:: للمغتربين .. اتفضلوا وفضفضوا ::

[نابلسية كححح]

ريما ان معك بهادي الشغله بس بلدوو الوااحد مافي زيها و قراايبينوو الا ازا انتي عندك قراايب هنااك يمكن غيير ..

[Pink Rose]

المشاركة الأصلية كتبت بواسطة شهيدة الاقصى انا فلسطينية متغربة بالامارات
انا بعشق شي اسموا فلسطين بموووووووووووووووووووووووووت باراضيها
بس كمان بحب الامارات كتيير لاني ولدانه فيها ومستقرة فيها وكل شي فيها
بس بالاجازة بزور فلسطين وبقضي احلى اوقاتي فيها
يعني بصراحة انا بحب البلدين بس البلد الاساسي غير

معاكي حق بكلامك البلد الاساسي بيضل مختلف

وبرده اهم شي انه حياتك مستقرة بالامارات وربي يوفقك

شكرا الك على مرورك شهيدة الاقصى

[Pink Rose]

المشاركة الأصلية كتبت بواسطة أحلى مايا كل واحد يكتب البلد الي مغترب فيها ..

انا عايشة بالامارات (ابوظبي )

وشو رأيه فيها " عيوبها وحسناتها " ؟

الامارات بالنسبة الي بلدي بصراحة لانو الله خلئني فيها وعرفتها اكتر ما عرفت فلسطين حسناتها ولله انها بلد غير شكل مش لانو عايشي فيها لانو عنجد حاويي كتير جنسيات وخاصة الفلسطنية في الكل مكان الحمدلله ومابنكر انها بعهد الشيخ زايد الله يرحمو كتيير تغيرت علينا

عيوبها انو كتير بمنو علينا نحنا علمناكو وعالجناكو وووو كلو بلاش طبعا هادا ايام الشيخ زايد مش هلا

هلا كل شي بفلوس وفي اشياء تانية بس هلا مش ببالي الحلو فيها بردو انو شغل بابا وماما هون الحمدلله منيح والحياة هون بردو فرفشة كتيير حلوة يعني
وهل بيشعر بانتماء لهذه البلد سواء كان مغترب للدراسه او العمل ؟

بصراحة بحس بانتماء الها يعني مابرضى حدا يغلط عليها او يحكي عنها بشي مش منيح بضل انو تربيت فيها وما اعتقد انو رح ائدر اعيش ببلد غيرها وفلسطين لو بعيش فيها رح تكون كتيير صعبة علي وانا بصراحة بنبسط فيها لما انزل زيارة بس

وشو الاشياء الي بحس بنقص فيها وبفتقده بالبلد الي مغترب فيه ؟

كل شي بنستعملو بنحسو محسوب علينا واي شي بنعملو بنئول مش بلدنا

بنفتقد لارض نحنا نكون عايشين عليها عشان هي ارضنا متل اي مواطن عايش على ارضو وبحسها عنجد ارضو
يعني باختصار كل الاعضاء المغتربين يحكوا كل اللي في بالهم عن البلد

اللي مقيمين فيها او اي شي بييجي في بالهم وهم في بلاد الغربة ..


مممم ما بئول غير الله يفرجها ونرجع لبلادنا يارب وهي محررة ونئدر ندخل عليها متلنا متل اي واحد بدخل وطنو

يسسلمو الك كتيير على الموضوع الرووعة

آمين يا رب والله يسمع منك ..

شكرا كتير حبيبتي على ردك الحلو

وان شاء الله موفقة بحياتك

[Pink Rose]

المشاركة الأصلية كتبت بواسطة قمر الخليل

حبيبتي دموع


بتهون والله

واكيد الا ما نرجع ويرجع كل لاجيء

لا تنسي انو الفلسطينين همي الي عمرو نص العالم العربي

هون بالامارات كل المهندسين والدكاترة ودكاترة الجامعات اغلبهم فلسطينين

الاردن 80 % من سكانها فلسطينين وهمي الي عمروها

لبنان سوريا العراق مصر كلوووووووووو

بتهون حبيبتي النا الله احنا

معاكي حق عنا بالاردن اغلبها فلسطينين وهم فعلا اللي عمروها

والمشكلة ما في حدا بيعترف بهالشي

بس زي ما قولتي إلنا الله وما بدنا اكتر من هيك

[نابلسية كححح]

الحان الحريه كلامك عيين العقل زي والله

[Pink Rose]

المشاركة الأصلية كتبت بواسطة إسراء الفلسطينية الدنمــــارك !!




كونــي خلقت بلبنان ،، بس بعتبر الدنمارك البلد يلي نشأت فيها لانو اجيت عليها من انا و صغيرة ،،

كنت بتمنى لو ما سافرنا على الدنمارك و ضلينا بلبنان

بس للاسف هاد يلي صار

و الحمد لله على كل شيـئ :)

اولاً متل ما بتعرفو الدنمارك بلد اجنبية ،، و للاســف بلد غير مسلمــة ،

و هاد طبعاً بأسر على المسلمين يلي عايشين فيها

لانو النا عادات و تقاليد غيرهم هني بتاتاً

و هني بدهن يانا نمشي وراهم و نعمل متل ما بدهم !

بس الحمد لله الاكتريه هون عاقلين ،، و متعلقين بدينهم

لكن للاسف في نسبه قليله ،، اتبعوا عاداتهم و تقاليدهم ،، و الصراحه بحزن عليهم كتير

لانو باعوا دينهم بهل سهوله !

الحقيه ما بعرف كيف بلد اجنبيه تعمل فيهم هيك !!

الله يهديهم يارب

اه و كمــان الطقس ،، بضــل بارد صيف و شـتا !!

كتيـــر كئـــابة هل بلد ،، خصوصي بالشتــا <<< ما بعرف شو اجى ع بالي احكي عن الطقس ،، بس قد ما انا متعقده من هل امر ^^

،،

الشغله اللي منيحه انو بلد آمنه ،، و ما فيها مشاكل !

و كل واحد حر بحالو ،، و ما ملتزم انو يعمل اي شي هوي ما بدو ياه ،،

و بحس انو في كتير امور مسّهله ،، بالنسبه للبلاد العربيه ،، مثلا الدراسه العلاج و كتير اشياء تانيه ،،




الصراحـــة مش كتيـــر !

يمكن لو كانت بلد عربيه اه ،، بس اجنبيه لا ،،

لانو صعبه كتير ،، انو الواحد يتعلق ببلد ،، غير عنا تماماً !!





كتيـــــــر اشيــــاء !!!

في نقص بإنو المسلمين كلهم يكونوا ايد وحده

خصوصي لاننا ببلد اجنبيه و منتعرض للعنصريه من قبل الغير مسلمين

و طبعاً الغربه صعبه مهما كانت ،، يعني بيكفي انو الواحد بعيد عن اقاربو و احبابو و اهم شي عـن وطنـــــو :(





ما بقول الا الله يفرجها علينا و يلم الشمل

لانو الغـــربه صعبــه كتير و بدها صبر :(

و مهما صار ما في اي شي بيقدر يعوضنا عن فلسطين او ينسّينا ياها ،،

حتى لو اننا بعاد عنها بس بضل بقلوبنا والله !!

،،،


شكرا كتير حبيبتي على الموضوع الحلو

يعطيكي الف عافيه :)

الله بعين

وفعلا البلد الاجنبي برده بضل غير وصعب التأقلم معه

اما الجو برد عند الكل .. انا هون متجمدة كمان ^^

يعني الحال من بعضه ^_*

والله يعافيكي يا احلى اسراء ... يسلمو على مرورك

[Pink Rose]

أنا مغتربة بالامارات ...
الصراحه هي بلده حلوة
و انا بحبها
بس كمان ما بشعر بالانتماء الها
لانها بتضل مش بلدي
اهل البلد طيبين و مناح كتير
بيكفي انهم عرب و مسلمين
بس في منهم مرات بيدايقوني او بيحسسوني انه انا انسانه غير مرغوب فيها ببلدهم
طبعا مو كلهم
قليل منهم هيك ...
و بالمناهج الجديدة صرت ادرس ضد نفسي بمادة التربية الوطنية ...
دروسنا اغلبها عن مكافحه العماله الوافده ...
و مكافحه الوافدين ...
بس كمان هي بلد كتير حلوة مع انه مافيها شتا كتير
بس فيها دين يعني الناس اللي فيها كتير منهم متمسكين بالاسلام ...
و الحاله الاقتصادية هون منيحه
كمان في امن و استقرار و الحمدلله
بحب هالبلد أنا كوني انولدت فيها و عشت فيها طول عمري ^^
بس اكيد بتمنى ارجع لبلدي
اللي ما حدا راح يقدر يذلني فيها و يحكيلي انتي ببلدنا ...
و بموت بفلسطين
بتمنى ع الاقل ازورها
او المس ترابها ...
الله يفرجها علينا يا رب

آمين يا رب وان شاء الله تزوري فلسطين قريب

ادعيلي انا كمان ازورها :( لاني ما زرتها ولا مرة ونفسي ازورها واشوفها

اه نسيت
يعطيكي العافية بينك روز ع الموضوع الحلو
بصراحه موضوعك اجا ع الوجع ..
عنجد فشيت اللي بقلبي
يعطيكي الف عافية ^^

الله يعافيكي حبيبتي والحمد لله ان الموضوع عجبك

الموضوع منور بوجودك وردك الحلو

[Pink Rose]

المشاركة الأصلية كتبت بواسطة ابو مالك الفلسطيني انا حاس حالي مغترب ببلدي

الله بعين وان شاء الله بتفرج

شكرا الك ابو مالك على مرورك

[سيف الاسلام]

يسلمو يا بنك روز يا مفجرة قنبلة الاغتراب
سبحان الله يااا جماعه... اجد الذين في فلسطين يغتربون فيهااا واجد المغتربون يتشاعرون فيهااا..

قال تعالى ..لقد خلقنا الانسان في كبد... اي ان الانسان يبقى يصارع الحياه حتى تقوم الساعه

فكل البشر تتذمر من وجودهاا ولا احد يرتاح الا عند اول قدم بالفوز الكبير ... اسال الله ان يجعلكم ممن يغترب عن الدنياا ليفوز بالاخره

[Pink Rose]

المشاركة الأصلية كتبت بواسطة ريمة

البلد الي مفتربة فيها هي الامارات

"

عيوبها وحسناتها " ؟

انا بعتبر الامارات بلدي التاني وبحب العيشة فيها كتيير وما بئدر اتخيل حالي حعيش في بلد غيرها "طبعا ما بئصد اني ما بحب بلدي الاصلي" لاني تعودت عليها كتيير. عيوبها : انو تغيرت كتيييير بعد موت الشيخ زايد الله يرحمو وصار الغلا فيها بشكل مش طبيعي واحيانا مواطنينها بمننو علينا والشي الي بكرهو فيها طريقة التعليم لانو بجد صااار هون التعليم صعب كتيير وفي شغلات غير هادول طبعا. حسناتها :الحمدلله كل شي متوفر فيها يعني اي شي الواحد بتمنى يعملو او يشوفو او يروحلو الحمدلله متوفر هون وبرضو في شغلات كتيييرة منيحة في هاي البلد.

وهل بيشعر بانتماء لهذه البلد سواء كان مغترب للدراسه او العمل ؟

بشعر بانتماااء كبير الها بس انا مغتربة فيها من اول ما انولدت يعني ماما وبابا هما الي مغتربين للشغل فيها وبس

وشو الاشياء الي بحس بنقص فيها وبفتقده بالبلد الي مغترب فيه ؟

بفتقد لشي واحد هو انو هون الناس قليل لما تعرف بعضها حتى الي ساكنيين بنفس البناية بعكس فلسطين يعني لما اروح هناك بلائي الناس الي ساكنة جنب بعضها كتيير بعرفو بعض

يسلمو ريمة على ردك الحلو

والمهم انك عايشة حياة حلوة هناك والله يوفقك يا رب