شباب فلسطين

ABU-NOUR · 03-03-2008, 11:44 PM

وردة ههههههههههههههه

والله بجد يسلمووو ع الموضوع الي خلاه لبودي يحكي عن حنو

ويخلينا نشوفها

بجد وين ايامها ,, زمان عنها

بتنطق فتة وبتطير فترة ههههههههههههه

ان شاء الله ع طول اتضلها وما تفارقنا :)

تسلمي ميمي ^^

شو رايك ميمي بنفع للهدية هلقيت ولا كيف :P

أصلو متحير :D

بنت الرملة · 03-03-2008, 11:53 PM

تسلمي ميمي ^^

شو رايك ميمي بنفع للهدية هلقيت ولا كيف :P

أصلو متحير :D

لا تحتــار ولا اشــي ..

وقت ما تلاقي حــالك فاضي نــزلها ..

انا متشــوقه عليهــا كتير :) ..

ومشـكووور مقدما شكلو اشي حــلو والله ^_^ ..

((وعشان ما يقولوا انو بندردش بدي اسأل ابن فلسطين سؤال :: كيف حالك ))

صار اسمي فايته عالموضوع لغرض

.!. وردة الأقصى .!. · 03-04-2008, 12:57 AM

بودي عنجد يسلمووو كتير إلك

وانبسطنا وانت بتحكي ع المايك

وبصراحة ماقصرت ماخليت عضو الا حكيت عنه وهاد بدل على طيب أصلك

هلأ إجآ دور عضوة عسسسسل بحبها كتير

وكلامها ياخرابي عليه بجنن

دمها خفيف عليها حركات يييييي بتسطل

هههههههههههههههههههه

يلا مابدي كتر حكي وأطول عليكم

العضوة هاي أكيد الكل بعرفها

واللي مابعرفها بدو دبح

بـــنــــت الــــرمـــلـــــة

المايك بيدك حبيبتي ... مين ئدك

تفضلي ..

.!. وردة الأقصى .!. · 03-04-2008, 10:27 AM

لحد هون وستوووووووب

ماحدا يحكي بلييييز لحد ماتيجي ميمي

ميمي يلا كلنا بنستناكي

تفضلي حبيبتي

بنت الرملة · 03-04-2008, 11:25 AM

احم احم
لا داعي لتسفيق والتسفير ..

وردة الأقــصىآ..

مشكــورة كــثيرا على انكي اعطيتيني المايك ..

امممممم شو احكي شو احكي ..

في كتير حكاوي بدي احكيــها اول اشي حابه أحكــي عن المنــتدى ..

أولـ إشــي بما إني عضو مخضرم :p

حابه احكي عن اول فوتي عليه ..

هاد يا ستي في يوم من الأيام كنت بكلاس وقاعده زهقاااانه كان الدكتور غلبان كتيير وبفهمش بالمره ..

ومن الزهق كنا نضلنا عالنت ..

اجا عبالي ادور عأغنــيه لأبو عرب عالــجوجــل ..

ولا طلعلي منتدى شباب فلسطــين ..

انا طول عمري بسجل بمنتديات بس ما برجعلها بس عشان اخد غرضي يعني خخخخخخخ ..

سجلت في المنتدى ولا وصلني رساله خاصه من عضو وقعد يرحب فيه انا طبعا نبسطت حسيت حالي شغله هههههههه ..

المنتدى برحب فيه مين قدي ..

وبعد هيك كنت ما أفهم للمنتدى طبعا ..

ومن احد نوادري ..

اني كنت افوت مثلا عالألعاب يكون موضوع عباره عن 40 صفحه ويكون لعبه مثلا عد للخمسه وضرب كف ..

ولا افوت عأول صفحه وابلش من عندها ههههههههههههههههه ..

واخربلهم اللعبه كلها يماااااااا كنت معوووووقه ..

وطبعا ما كنت اطلع من منتدى الألعاب ..

ما أفهم إلا فيه ..

وكنت غلبااااااااااااااااااااانه ..

قال بس احس حد بدو يعمل معاي مشكله اروح بسرعه اكسر الشر ..

الحين انا بجرجر الأعضاء عشان اعمل معهم مشكله ههههههههههههه ..

وكان المنتدى غيييييييييييييير ما خصو بمنتدى اليوم ..

كان المنتدى الأعضاء إلي فايعين فيه معروفين وماكانو كتار زي الحين ,, همي اكمن واحد ومنهم :
ram ram , ابو فوزي كاااااااان رهيب هالأبوفوزي , أم فوزي , وابنهم فوزي هههههههههه ,ابن الإنتفاضه ,اسير حب فلسطين , رولينا , جيـكو , أبو خــضر , ايمن , شهد الحـياة -برج العرب- , نسرينا
فارس فلسطين, فجر الحياه , فرح , ابراهيم نصر, ريما الفلسطينيه (( ام المشاكل )) ..

وفي اعضاء مازالو فايعن للحين ..

*طبعا فجــر الحــياه - هاي كلو كوم وفجر كوم - كنت افكرها زلمه بشوارب وعمرها 26 سنه وساكنه بقبرص ..

لانها كانت حاطه مكان الأقامه قبرص وبما إني كنت غلبااااانه زماان لو حد كان كاتب انا بالمريخ كان سدقت ..

واضلي اقول ايش شالفو هالحزين ع قبرص ..

*كانت انجــيلا صحيح ما تفوت كتير اونها البنت توجيهي وبتدرس وقال كان اسمها ((نور الإيمان))

قال نور ا لإيمان قال .. إلي بسمع بفزع ..

وبعد هيك صار اسمها السفاحه هاد اوكي لايق عليها بس مش نور الإيمااااان يا انجيلا ..

*وهليـــن طبعا هاي هلين كنت افكر المنتدى إلها هههههههههه .. يعني اول ما سجلت بالمنتدى صرت مهوسه فيه ..

وما يجي عبالي انو بمثل المنتدى غير هلين ((فاهمين كيف ؟؟ )) مش لازم برضو ..

كانت فاااااااايعه عالأخير ..

ولما فاتت ترحب فيه نبسسسسسسطت كتير كتير ..

واحلى اشي إني مكنتش بعرف انو محمود مدير المنتدى ..

حتى لما رحب فيه قلتلو مشكور اخي ولا ابصر شو ..

ولا بعد شهر ولا اكتر عرفت انو المدير ..

يلا بسكوته بتقلي برمت كتير حبعت هاد وبكمللكم بعدين ..

.!. وردة الأقصى .!. · 03-04-2008, 12:35 PM

ابو النور يا ابو النور

يسعدلي اياك ممنوع حدا يحكي والمايك شغال

كم مره بدي أحكي :$

:@ :@ :@

بنت الرملة · 03-04-2008, 03:15 PM

يلا نكــمل من حيث نتهينــا ..

كنا نتحدث عن المنتدى بالعام 2006 ..

نكمـل ,, بعد هيـكـ نقلب المنتدى 180 درجه وصارو كلو ناس جداد ..

ما خصهم بالناس إلي قبل صحيح قبل بدي احكي عن بودي :p

بتزكر بودي كان زمان ملوش حس كتيييييير زي هالقد وحتى ابو النور

ما كان يبين كتيييييير احسو انسان جدي وبخوف :p

وكان اسمو الجنرال وقال من كتر ما صار في جنيرالات بالمنتدى غير اسمو هههههههههههههههه ..

الموووهيـــم كنت بحكي لما تغير المنتدى 180 درجه ..

وعلى ما اعتقد بعد دخول نشــأت عليه :P

تغير مزبووط المنتدى ومر بحقبه جديده خخخخخ ..

بهاي الحقبه شتركت لولو اليبناويه اختي بالمنتدى ..

وياعيني زي إلي مش شايف خير نسطلت عليه ..

قال اول ماشاركت فيه تشوفني قاعده تقلي شو هاد المنتدى اقلها ..

مش حيعجبك مش حيعجبك منتدى تقريبا سياسي ومش حيعجبك ..

عشان ما اخليها تسجل فيه خخخخخخخخخخخ ..

واخر اشي سجلت غصبن عني ونقهررررررت ليش ما سجلت من زمان فيه ..

اممممم صحيح ناناااا اوول ما سجلت كنت انا مسجله قبلها بشهرين اجت نانا وكنت احسها مسسسسكينه

مجرد ما اقرأ اسمها احس حالي بدي اعيط واحسها بنت هاريه حالها عياط ما بتقعد غير وتعيط ..

وما كنت بعرف ليش !!

ضلت نانا معنا قريب الشهر ولا فجأه نزلتلنا موضوع انو بدها تتركنا فتره..

ومع اني ما كنت بعرفها اتأثرت كتيييييييير ونقهرت مزبوط انو ليش حتسيبنا ..

وبعد هيك رجعت مره تانيه والله نبسسسسطت فيها وقال لقيتها كاتبه اسمينا كلنا إلي فتنا موضوعها تبع التوديعه ..

بتوقيعها وكتبالنا شكر ,, حزنت عليها زياده :p

قلت انا خلقه بحسها هالبنت مسكينه كمان هيك تعمل ..

كنت اكتيييييير اعجب بكتباتها ما كانت تكتب إلا بإسلوب مررررتب وتلاقي كلامها دايما غير شكــل ..

المهم بعد ما رجعت بأكمن شهر صرت احكي معها عالإيميل وكتشفت ليش كنت احسها دايما بتعيط ومسكينه :P

وصرت اقلها يالله ليش بحسك بس بضلك تعيطي وبحسك دايما حزينه ولا هيه حلتلي العقده وعرفت ليش :P

طلع عشان اسمها دموع الرحيل باللاشعور الإسم بعملي حزن على زعل هههههههههههههههههههههههههه ..

ووو شو كماااان اممممممممم شو صار بالمنتدى تغيرات

كنت اخاف كتير من أبن فلسطين خصوصي إنو كان حاطط صورتو بالتوقيع :p

شكلو شرير كتير هههههههههههههههههه ..

بس طلع والله هالولد قلبو ابيض وكبير كتيييييييييير ..

ياماااااااا انا وياها تناقرنا كتير كتير كنا نتناقر بس برجع بحس مافي احسن منو ..

شفاااااااف وصريح ما عندو اشي يخاف منو وما عندو شغل إلي من تحت لتحت ..

وشو كماااان شو كماااان !!! ..

هاد إلي زكراه عن المنتدى إزا تزكرت اشي كمان برجعلكم :p

بنت الرملة · 03-04-2008, 05:40 PM

ولا اقلكم زهقت خراف عن المنتدى ..

بدي اغير الخـراف ..

يعني شو بدكم احكيلكم ..

اي اشي بخطر عبالي هيك اقولووو ..

تيجو اقلكم عن رحلتي لما سافرت ادرس بغزه بدكم ولا بدكمش ؟؟

يلا مش لازم انا جاي عبالي احكيها ..

هاد يا حلوين ..

في عام 2003 ..

لما خلصت التوجيهي وصار شهر 7 قررت انزل ع غزي وادرس هناك ..

ونزلللللت وياريتني ما نزلت ..

طبعا اولها كنت كتير متحمسه مش مسدقه حالي حنزل ع غزه بعد 7 سنين مش نزلاها ..

ولما صار الجد وصرنا بدنا ننزل انا خلااااص صار دمار شامل عندي كيف بدي اسيب اهلي وانزل ..

وكان عأساس انزل انا واختي لكبيره وبنت عمي هاد إلي شويه مهون عليه بس بشكل عام ..

كنت جد مدمره ..

ووصلنا ع غزه وانا مش مسدقه معقول خلص حسيب اهلي وصحباتي واضلي ادرس 4 سنين ..

كتااااااااار ..

طبعا من أولها نمنا عالمعبر .. قال المطار المصري نسي يختم لبابا دخول عمصر ..

وتشحططنا من أول يوم .. نمنا عالكراتين إلي في المعبر
وفي غزه صار معاي مغامرات عجيبه غريبه سوف ارويلكم ياها واشياء جد فوق ما الواحد نفسيتو تعبانه

بتتعبو زياده ..

اول اشي وأول مأساه الجامعه الأسلاميه .. ياويليييي كتيرررررر تعبت نفسيتي فيها

اول يوم رحت وانا ها مبسوطه شويه ها .. بس طبعا لقيت هناك معامله غير شكل ..

بطسو الواحد طس فش عندهم يما رحميني مش طبيعي المعامله اشي عزااااب ..

رجعت من الجامعه وركبت تاكسي انا وبنت عمي وطبعا احنا ساكنين بغزه وانا شخصيا اول مره ادخل مدينه غزه ..

شقتنا مستأجرينها بالميــنا وأختي من هبلها مفكره انو الرمال هيه المينا التانيه يعني المينا حي صغير بالرمال ..

طلعنا التكسي ولا بقلنا ع وين قلتلو ع الرمال ..

مشي الزلمه مشي مشي ..

ولا بقلنا وصلنا الرمال وين في الرمال ؟؟ قلتلو في المينا التانيه ..

كان زلمه طالع قدام بالتاكسي وصارو يطلعو عبعض انو شو هالغباء إلي مطلعينو معنا بالسياره احنا ..

وخلونا ننزل زي الشاطرين وكان منظرنا بخزيييييييي هههههههههههههههههه ..

تاني موقف صار معنا بغزه ..

لما قصفو بيت الزهار واستشهد ابنو خالد ..

يومها انا وبنت عمي كنا قبل بيوم قاعدين بنتكلم ولا بتقلي بنت عمي لو صار قصف بتستنيني وبتوخديني ولا بتجري وبتسبيني (( بنت عمي شويه ناصحه عشان هيك خايفه اني اجري واسيبها وراي تجري ))

قلتلها لالالالا ولك طبعا بستناكي ..

وتاااااااني يوم كان التاريخ يمكن 3..9 ..2003

ما سمعنالكم غير طياره وقصفت طبعا انااا شفت ناس قدامي نبطحوا فكرتهم ماتو صرت زي الهبايل اعيييييط واجري وبنت عمي طبعا سبتها مش عارفه تقوم بسرعه هههههههههههههههههههههه ..

وقلتلها بدهم يقصفو الجااااااااااااامعه .. طبعا انا مش متعوده عإشي اسمو قصف ..

وبيت الزهار قريب كتير عالجامعه يعني الجامعه نهززززززززت هز ..

طبعا بعد ما رقنا شويه بنت عمي اجت طلعت عليه قلتلي .. مش قلتي بتستنيني اخص عليكي ما اجبنك .. طبعا هيه ما عيطت عشان هيك صارت كل ما تشوف حد تقلو شفتو الهبله اميمه شو عملت هههههههههههههههه ..

وصحيح كمان في اشي بالجامعه بسطني كتير كتير اني شفت الزهار ..

يومها فضحت الدنياااااا اقول هوا ولا مش هوا مش مسدقه عنيه ..

وبنت عمي شافت هنيه .. قبل ما يحاولو يغتالو بساعات هوا والشيخ احمد ياسين الله يرحموا ..

امممممم طبعا كنت اداوم يوم واغيب يوم فش حد يراقبني كنت ما خده راحتي ..

وكل يوم اتصل اعيط بدي ارجع بدي ارجع ما قدرت اتأقلم خالص ..

واكتر اشي كان عاملي قلق بغزه همي الفيران ..

انا واختي وبنت عمي إزا شفنا فار كنا نهز العماره هز ..

والعماره كلها لقرايبنا .. طبعا ما ضل حد غير حكا علينا ههههههههههههههه ..

والله اشي بخوف !! ..

والحين مع اصعبببب موقف صار معاي بغزه ::

يوم العيد 30 ..10 ..2003 ..

طبعا انا مبسوطه بدي اشوف كيف العيد حيكون وصاحيه مبسوططططه ..

ومعيده برفح عند دار عمي ..

جيت صحيت الساعه 10 ولا نزلت تحت عند ستي وعيدت عليها وقعدنا انا وبنات عمي ومرت عمي بصاله

ولا فجأه بعد نص ساعه سمعنا ستي بتنادي تجمعنا كلنا حواليها ..

وقعدت تقول نادولي عمكم عمي دكتور ..

قالت خلو يجي يشوفني انا مش عارفه اتنفس ..

ضلينا نقولها شو مالك شو صارلك ولا صارت تتشاهد اناااااا ركبي سابو من الخوووف ..

ما قدرت اعمل اشي غير اني اضل اطلع شويه شويه بنات عمي بصرخو ومرت عمي بتعيط والكل بنادي ععمي

وعمي فوق بتحمم طلعنالو بنقلو ستووووو تعبانه انزل بسرعه ولا نزلنا ما لقيتها غير لسه بتتشاهد

وماااااااااتت !!!! ..

ماتت قداااااااامي ؟؟ وأول يوم العيد ؟؟ تلت ايام عيد كانو تلت ايام عزاااا ..

كان اصصصصصعب موقف بمر عليه بكل حياتييييييي بنأدم يموت قدامييييي ومين ؟؟

ستي ؟؟

وأول يوم العيد ولسه انا مسلمه عليها من شويه الله يرحمها يااااااارب كانت دايما تقلي انا بخاف اموت وبضلها خايفه من إشي اسمو موت يلا شو بدنا نعمل هيك الله كاتب ..

وبعد بيومين من العزا طالعه انا وبنت عمي نجيب غدا للبيت ولا لحق وراي حصان منهبل ما حد قادر يحوشو ..

وتخيلووووو ؟؟؟؟ الشباب طالعين من المسجد وانا بلحق وراي حصان لاعارفه اجري قدام الشباب ولا شو اعمل

بنت عمي لزغيرا ضربت صوت وصارت تجري هههههههههههههههههه ..

وانا قال قلت والله مأنا جاريه وصار وجه لحصان بوجهيييييييييي ..

ولا مااااااا بعرف مين شدو والزففففت راح من وراااااااي يمااااااااااااااااااا هالموقف شو بكره اتزكروو ..

بكمل بعدين حكيت كتير ما بدي اقرفكم ..

بنت الرملة · 03-04-2008, 06:15 PM

يلا خليني اكمــل ..

المهــمـ حكيــنا عن الحصــان ..

نرجع لجــــامعه طبعا كنت ادخل عالجامعه ساكته واطلع منها ساكته ..

كانت الجامعه تتمنى تسمع صوتي زي مــؤمن ؟؟ بتعرفو مــؤمن ..

اضلي بس اطلع في البنات وساكته ما اتعرف ع حد ادخلها منكدددددده واطلع منها مش مسدقه اني طلعت ..

وكنت دايما قاعده بالأخــير البنات ما بخلوو للواحد مجال يدخل لكلاس بجرو عليه كانو مستجدات

وحالتهن صعبه بتعرفو المستجدات وحركاتهن ..

وانا اضلي بره عبين ما يفضا الممر ادخل ..

ودايما قاعده الاخيره وجودي وعدمو واحد ..

وقال مره جيت مبسسسسوطه لقيت الكرسي إلي قدام فاضي وفش ولا بنت قاعده قدام ..

الكل قاعد بالكراسي إلي وراه انا فردت حالي وفردت غراضي وقعدت بكل ثقه ..

ولا بعدين اجا الدكتور يشرح اميمه مش شايفه إشي عاللوح ..

ولا طلع إنو الكهربا مطفيه ولما الكهربا تطفي الشمس بتضرب عاللوح ولما تضرب عاللوح ببطل يبين اشي عليه

وسمالله عليهن البنات عارفين إنو هيك بصير وانا زي الغبيه فارده دفتري وشنتتي وقاعده ..

وعزت نفسي طبعا ما سمحتلي ارجع اقعد وراه عملت حالي بكتب وانا مش شايفه اشي ..

والان بدي اكتب مواقفي السعيده مع السواقين

مره جايه عالسياره وطالعه فش معاي غير عشرين شيكل ماسكات ..

وطلعت باسياره اجيت اعطي لزلمه لحساب ولا اطلع عليه وكان إلو خاطر يمسكني ويفرمني تحت السياره ..

قلي معاكي خرده ؟؟ يعني فكه شيكل واحد .. قلتلو لا معيش ..

ولا قلي انزلي وبفتح عيوني فيه طبعا كان في ركاب والكل بطل عليه كإني ابصر شو عامله ..

سواق تاني ..

جيت اطلع معاه ولا انا بعرفش انو في ((مينا )) وفي (( مينا تانيه )) جيت عشان اوفر ع حالي قلتلو ع المينا ..

وصل عالمينا قلي انزلي وطبعا ماخد ناس معاي عالمعسكر وطريق المينا والمعسكر وحده بس المينا التانيه مش بطريقو ..

وطبعا قلتلو لالالالالا مش هون عالمينا التانيه يعني ..

قلي وطبعا صار يسرخ (( ليييييييييييييش ما حكيتي من اوووووووووووووول )) ويززززعق

عارض يوخدوووووووو والناس يطلعو عليه .. وراح قلي انزززززززززلي انززززززززلي بسرعه ..

ياااااااااااااااه ما الزني كنت وأنا بنزل وطبعا ضعت صرت امشي زي المجنونه بالشارع ههههههههههههههههههههههههههههه مش عارفه وين انااااااااااااا ..

وفي كمان سواق .. مره انا وبنت عمي كنا نازلين ع رفح وكان معبر أبو هولي مسكر هاد المعبر بين غزه ورفح ..

ولا شو بقلنا تعالو اطلعو معاي بنزلكو عند ابو هولي وبتكملوها قزدره عرفح ؟؟؟؟؟؟ وهوا شايف انو احنا مش من البلد قال يلا بقلهم قزدره بفكرو انو من المعبر لرفح بدها خمس دقايق مشي ..

طلعت يمكن بدها قريب الساعه ؟؟؟ وهوا بقلنا قزدره ..

والحمدلله الله سخرلنا واحد اجا قلو ايش جاي تنصب عليهن بدو الزفت يرمينا عند المعبر ويروح ..

واخدنا طلعنا معااااه ..

يومها اليهود سكرو ابو هولي علينا من الجمبين صرنا لاقادرين نوصل رفح ولا نرجع عغزه والدنيا بررررررررررررد

وكان رمضان وهمي اليهود عمدا سايبينا بين القلبتين (( زي ما بحكو اهل غزه )) وصارو يطخو علينا ويرمو قنابل صوت ..

ومالقينا غير يهودي برقص فوق الدبابه زي الأهبل .. هههههههههه

ولا بعد ما أدن المغرب فتحو علينا المعبر همي هيك بدهم ..

وأول ما طلعنا من معبر أبو هولي صارو رجال ياحرام يرمو علينا تمر يالله شو اعجبت بموقفهم ..

وراح يا عيني السواق جاب لكل واحد بالسياره سندويش منو هيك بدو يفطرهم وكنا 11 نفر ..

جد جد انهم بجننوا ..

وشو كماااااااان

اتزكري يا ميمي تزكري ..

برجع بس اتزكر تزهقووووووووش ..

بنت الرملة · 03-05-2008, 06:00 PM

امممممممم ..

كنــت ناويــة اسيــب المــايكـ ..

بس نظرا لطلب الجمهور اني اكمل مغامراتي بغــزة رح اكمللكم رحلتي في غــزة ..

حكينا عن الحصان والإسلاميه والسواقين ..

نيــجي الحــين لمــنتزه الأزهــر ..

هاد منتزه الأزهر رهــــــييييب خــالص ..

هوا عباره عن منتزه جمب جامعه الأزهر ..

في يوم من الأيام قررنا انا وبنت عمي واختي وبنت خالي إلي بفلسطين نروح على هالمنـتزه ..

جينا لقينا طاولات وكراسي وقعــدنا .. أجــا واحــد قلــنا اتفضلوو قلنالو بدنا كبتشينو ..

قال فش عنا كبتشينو قلنالو خــلص زين ما بدنا اشي ولا اطلع الولد علينا طبعا هوا شب مش ولد

بيجي عمرو 20 سنه وقلنــا طيب قومو عن الطــاوله هــيك لمعلم بقول إلي ما بشتري يقوم عن الطاولات ..

طبعا كل إلي عالطاوله تشنجــو ومش عارفين وين نودي وجوهنا وهوا واقف بستنانا نخلي المكان ..

ولا اختي انقزت الموقف وقلتلو طيب في قهوة .. ولا راح اطلع علينا قال اااااااه فيه قلنالو خلص جيب قهوة نبسط وسابلنا الطاوله ..

الحــين نيــجي لشقتنا إلي كــنا ساكنين فيهــا ..
طبعا بنايتنا كانت قبال البحر وياااااعيني انام عصوت البحر ..
وكنت كـــل يييييوم اطلع عالطابق السابع واضلي بالساعاات يالله ما احلى هداك المكاااااااان ..
البحر قبالي وفنادق الأعراس كنت كل يوم احضر عرس ببلاش ..
بس ينقصني الأكــل ..

اكمللكم عن شقتنا هاي الشقه في قبالها بيت في واحد يا عيني مجنون عمرو تقريبا 30 سنه وما بعرف شو معو ..

كان كل ما يشوف واحد غريب يصير يسررررررخ ويخبط حالو بالحيط ..

ومره انا طالعه عالبالكون بدي اقعد ادرس ولا طلع هاد المجنون وشافني ..

هوا شافني من هون وطقعلكم هداااااااك الصوت ..

يصرررررررررررررررررررررخ ويصررررررررررررررخ .. وانا صرت زي الحراميه اغطي راسي تحت البالكون وشويه شويه ارفعها عشان اشوف شو صار فيه وهوا عينو عبالكونتنا وكل ما يشوف عيوني بينت يرجع يسرخ ارجع انزل راسي يسكت ,, ارجع ارفع راسي بسرخ .. وبنت عمي صحيت عصوتو تقلي شوووووووووفيه
وانا ماااااااكنت بعرف انو بخاااااف من الناس لجدااااد ويمااااا صار يخبط ويكحــت ايدي بالحــيط جد مسكــين ..
بعديين حكــوووولي ..

شو كــمان صار معي بغــزة ..

اه مره كـنت في رفح عن دار عمــي وكــانو كل اسبوع بيوم معين يطفو الكهربا عأنحاء معينه برفح ..
والكهربا كانت مقطوعه في بيت عمي ..

حكولنا تعالو نروح عالبلد هوناك في كهربا قلتلهم يلا والبست العبايه والدنيا عتمـــة وطلعنا وطبعا الشوراع كهربتها مقطوعه ..

ورحنا عالبلد ودخلنا بيت ناس قريبنا بس مش كتير كتير قريبنا يعني انا معهم كتيييييير رسمي ..

ولما جيت اسلم عالناس كتشفت انو العبايه مقلوبه ..

طبعا انا لبستها بالعتمه ومااااااااكنت بعرف ولما دخلت عليهم والضواو عليه ولا نجمــه هليوود الكل بطلع عليه ..

وانااااااااااا مش عااااااارفه شو اعمل طبعا قعدت ابرم ابرم ابرم عشان ابرر لحالي عملتي السوده ياللله
ههههههههههههههه ..

خلص هيكـ !! بدي اخلص حكي عن غزه بالأخيرن روحت من غزه عالإمارات ونبسطت مش لإنو غزه مش كويسه لاسمح الله بس لأنو ما قدرت اعيش بعيد عن اهلي اصعب إشي البنت تطلع لحالها عبلد واهلها يكونو في بلد بس هاد كان المقصد إني ما قدرت اعيش بغزه وأتـأقلم ولا غزه بتسوى كل بلدان الدنيا ..

والحلقه الجاي بكتبلكم اشياء مش عن غزه :p
انتظرونــأ

على مااااااايكـ المنتدى ..

ومن برنااااااامج =-= مين أدكـ المـايكـ بيــدك =-=

حصرياااا على قنــاه ندوش وسنوي ..

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء