( ْ ’ ~ تكريــــــم لأعز البــــشر على قلبـــــي ~ , . )

[صاحبة القلم الحزين]

السلام عليكم و رحمة الله و بركاته


/// شغلوا السماعات ///


:sh79:

عجيب أمر تلك الأيام..

‏
تأتينا بمفاجآتٍ وهدايا لا تخطر ببالنا !!
‏

ترمينا بسهامٍ تخترق الفؤاد..

‏
تدمي القلب بأسى ودموع..

‏
ثم ترسل لنا من يكفكف تلك العبرات !!

‏
ترسل لنا من ينتشلنا من كبد الألم..

‏
من يحتضننا ويحتوينا بحنانه الدفاق..

‏
ترسل لنا من ينسينا طعم الحزن ويضمد الجراح..

‏
‏* * *

‏
يأخذنا معه إلى عالم طاهر..

‏
يحملنا فوق السحاب..

‏
حتى نكاد نشعر به يداعب الفؤاد..

‏
كلامه بلسم للروح وشفاء لعلة الانسان..

‏
إنه ليس بملاك..

‏
بل هو بشر خصه الرحمن بهالةٍ من ضياء..

‏
قد يدعى صديقا.. ولكني أحبذ أن أدعوه..
‏

§ أختي بالله §




‏
جمعتني بها كلمات بدأت بالصفحات الالكترونية..

‏
ثم لم تلبث أن تحولت لأصوات مسموعة بالهاتف..

‏
حتى استقرت أخيراً لتظل حفراً منقوشاً بالقلب..

‏
أخذ طيفها يلازمني طول النهار حتى إذا حل المساء سكنت روحي وخشعت بالدعاء لها..




‏
لم تنجح المسافة الجغرافية بتفريق من جمعهم الله بحبه..
‏

فتقربتُ منها..

‏
تعلمت لهجتها وأتقنت لكنتها..
‏

عشقتُ اسم بلادها.. حبا لها..

‏
صبرت بتعليمي قواعد المغربية وأعدت الاختبارات لتقيمني!

‏
أحست مرة بأنها قد أغضبتني فهرعت مسرعة للمنتدى..
‏

اعتذرت أمام كل البشر وعبرت عن حبها لي..
‏

لم تترك فرصة إلا واغتنمتها كي تظهر مشاعرها نحوي..

‏
لم تقصر مع أحد ورب السماوات يشهد..
‏

عشقت فلسطين وعشقت أهلها..

‏
حتى غدت هاجسها الوحيد ودعاءها الدائم..


‏
‏* * *‏




أميرتنا اليوم..

‏
تغادرنا لأنها كعادتها تأبى أن تقصر في شيء..

‏
ظروف حديثة أحاطت بها.. سرقتها منا..

‏
وكم يعز علينا الفراق....
‏



‏
§ أسيرة النجوم §

‏
تقصيري معك أشهد عليه كل الأنام..

‏
ولكن عشمي بكرمك وحلمك وسمو أخلاقك..
‏

§ أسيرة النجوم §




‏
كم حلمت بأن ألقاك..
‏

ولكنه وعد من رب العباد..

‏
بأن يجمع من تحابب فيه،، تحت ظل عرشه يوم الحساب..

‏
فأملي بلقائك أبدا لن يمت..

‏
و يقيني برب العزة أن يجعلنا على سرر متقابلين..

‏

‏* * *

‏
أعضاء منتديات شباب فلسطين الكرام..

‏
اسفة للأطالة أولا..

‏
وأدعوكم ثانيا لتكريم حبيبتي بالله..

‏
فهيا أيها الغوالي..

‏
أفيضوا علينا بعطائكم لنكرّم غاليتنا..

‏
سطروا هنا ما شئتم من ذكريات وآمال وأماني..

‏
بوركتم جميعا..


‏
‏* * *

‏
§ أسيرة النجوم §

‏
والله اني أحبك بالله..
‏
سامحيني..

‏


‏
لله درك قد حباك بفضله

خلقا تجاوز في الثناء نشيدي

أوتيت قلبا كالنسائم رقة

قبل القريب عطاؤه لبعيد

بيني وبينك ألفة ومحبة

يسقي كلانا غرسها لمزيد

بيني وبينك يا أخية تواصل

لو غاب صوتي فالدعاء بريدي!

‎
:sh11:



لكم عندي سلام من فؤادي...

كماء المزن يسقي كل وادي

سلام فاح في الأفاق مسكا"...

يطيبكم بأشواق الفؤادي

سلام لو رأه الناس يزهو...

لمدوا نحوه كل الأيادي

ولكني أخص به أناسا"...

هم الأقمار من بين العباد



/// ســــــــــامحيني ///

[أميـرة فلسطين]

يشرفني ان اكون اول من يرد على موضوعك الرائـــع

ما شاء الله سلمت اناملك ..

والله يزيد المحبة بينكم..

أسيرة بجد انسانه رائعه وبتستحق المزيد لسا ..

قلبها كبير وطيب كتير !!

لو بدي ضل اكتب ما بخلص لبكرة !!

بس انا زعلانه منها شوي :( دبه..

يسلموو ايديك صاحبة القلم الحزين

موضوع رائع



كل الاحترام والتقدير لكِ

[نسمة بلادي]

يا الهي ما اجملها من كلمااات

اسيرة النجوم الغالية لو فارقتنا لكنها ستظل في ذكرانا

وفي قلوبنا لما قدمته من تميز وابداع في هذا المنتدى

اســـــــيرتي الغالية منذ دخولي لهذا المنتدى احببتك واحببت بلدك المغرب وانتِ

وجميع من ينتمون الى هذه الارض الطيبة

لم اكن اتخيل ان في هذا العالم اناس طيبون من امثالكم ....

صدقيني انني اعتبرك بمثابة اخت عزيزة تنتمين الى فلسطين الغالية

واخيرا ادعوا لكِ بكامل التوفيق والنجاح في حياتك العلمية والعملية

ربي يسعدك ويهنيكِ في حياتك حبيبتي وما تنسينا

ما شاء الله عنك يا صاحبة القلم الحزين كلماتك رووووووعة

واظهرت شخصية هذه الاخت الغالية فهي تستحق كل الخير

[أحلى مايا]

عنجد شي بدايئ انو وحدة متل اسيرة رح تترك ما شاء الله عليها بنوتة حبوبة كتيير وبتعمل جو بالمنتددى الله يوفئها

موضوعك روووعة ويعطيكي العافية والله لو نعمللها اكتر من هيك بتستاهل اكتر كمان

[أم البراء8710]

السلام عليكم ورحمة الله وبركاته
ما شاء الله .... الله يبارك في اخوتكم ومحبتكم لبعض
ما اجمل الحب في الله
خيتو صاحبة القلم انا متأكدة انه كلامك الرائع عن اسيرة النجوم طالع من القلب.... وانا اكتر من متأكدة انها مش رح تضل زعلانة منك لما تقرأ الموضوع لانها رح تحس بكلامك انه من القلب الى القلب
اخيتي اسيرة النجوم............ ما عمري شفت حد بحب حد هيك حب صادق في الله من دون ما يشوفه زي حب صاحبة القلب إلكم.. لدرجة انه في معظم مجالسنا بتكون في سيرتكم واذا بتصدقي انه صرنا نعرف لهجتكم واخباركم وحتى الجملة اللي قلتيلها اياها لما بدها تحكي على التلفون،، احفظناها ........... ولو تعرفي بس كيف كتبت هدا الموضوع.. كانت الساعة 1 بالليل وعلى البلفون،، انت متخيلة قديش قعدت تكتب فيه؟؟؟والحب بعمل اكتر من هيك.........................
اسيرة النجوم........ انا يمكن ما حكيت معك كتير ومش من المتابعين الجيدين للمنتدى ولكن..:: اني والله احبك في الله على حب صاحبة القلم الك
الله يخليكم لبعض يا رب وما يحرمكم من بعض
وشكرا

[S M S]

صاحبة القلم الحزين ،،


كيفيتي ووفيتي والله //

وحكيتي كلام نابع من القب // صادق // كلو احساس //



اختي اسيرة ،، والله بعز علينا فراقكـ // مشرفة فريدة من نوعها // فيها لمسة روعة وطعم خاص لردودها بالمنتدى // رح نفتقدك والله ..


الله يساهل عليكي ويوفقك بحياتك يا رب ويجمعنا فيكي بأقرب وقت ،،



رجااء خاص // لو سمحت لك الفرصة أنكـ تطلي علينا طلي ولو بكلمة ولو برد ولو باهداء ..



اسف لقلة الكلمات ،،



كل الود والاحترام //

[أنين]

بصراحه يعني مو عارفه شو أرد

الله يجمعكم مع بعض يارب ...

والله بعز علينا فراقك حبيبتي

وانتي من الناس الي ما اعرفتهم بس دخلوا قلبي بسرعه

واكيد خساره ئلنا فراقك ..

[اسيرة النجوم]

ميرووو



والله الدموع مش مخلصة من عيوني



حبيبة قلبي كلمات والله في غاية الروعة

وصادقة مثل ما تعودتك

انت يا ميــرو بتعرفي اديشني بحبك

والله العظيم كلمة بحبك بحسها كتييير قليلة على الشعور اللي في قلبي ناحيتك غاليتي

اي نعم زعلت منك

اي نعم بكيت بسبب زعلي منك

بس انت بتعرفيني مبشيلش في قلبي

وابدا ما راح اترك شي تافه متل هاد يفرق بينا نحنا الحبايب

يمكن شدة حبي لالك هو اللي زعلني منك

فمشان هيك لا تاخدي ببالك

اسيرة هيك بس بردو بسرعة بترجع وبتعتذر كمان

وهلا بعتذر لك اني صار مني اشي دايقك

حبيبة قلبي ولا يهمك

وبجد بجد مهما حكيت ما راح اوفي هالموضوع حقو

وراح اضل دايما ادخل عليه واقراه لانو صحيح ما بينشبع منو

لا ولا الانشودة كانها بتحكي عنا

الله يسعدك يارب

وانا هيني معكم الى ان يشاء الله

ومادامني معكم اطلبو اي شي قبل مروح

حبيبتي يا ميرو بجد مش عارفة شو احكي

يارب يارب يجمعنا بالجنة يارب

[اسيرة النجوم]

/// ســــــــــامحيني ///

مش بيننا يا ميرو والله مش بيناتنا

[اسيرة النجوم]

المشاركة الأصلية كتبت بواسطة أميـرة فلسطيـن يشرفني ان اكون اول من يرد على موضوعك الرائـــع

ما شاء الله سلمت اناملك ..

والله يزيد المحبة بينكم..

أسيرة بجد انسانه رائعه وبتستحق المزيد لسا ..

قلبها كبير وطيب كتير !!

لو بدي ضل اكتب ما بخلص لبكرة !!

بس انا زعلانه منها شوي :( دبه..

يسلموو ايديك صاحبة القلم الحزين

موضوع رائع



كل الاحترام والتقدير لكِ

حبيبتي يا اميرة

ليش زعلانة مني بس

احكيلي ليش زعلانة وانا ابرء نفسي من التهمة

الله يسعدك يارب ويهنيك

وهاي بوسة على راسك مشان ما تضلي زعلانة

ولووو مو اسيرة الللي تزعل الناس منها

وهاي احلى بوسة مرة تانية ممموووووووووووووووووووواااااااااااا ااااح

خبيها عندك لوقت اللزوم لحسن تخطفها منك صاحبة القلم الغالي