الدمـــوع تكتـب: وداعــا يا منتـدى شبابــ فلسطين

[اسيرة النجوم]

اديش صعب انــو تفكر في كلمة الوداع فكيف اذا قلتها واستشعرتها

أكــيد ما فيه شخص مننا ما بيزعل في لحظات الوداع

ما فيه شخص ما بيبكي ولا بينثر عبارات الالم والحزن اثناءه

خصوصا اذا بوداعك هاد راح تفارق احبة وقلوب انت حبيتها وهي حبتك

يمكن بيضل ذكريات بتونسك في لحظات شوقك

يمكن راح تضل كلمة كتييير سمعتها وحبيتها : " احبك في الله "

لكن شو ممكن تعمل بقلب ما بيطفي لهيبو غير شوفتكم

اليوم احبابي اعضاء منتدى شباب فلسطين بودعكم

بودعكم وداع يمكن يكون نهائي

اسيرة النجوم العضوة اللي دخلت لموقع فلسطيني

ما بدها اشي غير انو تتعرف على فلسطين واهلها

كانت راسمة صورة للفلسطينيين

كانت بتحبهم كتيييير

كانت بتبكي لحزنهم وتفرح لفرحهم

هالصورة اللي رسمتها وهي صغيرة واللي تاريخها من مجزرة جنين

ابدا هالصورة ما تغيرت

ناس بيحكو انو بنحب الفلسطينيين لانو بنشفق عليهم

وانا بحكي ابدا

نحنا حبينا فلسطين لانو عرفنا انو هي الوحيدة اللي بتحمل على ارضها رجال

رجال صدقو الله فاصدقهم

بتحمل نساء صابرين على فراق ولادهن

بتحمل اطفال هم ارجل من ميت رجل بالبلدان التانية

حبينا الحجارة واتخدناه رمز المقاومة لانو الاطفال الفلسطينين علمونا انو قتل الاعداء مو بالرصاص ولكن انو العزيمة هي سلاح اشد الناس قوة

للاسف جاء وقت فراقي بهؤلاء الابطال

راح اودعكم على امل اللقاء بكم ان ما كان بالدنيا فيارب ما يحرمنا من جناتو لنتقابل

كنت بتمنى اودعكم وانتم في احسن حال

ولكن حصار غزة آلمنـي وبتمنى اطمن على كل احبابي فيها قبل الرحيل عنكم

انا حطيت هالموضوع ومش ضايل لعرسي غير 10 ايام

ولانو المشاغل كتييرة خفت ما الاقي وقت لاودعكم

بودعكم يا غاليين ووالله بحس انو دموعي اللي بتكتب هلا

وما بنسى اتأســف من كل شخص زعلتو مني من غير ماقصــد

وداعــا لنور الاسلام الغالي ولمشرفو قسامي غزة اللي بتمنالو كمان الرفاء والبنين مع زوجتو

وداعا لكل الاعضاء والمشرفين والمدراء الغاليين علي كتيييير

واخيرا بتشكركم على اخوتكم الرائعة

بتشكركم على الحب اللي عرفتو بمعرفتكم

بتشكركم على الفرح اللي عشتو بصحبتكم

وبتشكر فلسطين الغالية على ابنائها اعضاء منتدى شباب فلسطين الرائعين

وعلى أمل اللقاء غدا بالاحـبة

استودعكم الله الذي لا تضيع ودائعه

أحبكـــم في الله

[Princess of Sense]

اســــيرة النـــجوم حبيبتي والله انك كنت منورة المنتدى
بس الواحد شو بدو يعمل
امانة ما تحرمينا منك اسيرة النجوم وضلك زورينا
والله يوفقك يا اغلى نجمة

[إسراء الفلسطينية]

ييييي يــــا أسيـــرة

يعني خلص رح تتركينـــا :(

والله رح نشتقلـــك كتيير كتييير

و رح تتركي فراغ كبير بالمنتدى :(

حاولي انك اطلي علينا لو شوي بس !!

مع اننا طبعاً بدنا اياكي اضلي معنا أطول وقت ممكن !

رح نستفقدلــك والله ..

عنجد مش متخيلة المنتدى من غيرك :(

الله يتتممــلك على خير يا أحلى عروســة

والله انـــي بحبــك .. و رح اشتاق لحكياتك الحلوة

الله يسعدك .. و يجعل ايامك كلها هنـا و سعــادة يا غــالية





أسيــــــــــــــــــــــــــ انــي أحبــكـ في الله ــــــــــــــــــــــــــــــ ـرة

[نابلسية كححح]

اسييره ..

لا مش معقووووووووول

وين رايحه ؟؟

وتتركي وراكي كل هالمسؤوليات ؟؟

اااااخ

بعين الله

والف الف الف مبروووووووووووووووووووووووووووووووو وووووووووووووووووووووووووووووو وك

وعقبال ما يدخلو ولادك ع المنتدى ...


بس دايما اتفقدينا

حبيبتي انتي

الله يخليلنا هالمنتدى ..

أختك نابلسيه ..

[شمس العروبة]

حبيبتى اسيرة

اكيييد فراقك صعب يا غالية

لكن عزائنا الوحيد انه ربنا هايتمم فرحتك على خير

وتتهنى بعرسك

امانة عليكى تخلينا فى بالك دايما وتتذكرينا بالخير

[عاشقة حماس]

والله اختي اسيرة ربي اللي عالم بالمعزة ديالك عندي

واخا نبقى نهدر ونهدر مغديش نعبر على داكشي اللي في القلب

وخسارة مكنتش مسجلة في المنتدى شحال هادي

باش نعرفك كثر وكثر

ولكن الحمد لله واخا مكنتش معاكم من الاول وتسجلت في الاخير ولكن الحمد لله تعرفت على بنات من بلادي بحالك انتي ونور وزهراء اللي كتشرفونا بزاف كاملين

انا ما بقيت عارفة ما نقول ليك

الله ييسر ليك اختي فين ما حطيتي ايديك ويرزقك السعاده ويبارك ليكم وفيكم

وان شاء الله مرة مرة ايلا قدرتي جي طلي علينا

غادي نتوحشوك بزاااااااااااااااااااف

وبلاصتك غتبقى خاوية

ولكن الواحد ماعندو ما يدير

هذي هي الدنيا

تهلاي في راسك الزين

وحتى انتي سمحي لينا ايلا كنا غلطنا فيك شي مرة

[»رُوحٌ عَ ـآنَقـتْ آلْغُـيُومْ .!~]

و الله فراق الاحبة صعب

بكل صراحة اسيرة النجوم

و الله العظيم دخلت لقلبي اول ما اتعرفت عليك

و انا عاشقة حماس دايما نتكلم عنك الا بكل خير

و كنت دايما اقولها و هي كمان تقول ودي اشوفها لاسيرة النجوم و نور اليقين

عنجد عرفانك و كان النا الشرف انو تتعرف عليك

باقول نيال لزوجك عرف مين يختار

و نيال لاولادك اللي جايين بالطريق ان شاء الله


باتمنى الك كل السعادة مع زوجك

و اسال الله انو تكون حياتك معاه باجواء ربانية يااااااااااااااارب امين

لا تحرمينا من شوفتك

اذا لقيت فرصة طلي علينا

و اللف مبروك

انا حطيت هالموضوع ومش ضايل لعرسي غير 10 ايام

ربنا يتمم عليك بخير

احـــــــ فــــ الله ـــي ـــــبك

[عاشقة ارض فلسطين]

حبيبتي اسيرة ..

مش عارفة شو أحكيلك ..

دايماً منوّرة المنتدى .. وكنت بشوفك مثال للبنت المسلمة .. الطيبة .. المرحة .. اللي الكل بحبها وبحترمها ..


أكيد حتوحشينا كتيييييير حبيبتي ..


بس ما بنقدر نقوول الا الله يوفقك ويسعدك بحياتك ..

وما تنسينا .. وزورينا بين كل مدة والتانية .. اوك ؟؟



ان شاء الله الف الف الف مبرووووك حبيبتي ... وموفقة ان شاء الله ..

[.:.!دموع الرحيل!.:.]

والله نشفتيلي دموعي

واحسـاسي تجمد

الي بعرفو .. انك شخصية ما صارت بالمنتدى ..

ولا حتـــى بحيــــاتي والله

ولا رح يصير متلك

البصمـة الي تركتيـهـا بالمنتدى ..

رح تلايقـهـا يوم اللقاء في الأخرة بصحيفتك ..

لذلك علاقتنـا معك مستحيل يكون نهايتـهـا وداع

لأنك دخلـتي معنـا على حب رب العالمين ..

والأخوة في الله .. عمرهـا مـا كـان إلهـا نهاية

بتمنالك التوفيق بحيـاتك مع زوجك الي بحب ابو العبد هنية هههههههههههه

وهالشي الي هون عليي فراقك .. ولو انك مش رح تفارقيني

رح أزهقلك موبايلك رنـات هههههههههه

أملي الوحيد

حبيبة قلبي .. لازم توعدينـا .. إيمتى ما صحلك تدخلي .. انك تدخلي

الله يخليلنـا ياكي .. ويجزيكي عنـنـا خير الجزاء

لا إله إلا الله ... : )

[أمير رفح]

الف الف مبروك اختي وبرفاه والبنين

وما تنسي تزوري المنتدى وهيني شايف كل اخواتك اللي في المنتدى حزنانات لانك بدك تسيبيهن

الله لا يحرمكو من بعض ,,,,,,,,,,,,,,,,,,,,,,,,,


وتحياتي لجميع الاخوات والاخوة