عزة نفسي ما بتسمحلي ضل هون ( تـحـ البشر ـدوهـ ) أنا راحل فشكراُ لكم

[تحـ البشر ـدوهـ]

مشكورين يا جماعة ع الاهتمام


اوكي اخواني / أخواتي

اعتبروا الموضوع انتهى


انا بحاول اني اتعدا هاد المطب


مع العلم اني نجرحت


بضل انسان والي مشاعري يعني


ينحدف توقيعي تلات مرات صعبة شوي


اوكي يا جماعة انا اجا دوري اتأسف


اسف اشغلتكم معاي

[[ Islam ]]

وعليكم السلام ...

حيّاك الله أخي تحدوه البشر ..

أولاً يا أخي الكلام الي قاعد تقوله مش منطقي أبداً .. الأخت دموع الرحيل ما حذفت توقيعك لأنها بتكرهك

ولا بتعاندك وبدها تعارضك ,, حذفت تواقيعك لأنها بتعارض قوانين المنتدى ..

في قانون بقول .. ممنوع وضع صور نساء في التواقيع .. وممنوع وضع صور ملفتة للنظر ..

والي حابب يسجل في اي منتدى لازم يتبع كلللل القوانين بحذافرها .. والي مش عاجبه ليش سجل في المنتدى

بعدين قلتلك هي انو هاي الصور تؤثم عليها ... وتتحمل في رقبتك اثم كل واحد يطلع عليها ... انت

تقبل هالشي على

نفسك تتحمل آثام علشان صورة لا اجت ولا راحت ..

يا أخي الموضوع مش مستاهل ليش انت مكبر الامووور ؟!!!

[تحـ البشر ـدوهـ]

[ashrafo]

اوووف اووووف اوووووووووووووووووووف ....,,,,,.....

هكرااااني طلعت يابو الشباااب هاااا ..

اول شي بهديك اغنية عزة نفسي لصاابر الرباااعي ..

تعرف شي لهلا ما اعترفت فيه لحد ا الا انت وعشان ما حدا بيعرفني هون بالمنتدى .. وما حدا يروح

يفضحني عند والدي ..!!

اول ما تعرفت علوم الهكر وتمكنت من بعضها .. اول شخص اول محطة في حيااتي الشركة تبعنا وجميع

مؤسساتها .. .. وطبعا بتعرف كيف الشخص اللي بهكر اول مرة لازم يرضى غروووره ..

طبعا انا ما توقعت انو هيك حجم المصيبة اللي راح اعملها هيك..

كل شي اتهدم في الشركة من بيانات ..

ولكن من فضل الله على اخوك اشرفو انو قاعدة البيانات الرئيسية لم تصب بأذى ورجع كل شي

مكانو مع بعض اخطاء طفيفة ..!!

هاد الكلام صارلوا 6 سنين ولهلا والوالد بيسأل آآآآآآآآآخ لو اعرف مين ابن اللي هيك وهيك اللي

عمل وخرب سيستم البيانات ..!!

والله ياااااا بو اشرفووو ما طووول شي من هالخبــــــــر ،،،،،

ولك ياااعمي مو مستاااااهلة هلا هااد كلوو عشااان توقيع وعشاان موضووع مغلق ولا هو معلق ..!!

اصلا بدي احكيلك سر . اوكى بيني وبينك ..!!

لولا الاعضاء المشاكسييين ما كان إلهم اهمية المشرفين .. افاا

المشرفين في خدمة الاعضاء ..!!

لو مافي سرقات ومشاكل كان الشرطة مالها داعي وقس على ذلك امور الاشراف والمراقبة ..!!

خليييك رواااااء رووووء حالك وانشالله خيير .. ايزي يا تحدووووه ؟؟

ومو كل مايصير شي بهالمنتدى بروح الواحد يزعل وبيطل يفوت ويحرد مدة طويلة ..!!

لانو ازا كنتو بتعتبروا حالكم اعضاء وشبهتوا نفسكم بتشبيه حلو انكم عيلة وحدة وكل مع بعض ..

يعني هاد شي حلوو والعيلة الموحدة فيها اختلاف من اراء واجناس شبااب وصبايا وكل واحد الو نظرتو

وفكرتو واسلوبو وحتى لو زعل من اي حدا من احد افراد العيلة و مهما كثروا اللي مزاعلينو او صار بينهم

سوء تفاهم .. ما اتوقع انو الحل الوحيد هو الخروج من دائرة العيلة ..!!

بالعكس انا بعتبر هاد ضعف شديد .. لازم تناقش وتفرض رأيك وحلك للمشكلة على مدى حبك لعائلة

المنتدى ..!!

وسعوووا قلووووبكم ... يااااااااااريت لو هيك مشاكلي انا .. كاااااااااان هااانت علينا دنيااانا ..!!!

تقبل مرووووووري عزيزي تحدوووووه ،،،،

[تحـ البشر ـدوهـ]

[limar]

اخي العزيز والله الموضوع مو مستاهل تخسر اخوة عشانو
طيب وانحزف ميت توقيع بتصير عادي
المنتدا هون هيك قوانينو
وانت كتير مميز الصراحة ومن اول ما سجلت بالمنتدا اثبتت وجودك وحرام بعد ما اثبتت وجودك تترك
ما بعتئد انو هاي مشكلة تخليك تترك المنتدا عشانها
فكر اخي وفي تواقيع كتيرة ممكن انك تحطها بالمنتدا وما بتكون مخالفة
بعدين اخي الموضوع لا يتعلق ابدا بالكرامة
ما حدا بئدر يمس كرامتك ابدا شي اكيد انها محفوظة هون
يمكن باقي المنتديات قوانينها بالنسبة للتواقيع اسهل شوي
بس هون هيك القوانين واحنا متل اخوة ومنتفهم بعض
هادا رايي والقرار الك اخي
بتمنى انك تتفهم وضع المنتدا
ويعطيك العافية على كل جهودك

[تحـ البشر ـدوهـ]

[اسيرة النجوم]

لاااا يا اخي تحدوه البشر

والله دموع الرحيل مو قصدها اشي

بس القوانين بتمشي عالكل

وانا في مرة اهدوني توقيعين في مرة واحدة وحذفوهم لالي

وما ازعلت لانو بعرف اني خالفت القوانين

مشان الله لا ترحل وضلك معنا للنهاية

ومع الوقت راح تعرف دموع الرحيل منيح وراح تعرف اديشها روووعة

يا اخي ضلك معنا ترا الاخوة ما بتنباع بمجرد توقيع انحذف

وبعدين مين راح يحط مواضيع في القسم الاسلامي اذا انت رحت

بدنا ياك تفيدنا بمواضيعك الرائعة صراحة

يلا انسى الموضوع ولا كأنو صار اشي بنوب

وخلاص ولا كلمة اسمع كلام ستو اسيرة

يلا اخي سكر الموضوع ولا بقى اسمع طلوع من المنتدى تاني

[عبير فلسطين]

لهلهلهلهله
شو هالحكي يا تحدوه؟؟!!!
بالهسهولة بتتخلى عن أخوتك زي ما حكيت؟؟!!!
أخي تحدوه صلي عالنبي وما تتسرع وتحرمنا من مواضيعك الرائعة :)
وبعدين أكيد الادارة اذا ما كانت شايفة انه هالحذف لمصلحتك قبل مصلحة المنتدى والاعضاء ما حذفته...
طول بالك وفكر منيح :)

[تحـ البشر ـدوهـ]

مشكورين يا جماعة ع الاهتمام


اوكي اخواني

اعتبروا الموضوع انتهى


انا بحاول اني اتعدا هاد المطب


مع العلم اني نجرحت

بضل انسان والي مشاعري يعني

ينحدف توقيعي تلات مرات صعبة شوي يعني

اوكي يا جماعة انا اجا دوري اتأسف

اسف اشغلتكم معاي