شباب فلسطين

عاشقة حيفا · 02-09-2008, 07:29 PM

غرفة تحقيق. الضابط جالس على الكرسي.

الجندي:

( يؤدي التحية للضابط) احترامي سيدي. المتهم موجود وجاهز للتحقيق.

الضابط:

دخله..

الجندي:

(يؤدي التحية) سيدي.

يخرج الجندي ويحضر المتهم. المتهم يبدو غير مبالي ويجلس بعدم
>>احترام
على الكرسي.

الضابط:

اقعد كويس يا متهم!!!

المتهم:

(يبدو غير خائف) تسك.

الضابط:

يا وقح. قلتلك اقعد
>>كويس.

المتهم:

(يبتسم بسخرية) هه.

الضابط:

شو هالعالم. شو؟ شكلك مش خايف؟

المتهم:

انت شكلك ما بتقرأ جرايد.

الضابط:

(مستغرباً) انت؟!! شكلك؟!! شو مجنون انت؟ كيف بتحكي معي هيك؟!!

المتهم:

يا حبيبي من ايش اخاف؟ انت ما قرأت بالجرايد انه ما في تعذيب
>>بالسجون
الاردنية؟

الضابط:

ما في تعذيب؟!

(باستغراب) انت بتصدق حكي الجرايد؟ اكيد رح تنبسط لما تعرف انه في
تعذيب ما ببين اثره على الجسم لكن مفعوله خطير! فإذاً، بدك تعترف
بسرقة قطع السيارات ولا لأ؟

المتهم:

قطع سيارات؟!

(بسخرية) ما بعرف عن شو
>>بتحكي.

الضابط:

اعترف احسنلك. كل المسروقات كانت عندك بالبيت.

المتهم:

انا صحيت من النوم لقيتها تحت تختي!

الضابط:

يعني ما بدك تعترف؟

المتهم:

(بلا خوف) لأ ما بدي اعترف.

الضابط:

(ينادي على الجندي) يا حامد!

الجندي:

(يدخل الغرفة) نعم سيدي؟

الضابط:

المتهم ما بده يتعاون ويعترف. جهزلي الغرض.

الجندي:

(بشك) سيدي انت متأكد؟ الغرض ما غيره؟!

الضابط:

(بحزم) بسرعة!

الجندي:

حاضر سيدي.

(يخرج بسرعة وهو ينظر نظرات شفقة الى
>>المتهم).

المتهم:

(عرقه يبدأ بالتصبب) شو رح تعمل؟!

الضابط:

ما بدك تعترف؟!

المتهم:

(يبلع ريقه) لأ. ما بدي.

يدخل الجندي ومعه اوراق.

المتهم:

شو هدول؟؟!!

الضابط:

خده واعطيه الغرض.

يمسك الجندي بالمتهم بشدة.

المتهم:

(برعب) شو رح تعملولي؟

الضابط:

رح تقدم امتحان رياضيات تبع التوجيهي الورقة الثانية ومن ضمنه سؤال
النملة المتحركة وبعدها رح نشوف اذا رح تعترف او لأ!

المتهم:

(مرعوب) لأ يا سيدي! بترجاك بلاش امتحان توجيهي!!! ان بعرضك!!! خلص
بعترف…
>>بعترف!!!

الضابط:

(منتصراً) خده وخليه يعترف بكل شي.

المتهم:

(يصرخ بأعلى صوته والجندي يسحب فيه) ارجوك! بلاش النملة المتحركة.
مالها الفلقة؟ او حتى الخازوق؟ اي شي ولا امتحان التوجيهي!

يخرج الجندي بالمتهم. ينفش الضابط ريشه ويرتاح في كرسيه.

الضابط:

(مبتسماً) شكراً يا وزارة التربية والتعليم! ربينا المتهم وعلَمنا
عليه! كنت عارف انه امتحان التوجيهي لا بد إله فايدة!

جرحٌ بملامح انسان · 02-09-2008, 07:46 PM

هههههههههههههههههههههههه

عنجد بعرف انه أصعب منهج توجيهي تاع الاردن والامتحانات كمان

بس شكلها فلسطين باخر سنتين حطمت الرقم القياسي *_*

تسلمي عاشقة حيفا ^ ^

عاشقة حيفا · 02-09-2008, 07:55 PM

المشاركة الأصلية كتبت بواسطة جرحٌ بملامح انسان هههههههههههههههههههههههه

عنجد بعرف انه أصعب منهج توجيهي تاع الاردن والامتحانات كمان

بس شكلها فلسطين باخر سنتين حطمت الرقم القياسي *_*

تسلمي عاشقة حيفا ^ ^