| الإهداءات |
|
|||||||
 |
|
|
|
أدوات الموضوع | انواع عرض الموضوع |
| الإهداءات |
|
|||||||
|
|
|
|
أدوات الموضوع | انواع عرض الموضوع |
03-26-2008, 11:55 AM
|
#421 | ||
|
I ♥ PALESTINE
قوة السمعة: 81
 |
رد: ][®][^][®][مــــــآيــــك المــنــتــدى مع بـــســكــوتــة][®][^][®][
ونكمل الآن الحين ع قولة هالبنت
 رح أحكي هلأ عن بعض مواقفي بالأردن وأنا صغيره عند دار سيدو بجرش .. عندهم هيك حديقه وفيها أرانب وجاج وبط يعني هيك كوكتيل مرة من المرات كان عمري 10 سنين وكنا منوكل بطيخ بس خلصنا حكتلي تيتا أودي قشر البطيخ وأرميه للأرانب عشان توكله .. رحت قال وأخدت الصينيه وواثقه من حالي وفتحت باب البيت الأرانب وهيك وقفت بنص المكان وبتأمل بالأرانب خايفه أعمل أي حركه رحت هيك دغري من غبائي مسكت الصينيه ونعفت قشر البطيخ بمكان واحد ولا فجأأأأأأأة كل الأرانب هجمت علي وهيك تقرب من إجري ومبسوطة وزي بتشكرني بس شو هالشكرررررررررر أنا بطل فيي عقلللل وصرت أصررررررررررخ أصرررررررررررخ ههههههههههههههههههههههههههههههههههه ههه ودخلت عالبيت وأنا شكلي راجعة من حرب وما حد منتبه إنو طلعت قبل شوي من مصارعه مع عشر أرانب ربما أكثـر المهم كلهم حجمهم زغيييير ولونهم بني وفي منهم أبيض وعيونهم حمرا يعني كتير حلوين بس من بعيد ... أما أمسكهم مستحييييييل ههههههههههههههههههههههه ...... طيب مـرة بس هالموقف وأنا كبيره للأسف  يعني كنت تاني ثانوي كنت عند دار خالتي بإربد ومروحين العصر على جرش وقاعده العيله بتتخرف وبتشرب شاي ومبسوطين أنا كنت بغرفة بنات خالتي بتسلى وبلعب رحت مسكت نكاشة الدينين أنا عندي عاده أمسكها وأضل أحرك فيها جوا داني يعني هيك بستمتع وبنعس  للأفسس كان نوعها تعيس  ولا بطلع فيها ولا إيييييه  ما في قطنه يعني القطنه دخلت ولم تخرج مثل فيلم ذهب ولم يعد هههههههههههههههههههههه أنا هيك ضليت مصدومه مش عارفه شو صار أصلا .. ومش عارفه شو أحكي لبنات خالتي وللكل قاعدين بالصاله يماااااااا رحت ناديت لماما وحكيتلها القصة وماما بهدلتنيييي :( وضلت القطنه بداني لوصلنا ع جرش :( وكلهم ينادوني يا قطنه تعالي يا قطنه روحي  وخالي يحكي لماما يلا رايح أجيب الزراديه عشان نطلعها ههههههههههههههههههه وهيك يعني يلعبوا بأعصابي .. إحنا وصلنا ع جرش هيك عال6 المغرب وبعدين دغري رحنا عند الدكتور وشافها ولقاها وطلعها بس الله لا يورجيكم هيك حط شغله كبيره بداني وبضغط عليها بتصب مي يعني غسيل دان ... ونزلت القطنه مع المي وضليت أطلع عليها وأنا حاقده بس كان شعور حلو لما المي دخلت ع داني حسيتها وصلت لمخي وطلعت هههههههههههههههه صار الكل بدو يعمل غسيل أذن .. ...... وأكره ما علي بالأردن المواصلات اللي فيها يعني اللي بروح هناك وما معاه سيارة بشوف الويل بعيـونـو .. بحب بالأردن أهلي وقرايبي أما الاستقرار هناك شبه صعب وبحب لما أسافر .. أروح بالطيارة أما السيارة بتعملي فوبيا وهستيريا ولما أروح هناك بكون مبسوطة أول أسبوع بعدين بكتئب بدي أرجع عالإمارات وبيجـوا عمامي وعماتي من جنيـن عن طريق الجسـر .. وكتير بنبسط بس أشوفهم .. يا ريت بس أدخل فلسطين :((( ...... أنا بالعيله طبعي أضل أتحرك وأروح وآجي وألعب مع هاد وأتهبل مع هداك يعني ما بحب الناس الانطوائيه أو الهاديه الزياده عن اللزوم  يعني بدار سيدو مغامراااات لا تنتهيييي  .......... هلأ رح أحكي عن سنة التوجيهي كانت من أحلى سنين حياتي .. روووووعـة هيك بتجنن .. مع إنها بتعب وبتهد الحيل وكل يوم أرجع من المدرسه أعيط ههههههههههههههه بس عدينا هالسنه على خير بعد طلوع الروح وبما إنـو أنا أكبر وحده بالبيت .. كان الكل بستنى بمعدلي ومبسوط قال وأنا كنت باصمه بالعشره إنو حجيب 96 هيك كنت مقدره تقدير كل ماده شو رح أجيب فيها كانت امتحاناتي تقريبا أسبوعين .. وبس خلصنا حكولنا النتـائج حتطلع بعد أسبوع على حكيهم حيجي مسج عالموبايل بعدين حتطلع النتائج على موقع الوزارة .. المهم وضليت على توتر كل يوم يحكوا النتائج طلعت والناس تتصل وتتعب أعصابي عالفاضي  لحد ما إجا اليوم اللي صارت النتائج توصل عالموبايلات .. هيي خدمه عملناها كل طلاب التوجيهي وبعدين بتوصلنا النتيجه وبس ماما فتحت المسج شو كان المعدل 92.8 وأنا سمعت المعدل من هون وبلشت مناحه من هون وأعيط إنو كنت مفكره معدلي 96 ولا طلع 92 يعني ضليت هيك طول اليوم وأنا في حالة صدمه بس لما عرفت معدلات باقي البنات إجتني حاله هدوء هههههههههههههههههههه لإنو طلع الكل نازله معدلاتهم وحالتهم حاله  يعني الحمدلله على كل حال .. كنت علمي وكنت أحب الرياضيات والفيزياء وأكره الكيمياء كره العمى بس خلصت توجيهي سافرنـا عالأردن فترة نقاهه وكنت مبسوطة كتير يعني  لإنو دار سيدو كان مكيف عالوضع ومبسوط عالمعدل وبعدين طول الإجازه ضليت هيك شمات هوا مع أهلي لحد ما طلع قبـولي بالجامعة ورجعت عالإمارات شلفقة عشان امتحانات تحديد المستوى بالمواد الأساسيه حجزنا تذكره أنا وماما وإجينا وتاني يوم بابا لحقنا مع أخواني بالسياره بالبـر .. ييييع كنت حاسه حالي حدا بيزنس لإنو الأمر كان مستعجل وهيك الكل متوتر وخايف تروح علي الامتحانات بس الحمدلله وصلنـا عالإمارات وزبطت الأمور .. ودخلت الجامعة .. أولها كان مأساة ههههههههههههههههه ما بعرف حد متل الشحاده مش عارفه وين أروح .. كان معي بنت اسمها ندى صاحبتي كتير يعني وكنا نروح ونيجي سوا بس دواماتنا غير عن بعض ... وأصير أقعد لحالي .. بعدين تعرفت على محبوبة يبنـا وهنو الوطنيه .. وبعدين على ميمي ولولو وشيمـو ودايما بحكي لولا هالشله ما كانت الجامعة أحلى شي عندي لإنو ما بحب أقعد بالبيت هناك ملل والكل بدواماتهم .. عشان هيك بضل بالجامعة للعصـر كل يـوم ولا يمل ما دام فيها أكل ولعب ونوم زي بعض ناس .. ... خلص بكفي لحد اليــوم ... تعبت كتير ومخي سكر رايحة أكمل دراسه ادعولي امتحاني ع المغرب كالكولاس .::. ديداااااااي |
||
|
|||
|
03-27-2008, 02:56 PM
|
#422 | ||
|
I ♥ PALESTINE
قوة السمعة: 81
|
رد: ][®][^][®][مــــــآيــــك المــنــتــدى مع بـــســكــوتــة][®][^][®][
عدناااااااااااااااااااا
تأخرت وناسيه حالي وراي مايك مبـارح وصلـت عالبيـت 9 بالليـل بس أحكي عن هاليـوم قديه كان صعب وحلـو بنفس الوقت كنت بالجامعة عال8 إلا عشره وأمشي بسرعة عشان ألحق الكويز اللي كان علي الصبح المهم امتحنت وكل شي تمـام وطبعا في كم غلطه ههههههههههههههههههه وبعدين حضرت كلاس ثقـافه مع محبوبة يبنـا وهنو الوطنيه .. ورجعنـا قعدنا بالمبنى عالساعه 11 ومحبوبة وهنـو راحو على كلاساتهم فأنـا ضليت لحـالي ومش عارفه شو أعمل وعلي امتحان كالكولاس عال7 المغرب حكيت بكتب شوي بالمايك وهيـو الرد اللي فوقي وبعـدين بـاكل وبكمل دراسه وهاد اللي صـار الحمدلله بعدين صارت الساعة 2 الضهـر وإجـت صاحبتي عروسة المنتـدى هيي مش لازم تعرفوا مين :P وتغدت ورحـت معها عالسكن :D شمـة هـوا يعني اللللللله !! كيفت كتييييير وانبسطت عندها قعدنا لعبنـا وتسلينـا وشربت نسكافيه ودرست وكان كل شي ماشي تمام وصوت المكيف بنعسسسس وما في وقت للنـوم أبـدا لإنو كنت متفقه مع صحباتي وبنات كلاسي نشوف بعض عال6 المهم رجعت عالمبنى ورحت عند البنـات وقعدنـا بالهـواء الطلق ندرس وندرس وندرس حسيت حالي توجيهييييييييي الأجـواء كانت بتتعب الأعصـاب بس أنا طول الوقت أضحك ههههههههههههههههههههه حكيت لميمي يا ريتك كنتي موجوده على قد ما ضحكت .. هيك أشكال البنـات وهيي بتدرس وخايفه وكل ما يلاقوا سؤال وما يعرفوا يحلو ينجنوا هههههههههههههه أنا كنت دارسه زياده عن الكميه كمان (شف1) غبـاء ضارب ولا شطارة زايده مدري وبس دخلنـا عالقاعة هيي كبيره كتير وكان في بنـات كتير لإنو الامتحـان موحـد دخلت بالزور ههههههههههههههههه أختكم بسكوته تعجنت وبعدين قعدت على الكرسي وكانت القاعه بااااااااااااااارده صرت أحكي لصاحباتي ياللله برد كتيييير شكلي بس أحل بالامتحان حيطلع خطي طالع نازل من الرجفه امتحنت وخلصت وطلعت برا وبلشت المسرحيه ههههههههههههههههههه قعدنا نتقاتل ع سؤال اختياري كل بنت بتيجي بتحكي جواب شكل اللي موتني ضحك إنو كل بنتين بلاقوا بعض اختـاروا نفس الرقم ينطـوا يااااااااي إحنا الصح إحنا الصح تكرر المشهد قدامي تلت مـرات ههههههههههههههههههههههههه كل بنتين ع رقم ومتيسين عليه وبدافعوا ومصرين عالجواب والبنات هيك التخموا كلهم والدنيا عتمه ... اكتشفت حتى إنو مش حاطين عمود نـور عمـود كهربا فش فش هيك عالعتمه والدنيـا برد ومنراجع بالامتحـان وأنا كنت ولا كإني موجوده معهم خخخخخخخخخخخخ رحت تركت صحباتي ع جنب وفتحت شنتتي وطلعت سندويشتي ضلت من الغدا وضل منها النص حينت أرميها وآكل وأضحك عليهم ... شكلو امتحان الكالكولاس جابلي فيروس ضحك مش طبيعي يعني مش حقـول إني عبقـريه وما عندي شي غلط  مستحيل طبعا بس هيك ما كنت حابه أسم بدني عشان هيك ضليت أضحك ومروقه أعصابي جد كان يوم كتيييير متعب يعني امتحانين وقاعده الصبح هيك مع حالي يعني لو حسبتها بكون قعدت بالجامعة 12 ساعة ونص كمان هههههههههههههه ..... طيب هلا بدي أحكي عن الأردن معلش في إعاقه بردودي لإنو مش عارفه كيف أرتب الكلام :( يعني منكون بالإمارات وبالجامعة وفجأة منصير بالأردن هههههههههه بعدين منرجع عالجامعه يعني اعذروني ما علينـا .. بالأردن يا جماعة الخير في ختيـاره غيري يعني في ختيـاره بتكـون جارة دار سيدو اسمها سهام ويا حراااااااام كتيييير ختياااااره يعني الله يطول بعمرها .. كتير بتحبني كل ما أروح عندها بتعطيني 10 قروش بجيبـوا شبس وعصيـر المهم كانت بتخـوف شوي قصيره وضهرها كتير منحني يعني اللي بشوفها من بعيد بفكرها بتركع قاعده ودايما معها عكازه قصيره بتمشي عليها هاي قصتها بتحزن كتير .. بتقـول تيتـا .. إنو زمـان هاي الحجه سهام كانت صبيه وحلوه كتير .. وكانت راكبه حصان ووقع الحصان فيها وعمودها الفقري أبصر شو صار فيه المهم ضلت هيك عايشه وما تجوزت ولا عندها ولاد ولا بنات عشان هيك بتحب ولاد الحاره وأنا منهم محسوبه خخخخخخخخ وساكنه بغرفه فيها كل شي .. لما كنت أدخل عندها عشان أسلم عليها كنت أضل أسرح بالأغراض .. هيك كراكييييييييب وعفش الختايره عندها تنك فاضي أبصر شو حاطه فيه ههههههههههههههه وقلايه وكم طنجره فوق بعض يعني بالمختصر .. غرفتها متحف وإشي نادر .. كتير حلوه يعني أنا بحب غرفتها .. إن شالله حروح عندها بس أنزل هالصيف ..... خراف ثااااني عن الأردن اه تزكرت هههههههههههههه يمااا هداك اليوم رعب مرة كنت طالعة أنا وماما وخالتي عالسوق وطلبنـا تكسي وإجا المهم ركبنا فيه وبدنا نمشي .. عند دار سيدو في طلعة كتير صعبه بعدين بيجي بيتهم ولما مشي التكسي طبعا صار بدنا ننزل ... راح الغبي شو عمل .. قال بدو ينزل عن هالنزله بس بالعكس يرجع رجوع يعني ريويس وكلنا حاطين إيدنا ع قلبنـا لإنو النزله كتير منحدره .. راح التكسي بففففففففففف زحلق العجل وزحلقت السياره واللي وقفها والحمدلله باب عماره جاي على هالطلعة أموت وأعرف كيف بنـوا هالعمـارة لإنو الأرض مش مستويه أبداااااااااااا المهم الله ستر يعني لولا باب العمارة كان ضل التكسي راجع فينا رجوع ونازل بسرعة منيح ما هورنا الحمدلله .. بعد أسبوعين هيك كنا بالسوق بجرش نفس المدينه المنحوسه يعني كنا بالسوق ومندور ع تكسي لسه منأشر ولا بوقف تكسي ولا مديت راسي واكتشفت إنو اللي عمل فينا الحادث نفس اللي وقفلنـا هلأ ههههههههههههههههههههه حتى هوي عرفنـا وماما وخالتي انرعبـوا وأنا كنت هيك عادي جدا أبصر يعني كان الموقف بضحك .. والسواق انصدم راح ابتسم وحكا توكلوا على الله واركبـوا ما حيصير شي ههههههههههههههههه والحمدلله ما صار شي وصلنـا على خير وسلامه بس طول الطريق هيك عاملين ...... دار سيدو ساكنين بمنطقة آثـار جرش اللي بسمع بسدق هالمهرجان .. بخاف أروح ع جرش وربنـا يخسف فينـا الأرض حتى همي مستائين من الوضع بس يعني البيـت بيتهم وساكنين صرلهم عمر بس أحلى شي بالموضـوع إنو بس تيجي ماجدة الرومي بطلع عالسطح وبجيب بزر وبعمل شاي وبقعد بسمع هههههههههههه مش حبـاً فيها بس لإنو هيي الوحيده اللي صوتها بوصل ع دار سيدو صوتها أوبرا يعني بوصل بعيد كتير هههههههههههههههههههه ...... إربد بحبها كتير لإنو فيها كتير من العين دار الزين هيك الشوارع منيحة وواسعة ماشي حالها مش زي جرش الشارع شبر ونص لااااا والسيارات رايح جاي ^^ وإربد أحلى ما فيها هواهاااااااااااااا نفسي آخدو وآجي في عالإمارات هههههههههه يعني لو بدنا نشبه الأجواء .. شتـاء الإمارات بكـون صيـف الأردن .. يعني لما ننزل بالصيف بكون الجو بالليل برد برد برد بس روعة يعني منضل سهرانين وشاي رايح شاي جاي ...... هلأ رح أحكي عن يعبـد القسـام يعبد وما أدراك ما يعبد  على قد ما سمعت عنها من بـابـا صرت أتمنى أشوفهاااااااا مممممممم يعني أكيد بتعرفـوا إنو الشهيد عز الدين القسام لما بلش بالحركه والجهاد كان موجود هوي والمجاهدين اللي معاه بأحراش يعبد (فرح1) يعبد مليانه مزارع وللأسففففف الشدييييد أغلبها مزارع دخان هاد اللي قاهرني بس >_< لما يجوا عمامي وعماتي من الضفه عالأردن بجيبوا معهم صور للناس والبيوت هناك الله يرجعنـا ع فلسطيـن يارب .. لإنو عزنـا فيها وما إلنـا وطن غيـر فلسطيـن .. وحبي لفلسطين زاد ألف مرة بعد ما اشتركت بالمنتدى واكتشفت كل شي حلو عن فلسطين بكفي نرفع راسنا بشهدائنا الأبرار ونعرف قديش هالأرض غاليه وثمنها أرواحنـا فداها الله ينصر المجاهدين ويصبر أهل فلسطين ويثبتهم ويعوضهم بالجنه كل خير .. لإنو هيك انكتب .. طريقنا الجهاد وما حترجع غير بهالطريق ... ارفع راسك يا فلسطيني .. شعب صامد .. شعب ما عمره ركع والقافله تسير والكلاب تنبـح ..... يلا نكتفي بهذا القدر برمت كتير بس أتزكر هلا عن شو أحكي كمان هههههههههههه كل شي ببـالي راح يلا ترقبـوووووا وما خفي كان أعظـم مسلسل بسكوتاااا والأيـاااام نلتقي في وقت لاحق بريك نسكافيه |
||
|
|
|||
|
03-28-2008, 02:02 AM
|
#423 | ||
|
I ♥ PALESTINE
قوة السمعة: 81
|
رد: ][®][^][®][مــــــآيــــك المــنــتــدى مع بـــســكــوتــة][®][^][®][
أهلا ومرحبا بكم في حلقتنـا لهذا اليــوم
وهي عن النحاسه .... مسلسلي مع النحاسه مسلسل وأيام ومواقف لا تنتهيييييي أبدا أبدا يعني إشي فوق الخيال مش حتزكر كتير شغلات بس يعني رح أحكي كم موقف بكفوا وبوفوا احم احم مرة من المرات كنا قاعدين أنا وصاحباتي عالحشيش هيك حديقة برا ساحة المطاعم وفاردين الأغراض ومنعوفه نعفففف فظييييع هههههههههههههههههه يعني كركبة لاب توبات وشناتي وأكل كمان فجأأأأأأأأة ويا غافل إلك الله اشتغلت رشاشات المي عشان تسقي الحشيش وإحنا قاعدين ومبسوطين بالهوا ومنوكل وعن جد وضعنا صعب وهييييك التخمناااا ومش عارفين نحمل أغراضنا ولا أكلنا ولا اللاب توبات اللي دخلت المي بالكيبوردات يييييييييي ههههههههههههههههههههه الحمير بعيد عن السامعين الحمير الهنود بس يشغلوا الرشاشات هيك فجأأأأة من دون سابق إنذار منلاقي حالنا وسط دوش صيفي لطيف وكل البنات بتتفرج كيف حتنقذي حالك من هالموقف يعني إشي بخزي من الآخر ههههههههههههههههههه المهم ضبضبنا كل أغراضنا بلمح البصررررر وقعدنا عالدرجات الكل كان عندو كلاسات بس أنا وميمي عاطلين عن العمل ضلينا من الساعة 11 للضهر يمكن لحد الساعة 1 وإحنا ع نفس القعده فجأأأأة رن تلفون ميمي ورقم غريب .. ردت ميمي وحكت ألو أيوا أنا ميمي وأنا مستغربه مع مين بتحكي ولا حكت البنت لميمي لفي وجهك لورا .. أنا وراكي وميمي مصدومه ومستغربه شو صاير هههههههههههههههههههه مين هالبنت إجت مبتسمه من بعيد وحامله بإيدها موبايل رافعتو لفوق عشان نشوفوا وحصلت المصيبه ههههههههههههههههههههههه طلع اللي حاملتو موبايلي ونسيتو لما فتحوا الرشاشات وضل منقوع بالمي من الساعة 11 للساعة 1 وهالبنت شافتو مرمي عالحشيش وراحت اتصلت على كللللل أرقام البنات الي عنديييييييييي :S يمااااااااااااااااااا كل صاحباتي عرفوا إنو أنا ضيعت موبايلي ههههههههههههههههههههههه واللي زاد الطين بله ... إنو البنت اتصلت على ماما ... وماما كانت بالدوام والبنت هيك دجت الكلام دج .. سألتها إنتي عندك بنت بالجامعة ماما انجنتتتتتتتت حكت اه عندي شوفي شو صاير مالها بنتي حكت البنت لالالا بس مضيعه موبايلها وموبايلها معي وما بعرف وينها .. راحت ماما عدت أسامي صاحباتي عشان البنت تتصل عليهم عدت كتير بنات ومن ضمنهم ميمي هههههههههههههههه وطبا كل البنات الباقيين عرفوا إنو أنا ضيعت موبايلي لا واللي بضحك أكتر .. إنو وحده من صاحباتي كانت برحله بدبي وبتتصل عليها البنت وبتقول صاحبتك مضيعه موبايلها .. خخخخخخخخخخخخخخ أبصر شو كانت ردة فعلها ما بعرف شو صار بالزبط اللي بعرفوا إنو موبايلي ضل غرقان ساعتين بالمي وما حد داري عنو وأنا نااااااااسيه الموضوع كلو .. لإنو ما كتير بستخدم الموبايل بالجامعة والحمدلله ما فيو البلى هالموبايل قد ما بوقع يا ربي قد ما بوقع يعني اليوم وقع ومبارح كل يوم بنطبش طبشه بتخليه 3 شقف الموبايل والبطاريه والغطاي ههههههههههههههههههههههههه مسكييييين قد ما صابر علي لو نطق كان حكى اقتـلوا هالبنت هههههههههههههههههههههههه ...... نحسه رقم 2 مرة من المرات برضو كنت عالنت بلفلف وبلفلف طن ع بالي أدور ع أغنية ألف باء بوباية قلم رصاص ومحايه أنا بكتب على اللوح وإنتو بتقروا ورايي هههههههههههههههههههههههههههه ااااااااااااااخ وهيك عندت بدي ياها واللي كان بدي ياها كانت بصوت الممثل شوشو هاد واحد لبناني توفى من زمان المهم دخلت منتدى اسمو منتدى سماعي الفن الأصيل هيك كإنو بس عشان آخدها لإنو حاولت بكتير منتديات تانيه ويطلع الرابط غلط المهم سجلت باسم شادي وكل شي تمام التماااااام وطريقة التسجيل مقرفه قال عاملين بكس لازم تكتب في معلومات شخصيه عنك وليش بتحب تسمع الفن الأصيل ومين بالعيله عندك بحب الفن الأصيل وأنا عاد ما أشطرني أبرم وأبرم وأنا ستي بتحب الموسيقى والعزف وأنا بعزف وبحب هالفن لإنو هالأيام ما عاد في شي اسمو فن ههههههههههههههههههه عجبت يومها .. وبعدين تم التسجيل ورحت قال بدي أبلش أحملها .. ولا طلعلي لازم تيجيني رسالة تفعيل العضويه من المنتدى على إيميلي وأنا حطيت إيميلي القدييييييييييم هههههههههههههههههههه هيك مخليتو بس لما أسجل بأي منتدى أكتب هالإيميل وهاتـوا ألاقي الرساله :( .. لإنو عملت خيار إنو ما تيجيني رسائل من المنتدى رحت حكيت ما علينا منسجل بعضويه تانيه خخخخخخخخخخخخخ رحت سميت حالي نانسي بس هالمرة سيدي يلي بحب الموسيقى وخبصت كمان نفس الكلام اللي فوق هههههههههههههههه وعملت إكمال التسجيل ولا فجأأأأأأة طلعلي لقد تم حظرك من المنتدى لأنك تحاول التسجيل بعضويه أخرى وحذفولي العضويتيييييييييين شادي ونانسي وأنا كل طلبي بس هالأغنيه .. إييييه يعني إشي بسم البدن وبتعب الواحد ....... وشو كمان إشي نحس عن حالي أحكيلكم ياه والله مش مبالغة بس هيك معروفه بين البنات إني منحوسه :D أكيد الكل بعرف قصة نضاراتي وكلهم انكسروا من تحت إهمالي ونومي وأنا لابستهم وما بتكمل معي وحده إلا صرت كاسرتها ههههههههههههههههههه .... ولكو مش متزكره شي مالنا نسينا يعني بشكل عام بروح ع تلاجات الجامعة وبكون عندي بس درهميييين والنسكافيه بدرهمين .. بحط درهم بتبلعوا بوقع بمكان غلط غير مكانه الصحيح ههههههههههههههههه %%% إزا حليت امتحان ومبسوطة في لإنو مش سهل ولا صعب عادي بغيـر الأجوبة الصح وبخليهم غلـط طب بكون بدي أطلع مشوار وبدور ع لبسه مرتبه .. أبصر شو بصير وما بلبس زي ما كنت حاطه ببالي ., يعني يا بطلعوا الأواعي مش مغسولين أو ضايعين بالخزانه ههههههههههههههه %%%% هيني بتزكر كمان قد ما عندي مواقف نحاسه نسيتهم كلهم :S سنعود مرة أخرى إن شاء الله هيني بحاول أتزكر ههههههههههههههههههه |
||
|
|
|||
|
03-28-2008, 04:57 PM
|
#424 | ||
|
I ♥ PALESTINE
قوة السمعة: 81
|
رد: ][®][^][®][مــــــآيــــك المــنــتــدى مع بـــســكــوتــة][®][^][®][
هههههههههههههههههههههههه
فديتك يا ألحانو نورتي الموضوع كلو يا قمرييييي ()()()()() يـلا نكمــل برضـو عن النحاسه هههههههههههههههه مرة بالأردن كنا نازلين بالصيف هناك وقاعدين بإربد والعصر راجعين ع جرش لإنو كان في سهرة لناس قرايبنـا يعني عاملين سهرة للعريس .. المهم بهداك اليوم المنحوس كان طاير عقلي رح ألبس عدسات لأول مرة بحياتي ومبسوطة كتييييير .. وجبتهم لون رمادي وصلنا ع جرش ومعي العدسات وبلشت العائله الكريمه تجهز حالها كبير وصغير ودار سيدو يلي بضيعلو غرض هناك يقرأ عليه السلام ويدعي ربـه يعـوضه خيـر المهم الكل كان مشغول والبيـت حركه ويلا لبست العدسات لإنو الكل كان متشوق كيف حيكون شكلي لإنهم كل ما يشوفوني بكون لابسه النضارة ولبستهم مكيفه عليهم والكل بحكي يااااي حلوين إلخ ورحت بدي أفرجي خالتي أنا وياها كتير صحاب .. وبدق الباب خالتوووو خالتوووو يلا افتحيييي شوفي عدساتييييي وأطبل عالباب كسرتو تكسير هههههههههههههههههههههه فجأأأأة حسيت دخل شي بعيني وفركت عيني وبعدين بطل في شي بعيني وفي مراي عالحيط اللي جمب الباب اللي بدق عليه ولا تفرجت بالمراي كل عين لون شكل ^.^ أتفرج منيح بلكي كنت بتخيل بس ما في فايده في عدسه وقعت من عيني وساعتها طلعت خالتي من الغرفه وتنادي ويييينك يلااااا بديييي أشوفك وشافتني واقفه لا حراك ومصدومه وين راحت العدسه وكيف وقعت أصلا .. وبلشت أدور عليها محل ما كنت واقفه وأدور وأدور والكللللللل قعد يدور معااااي كل اللي كانوا يجهزوا حالهم كبير وصغير لإنهم استغربوا يعني وين راحت العدسه قبل شوي كانت بعينك وأنا استسلمت اللي حزني أكتر إنو الكل قعد يدور ع نتفة عدسه زفته :( وما صرلي جايبتها أكتر من 6 ساعات ههههههههههههههههههههههه يعني لحقت أضيعهم واستحيت من حالي كتييييييير ماما وخالتي وخالتي التانيه وولادها وأخواتي الصغار حتى تيتاااااااااااااا وأنا ما استحملت الوضع هههههههههههههههههههههههههههه واللي بجلط أكتر .. إنو الصغار كل ما يلاقوا شي عالسجاده بكون شي بشبه العدسه بالزببببببببببط هههههههههههههههه وبتطلع مش العدسه والوقت تأخر طبعا وهيك قلبت البيت كلو بصراخي وعياطي يمكن كنت تافهه بس جد قلبي انكسر يا فرحة ما تمت والكل يدور بذمه وضمير أكتـر كل ما زادت حدة بكائي ههههههههههههههههههههههههههه وأنا بتفعفط بالتخت وبصرخ مع حالي فجأأأأأأأأأأأة عيني صارت تحرقنييييي وتوجعني كتييييييييير كإنها عم تطلع ههههههههههههههههههههههه وأفرك بعيني وخاااااايفه يا ماما شكلي انعميييت وأنا بعز شبابي وهنا كانت الصاعقة كنت بمسح دموعي ولا لقيت العدسه بإيدي ههههههههههههههههههههههههههههههههههه ه ااااااااااااخ الله لا يدوقها لحد .. مش قصة شغله تضيع قصة إنو تحس حالك ولا شي بين أهلك ووين تودي وجهك منهم وصرلهم ساعة عالسجاده بدوروا وحزنانين علي كان نفسي الأرض تنشق وتبلعنـيييييييي أنا ضليت مصدوووووومه شو هاد اللي بإيديييي مستحيييييييييييل العدسه ههههههههههههههههههه مستحيييل .... العدسه ضاعت عالأرض وبعدين استوعبت شو صـار .. لما كنت بدق الباب ع خالتي عشان تشوفني وحسيت شي دخل بعيني كانت العدسه اللي لفت ورا عيني ودخلت جوا ورا ورا يعني يعني ما بتطلع إلا بمعجزه .. يا دموع يا مع الأيام بتطلع من حالها ههههههههههههههههه ورحت ناديت مامااااا وإجت بتحكي مالك مديت إيدي من تم ساكت وبلشت ماما تصرخ وتسب ههههههههههههههههههههههه والكل إجا عالغرفه وأنا صرت قد النمله شو نمله قد الذرة ولهلأ مش عارفه كيف لفت بهالسرعة وزحلقت جوا عيني وقعدت ورا وضلت يعني كل هالفيلم كان لمدة ساعة كان نفسهم يرموني من عالسطح وبعديت إجت تيتا تستعجل وتهدي الوضع وتقول يلا معلش جهزوا حالكم تأخرنا ع قرايبنـا وطلعنا ورحنا هناك وكل اللي شافوني يسألوني شو مالهم عيونك ورمانه وأنا أبتسم وأحكيلهم قصه طويله بعدين بحكيلكم وبعدين هيك نسيت اللي صار وهديت وانبسطت هناك بس يعني الحمدلله على كل حال صحيح ما بتهنى بالشغله أو بصير شي ينغص فرحتي بس ربنـا بعوضنـي خيــر .. وشو نعمل يـوم ليـك يـوم عليــك .. ()()()()() خلص بكفي هالقصه .. خليتها لحال عشان الصدمه ..بس ما حد يعصب علي ونعـود إن شاء الله بالليــل .. عندي دراسه ادعولي
|
||
|
|
|||
|
03-28-2008, 11:34 PM
|
#425 | ||
|
I ♥ PALESTINE
قوة السمعة: 81
|
رد: ][®][^][®][مــــــآيــــك المــنــتــدى مع بـــســكــوتــة][®][^][®][
ونكمل حديثنـا ونعـود الآن إلى المنتـدى
بالمنتدى يا جماعة الخيـر اختبرت جميع المشاعر والأحاسيس مش تقولوا البنت بتحب بس قصدي حسيت بمشاعر الأخوة .. الإخلاص .. الفرح .. الحزن .. الغضب .. الكره .. الانتصـار والفـوز .. التعـاون .. الوفـاء .. كتيييير كتـار وكل شعور طبعا إلو موقف عشتـو بالمنتـدى مثـلا لما فزت بمسابقة صديق الأسبوع كانت فرحتي بجلاجل هههههههههههههههههههههههههه لما فزت بمسابقة أفضل تعليـق مع ابن فلسطيـن كمان كانت فرحتي بجلاجل هههههههههههههههههه لما كنت أرحب بعضـو أو عضـوه وأحسهم عن جد صادقيـن وبدهم أصحاب وجايين يتعـرفـوا كنت أرحب وأكون مبسوطه فيهم ... لما صار حصـار غـزة كنت مقهـورة وأفـوت عالمنتـدى أنجن أكتـر بعد ما أشوف الصـور والوضـع الحقيقي لإنو صراحة التلفزيون وجوده وعدمه واحد .. بعد ما صار عالإعلام ستـاره كمان بس اكتشفت إني بكتب أو بطلع مني شي عالأقل أول أول محاوله كانت بموضوع المساجله مع أميـر العرب ولـولـو وحنـان وابن الريف دخلت أوصل رساله وأطلع وبعديها حاولت مرة أكتب ... عجبتني الشغله هههههههههههههههههههه كتبت لـ لـولـو عجبتني الشغله أكتـر ههههههههههههههههههه كتبت لـ ميمي وأستنى ردود أميـر العـرب لإنـو عن جد بحسـو عنـدو خلفيـه واسعه وكتيـر بسـاعد جد .. الله يسعده ويوفقـه ويحميـه .gif "S (43)") وكمـان آخـر موضـوع شعـر نزلتـو .. كنت بستنـى جيفـارا يدخـل ههههههههههههههه وأستنى وأستنى لسه ما دخل رحت حطيت رابط الموضوع بموضوع إلو ههههههههههههههههههههه ورد وشفت ردو .. كان انتقـاد بس في فائده طبعـا ... يعني بس أقـرأ شعر جيفـارا بحس حالي بقـرأ لشعـراء زمـان من وين بجيب الكلام مش عارفه كتيــر روعـة .. ..... يا جمـاعة والله نفسي أحكي عنكم واحد واحد بس خايفه أنسى حد ويعتب علي رح أحكي بشكل عـام من الشبـاب يعني بس يكونوا موجودين بالمنتدى بحس الشله اجتمعت هههههههههههههههه أبـو النـور وبو هبـوش هدول الجوز بتوقعلهم مستقبل منيـح كتيـر .. إن شاء الله يعني الله يحميهم ويوفقهم ::: طيب بس أروح عالسياسه وأرد بمواضيعها .. بحب أسمع كلام مؤيد وأشوف ردوده .. لإنها أكتر أكتر من الروعة نفسها ما شاء الله .. الله يحميه ويوفقه ويسعده دنيـا وآخـره ::: بالمواضيع اللي فيها أخبار غريبه وقصص حلوه ومناطق ساحرة هاد أفضل تعبير ساحرة ما في غيييييير القلب الطيب محترم ما شاء الله عليه ومواضيعه كتير حلوه ومفيده ... الله يحميه ويوفقه يا رب ... ::: من البنـات اللي بحب مواضيعهم إسراء الفلسطينية وحورية فلسطين ووردة الأقصىا وبينك روز ::: من الأعضاء اللي إلهم وحشه لو غـابـوا ابن فلسطين وسيد الظلام وفارس فلسطين ونـور اليقيـن وأسيـرة لو ترجع تطل علينـا وبو هبه وملطووووووووووش بمخو اشتقتلو كتيييييييييييير ههههههههههههههههههه ::: من الأعضاء اللي بس تشارك وأشوف اسمها بحس برهبـه مش خوف :P بس هيك بتكون الشخصيه روعة بس ما في وجود كتير كبير إلها متـل .. نايت كوين باسمة بنت نابلس رينوكس أحمد أنـوس ::: شو أحكي كمـان نرجع شوي عالجامعة ههههههههههههههههههههه مش بقولكم بلود كتيـر سامحوني دخلت الجامعة السنه الماضيه وتقريبا أنا هلا سنه تانيه قربت أخلصها كمان  سجلت كلية إدارة واقتصاد وإن شالله رح أتخصص تمويل ومصارف الجامعة جوها كتير حلو .. ومع الشله بتصير أحلى وأحلى في وحده حكتلي يوم الخميس مبارح يعني .. بحسكم أخوات أو قرايب لإنكم بتشبهوا بعض كتير نفس الأشكال خمسه وخميسه بعين اللي ما يصلي عالنبي ^.^ ::: لـولـو توأم روحي بحسها زيي كتيـر .. نفس الحكي ونفس الاهتمامات وبحب المشاوير معها .. هيك منروح على قصر الحلويات ومنشتري كيك ومنلفلف بالكارفور .. كتير زي بعض ودايما بكـون مقصره معها :S أغلب الأوقات يعني ههههههههههههههههه اللي بشوفها بحس إنو هالبنت برنسيسه ^.^ .. حرام الوصف أكتر :P ما شاء الله عليها حبيبتي هااااااي مـرة عملنـا عمله أنا ولـولـو كنا سهرانين عالمنتدى بإجازة الصيف اللي راحت .. وصارت الساعة 6 الفجر صلينا وضلينا قاعدين ومنغرغر ومنغرغر .. صارت الساعة 9 الصبح ولساتنا قاعدين وصاحيين ومش نعسانين رحت قلتلها لولو شو رايك نروح عالكارفور هلأ منشرب نسكافيه على هالصبح عنا أجواء رواق خاصة هههههههههههههههههه وزبط الموضوع ووافقت ورحنا أنا وياها وشربنا نسكافيه واشترت لولو أغراض ... ومرة أنا وياها كنا مروحين عالبيت ورايحة توصلني وهيي بتسوق السيارة وصلنا على حارتنا وعملنا حادث :S إزا رح أحكي بالتفاصيل ما حتفهموا كيف قصدي المهم كان الغلط من السواق التاني حمار جودة عالية وعشان تكمل معنـا .. مرت سيارة فيها شبين وقعدوا يضحكوا علينـا كان يومها لعب أعصاب عالمزبـووووووووووط الله ستر بس .. الحمدلله .... لولو مشاويرها بالجامعة كتيره :P لا حرام بس لما نروح ع كليتها عشان تسأل عن الخطه الدراسيه بحب أروح معها ههههههههههههههه هناك الناس أوااااادم ما شاء الله وفي معهم تفاهم عسولين وزوق مش زي اللي عنا بكلية الإدارة خلينا ساكتين ... الدنيـا مع لولو فرفشه كتييييير يعني كإنك عايش بعالم دباديب وألعاب هههههههههههههههههههه :::: ميمي غيـر بديش أحكي كيف تعرفت عليها هههههههههههههههههههههههه ولا لمحة حتى لما شافتني ما بتتعرف على حدا منيح أصلا اللي مدت إيدها :P مع إنو بس نكون قاعدين وتيجي بنت تسلم علينا وما بتكون بتعرفها وقتها ميمي بتستحي ما شالله بس إزا كنت معصب وزعلان روح اقعد مع ميمي هههههههههههههههههه مرة لما كان علي تراي الليسن ورسبت للمرة التالته وكانت ظلم وافتـراء الله يفرجيني فيه يـوم هالشرطي المهم إجيت عالجامعة وأنا عيوني حمرررر وكان لسه دوامي ما بدأ يعني لازم أروح عالجامعة ميمي صارت تهدي فيي وتحكي عادي جدا وعادي جدا ورجعت عالبيت وبابا حكالي نفس الكلمه عادي جدا .. عشان هيك بحب هالكلمه هههههههههههههههههه ... مـرة السنه الماضيه يعني بداية الصيف المفروض إنو نرجع كتب الجامعة وإلا مندفع فلوس إزا ضيعناهم المهم رحت أنا وميمي عشان نرجع الكتب وكانت الساعة 9 يمكن وضلينا طول الطريق وميمي تحكي لو لقيت باب الجامعة مسكر يا ويلك وأنا بحكي على ضمانتي أكيد مفتوحة والحمدلله هههههههههههههههههههههه لقيناهم فاتحين رحنا ودينا الكتب وبعدين رحنا عالكارفور وشربنا نسكافيه وبعدين اشترينا فلافل واحزروا وين رحنا عند حنو اليبناوية هيك طبينا عليها طب يعني ولفينا بالسيارة وأخدناها معنا جد كان يوم حلو كتير ورجعت عالبيت عالساعة 11 الصبح أنا لهلأ بحكي لميمي كيف لحقنـا عملنـا كل شي بهالساعتين بس هههههههههههههههههههههه ... من بعد ما عرفت ميمي وتعرفت عليها أكتر وأكتر صارت الدنيا غير : يعني صرت أشوف اليابانيين عالتلفزيون كتير صرت آكل لحمه كتير وإزا حكت كلمه هيك مهمه ترجع تتكرر قدامي هالكلمه بس من حدا تاني ما أشطرها بالتفشيلات وما أسوأها بالتنعيس ههههههههههههههههههه كل يوم الصبح متل الله واحد بقعد معها وبتكون نعسانه وبنعس وإزا في شي مهم كنت بدي أحكيلها ياه بطير ..... مرة بالجامعة الضهر اتفقنا إنو أروح عالبيت وأرجع العصر عشان أقعد مع ميمي ومحبوبة يبنا كان لسه عندهم دوامات وشغل وهاد اللي صار كانت الساعة 5 إلا تلت العصر وميمي لسه ما إجت ومحبوبة لسه بكلاسها وأنا بستنى بالجوز .. إجت ميمي ولسانها محروق من النسكافيه اللي شربتو عالطريق هههههههههههههههههههههههههههههه وكان المغ لسه معها .. هيي راحت تشوف شغلها بكليتها وأنا قعدت أدرس وأشرب النسكافيه اللي كان معها بس بسويس بسويس عشان ما أنحرق أنا التانيه :S وبعدين محبوبة خلصت كلاسها وميمي خلصت شغلها وأكلنا دونااااااااات متزكرين موضوع ميمي تاع الدوناااااات بنفس اليوم لما صورناهم ونزلنا الصورة بالموضوع ههههههههههههههههههه وبعدين رجعنـا عالبيـت إحنا التـلاته والطريق كان حلو كتير كلو شنكته :P ..... نيجي لكلية ميمي مرة رحت معها عشان شغل إلها وبدها تسأل الدكتور الله لا يورجيكو هالكليه ههههههههههههههههههههه زي ما بتحكي لولو يعني ع نكشه حتوقع خلص كلية العلوم كتير كتير قديمه ... والأصنصيل اللي فيها يا عينييييييييييي كإنك راكب شاحوف ههههههههههههههههههههههههه عن جد قلبي بوقع بس أركبو بس يطلع بهز كتير وبس يوقف كمان بخبط هيك فجأة الله يعينهم على هالكليه بس برضو مش أسوأ من كليتي حلوه اه وبناها جديد بس الناس اللي فيها محلهم غلط ^.^ الله يفرجها علينا ههههههههههههههه ()()()()()()() نكتفي بهذا القدر تعبت وأنا أكتب بس لإنو بكرا آخر يـوم بكرا إن شاء الله بختـم وبسلم المايك للي بعـدي :P يلا السلام عليكم يا حلويـن وإن شالله تكـونـوا استمعتـوا بالقراءة وما مليتـو ههههههههههههههههه |
||
|
|
|||
|
03-29-2008, 12:12 AM
|
#426 | |
|
..ღ توأم حورية فلسطين ღ .. 
قوة السمعة: 69
|
رد: ][®][^][®][مــــــآيــــك المــنــتــدى مع بـــســكــوتــة][®][^][®][
لحونتي انا اللي راح أحزفلك الرد
كملي بسكوتتي |
|
|
|
||
|
03-29-2008, 02:47 PM
|
#427 | ||
|
I ♥ PALESTINE
قوة السمعة: 81
|
رد: ][®][^][®][مــــــآيــــك المــنــتــدى مع بـــســكــوتــة][®][^][®][
مسـاء الخيـــر
اليــوم آخر يــوم إلي بالمـايك .. وصار لازم أختـم المسلسل بالحلقـة الأخيــرة .. مش عارفه عن شو أحكي كمـان ممممممم بحب أهلي كتيــر طبعـا وأخـواتي العفـاريت وصاحبـاتي أخـدوا مكـان كبيـر بحيـاتي .. الجامعة علمتنـي كتيــر .. وهاد اللي خـلاني أصيـر زي الختـايره بحب النـاس يكـون عندها طيبـة نفـس .. وما تكـون حسـوده .. واللي بتتمنـاه إلك تتمنـاه لغيــرك .. وإنـو تكـون مع صحـابك صـادق وتساعدهم إزا وقعـوا بمشكله .. وحلو الواحد يفـرح أهلـه وصحـابـو .. يعني أحلى شي بالدنيـا إنك تكـون رسمت الضحكه على وجوههم .. وتحـاول دايمـا تصلح بيـن النـاس .. وما تظـن ظن سـوء فيهم .. وتخلـق إلهم ميـة عذر إزا غلطـوا .. وإزا غلطت مع حد تعتـذر مبـاشرة من دون مقـدمات .. مهمـا كبـرت وتعلمـت .. لساتك صغيــر .. ومهمـا عليـت وغنيـت .. لساتك فقيــر .. وبتمنـى أكـون راضيـه ربـي وأهلـي .. .. في مثـل بقـول إرضاء النـاس غاية لا تدرك .. يعني ما تتعـب حالك أبدا أبدا خليـك عايش زي ما بدك تكـون وراضي ربك وأهلك .. وفي مثـل بقـول النـاس معـادن .. يعني في الدهب وفي الألماس وفي الفضه وفي الفالصو وفي النحـاس ههههههههههه وأنا مني علي شايفه كل أهلي وصحباتي دهب وألمـاس .. ونعمـة كبيـره من ربنـا والحمدلله على كل شيء كل واحد بالدنيـا انقسمتلوا حصتـه وأخد نصيبـه ولازم ترضى .. وتشوف نصيبـك من أهلك وأصحابك وعلمك ودينك أحلى شي صارلك بالدنيـا .. وفي مثـل بقـول رب أخ لم تلده أمك .. وهيني مع الشله بحسهم كلهم أخواتي وأكتـر ومنخـاف على بعض ومنحب بعض والحمدلله .. وصرت 20 سنه إلا 6 شهـور ولسه عندي أغـلاط أتعس شي بالدنيـا تتفسـر تصرفاتك عكس نيتـك .. بس مع الأيـام بتبيـن النيـه والطرفيـن بتصافـوا وفي مثل بقـول :P .. خلص بكفي ههههههههههههههههههه بدي أحكي كمـان بس خلص انتهت مدة الاستضـافه وشربنـا القهـوة وصـار لازم نمشي بحب أقـدم اعتذاري إزا غلطت بحق حدا فيكم .. وبشكر وردة الأقصىا على هالموضـوع الروعـة حلـو هيك فضفضه غيـر شكل وختامه مسك مع الإدارة الموقـرة نـانـا ومحمــود يعطيكـم ألـف عافيـه يا رب ويجـازيكم خيـر إن شاء الله ////// والسلام عليكم ورحمة الله وبركـاته .. سامحونـا
|
||
|
|
|||
|
03-29-2008, 03:09 PM
|
#428 | |||
|
ღ .. тόσţί ғяùţч ..ღ 
قوة السمعة: 116
|
رد: ][®][^][®][مــــــآيــــك المــنــتــدى مع بـــســكــوتــة][®][^][®][
أول رد محجوووز الي ^^
راح ارجع هيني رجعت ... أحم أحم بستوتة والله انك عسل ... و مواقفك كتير حلوة ^^ ـههههههههههههههههـ و خصوصاً العدسات ... ع فكرة شجعتيني اجيب عدسات ـهههههههـ ع فكرة الله بيبحك و هاد اكبر دليل ع انك مش منحوسة ـههههههـ لأنه العدسة طلعت بيقولو ازا فاتت ورا العين بتعمل مشاكل لا نهائية ......<<<<< الحمدلله ع سلامتك ^^ و كمان قصة الموبايل ـههههههههههههههههـ حلوة كتير و كمان صرت مستعجلة افوت جامعة و الاقي هيك صحبات مناح :) الله يخليكو لبعض يااا رب و شو كمان ... شخصيتك عنجد روعة بحسك عاقلة و بنفس الوقت فرفوشة ... و عجبتني الختيارة اللي بتروحي عندها بس تنزلي ع الاردن ـهههههههههـ اجا ع بالي اروح عندها ... و نورتي المايك بسكوته ^^ الله يسعدك و يوفقك & سي يو ^^ |
|||
|
|
||||
|
03-29-2008, 06:01 PM
|
#429 | ||||
|
I ♥ PALESTINE
قوة السمعة: 107
|
رد: ][®][^][®][مــــــآيــــك المــنــتــدى مع بـــســكــوتــة][®][^][®][
بسكوتــة شخصية مميزة ومحبوبة
ومن الناس اللي الواحد برتاحلهم بسرعة شكرا عحكاياتك ^^ الله يوفقك بحياتك ولا يحرمك من أحبابك |
||||
|
|
|||||
|
03-29-2008, 06:54 PM
|
#430 | |
|
..{ مشـــــرفــة }..
قوة السمعة: 46
|
رد: ][®][^][®][مــــــآيــــك المــنــتــدى مع بـــســكــوتــة][®][^][®][
أحسن شي ممكن تعمليه بسكوتة
تعملي سلسلة روايات للجيب ممكن تسميها (يوميات بسكوتة....مغامرات بسكوتة...مع بسكوتة...أي اسم بس يكون فيه بسكوتة) و تحطي فيها هالمواقف يلي بتصير معك ......... شو بدي أحكي لأحكي دحك X دحك بجد طول ما انا بقرأ شو كاتبة و أنا ادحك...و المصيبة كنت أدحك بالليل خفت أهلي يجو يحكو مالها البنت...شكلها انهارت عشان معبر رفح!!! .......... ال 28 جاجة ولا العدسات و لا السيارة إللي نزلت بالعكس..هههههههههه...شوئتيني أعيش هالمغامرة... ولا رشاش الميا و الجوال... قعدت أتخيل كيف نظرة صاحبتك إللي في دبي لما سمعت عن جوالك هههههههههههههههههههه يا خراااااابي .......... زعلت كتير على قصة الخادمة مو لأنها انتحرت ...بس تخيلت حجم المعاناة و المعاملة السيئة إللي خلتها تيأس لدرجة الانتحار... .......... مع بسكوتة الحياة دايماً أحلى
|
|
|
|
||
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
..~ 
العرض العادي
