حط حالك في مكان ابو مازن؟

[ادهم اللداوي]

المشاركة الأصلية كتبت بواسطة AMJAD لو حطيت حالي محل أبو مازن .. رح أستنكر العمليات والصواريخ إللي ضد المصلحة الوطنية العليا ... وكمان رح أضطر أمشي مع اليهود بعملية سلام ولو كانت نتائجها معروفه ( يعني تمشياً مع السياسية الدوليه) وحتى ما حد ياخد على خاطره منا - الأوربيين مثلاً- وحفاظاً على بروتوكول الرئاسة الفلسطينية، وحفاظاً على كيس الطحين الذي تقدمه لنا وكالة الغوث مشكوره ..
لو كنت محل أبو مازن بكون مضطر أستقبل بوش في رام الله، ولو كلفت حمايته كل ميزانيته السلطة الحالية، لا لسه الأحلى ال سي آي إيه بدهم خارطه لشبكة ال الصرف الصحي برام الله .. خايفيين من القاعدة .. بيفكروا المجاري عندنا زي أمريكا بتمشي فيها سيارات!!!!!!!!
يعني باختصار بكون مضطر اعمل لبوش دعاية انتخابية - زي ما بدو واكتر-
كل هاد الكلام مش جوابي الحقيقي ..
جوابي الحقيقي لو كنت محل أبو مازن بسمع كلام فاروق القدومي بعد اغتيال أبو عمار وبحل كل اجهزة السلطة وبدعو فتح لتحمل مسؤوليات الإنتفاضة إللي أعادها أبو عمار .. على الأقل وفاءاً لذكراه

يا اخي والله كل كلامك صحيح
بس شو الفايدة من هالاعلان
هل بتعود النا هوية زي ما النا هلاليام
هل بيكون عندك اسم فلسطين
هل بيكون عندنا اعتراف دولي فينا كقضية سياسية مش قضية لاجئين
برضه انا احترم وجهة نظرك
بس لازم نشوف شو المكسب والمخسر من متل هيك اعلان

هل لو اعلن حل السلطة اسرائيل مش راح تتنصل من كل الالتزامات وتدخل ترمي كل واحد دخل بعد السلطة الى الشارع
وكل مؤسسات البلد بتصير مستباحة