دبي ، مش معقول

[ابنة الشتات]

المشاركة الأصلية كتبت بواسطة مؤيد

شكراً كتير الك ابنة الشتات ......

يبدو انو في فهم على غير ما اقصد .....

على العكس تماماً ارض فلسطين من اجمل بقاع الأرض بالنسبة الي ، وحبي لفلسطين اكبر حب ، انا ما بكره فلسطين ابداً وما في حدا بيكره فلسطين ....

لكن انا لما احكي انو نفسي اطلع ، بكون اكيد لإني كرهت الناس الي فيها ، بكره الأوضاع الصعبة ، يعني تحت احتلال نحنا بالضفة ، والناس زهقانة بعضها ، والوضع فعلا ً بالضفة كتير كتير محبط ، مش متل ما الاعلام بصور انو الضفة عايشة بنعيم وغزة بالجحيم ، الكل بيحكي عن معاناة غزة ، بس بستغرب ليش ما بيحكو عن معاناة الضفة ، صحيح انو في مليارات بتجي كل شهر على حكومة الضفة بس هادا كلو انتو بتعرفو وين بروح ما بدي احكي ، القانون بإيد عصابات ومنتفعين حاملين احقاد بقلوبهم على شعبهم ، يعني لسه امس كنت بسوق السيارة رايح بالشارع الا يخزي العين المخابرات الفلسطينية واقفة بنص الشارع ومسكرة الطريق ما في شي بس هيك انو عربدة وهي نحنا هون موجودين وبدنا ندعس عليكو ، يعني كانوا قبالي بالجيب ومسلحين قال ماسكين السلاح ورافعين رجليهم بوجه كل السيارات الي وراهم ، بجد قعدت اتطلع فيهم بحقد وشيء مقرف فعلا اشوف ابن بلدي هيك بيعمل فيي وفينا ، وكمان نفس الشي صارت كتير مع عم الي ولد مراهق من المخابرات قعد يحكي ويسب بكلام على عمي الي عمره 60 سنة والله عيب وقلة حيا ....

عشان هيك الحياة هون مختلفة وصعبة كتير وما في شي تحسن ، وطبعاً شو بدي احكي لأحكي ما بخلص ..

انا مش حابب اطلع من فلسطين بس يعني الوضع كتير سيء وبخلي الواحد غصب من عنو يفكر يطلع بره ..

رغم كل ذلك هيني لحد هلأ ما طلعت من فلسطين ورغم كلشي والله مش حابب اطلع وهيني بحلف ، لكن المشكلة مش قادر ابني مستقبلي وهي كل الي بتخرجو بصفو وما حدا بحترمهم ولا حدا بيسأل فيهم وهينا قاعدين وعم نهدر وقتنا وعمرنا وشبابنا .....

بتمنى تتفهمي كلامي ووجهة نظري بالشكل الي انا بدي ياه .....

يسلمو الك بنت الشتات ..

أخي مؤيد ....

بداية انا فعلا بكنلك كل الاحترام والتقدير مش مجاملة
وصدقني انا بعرف انو انت بتحب فلسطين لو بعرف انك ما بتحبها كان ما تعجبت من الي كتبته...
انا متأكدة من حبك العميق لفلسطين ...


ومو بس انت الي زعلان مشان الأنظار مش موجه للضفة انا بتعذب بسبب هالموضوع
حتى يوم ما صارت العملية تبعت ديمونا طرت من الفرح مشان الشباب من الضفة اكتر شي فرحني
قلت يالا بلكي الأنظار بتتوجه للضفة شوي ...


بعدين يا مؤيد ات شاب بتخاف الله ما شاء الله عنك ازا انت وامثلاك كتير طلعو من الضفة لمين رح تخلوها!!


عموما الشخص الي بتهمه القضية بيقدر يخدمها بكل بقاع الأرض
وربي يوجهلك الخير وين ما كنت
^^

[ضوء القمر]

المشاركة الأصلية كتبت بواسطة مؤيد

بجد صعب اكيد بنت صغيرة وتبعد عن اهلها .......

وأنا كتير بعتذر منك وآسف كتير لإنو كنت بدي اعرف السبب ، بس ما بعرف انو هالشي رح يذكرك بشي مش منيح وهو المرض ، عنجد انا آسف ما قصدت اذكرك بهيك شي .....

وان شاء الله بدعيلك من كل قلبي ربنا يديم الصحة فيكِ والعافية دائماً .....

وما في اغلى ولا احلى من نعمة الصحة والعافية ، ويا ريت كل انسان قوي وربنا معطيه الصحة والعافية انو يشكر ويحمد ربنا على طول ......

وان شاء الله كمان بترجعي بأقرب وقت وما في حال بضل مستمر ..... دوام الحال من المحال ومستحيل هيك يضل الحال معك ...

يسلمووووو مؤيد لشعورك وتعاطفك ولا عادي بس انا حساسة زيادة عن اللزوم

سوينا الموضوع شات هههههههههههه متل نور اليقين

وان شاء الله كل غريب يرجع لاهلو وكل مريض يشفى

والحمد لله على كل شيء

ضو القمر

[عاشقة حماس]

يسلمووووووووووووووو ايديك اخ مؤيد على هالصور الروعه

عنجد دبي روووووووووعه

تستاهل الزيارة

يعطيك الف عافية

[مؤيد]

المشاركة الأصلية كتبت بواسطة ابنة الشتات

أخي مؤيد ....

بداية انا فعلا بكنلك كل الاحترام والتقدير مش مجاملة
وصدقني انا بعرف انو انت بتحب فلسطين لو بعرف انك ما بتحبها كان ما تعجبت من الي كتبته...
انا متأكدة من حبك العميق لفلسطين ...


ومو بس انت الي زعلان مشان الأنظار مش موجه للضفة انا بتعذب بسبب هالموضوع
حتى يوم ما صارت العملية تبعت ديمونا طرت من الفرح مشان الشباب من الضفة اكتر شي فرحني
قلت يالا بلكي الأنظار بتتوجه للضفة شوي ...


بعدين يا مؤيد ات شاب بتخاف الله ما شاء الله عنك ازا انت وامثلاك كتير طلعو من الضفة لمين رح تخلوها!!


عموما الشخص الي بتهمه القضية بيقدر يخدمها بكل بقاع الأرض
وربي يوجهلك الخير وين ما كنت
^^

تسلمي ربنا يخليكِ ...

وانتي عارفة كمان اني يحترمك كتير وبقدرك وبعرفك في المنتدى من فترة طويلة ....

وعارف شو الي بدك تحكيه والي قصدك فيه ....

فلسطين كبلاد ما في احلى منها ، طبيعة ما في بكل العالم متلها ، لكن كل فلسطين بإيد مين ؟ وكل المناطق الحلوة والمهمة بإيد مين ؟ مش بإيدنا بإيد اليهود ربنا ياخدهم ويخلصنا منهم ....

اليهود ماخدين كل شي ، ومخليين النا الفتات من فلسطين ومناطق ما في شي حلو لنعيش فيه ...

ومش القصة قصة لفت انظار للضفة ، لأ مش هيك ، بس يعني الضفة مش كتير احسن حال من غزة .

وحتى لو فكرت اطلع ، ما رح اهاجر وما ارجع ، ممكن اطلع لأكون مستقبلي لإنو هون مش قادر ، بس بكون طالع مكره وكإنو غصب لإنو الوضع صعب كتير هون ، وفي حال طلعت رح يكون بنيتي اطلع بعض سنوات وارجع لبلادي واعيش فيها ، يعني بلادي ما رح اتخلى عنها ولا رح اتركها ، مستحيل هالشي يصير يعني ....

وان شاء الله ربنا بفرجها علينا وبنغير ما في انفسنا كشعب وكأمة لحتى نصير نستاهل النصر من ربنا ... اما هيك ناس وهيك حال للأمة ما بعتقد الاسلام رح يتشرف في هيك ناس تحمله ....

يسلمو كمان مرة ...

[مؤيد]

المشاركة الأصلية كتبت بواسطة ضو القمر يسلمووووو مؤيد لشعورك وتعاطفك ولا عادي بس انا حساسة زيادة عن اللزوم

سوينا الموضوع شات هههههههههههه متل نور اليقين

وان شاء الله كل غريب يرجع لاهلو وكل مريض يشفى

والحمد لله على كل شيء

ضو القمر

لا شكر على واجب ..

ولو خدي راحتك ....

وتشرفت فيكِ كتير ضوء القمر ....

وبتمنالك العودة بأسرع وقت بيننا ...

[مؤيد]

المشاركة الأصلية كتبت بواسطة عاشقة حماس يسلمووووووووووووووو ايديك اخ مؤيد على هالصور الروعه

عنجد دبي روووووووووعه

تستاهل الزيارة

يعطيك الف عافية

اهلا فيك عاشقة حماس ....

زمان عنك وعن مشاركاتك الرائعة ....

وربنا يكتبلك زيارة الها ولفلسطين أولا ً ^.^ ...

[the ruby]

الإمارات تعتبر بالنسبة لي الوطن التاني الأن قضيت فيها طفولتي وحتى الآن ولي بدوا جوله فيها بتكفل فيه

[مؤيد]

المشاركة الأصلية كتبت بواسطة the ruby الإمارات تعتبر بالنسبة لي الوطن التاني الأن قضيت فيها طفولتي وحتى الآن ولي بدوا جوله فيها بتكفل فيه

الامارات بالنسبة الي جزء من بلادنا الاسلامية .....

عشان هيك اي دولة مسلمة هي بلادي وبلد كل مسلم بالدنيا ....

فهيك الي لازم يكون ....

شكراً الك the ruby ...

[نونو الحلوة]

الصور بجننو كتير



مؤيد على فكرة دبي أحلى من هيك كمان مو بس دبي الامارات كلها كمان



انشالله تقدروا تيجو هون عنا عشان نفرشلكو الأرض ورد



يسلمووووووووو على الصور

[جيفارا*نابلس]

المشاركة الأصلية كتبت بواسطة مؤيد

^.^

اه ههههه ...

بس مش عارف حدا بسمي اسمو عاصي ؟؟

مش لاقي احلى من هيك اسم يعني ....

يسلمو جيفارا

هو ما اسمو عاصي

هو اسمو محمد

بس ماحب يكون اسم محمد مغني فأختار اسم عاصي

ولكم