مسك يد الزوجه مع ام ضد؟؟؟

[محمود]

بدي أحكي كلمتين ^_^

بالله عليكم ،،

يعني هلقيت افرضوا الرجال كان سابق مرته في المشي ..

أكيد فرصة انو للناس تتطلع عليها بإنفراد أكثر ،،

لأنو زوجها سابقها و أكيد عينه مش عليها طول الوقت ..

والا كان خبطته سيارة وراح الزوج لازم يمشي ويشوف الشارع ..

ولو كانت هيي سابقيته وماشية قدامه بتكون حاكماه ..

ههههههههه لا مش هيك القصد ،، يعني شو بده يعرف الناس

انو هذه مرته يمكن اي واحد يجي ويعاكس علنا ً وما يسفق الا ويلاقي

حالو واقع بطوشة ويا عيني لو كان الشب هاد الزفت اقوى منه ويضربه قدام مرته عيب كبير !!

مصيبة المرة بتفقد ثقتها بزوجها بالمرة ...

لكن تلقائيا لو كانو ماشيين حد بعض ممكن تصير نظرات وكلام من الناس ..

بس ما رح تصير معاكسات مباشرة ،،

الشر بقل يعني ^^ ،، ولو مسك ايدها في الشارع شو المشكلة بصيروا أقوى ..

الكف من ايدتين أحسن من ايد ههههههه ،، لا وبقلطها الشارع كمان فيها فوائد كثيرة :P

لا اله الا الله بمزح يا جماعه الخير في اخر نقطة حكتها ،، بس الحنان مطلوب ولازم يحسو ببعض ...

ومصر على ردي السابق ..

احترامي ..

[.:.!دموع الرحيل!.:.]

ومين قال انه نحن حكيـنـا انه يسبقهـا ؟

أو هي تسبقه ..

يمشي جنبهـا مش غلط :D

يا ابني

مجرد ما البنت ماشي معها شاب ..

يعني واحد من هول

يا خطيبها يا زوجهـا يا أخوهـا ! (( طبعـا ما دخلني بالأمور التانيه ))

والمحترم مش رح يلطش عليها .. طول ما هي ماشيه مع شاب

اما الي مش محترم .. رح يلطش عليها .. بجميع الأحوال .. ما حدا بيردعه

بالعكس يمكن حركة مسكة الإيدين .. تخللي الي ما بدو يلطش يلطش !!

الله يعيننا على هالزمن

[إسراء الفلسطينية]

الصراحة انا كمــان ضد هل شغلــة ..

أولاً منظر التنين ماشيين و ماسكين اديهم ببعض .. مش كتير حلوو

و متل ما قالت نــانــا لو كانت البنت متحجبه ع أضرب لسـا ..

نيجي ناخد مثلا هون بالدنمــارك الواحد بشوف بلااوي سوده برة البيـــت

يعني الواحد يضل ببيتــو أسترلــو .. !!

و يجوو تنيــن ماسكيــن اديهم ببعض و ماشيين بهل شــارع و طبعا هون عم بحكي تنين مسلمين ..

الغرب عادي كتير عندهم .. لانو لســا بيعمـلوا أضرب من هل أشياء بالطرقــاات ..

بس هني الغرب رح بفكروا انو مسكة هل ايد عادية .. معناتو أشياء كتيرة عاديه عندهم غير مسكة الايد ..

و الواحد لازم ينتبه كتير ع تصرفاتو قدامهم .. لحتى ما ياخدو فكرة غير صحيحة عنا..


بس نيجي لبلاد مسلمــة .. و نشوف هيك منظر .. الصراحه يعني منظر مش زابط أبدا علينا كمسلمين ..

و كتصرفاتنــا يلي لازم نكون منتبهين عليها كتير .. و يلي بتعكس شخصيتنا للنــاس ..


..

و أخيـــــراً .. شكرا كتير حبيبتي نسيم الروح ع الموضوع الحلو ^^

يعطيكي الف عافيه

[بنيمارو]

الصراحة انا ضد
اول شي باعتقد انو اخلاقيا غلط
تاني شي لو مسك ايد زوجتو بالشارع راح يلفت الانظار الو ولزوجتو اكتر
بعدين هادا اشي خاص فيهم ومش ضروري يظهر حبو لزوجتو للشارع كلو
وبعدين بيصير كل من مسك ايد وحدة بالشارع ......... مرتو ^^
يسلمو عالموضوع
سي يو ^^

[.:.!دموع الرحيل!.:.]

الصراحة انا ضد
اول شي باعتقد انو اخلاقيا غلط
تاني شي لو مسك ايد زوجتو بالشارع راح يلفت الانظار الو ولزوجتو اكتر
بعدين هادا اشي خاص فيهم ومش ضروري يظهر حبو لزوجتو للشارع كلو
وبعدين بيصير كل من مسك ايد وحدة بالشارع ......... مرتو ^^
يسلمو عالموضوع
سي يو ^^

يا شيخ الله ينصر دينك ..

خير الكلام ما قل ودل ّ

جواهر والله

[suzana2007]

أنا مع ١٠٠%

يعني بصراحة مافي أحلى من أنه الزوج يمسك ايد زوجته يا جماعة مهي حلاله وهو حلالها ما عم أفهم شو الغلط بالموضوع ... والله دينا دين يسر وليس عسر وبتمنى نبتعد عن التعصب بديننا ... والله الوحدة بتحس بالأمان معه وأصلا المرأة بتحتاج للأمان بالشارع مش بالبيت والأمان بتحصل عليه لما تكون ماسكة يد زوجها ... وحتى لما هم ماشيين ما بدهم يحكوا مع بعض طيب اذا هي بديرة وهو بديرة حتى لو جنب بعض بس مو ماسكين ايدين بعض عن جد كلامهم بضيع بين الناس ولا هو بيسمعها ولا هي بتسمعه ... ما بعرف كل واحد اله رأيه

والشكر لصاحبة الموضوع

[نور الهدى]

والله انا مش شايفة فيها شي

يعني هي مرته و هو زوجها

ما فيها شي لو مسكوا ايدين بعض !!

حتى اخلاقيا و دينيا !!

ما فيها شي عادي جدا

بعدين مش قصة انه يظهر حبه قدام الشارع او ما يظهر

يعني مش غلط يمشوا جنب بعض و غلط يمسكوا ايدين بعض ؟؟!!

بتذكر اني سمعت من قبل شريط للشيخ وجدي غنيم و جاب سيرة هالموضوع ،،

و على عكس ما يعتقده كثير من الناس انه الدين بيمنع هيك شي ،،

قال انه هيك حركات بسيطة و منها مسك الايد حتى في الشارع بتوطد العلاقة بين الزوجين و بتضفي نوع من المودة و الحنان و هيك اشياء ..

انا شخصيا ما بقدر امشي لحالي بالشارع ،، لازم يكون معي حدا

و لما يكون معي هالحدا - قصدي اختي او امي او والدي او صديقتي ) لازم امسك ايده او ذراعه ههههه

بخاف اتعرض لخطف

خلاصة الحديث اني - و بشدة - مع مسك ايد الزوجة و مش شايفاه شيء غير اخلاقي

^^

[&نسيم الروح&]

المشاركة الأصلية كتبت بواسطة جرحٌ بملامح انسان أنا لا مـع ولا ضــــــد . . .


لكــــن اللي بيتحدث من ناحية اســلامية .. أنا من ناحية اســـلامية ما بشوف فيها شي .. وما بشوف فيها كمان فضح لاسرار الزوج والزوجة ^ ^


لكـــن بنفس الوقت مش مــع ولا ضــد ^ ^

ميرسي لمرورك يا عم منور

[&نسيم الروح&]

المشاركة الأصلية كتبت بواسطة ahmadix في البداية بدي اشكر صاحبة الموضوع .. بس كنت بتمنى تبلشي الموضوع بالسلام عليكم مش هاااااااي ... وين جالسين احنا :p


بس انا مستغرب من الاخوة الي اعترضو .. يعني شو فيها .. مش احسن ما يتوهو عن بعض ويصيرو يدورو على بعض وانزل اعلان بالجريدة "خرج ولم يعد" ... انا شخصيا ما بذكر غير اني مسكت ايد غير ايد اختي الصغيرة لما كنت اخذها على السوبر ماركت .. اه وايد امي كمان لما نقطع الشارع ..

عموما انا بيستفزني الي بيترك زوجته تمشي خلفه وكانها جارية .. وبستفني أكثر الي بخليها ماشية امامه وكانه طرطور .. وما بشوف انه في مانع انهم يمشو جمب بعض ويمسكو ايدين بعض يعني أكيد مش شابكين أيادي عشان دبكة -لا سمح الله-

بصراحة مش شايف الموضوع كبير فلا تكبروها واستمتعو بمسك الأيادي .. وكل سنة وانتم سالمين ..

أخوكم
أحمدكم دوت كوم وكومات ..

وعليكم السلام احمد وعلى فكره انا لما حطيت الموضوع كانت وحده ونص بالليل

فما تستبعد المره الجاي بهاد الوقت تنحط بونجور ولا بونسوار ولا حتى باي لانه بيكون اليوم شاق

المهم انامن رايك كمان من الي بمشي مرته وراه والي بمشيها قدامه

احنا بصراحه بنعتبر انه البدو متخلفين وبعاد عن التحضر بعد اصبع الاجر عن الراس المهم ازا معه حصان بتكون راكبه عليه وهو ماشي جنبها لا قدامه ولا مراه اه وازا المسافه طويله بتكون راكبه وراه بحكم انه مو سياره

وازا ما معه فبتكون ماشيه جنبه بس مو ماسكه بايده لانه مو من عرفهم ولا تقاليدهم بس مع الايام رح نشوفها

منــــــــــــور اخي وانشالله بعد هلا بحط السلام عليكم لانه تحيتنا الاصل سامحنا المره

[&نسيم الروح&]

المشاركة الأصلية كتبت بواسطة جيفارا*نابلس انا شايف الموضوع عادي

ممكن اذا انا مسكت ايد زوجتي في الشارع الي اصبح غابة للاسف هاي الايام

اشعرها انو لو شو ماصار هي معي وعشان تكون مطمنه انها معي بضل ماسك ايدها

وعشان يعرف الي بدو يطلع اني انا وهي بنحب بعض

ومش الحكي عشان ياناس شوفوني اني متزوج او شي

لا بالعكس انا لمن ابرهن حتى بالشارع بحب زوجتي وبحترمها الي رح يشوفني رح يقدر هاد الحكي

فما منو ممنوع اذا الواحد مسك يد زوجته

لانها بالنهايه هي حلال اله

وشكرا للموضوع

ميرسي الك جيفارا

منـــــــــــــــور