بنات المنتدى بدنا نتعرف عليكو اكتر بليييز

[swarlal]

لا تزعلي يا عمري بس أكيد الكل مشغول في الامتحانات وهي عن نفسي " هلأ الواحد خلص متحانات وفاضي "
أنا swarlal" واسمي ساجدة "
عمري 20سنة دخلت فيهم جديد أدرس في الكلية تربية خاصة وان شاء الله قربت أتخرج
أنا أصلي فلسطينية من عين كارم " قضاء القدس " بس للأسف ما زرت فلسطين ولا مرة لأني لاجئة في الأردن
بس والله روحي معلقة في فلسطين وبنام وبحلم اني فيها ودايما بدعي اني أسافر لأرضي
بحب كثير الصداقات وعندي الصديقة أغلى شيء في حياتي بعد " ديني وفلسطين وأهلي"
هوايتي القراءة والكتابة والنت
أتمنى من الله أن أصلي في كنف الأقصى وأن تكون بنوتات المنتدى صديقاتي لأنهم من ريحت البلاد

بحبكم وبحب أرضي

[ضوء القمر]

تسلميلي ساجدة

ماااااااااشي يا صبايا

لافجركو ههههههه

ما تصدقوني ما بعرف اضرب نملة

[بريئة غزة]

انا بعرفك وانتي بتعرفيني كويس
انا عيوش بنت عمك عمري 16 سنة بدرس ولساتني صغيرة
بس مستقبلي قدام عيوني ونفسي اكبر بسرعة واطلع للمستقبل
هوايتي اني اصنع شغلات يدوية للي بحبهم امثالك
وكمان اني اكتب خواطر لاصحابي وانا بحب اللون الاحمر لانو لون دم النصر القادم لفلسطين والاخضر لانو لون الجنة

[تالا العسل]

موضوعك حلو كتير

انا اسمي نور عمري 17 ونص

هوايت المفضلة تقليد الاطفال وحكيهم"بس لاتقولو عقلى صغير شو اعمل يعنى هاى هوايتى"

وكتابة الخواطر

بحب اللون الازرق لانو لون البحر

دراستى...توجيهى السنه الجاية ان شا لله

طموحاتى هلاء انى انجح واحصل نتيجه عاليه

ونفسى اكون صحافية فى المستقبل

وبس بكفى

[نونو الحلوة]

موضوع حلو ومميز


مممممم قصتي طويلة


يلا جيبو شاي واسمعوا


انا نونو الحلوة هون واسمي ممممم نعوم ( اسم الدلع)

عمري 21 وشهر سبتمبر بكمل 22

انا فلسطينية الأصل اماراتية الجنسية

ولدت في الامارات وبعدني عايشة هون، وين بدي أروح يعني

درست اعلام ( اذاعة وتلفزيون) بجامعة الشارقة و الحمدلله خلصت هالسنة الجامعة

بشتغل بتلفزيون الشارقة كمذيعة تقارير بس هيك وعم بدور على شغل تاني

ممم هواياتي: الرقص والنت والكمبيوتر ووو السباحة

ما بحب البنت اللي بتكون صحبيتك عشان مصلحة

ممم شو كمان

بحب بنات المنتدى وإلككم معزة خاصة بقلبي

بحب اللون الأزرق والبنفسجي والوردي

فيكو تسألوا ازا بدكم

يسلموووووووووو صبايا عنجد الموضوعع بخلينا نتعرف عليكو اكتير

[فارسة القسام]

الاسم:آلاء عمر

العمر:الله أعلم

الجنسية:فلسطينية

مكان الإقامة:قلقيلية -فلسطين

الهواية:الرسم

العملـ:طالبة مدرسهـ

أمممم شو بتحبو تعرفو كمان

[فراشة فلسطين]

عمري:17 وحصير 18 في شهر واحد
جنسيتي :اكيد فلسطينيه ونعم فيه ومواليد الدوحه
هواياتى:السباحه والنت وكمان بحب اتعرف على البنات

[Mira]

انا اسمي ميريم
عمري كمان كم ساعه بطبق ال18
فلسطينيه من الناصره بس عايشع بالسعوديه
خلصت مدرسه بس لسه مش عارفه شو بدي ادخل بالجامعه
هواياتي السباحه والقراءه والكتابه وركوب الخيل والرقص(لما اكون طفشانه) هههههههههههه
خجوله وحساسه كتير يعني بزعل بسرعه
ومن كلمه وحده بزعل حتى لو حد حكاها بدون قصد وصارت كتير معي بالمنتدى
المهم
اكتلا شي بحبو بالبنت تكون طيوبه وماتكون شايفه حالها
وانا بامن بالصداقه بين الشب والبنت يعني عادي اصاحب شباب او بنات
امنيه حياتي يتحقق حلمي الي ببالي( انتو ادعولي الله يخليكم)
وبعشق شي اسمو بحر
وشو بدكم كمان

[نونو الحلوة]

حلو كتير


يعطيكو ألف عافية صبايا


أهلا وسهلا فيكو ، اسألوني ازا بدكم

[اوتار الحرية]

حلوة هل الفكرة يسلمو يا ضوء القمر.........................
اما انا عمر 14 طالعة عـ الصف التاسع ................................... .......
عيد ميلادي بشهر 4 بيوم 13................................. .........
بحب اعيش حياتي على مزاجي .................................
بحب البساطة............................ ..................