شباب فلسطين

القلب الطيب · 03-23-2008, 08:36 AM

منتديات شباب فلسطين

اصبح جزءا من حياتي لا استطيع ان افرط فيه
تعرفت عليه عن طريق البحث على google عن موضوع معين وعجبني اسمه انه خاص بشباب فلسطين وقررت اشارك فيه
قصة اسمي في المنتدى القلب الطيب
اللي سجلني بهاد العضوية صاحبي بعد ما صار موقف بيني وبين شب تاني واستغرب صاحبي من طريقة حل الاشكالية بصورة سريعة مع انه الحق معي المهم بعد ما روحت على بيتنا انا وصاحبي فتحت على الموقع وبدي اسجل وابدأ مشاركات فأصر صاحبي انه هو يختار النكنيم ويسجل واختار القلب الطيب

طبعا بديت اشارك وزاد اعجابي فيه اكثر الاخوة المترابطة بين الاعضاء واول واحد تعرفت عليه في المنتدى هو اخي الغالي مؤيد
تعرفت عليه من خلال قسم الاخبار والمستجدات وكانت تعجبني ردوده على مواضيعي وكنت اشكره واقدره من خلال الرسائل الخاصة اللي كانت زمان في المنتدى مسموحة لكل الاعضاء وضليتني مستمر في المنتدى لحين اجت في بالي فكرة رحلة البحر مع شباب المنتدى واقترحت على محمود الفكرة وقبلها من دون تردد وذاكر انه قللي أي شيئ ممكن يسعد الشباب انا مستعد فيه ورحت على الرحلة عشان اقابل الشباب اللي بدي اشوفهم اول مرة وكانت الرحلة بتاريخ 10 /8 / 2007 وكان من احلى ايام حياتي وقابلت هناك
محمود
الشب الخلوق والاداري المميز
نشأت
الشب المحبوب ويحمل مميزات القيادة وعنده رباطة جأش
أبو معاذ
شب ذو اخلاق عالية وخجول ومخلص في عمله
أبو المهند
النصف الاخر لأبو معاذ شب عنده درجة من الحياء وقلبه طيب
سيد الظلام
شب فكاهي وعامل جو فرفشة
عاشق الشهادة
رجل شهم وذو عمل دءوب وجهد متواصل

اما من تغيب عن الرحلة و علاقتي معهم طيبة

أبو نور
شب قلبه ابيض وحبوب واللي في قلبه على لسانه
ابن فلسطين
صريح وكرامته فوق كل شيء
قسامي غزة
شب صريح حسيت اني صاحبه منذ زمن طويل

طبعا هذه كلمات بسيطة لا تساوي 1 % من مكانتكم في قلبي بل اعتبركم في مقام اخوتي

اما بنات المنتدى فهن مثلا للبنت الخلوقة و تشرفت بمعرفتكن في هذا المنتدى الرائع
جميعكن قام بالواجب على اكمل وجه في المنتدى ولم يقصر في الاعضاء وكأني في اسرة متكاملة متحابة مترابطة سامحوني لأني تكلمت بشكل عام ولم اخص كل واحدة على حدة حتى لا اظلم احدا خصوصا اني اتكلم في موقف حساس يختلف عن الشباب الذين خصصتهم بكلمات بسيطة

الي هنا

وسأنهي بآخر فقرة بعد قليل ان شاء الله

القلب الطيب · 03-23-2008, 09:44 AM

مواقف طريفة حدث وتحدث معي باستمرار

السبب : وجه الشبه الكبير بيني وبين اخي الذي يكبرني بسنتين

نبدا بأبوي اللي ما ميز بينا

مرة كنت اصلي الساعة 2 فجرا وطلع ابوي من غرفته وشافني بيفكرني بسام وصار يقول معقول بسام الله هداه وكمان شو بيصلي قيام ليل مرة وحدة وفجأة لهو اخوي بسام بيطلع من غرفته عرف ابوي وصار يضحك

ومرة امي كمان ما ميزت بينا
فمرة كنت نايم في صالون الدار وكانت امي بتحكي عن عروسة بسام بتفكر اللي نايم في الصالون بسام وصارت تقول يا نيالك يا بسام في عروستك ومن هالكلام وانا سامع وباضحك ولما قمت من الفراش امي انصدمت

ومرة كمان مرته ما ميزت

فمرة كان بسام بده يلبس ويطلع مشوار وانا كما نبدي اطلع مشوار المهم بسام طلع وانا لسة بأجهز في حالي لهي مرته شافتني بتقوللي ( ليش غيرت لبسك وما لبست اللي انا طلعتلك اياهن ) فلما ديرت وجهي هي انصدمت وان قلت يلا مرة ابوي ومرة امي وهلحين مرته مش قادرين يميزوا

واكثر مرة ضحكت فيها يوم عرس بسام
لما شافني جد العروسة فقعد يقوللي ( ليش غيرت البدلة ولابس اواعي تانية وكمان ليش مش قاعد في الكوشة روح انصمد مع العروسة ) قرايبي ماتوا على حالهم من الضحك هههههههه

هاد داخل العائلة فما بالك برا

كل يوم بنقعد انا واخوي وبخرف بعض شو صار مواقف زي هيك
فمرة بيقوللي صاحبك سلم علية وبيقوللي وين بطلت تزورنا يا محمد
ومرة تانية شب بيقول لبسام وين يا محمد اسمعت انك حولت من تخصصك فبسام صار يضحك والشب لسة ما ميز وكمل بيقول اله مش عارفني انا اللي كنت قاعد معك قبل اسبوع في الجامع بعدين بسام فهمو القصة
ومواقف كتير صارت

ومرة صحاب بسام بنادوا علية من مسافة قصيرة يا بسام مر علينا اليوم انا بافكر بسام واقف جنبي صرت اطلع جتبي علشان اشوف بسام ما لقيته لهم بيقولولي ايوا طنشنا عرفت انهم غلطانين في الموضوع فقلت خلص بأرد عليهم عشان ما احرجهم

ومرة في محل ابوي اجا زبون وسألني عن سعر شغلة رديت عليه اهو بيقوللي لسة قبل شوي حكيتلي ارخص من هيك وعاد انا اول مرة اشوف الراجل عرفت انه سائل بسام قبلي ولما شافنا جنب بعض فهم الموضوع

طبعا كتيير مواقف حلوة وطريفة لكن نكتفي بهذا القدر

ونختم بطلب من الاعضاء ان يسامحوني ان قصرت معهم او تجاهلت احد منهم

تفضلوا معكم المايك انا هيك خلصت الحمد لله

ღ حورية فلسطين ღ · 03-23-2008, 10:59 AM

القلب الطيب

ماشاء الله عليك

يشرفني ان اكون اول وحدة بترد عليك

بصراحة شخص مثال للذوق والأخلاق

الله يخليك لأهلك وللمنتدى

المواقف اللي صارت معك كتير حلوة وبالذات وجه الشبه اللي بينك وبين اخوك

بجد استمتعنا كتير معاك

الله يوفقك ^^

B a s i m a · 03-23-2008, 12:32 PM

ما شاء الله

الصراحة موضوع جنااااااااان

يسلموا وردة و حورية
...

نور اليقين

جريحة فلسطين

وردة الأقصى

ابن فلسطين

مؤيد

بنت الرملة

جيفارا

القلب الطيب

يعطيكو ألف عافية

أتحفتمونا بتجاربكم سواء الحزينة منها أو الشيقة!!!
...

يا رب ما كون نسيت حدا

الرمشـ الحساسـ · 03-23-2008, 01:34 PM

ههههههههههههههههههههه
هههههههههههه هههههههههههههههههههههه
كووووووووول
حلو الشبه الزايد هههههههههههههه والله ضحكتني..
الله يخليكم لبعض ويحفظكم..

يعطيكـ العافية القلب الطيب..
كنت منووور المايكـ..
عن جد ابسطنا معكـ..
ان شا الله تضل دايما منووووور المنتدى..
اخ عزيز وغالي والله..
الله يوفقكـ عموووو...
سلاميـ الكـ..

الحان الحرية · 03-23-2008, 01:50 PM

ـههههههههههـ

و انا بقرأ صرت اتخيل انه الي اخت بتشبهني بنسميها الحان2 :P

ـههههههههههـ

عنجد شي حلو ^^

و انت اخي عنجد اسم ع مسمى ... و قلبك طيب ...

الله يثبتك ع التزامك و دينك

و يوفقك

و يخليك لأهلك و للمنتدى

تقبل مروري ^^

القلب الطيب · 03-23-2008, 04:26 PM

المشاركة الأصلية كتبت بواسطة حورية فلسطين القلب الطيب

ماشاء الله عليك

يشرفني ان اكون اول وحدة بترد عليك

بصراحة شخص مثال للذوق والأخلاق

الله يخليك لأهلك وللمنتدى

المواقف اللي صارت معك كتير حلوة وبالذات وجه الشبه اللي بينك وبين اخوك

بجد استمتعنا كتير معاك

الله يوفقك ^^

الله يخليكي اختي
كلك زوق
يسلمو على مرورك الرائع
ربنا يوفقك

القلب الطيب · 03-23-2008, 04:35 PM

المشاركة الأصلية كتبت بواسطة B a s i m a ما شاء الله

الصراحة موضوع جنااااااااان

يسلموا وردة و حورية
...

نور اليقين

جريحة فلسطين

وردة الأقصى

ابن فلسطين

بنت الرملة

جيفارا

القلب الطيب

يعطيكو ألف عافية

أتحفتمونا بتجاربكم سواء الحزينة منها أو الشيقة!!!
...

يا رب ما كون نسيت حدا

يسلمو اختي على مرورك الحلو
ربنا يوفقك

.!. وردة الأقصى .!. · 03-23-2008, 07:39 PM

أحم أحم

القلب الطيب ماشاء الله عنك الله يخليك لأهلك

زوء وأدب وأخلاق ربي يحفظك

استمتعنا كتير وانت بتحكي ع المايك

وشخصيتك فعلا ً مميزة وطيوب كتير اسم على مسمى

بالاخر بدعيلك الله يوفقك وينجحك في الدنيا والاخرة :)

نسمة بلادي · 03-23-2008, 08:10 PM

اجا دوري هلأ للرد ولرابع مرة حسبتها طبعا هههههه

ما شاء الله عنك أخي والله قصصك ممتعة ومشوقة وبتتميز بقمة الادب والاخلاق

وفعلا تمتعت بقرائة الي كاتبه ومع انو مسموم بدني علشان الامتحانات

بس لما قرأت بقية كتابتك اضحكت كتيير وبالاخص الشبه بينك وبين أخوك والكف *.^

وبالنهاية ربي يوفقك ويحفظك ويحميك من كل مكروه

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء