][®][^][®][مــــــآيــــك المــنــتــدى مع مديرنا مــحــمــود][®][^][®][

[سارة]

انا كنت امفكره جفارا اول ما اشترك بالمنتدى انه من البرتغال او اسبانيه بس طلع من نابلس ولا كمان رومانسي

[NIGHT QUEEN]

جيفااارا يا جيفارا

حلوة قصصك ومغامراتك

حلووو انو الانسان يعيش حياتو كلها مغامرات

وعليك نهفات انت

ولما تحكي بتحكي وما بتخبي

ههههههههههههههههههههه

استمتعنا بالقراءة اكيد

^_^

[ღ حورية فلسطين ღ]

اول شي شكرا كتير الك جيفارا نابلس نورت المايك

تاني شي بما انه وردة الأقصى عندها ظروف هاليومين وما بتقدر تفوت طبعا انا المتحدث الرسمي بإسمها

يشرفني ان استضيف ضيف عزيز وغالي على قلوبنا جميعا

أود أن أخبركم نبذة بسيطه عن ضيف اليوم

هو شخص الجميع يحبه و يحترمه ويقدر جهوده

يعطي دون أن ينتظر شكر أو مقابل لعطاءه

لا يكل أو يمل .. بل يقوم بمهمته أتجاه المنتدى على أكمل وجه

بــكــل حــب وإحــتــرام وشــوق ننتظرك يا ضيفنا العزيز

القلب الطيب


لكي نســتــقــبــلك ونــفــرش طــريــقــك بــالــورد ونمسكك المايك ..........
ونــعــطــر حــبــر الــكــلــمــات بــالــمــســك والــعــنــبــر ...
لــتــصــل هــمــســات قــلــمــك التي ستعرفنا بشخصك الكريم إلـى قــلـوبــنـا
وعــقــولــنــا ....
نــنــتــظــر بــوح قــلــمــك


القلب الطيب

المايك بيدك مين قدك

اتفضل...........

[القلب الطيب]

بسم الله الرحمن الرحيم
السلام عليكم
أولا : أحب أن أشكر أختي حورية فلسطين على هذا الاستقبال الرائع بكلماتها الجميلة
ثانيا: يشرفني أن أكون ضيفا في هذا الموضوع الجميل
ثالثا: سأباشر التحدث بالمايك بعدما آخذ قسطا من الراحة لأني عدت من الجامعة قبل قليل يعني سهرتي الليلة في هذا الموضوع

تحياتي

[القلب الطيب]

بسم الله الرحمن الرحيم
السلام عليكم
احم احم احم
في صوت يا جماعة
هههههههههههههه
طيب اللهم صلى على النبي بدنا نبدا من أول ما انولدت حتى نخلص الاسبوع اللي انا مستضاف فيه ان شاء الله
قبل ما ابدى احكي بدي أعرفكم على نفسي
أخوكم : محمد حمودة
العمر : 19 سنة و 9 أشهر الا عشرة ايام
المهنة : طالب جامعة
التخصص : لغة عربية وأساليب تدريسها
بلدتي الأصلية التى هاجر اهلى منها يوم النكبة : حمامة
وبدي أحكي أول شي عن مرحلة الطفولة من مولدي حتى ست سنوات
طبعا انا انولدت في خانيونس الساعة الثانية فجرا يوم الجمعة 1 / 7 / 1988 ميلادى في انتفاضة الاقصى الأولى
عشان هيك كان حياتي في الصغر مش طبيعية فمرة اليهود بيدخلوا بيتنا وبيفتشوا وبخربوا ومرة بييجوا عالدار عشان يضربوا ابوي ومرة باروح مع امي عشان نزور خوالي الاثنين في سجن نفحة الصحراوي مواقف كتير بأذكرها حتى اني لم ادرس في الروضة لأن الروضة كانت في محيط المواجهات بين الشباب وجيبات اليهود فكنت كل يوم اروح على الروضة ويرجعوني الشباب عشان خايفين علية من اليهود يعني ما درست غير 3 شهور من السنتين المقررات
تميزت في هذا الفترة باني كنت دائم الصمت وعندما اتكلم الكلمة الوحيدة تضحك الجميع لأنها تكون غير متوقعة وهذه الميزة ما زلت احتفظ بها حتى هذه اللحظة بشهادة اهلى فكل ما اقع في ذلك الموقع تقول لي امي ( والله هاد طبعك من وانت صغير .. من وين بتجيب الكلام) وبنقعد نضحك
اما الطرائف التى اذكرها ويذكرها جميع اهلى فكنت انادي على اختي التى تصغرني بسنتين واقول لها سأعلمك الكلام فرددي معي والمصيبة اني انا ما كنت اجمع حرفين على بعض في تلك الفترة ولا انطق الحروف من مخارجها الصحيحة ههههه
وايضا اذكر انتظارنا لعودة ابي من العمل التى كانت تسعدنا كثيرا ولا انسى سيارته التى كان يأخذنا كل عطلة على البحر

الى هنا

وموعدنا المرة القادمة مع فترة الدراسة الابتدائية من ست سنوات حتى الثانية عشر

[القلب الطيب]

بسم الله
هينا رجعنالكم

زي ما اتفقنا اني احكي عن فترة الدراسة الابتدائية من ست سنوات حتى الثانية عشر
وهاد احلى فترة من ناحية التفوق الدراسي
فطلعت احكي على الاذاعة المدرسية في الصف الاول الابتدائي في حفل لأوائل الطلبة
وكمان شاركت بثلاثة دروس توضيحية للمتفوقين و هم اللغة العربية ــ واللغة الانجليزية ــ والتربية الدينية وكنت اكثر مادة احبها هي اللغة الانجليزية وكانت اعلى علامة في الشهادة وشاركت في معظم المسابقات اللي عملتها المدرسة
بس كنت شقي شوية و سجلت مواقف لحتى اليوم بعض المدرسين بيذكروني فيها يعني مثلا :
لما كنا عاملين في المدرسة الابتدائية حرب عصابات وكنا احنا مفتريين شوية ( هههههههه )عشان كنا اكبر جيل فيها وكل الطلاب بشكوا مني ومن باقي العصابة لدرجة انهم نادوا علينا في طابور الصباح عشان يضربنا الناظر امام الطلاب وانا كنت عنيد شوية وما طلعت الا انه اجاني على الصف واحد من المعلمين وضربني كف ( الله لا يقدر وتاكلوا كف مثله ) يمكن سمعه كل الطلاب اللي في المدرية ههههههههه
وكنت في كل سنة دراسية اعمل مشكلة مع طالب شكل من اول لصف سادس يعني شكل للبيع هههههههه
ومرة في صف رابع عملنا مقلب في الاستاذ عشان نضيع الحصة و وتم التخطيط والتنفيذ والنجاح ( اللي بيسمع بيصدق هههه) والاستاذ حلف يمين ما يمشي في الحصة الا لما الطلاب يعترفوا على صحاب المقلب وطبعا ما اشطرهم الطلاب وراحوا قالوا للإستاذ عنا والاستاذ عاقبنا عقاب غير شكل
مع كل ذلك كنت اتفوق في دراستي والمعلمين حفظوني لليوم وذاكريني لليوم حتى بأروح أسلم عليهم كل فترة في المدرسة الابتدائية
اه كمان : كان احلى شي لما نروح على المدرسة انا واخواتي للإثنين اللي اكبر مني نروح بدري بدري عشان نلعب مع بعض وكمان مع اصحابنا
ايام كتير حلوة وذكريات رائعة
بيكفي كلام على هاد الفترة
خلينا نكمل ونحكي عن فترة الدراسة الاعدادية والثانوية بدون سنة توجيهي لأنه الها وضع خاص جدا بنتكلم فيها منفردة

[القلب الطيب]

اه خلينا نكمل

بالنسبة لل3 سنوات في المرحلة الاعدادية كانت عادية يعني ما بذكر غير كنت شاطر في مادة الانجليزي واخدت فوق ال95% في هاد المادة اه وكمان كانت السنين هاد بداية انتفاضة الاقصى الثانية وكانت مدرستنا جنب المستوطنة كل كم يوم نيجي على المدرسة نلاقي قذيفة مفجورة في الصف ومرات يصير اطلاق نار واحنا في المدرسة وكانت المدارس كلها فوضي يعني كل ما يسقط شهيد المدارس بتعلق الدوام والطلاب بيروحوا يطبشوا على اليهود عند المستوطنة
طبعا انا كنت اروح مع اخوي وابن خالي بدون علم اهلنا ومرات نغيب عن المدرسة عشان نروح نطبش
وبتذكر في تلك الايام الشبل اللي استشهد جنبنا اسمه اياد شعث وكان في نفس المدرسة اللي بندرس فيها انا واخوي
وبعديها اهلنا عرفوا انا بنروح نطبش واكلنا كتلة مزبطة وبعديها حرمنا نروح
كمان بأتذكر الموقف المضحك اللي صار معي ولليوم شباب صحابي بيذكروني فيه
وهو فيس الاذاعة المدرسية قللي الاستاذ بدك تنشد انشودة ( من يوقف حقدا أسود) وانا وافقت
تاني يوم اجيت على الاذاعة المدرسية وكانت الدنيا الصبح وانا شبه نايم يعني ههههههه
المهم انجبرت انشد وانا نعسان واكيد كما هو المتوقع اني خربت لحن الانشودة بكلماتها بكل حاجة كانت كويسة ههههههه
هاد الموقف ذكرني فيه شب صاحبي قبل اسبوع واحنا في الجامعة وقعدنا نضحك طبعا عمري ما بنساه الموقف
وفي هاد الفترة زاد كرهي لمادة الرياضيات يعني بديت اكرهها من الصف الخامس والسادس بس في الاعدادية صرت اشوفها عمى المادة فكان استاذ الرياضيات في الاعدادية يبيع جرايد وصحف ومجلات بدل ما يفهمنا المادة يعني استاذ على نياته
عشان هيك لليوم مش حافظ جدول الضرب ههههههههه
اما بالنسبة لمشاكلى مع الطلاب انخفضت كتير يعني في الاعدادية ما عملت غير مشكلتين

اما في الثانوية ( اول ثانوي وثاني ثانوي ) خلي توجيهي لحال لأنها سبشل زي ما اتفقنا
انصدمت بأستاذ اللغة الانجليزية واول ما شافني صار يعلق علية عشان مش لابس زي المدرسة مع انه كان اول يوم الي في الثانوية عشان هيك قلت بدي اثبت جدارتي عند هاد الاستاذ وخليه يعرف مين انا ( احم احم هههههههه)
وبالفعل انبهر في ادائي في المادة واخدت عنده في اول ثانوي 92 وثاني ثانوي 94 من مية بس استاذ بالفعل احترمه واقدره لأنه يستحق الاحترام
وكانت علاقة الانجليزي في الرياضيات علاقة عكسية هههههههه
بيزيد معدلي في الانجليزي وبينقص في الرياضيات
وبالنسبة لمشاكلي مع الطلاب ما عملت غير مشكلة وحدة بس
يعني بديت اركز واكون هادي
بالنسبة للشقاوة فكانت زي المرض المعدي كل ما اقعد عند واحد هادي يصير مشاغب وشقي مثلي
لدرجة انه الاساتذة منعوني اني اقعد عند اي واحد هادي هههههههه

اما بالنسبة للمواقف المضحكة فكانت مع استاذ التربية الدينية كان جبار وعليه كف ما شاء الله بس انا ما جربته الحمد لله كان نمت في العناية المركزة وكان الاستاذ اله هيبة وهو ضخم
المهم
كان عندنا تسميع اول عشر ىيات من سورة الكهف وانا طبعا كنت حافظهم من زمان بس طريقة التسميع للأستاذ هاد انك تقعد قدامه وجها لوجه وتبدأ تسمع
عشان هيك انا اول ما قعدت قدامه نسيييت كل الايات لأنه بصراحة خوفني
صار يقوللي شو بتضحك علية وبتقوللي حافظ رديت عليه وقلت والله حافظهم
فقال انا عارفك عبقري حافظ كل القرآن بس ناسي ال عشر آيات هدول
وضحك كل الصف

الى هنا

موعدنا مع التوجيهي ( الثانوية العامة )

[القلب الطيب]

السلام عليكم

يلا اليوم بدي احكي عن حياتي في الثانوية العامة

طبعا سنة مهمة كتير بالنسبة الي ولأهلي وهية اللي بدها تحدد مستقبلي عشان هيك اهتميت فيها
بس اولها ما كنت ادرس كنت دايما طالع مع صحابي وهم يقوللي يا عمي ما تطلع معنا روح ادرس وكل يوم على هالموال
المهم انا تذكرت حالي بآخر شهر وصرت ادرس دراسة مكثفة والحمد لله عقلي نظيف بيستوعب بسرعة خلص المنهج كله بآخر شهر بس كانت حالتي النفسية صعبة وكنت متوتر أيام الامتحانات وضليت في هاد الحالة لعند ما طلعت النتائج وخفت من النتيجة انها تكون اقل من المتوقع
وليلة يوم النتائج قلت لأمي معلش سامحيني مش هتكون النتيجة 80 % هتكون اقل
قالتلي بسيطة انت عملت اللي عليك
وبعديها صليت ركتين ودعيت الله عز وجل انه تكون علامتى فوق 80 %
وتاني يوم لما اجت ساعة النتائج قعدت عالنت انا و صحابي الثلاثة وكلنا بقينا متوترين عالاخر ولما فتحنا موقع النتائج كلنا خفنا نحط اسمنا اول اسم وصرنا نتعازم وفي الاخر استقروا انه انا احط اسمي اول اسم
وضغطت على الايقونة اللي حتنقلنا على علامتي
وطبعا طلعت النتيجة بس ما بدي اقولكم اكم كانت





ولا بلاش خلينا نحكي

كانت






كانت










كانت



الحمد لله مثل ما دعيت رب العالمين
80.6 %
وكانت اجمل فرحة في حياتي و رحت لأمي وبشرتها وقبلتها وكمان رحت لأبوي وفرح كتير
ونزلت عالشارع وزعت حلو للكل حتى سواقين السيارات هههههههه
المهم بعد ما طلعت النتيجة قطعت الكهرب وما لحقوا صحابي يشوفوا النتائج فكانت من نصيبي اني حطيت اسمس اول اسم
ومن المواقف اللي ما بنساها دروس الانجليزي الخصوصية في مؤسسة الاقصى
كان هناك شب اداري في المؤسسة رائع جدا كنت اقعد معه انا والشباب كل ما استاذنا يعتذر ونحكي ونضحك ونجيب قصص
ومرة كان موضوع الكلام عن الجن و كل واحد صار يحكي عن القصص اللي عارفها كان يوم مرعب جدا بس الحمد لله كانت الدنيا نهار مش ليل هههههههههه
صرنا نتمنى يغيب استاذنا عشان نقعد مع الشب ههههههه
وكمان ما بنسى الشب اللي سألنى عن علامتى ولما حكيتله ما صدق وقللي انا بدي اسجل توجيهي ادبي واضل اطش مع صحابي واطلع وآخر شهر ادرس واجيب زي علامتك ههههههههه ( لأنه دايما كان يشوفني طالع مع صحابي )
وكمان ما بنسى حملة الزيارات اللي عملناها للناجحين في التوجيهي وكمان للراسبين لمواساتهم
وكمان استاذ اللغة الانجليزية اللي درسني في المدرسة ما بنساه المسكين لأنه طفش من اول شهرين عشان الطلاب المشاغبين وكان هو كبير في السن عشان هيك انا اخذت دروس خصوصية في المادة

واستاذ التاريخ اللي قللي انت اخذت الأول على المدرسة في مادة التاريخ و هذا الاستاذ اله معزة خاصة عندي

الى هنا


المرة الجاي بدي اكتب عن حياتي الجامعية

[القلب الطيب]

السلام عليكم

عدنا لكم من جديد

ويلا خلينا نكمل ونكتب عن حياتي الجامعية زي ما اتفقنا

معلش تحملوني بأقطر عليكم الحكي بالقطارة هههههههه
اصلا مشغول شوية

المهم

لما بدا التسجيل للجامعة كنت مخطط اني ادرس انجليزي في الجامعة الاسلامية لأنها اقوى الجامعات ادرايا و اكاديميا ونظاميا وتدريسا

وبالفعل صار زي ما كنت مخطط

بس بعديها تراجعت وكان كل همي كيف بدي اجيب رسوم الجامعة الاسلامية لأنها الجامعة خاصة ومصاريها كتير واحنا دخلنا بسيط وخفت اني اثقل على ابوي في الرسوم

وبعديها سجلت في جامعة الاقصى بدون علم ابوي اني سحبت المصاري من الاسلامية وسجلت في الاقصى
ولما عرف سألني عن السبب حكيتله انه القصة قصة رسوم
راح بهدلني وقللي انت شو دخلك في الموضوع المهم انت ادرس وبس
وكملنا دراستنا في الاقصى وكان احلى فصل في الجامعة الفصل الاول كان الي صحاب كتير في قسم الانجليزي ودايما مع بعض نضحك لأنه كلنا بقينا نحب الفرفشة واكثر شي ما بنساه في الفصل الاول دكتور الادب الانجليزي لما كان يشرح النا وكل كلامه انجلش واحنا اول فصل ومش فاهمين حاجة المهم في محاضرة قعد ساعة ونص يشرح بالانجلش وما في كلمة وحدة عربي بس كنا عارفين انه بحكي عن التصوير الجمالي والخيال و الدكتور بعد كل الكلام اللي بالانجلش اخيرا نطق كلمة عربي
عارفين شو قال
قال ( تخيل )
عاد اللي جنبي بيقول ــ من غير ما يسمع الدكتور ــ (هو احنا فاهمين حاجة على شان نتخيل اصلا) وقعدنا نضحك احنا واللي كانوا حولينا والدكتور بدو يعرف ليش بنضحك ولحتى الان ما عرف والدكتور حفظنا كويس لليوم كل ما بشوفنا في الجامعة بيضحك
وكمان ما بننسي لما كنا نروح من الجامعة عالبيت مشي لما ما تيجي السيارة مع انه المسافة بعيدة بدنا 40 دقيقة لما نصل عاد نقضيها ضحك طول الطريق
كثير مواقف ما بننساها الفصل الاول
اه كمان لما صارت طوشة بين حماس وفتح في الجامعة كانت طوشة قوية و اجت الشرطة والتنفيذبة وصار اطلاق نار كثيف
حسينا حالنا انه احنا على الجبهة مع اليهود
هههههههههه
المهم خلص الفصل الاول على خير وجبت معدل 80 %
مش عارف ليش رقم 80 % بحبه كتير شفته مرتين مرة في توجيهي ومرة اول فصل في الجامعة هههههههه
اما الفصل الثاني كرهت الجامعة بشكل مش طبيعي
فكان كل يوم تعلق الجامعة على اقل مشكلة
وكان نظام عصابات فيها لما تصير طوشة بين اهل رفح وخانيونس تعلق 3 ايام ولما ومرة بيضربوا رئيس مجلس الطلبة علقنا الدارسة اسبوعين وكمان زادت الاحداث بين حماس وفتح وكل موجة قتال يروحوا فيها 30 او 40 فلسطيني من الجهتين
عشان هيك يمكن كان داوم الجامعة شهر من اصل اربعة اشهر
وتراجع مستوي التحصيل عندي صار 75 %
اكثر شيئ بأذكره في الفصل الثاني لما دخلوا شباب الجامعة وطخوا الطالب في رجليه
ومرة تانية في يوم تاني دخلوا نفس الشباب وطعنوا طالب في رقبته
كيفكم في هالجامعة النظامية هاد
كويس انها اجت لهالدرجة في ظل الفلتان الامنى المش طبيعي اللي كانت في الفترة الماضية
اما الفصل الثالث كان بعد الحسم العسكري والوضع كان هادي عشان هيك قررت ارفع من مستواي
لكن كان دكتور تاريخ الادب الانجليزي مش عاجبه الوضع ومعارض لقصة الحسم العسكري فكان مرة يغيب عن الجامعة ومرة يكون في سجن التنفيذية و باقي الدكاترة اللي انقطع راتبه و اللي ماشي على قرارات الشرعية الفلسطينية في رام الله ( في وجهة نظرهم ) لنه الجامعة تابعة لحكومة رام الله
فكان الفصل الثالث مش معروف راسه من رجليه هههههههه
عشان هيك قررت اني احول من تخصص اللغة الانجليزية لتخصص ثاني اعتمد على حالي فيه بشكل كبير
وحولت لغة عربية في بداية الفصل الرابع
بس بجد الفصل الرابع هيكون احلى فصل وهيكون في انجاز غير مسبوق
ههههههه
وانا متفائل من اول الفصل
الي هنا

هيك خلصنا حياتنا الدراسية من الروضة لأخر يوم في الجامعة

المرة الجاي بدي احكي عن حياتي و الصداقة

[القلب الطيب]

السلام عليكم
صباح الخير
خلينا نكمل ونحكي عن حياتي مع صحابي

الكل بيعرف انه الاصدقاء شيء ضروري في الحياة وانه الاخوة الاسلامية الها فضل عظيم
عشان هيك كنت احب اتعرف على كل شب واحاول امتن علاقتي معه
تعرفت على ناس كتير و تعلمت انه مش كل الناس واحد وفي ناس بتصاحبك عشان بدها مصلحة وفي ناس بتصابحك شفقة بتفكر انه فش الك صحاب وفي ناس بتصاحبك عشان هية تقضي وقتها وتتسلى وبس مش عشان مشتاق لشوفتك وفي ناس بتصاحبك لله وبتقف معك في مواقف ومآزق كتير وبتساعدك اذا طلبت منها خدمة في اي وقت كل هاد الاصناف مرت في حياتي الصحوبية
و حمدت رب العالمين عشان صار عندي خبرة في انتقاء الاصدقاء
وصار هدفي اني اقدم واجبي تجاه صحابي دون ان انتظر ان يردوا الجميل او كلمة شكر عشان ما حد يزعل مني حتى لو صحابي ما عاملوني نفس المعاملة المهم عندي اقدم واجبي على اكمل وجه

عمري ما رفضت طلب لأصدقائي اذا بدهم اروح مشوار معهم بأروح واذا بدهم ييجوا يزوروني ما بأقصر حتى لو في اليوم 3 مرات وصارت معي انه على مدار 10 ايام ما خلي بيتي من صحابي لما امي زهقت من عمل العصير والشاي وصارت تقوللي ( شو هاد من وين بتجيبهم ) هههههههههه

ما بحب اشوف حد من صحابي زعلان من التاني وعلى طول بأصلح بينهم يعني عامل فيها مصلح اجتماعي او مختار هههههه

ما بحب اميز حد من صحابي على التاني كله عندي سواسية فش حد اعلى مرتبة من التاني

تميزت اني اذا اجيت على صحابي اجا جو الضحك والفرفشة بس مش دايما اذا كان واحد غريب او اول مرة بأشوفه بأقعد صامت يمكن ما بحكي 10 كلمات على بعض

الي هنا

بدي اكمل واحكي عن اغلى شيئ في حياتي وهو منتديات شباب فلسطين
معلش يا وردة الاقصى تحمليني عشان تأخرت يعني عندي خلصت باقي فقرتين واخلص