لكي نستفد من تجاربنا جميعاً

[هادي]

مرحبا
موضوع فكرتو بسيطه جداً بس مفيد للجميع جداً جداً جداً ..
كل عضو أو عضوه بالمنتدى بيحكي تجربه عاشها، وشو تعلم منها؟؟؟ ومش شرط إنو تكون تجربه شخصيه، يعني ممكن نشوف موقف ونتعلم منو درس .. ورح أبلش أنا بقصة واحد فلسطيني اسمه أحمد ومقيم في أمريكا ، وفي أحداث الحادي عشر من سبتمبر ( تفجر البرجين) أحمد كان موجود بقرب الإنفجار وشاف عجوز مسن بيطلب المساعده.. ما تردد أحمد خاطر بنفسه وأنقذ العجوز، مع العلم إنو إبن العجوز كان واقف بيتفرج وما تقدم حتى ينقذ أبوه!!!!!!
بعد مرور أسبوع تم اعتقال أحمد وبقي في التحقيق لمدة شهرين، وبعد ثبوت برائته أُفرج عنه، ولكن مع الأسف أصبح أحمد فاقد للذاكره، بعد تعرضه لإتجاج دماغي أثناء التحقيق ..
طبعاً استنجت من القصة إنو الشهامه والشجاعة زي الكريات البضا بتسري في دم العرب، وكمان استنتجت: إن أنت أكرمت الكريم ملكته وإن أكرمت اللئيم تمردا..

[هادي]

يا عالم .. يا ناس .. والله الموضوع حلو ..

[S M S]

الي رجعة ..

[نسرينا الفلسطينيه]

موضوع حلو كتير

الي رجعة لما اتزكر قصه^^

يعطيك العافيه

[جرحٌ بملامح انسان]

الموضوع رائــعــ

طيب رح أحكي قصة شخص قعد 9سنوات ما يخلف

بعد ال9 سنوات اجاله ولـد
هاد الولد عاش 6 شهور وبعدها مات

الكل كان متوقع من الرجال انه ينجلط ولا يصيرله شي

هاد الرجال أخد الموضوع بصدر رحب كونه قضاء من ربنا وكمل حياته
بعد شهرين بالزبط كانت مرته حامل
ولو تعرفوا شو كان في بطنها ما تصدقوا













طلعت حامل ب 5 أطفال توأم
3 اولاد و2 بنات

ما وستعتوا الدنيا من الفرحة
وذبح طبعا 3 عجول ^, ^

وهيهم هلأ اولادوا عاملين حرب بالبيت

هاد الشب بيكون ماخد اخت صاحبي
وهو معاه فلوس بيوزعوا على كل العالم بس كان ناقصه الخلفة وهلأ زبطت معه

بس اللهم صلي على النبي على اولاده كلهم احلى من بعض ودمهم خفيف

استنتجت انه ربنا اذا احب عبدا ابتلاه

وأن الله يمهل ولا يهمل


تسلم أمجد على الموضوع ^ ^

[هادي]

يسلمو جرح بملامح إنسان .. قصة رائعه .. بتزكرني بقصة زكريا عليه السلام .. ربنا دايماً بجازي الصابرين ..