:: الرسول عليه الصلاة والسلام يكـــرم قــــادة حمــــــاس :: رؤيــــا

[.:.!دموع الرحيل!.:.]

المشاركة الأصلية كتبت بواسطة @ نور @ لأ ما تتأسفي حبيبتي انا كمان بحب البرم هههه

عموما فكرتك وصلت و انا فاهمها والله من غير ما تحكي :)

بالنسبة لكلامي عن المبالغة فأنا فعلا لسة عند رأيي

يعني أولا :

- مش أي واحد ممكن يصدق هالقصة خصوصا انه ما في مصادر موثوقة 100 % ... ما عم بحكي انه كذب لكن حطي حالك مكان المتلقي

- ثانيا انتي شايفة الزيطة و الزنبليطة اللي حصلت في الموضوع و انه احدث لغط كبير ع الفاضي
و خصوصا انه في انتشار كبير لمثل هيك قصص

صار اي واحد يجي و يحكي انه شاف النبي صلى الله عليه و سلم و يقعد يرسل هالرسائل بالايميلات و كثير ناس بصدقوا للأسف

- ثالثا انتي عارفة رأيي في حماس و قادتها *_^

يعني كلامي ما بعني اني ما بأيدها ^^

لكن في نظري اننا في غنى عن هذه القصص - المشبوهة - على الاقل بالنسبة للبعض

اذا كانت هذه الرؤيا فعلا صحيحة فاللهم لك الحمد ،، و نحسب قادة حماس اهلا لهذه الكرامة ولا نزكيهم

لكن انه نحكي مرة وحدة - الرسول يكرمهم - فأعتقد انه الموضوع مبالغ فيه بصورة كبيرة

و اذا حصل و حدا ما صدق فما في داعي لردود الفعل اللي حصلت في كثير ردود للأعضاء

هو حر ان ما صدق ،، و اذا صدق فهو كذلك حر

<><><><><><><><>

أظن اننا مش بحاجة لنشر هذه الرؤى لأن ضرر النشر اكبر من نفعه

^^

اعتقد فكرتي وصلت ،،

بوركتِ دموع ^^

هلا نور حبيبتي مرة تانيه

بالنسبـة لكلامك هيدا بضل من وجهة نظرك

بس رح أحكيلك شغلة وحده بس

يمكن تغنـي عن مليون سبب ..

مش مستعدة أحرم أصغر واحد بحمـاس من هيك بشرى وفرحـة

كرمـال نـاس مش عاجبهـا او بدهـا تيجي تعلق !

يعني مش أول ولا أخر موضوع هني بعلقوا عليه ..

ولا أول مرة بنزلو أكاذيب ..

عـادي جدا ! ^^ كنت متوقعه هالردة الفعل منهم وأكثر

ومش مضطرة أعمل حساب .. للي مش عارف قيـمـة المجاهدين

واللي .. بيطلب الحلوان يوم استشهاد حسام الزهـار واستشهـاد المجاهدين ويتنظرون بفارغ الصبر

نبأ موت قادتنـا والخ .. :)

طبعـا هيك كلام مش رح يفرحهم .. متل ما كل الحقائق بتغيظهم :)

لذلك .. مجرد ما الرؤيـا طلع خبرهـا من أم محمد الرنتيسي ..

فمـا عاد هناك مجال للشك .. بإذن الله

ولن أحسب أي حسـاب لمن اعتادو على الكزب ,, وتشويه صورة المجاهدين .. وتلفيق المواضيع الكاذبة

ما شي جديد يعنـي !

ردود البعض .. ما استغربتهـا أبدا ع فكرة .. كنت مـتأكدة أنـه رح يزعجهم متل هيك كلام

متل ما هـو ع أرض الواقع قامت قيامتهم لمـا حكتوا ام محمد الرنتيسي

ما ذنبنــــا والله يا نور

وبالنسبـة لي .. لن أوفر أي فرصـة عندي يقين فيهـا للتعريف بهؤلاء العظام

ومـا بهمـنـي ابدا رأيي من وقف بصفهم كل الإعلام المخادع .. في تشويه صورة حماس والمجاهدين !

يكفيهم إعلامهم .. ومنابرهم والدول العظمى معهم ^^

ولنـا كامل الحرية بعرض كل ما نحن على ثقة به .. طالمـا لم يخالف لا شريعه ولا قضية ،،

ولو كـان هناك من تضرهم

بعض الحقائق ؟! .. (( مش مشكلتنـا يعني ! ))

ااما ردة فعل الأعضـاء الي دافعوا فهي عادية جدا ..

لو سمعنـا حدا بيحكي ع أمهـاتنـا أو أبائنـا .. مش رح نسكتله

نسكت للي بيحكي على الي همي أغلى من امهاتنـا وأبائنـا وأرواحنـا كمان !

ما أظن :)

ولو اني مع انه الواحد يطول بالو أدد ما بيقدر ..

بضل المفروض نحن نلتزم بالحلم والـصـبر

وما بنحكي غير حسبنـا الله ونعم الوكيل

والله يبارك إلنـا بمجاهدينـا وقادتنـا ..

قرة أعيننـــا في هذه الدنيـــــــا

هلا نور حبيبتي

[.:.!دموع الرحيل!.:.]

المشاركة الأصلية كتبت بواسطة روح الاقصى طيب احلفي انها حافظة القرآن واكثر من ألف حديث

ضحكتيني وانا ما الي نفس اضحك

[خيـرَ أُمـة]

ما شاء الله صاير زحمة هنا ...

في البداية بشكر الي بعتلي الرابط ... الله يجزيه الخير.


قبل عام ونصف تقريبا والدتي مع مجموعة من النساء استقبلو السيدة ام محمد زوجة الدكتور عبد العزيز الرنتيسي وكان اجتماع لجمع التبرعات والحمد لله كان اجتماع ناجح... طبعا والدتي قالت لي عن القصة التي سمعتها مباشرة من ام محمد الله يحفظها.

الموضوع جميل وانا اصدقه خصوصا انه جاء فيه رسالة لخالد مشعل انه اتقي الله و فترتها كان خالد مشعل تصريحاته نارية غير متوافقة مع تصريحات حماس في الداخل ... مش موضوعنا ...

لكن الموضوع ليس له دلالة شخصية يعني كل مجاهد صادق في ارض فلسطين بالتأكيد الله ورسوله مع هذا المجاهد الصادق ... اما نمسك رؤيا ونحكي انها تكريم لجماعة بعينها بتصور انه جانب الصواب خصوصا انها رؤيا ما بتتاخذ دليل ... احنا دليلنا القران والسنة .. والقران والسنة بينو مش بس تكريم للمجاهدين وانما بين لنا فضلهم و وقوف الله الى جانب من ينصره وبين لنا فضائل الجهاد وانهم أقرب العباد الى الله ...

يعني الموضوع مش رؤيا وانما حقيقة ذكرت في القران والسنة ومش معقول ندور على اثبات في رؤيا واحنا عنا كتاب وسنة ومش معقول نتعصب لفئة ونقول انه الرسول أكرمهم بشخوصهم.


اسف على الاطالة بس حبيت اوضح انه القصة مش رؤيا وانما حقيقة و وعد من الله ورسوله لمن صدق الله ورسوله وهم كثر ولله الحمد ... سواء من حماس او من غير حماس.

أخوكم

[.:.!دموع الرحيل!.:.]

كلامك 100% يا اخ احمد

ما عندي اي تعليق عليه ..

وهو تأكيد للكلام الي أنـا حكيته ببعض ردودي .. انه الواقع لابد انه يفرض نفسه

والمجـاهدين معروف مقامهم عند رب العالمين

وهاي الرؤيا لابد انه تدخل السرور على قلب كل محب

اما بالنسبة للمجاهد خالد مشعل .. فربنـا أعلم بوضعهم .. وهو أدرى بوضع حمـاس بداخلهـا

وعلى جميع الأحوال .. جلّ من لا يخطـىء

على قولتك مش موضوعنـا ..

نورت أخـي أحمد ..

ما تحرمنـا ^^

[دلوعه العيون الساحره]

سبحان الله ..!

والله الجمت لساني هذه الرؤيا .. لا اله الا الله ..

دليل صدقهم .. فليعتبر كل من يشكك بهم ..

[.:.!دموع الرحيل!.:.]

الحمدلله

ربنـا يبارك فيهم وبكل مجاهد مخلص

نورتي حبيبتي ^^

[إشراقة أمل]

سبحان الله وبحمده سبحان الله العظيم

اللله معك ياحماس

والنصر لكم باذن الله

[.:.!دموع الرحيل!.:.]

آمين يا رب العالمين

نورتـي يا عسل

[خيـرَ أُمـة]

وهو تأكيد للكلام الي أنـا حكيته ببعض ردودي

معلش اختي سامحيني

الموضوع أخذ 8 صفحات وصعب اقراها كلها .. بس ممكن تجمعي الردود وتعمليهم كتاب بزنس يعني

ما شاء الله بيروت مليانه مطابع


يعطيكي العافية.

[روح الاقصى]

المشاركة الأصلية كتبت بواسطة .:.!دموع الرحيل!.:.

ضحكتيني وانا ما الي نفس اضحك

قصدك ضحكتني

والله اني شاب

احلفي اني شاب