

بـ 3 منتديات .. هم رائعين بس كنت احس فيهم انو المنتدى بس موضوع بقرأو وبرد عليه

ما كنت احس انو هو تجمع ناس حقيقين .. او انو هو علاقة اخوة بين مجموعة .. انو بفرح لفرحهم

وبحزن لحزنهم .. انو بتمنى اعرفهم ع ارض الواقع .. !


فعلا حسيت هون انو القصة تعدت شغلة موضوع ورد عليه وبس .. اتعدت لعلاقة ..


يعني هو صار جزء من حياتي فعـــلاً .. بحس فيه بالواجب اتجاه كل عضو فيكم .. واجب الاخوة

وحسيت فيه انكم اسرتي التانية ..

_هل تفكر في المنتدي وانت خارجه والي اي درجه.......وبما تفكر؟

آه بفكر فيه .. خصوصا الايام يلي متل هاي .. الي بكون فيها مو قادرة افوت

بضل افكر مين اتزكرني ..

شو صار جديد بغيابي .. شو راح عليّ (ترى بهمني ما يروح شي علي )


وكنت ايام مسابقة نور الاسلام .. افكر شو بدي انزل مواضيع اليوم وكم بدي اشارك




لا فعلا كيف الي بغيب عن اسرتو بكون احساسو .. نفس الشي ..

_ما أول شئ تفعله عند دخولك المنتدي....(بشرح لو سمحت)؟

هو بختلف من وقت لوقت ما عندي اسلوب معين

يعني احيانا بفوت ع الحوار الحر على طول ..

واحيانا بلفلف شوي بالاحبة والتعارف والصور والشريعة وفلسطين بعدين بفوت الحوار

او بعد أقرا الاهداءات ..

حسب الحالة المزاجية

_من هم الثلاثه الذي يشغلون تفكيركـ وانت خارج المنتدي؟

ثلاثة!!

لا كتييير حددتيها هيك


والله ما في حد معين .. يعني احيانا بكون بفكر بحماس بتلاقيني صرت افكر بـ نانا

ومرة كنت بفكر كيف الاقي صاحبة ميرو الي بتدرس بنفس جامعتي .. فـ كنت بفكر في ميرو

يعني ما في حد معين .. حسب !

__من الثلاثه الذي تبحث عنهم وانت في المنتدي؟

بهمني ابحث عن اجدد واحلى المواضيع

مو كتير بهتم انو ابحث عن اعضاء

لأنو عارفة انو هيك هيك رح يقراو ردي ويردو علي

وهاد المهم ...

_من الذي يسعدك عند مرورة في موضوع لك ويعلق((يكتب رد)) فيه؟

كل الاعضاء مرورهم بسعدني

الموضوع ما بكمل بلاكم ^_*






_

!!!!!سؤال محرج!!!!! ارجو الاجابه عليه
هل احببت او هل اعجبت باحد في المنتدي من الجنس الاخر
ارجو عدم ذكر اسماء......

الجواب مو اسم العضو بس يكون يا نعم يا لأ؟؟

ليش التحديد .. من الاعجاب الي ببالكم مافي منو..

بس كتير شخصيات (ذكور او اناث) بتلفت انتباهي.. وبتعجبني ..

وكلهم اخوتي طبعا.. والاغلب هون اصحاب شخصيات رائعة ..

_موضوع تمنيت ان تكتبه لكنه موجود باسم عضو آخر؟

ما بذكر ..

بس في موضوع اتحمستلو

طلعت نانا منزلتو وما انتبهت الا بعد ما نزلتو .. طبعا طلبت منها تلغيه على طول

_ رسائله خاصه الي مين ترسله وماذا تقول له
او ماذا تقول او الى مين؟؟هاده لو كان في رسائل

ممممم

مافي ببالي اشي احكيه لحد

بس بقول للكل انتو احلى اسرة واحلى اخوة

لا تسمحو لأي مخلوق يغيركم .. والتمسو الاعذار لبعضكم ..

والله ما يحرمني منكم

_ما هو الشئ الذي يقلق في المنتدي؟

الزعل المفاجئ للبعض ..

وما بتلاقيه غير سحب حالو وبدو يترك ..

طولو بالكم ع بعض ياجماعة الخير ^_*

_اصعب موقف مرة عليك ولا تقدر ان تنساه؟

مافي موقف ما بقدر انساه

كل يوم بنتهي بروح ع recycle bin

_لحظه مرت عليك في المنتدي ولم تنساها ألي اليوم من شدة الفرح او الحزن؟

بداية وجودي بينكم اهدتني دقدوقة (دق التحية ) توقيع

ما تصدقو اديش افرحت فيه .. ولما اهدتني نانا توقيع كمان

عنجد انبسطت كتير كتير انهم متزكريني ..

وكمان لما حكيت مع نانا وميرو لأول مرة .. يااااا الله شو كنت طااااايرة من الفرح

_اي القسم التي ترتاح فيه وتحب ان تكون((تشارك)) فيه ......
واي قسم الذي تبدع فيه؟

بحب اشارك بكل الاقسام .. بس من وين اشتري وقت

وببدع بالصور & الحوارالحر لمن اكون رايقة ..

_عضو معاك في المنتدي تريد ان تقول له شئ!!
الشي الذي تريد قوله بدون اسم العضو؟

إنتِ اعقل وازكى انسانة بتمر عليّ .. خليكي هيك ثابتة ع مبدئك

ثباتك بعجبني .. الله يزيد ايمانك ويثبتك ع الحق

وبدون اسم ^_^

_هل تريد ان تقول شئ قبل ان تغادر؟

احبكم في الله

_من هو العضو الذي ترشحه او تورطه بعدك كي يشرفنا
في الموضوع ويحكي حكايته؟

مش عارفة بحكيلكم بعد شوي ^ ^






يسلمو على الموضوع المرتب ع المكتب

يعطيك العافية يا قمرة


,,,

[*ريحانة القلب*]

بختــار بعدي

بســـــكــــوتـــة




تفضلي بستوتتي



^_*


..

[فلسطينيه والراس مرفوع]

مشكورة على مرورك ريحانة

[روان فلسطين]

دودو فكرة جهمية بجد روووووووووعه يا عسل